تيانشان تورابى   ›   ۇيرەنۋ   ›   شولۋ

ناقتى ىسكەرلىكپەن جارقىن بولاشاققا جول اشايىق

  − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى باستاپ، فورماشىلدىقتى، تورەشىلدىكتى قاتاڭ تيعاندىعى جونىندە جالپى شولۋ

  شينحۋا اگەنتتىگىنىڭ تىلشىلەرى حۋاڭ شياۋشي، ديڭ شياۋشي، لين حۇي

  ستيل ماسەلەسى حالىقتىڭ قۇپتاۋ - قۇپتاماۋىنا سايادى، پارتيانىڭ بيلىك جۇرگىزۋ نەگىزىنە سايادى.

  جۇڭگو كوممۋنيستىك پارتياسى ورتالىق كوميتەتىنىڭ كەڭسەسى جۋىقتا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى شىعارىپ، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن ورتاعا قويىپ، قالىڭ نەگىزگى ساتى كادرلارى نازار اۋدارىپ وتىرعان ماسەلەلەرگە جاۋاپ قايتارىپ، كوپشىلىكتى ناقتى ىسكەرلىكتى دارىپتەپ، جاۋاپكەرشىلىك ارقالاپ، ءىس تىندىرۋعا ىنتالاندىردى.

  بۇكىل قوعامدا قىزۋ اڭىس قوزعاعان وسى حابارلاندىرۋ پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتياداعىلاردىڭ جوعارىدان تومەنگە دەيىن فورماشىلدىقپەن، تورەشىلدىكپەن باتىل كۇرەسىپ، ”ءتورت تانىم“دى كۇشەيتەتىن، ”ەكىنى قورعاۋ“دى ورىندايتىن باتىل ەرىك - جىگەرى مەن ارەكەت سانالىلىعىن ايگىلەدى.

  2019 - جىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى. فورماشىلدىقتاعى كورنەكتى ماسەلەلەردى شەشىپ، كادرلاردى ءمان - ماعىناسىز ىستەردەن بوساتۋ، قالىڭ كادرلاردى كۇش - قايراتتى ءۇش ۇلكەن قامال الۋ شايقاسىن ويداعىداي جۇرگىزۋگە، جوعارى ساپالى دامۋدى ىلگەرىلەتۋگە جۇمساۋعا، حالىق كۇتكەن جاڭا ناتيجە جاراتۋعا، جۇڭگو دامۋىنىڭ جاڭا كەرەمەتىن جاساۋعا قۇلشىنۋعا ىنتالاندىرارى ءسوزسىز.

   بۇل − تالماۋ جەرىن ءداپ باسقان، ايبىنى اسقاق تەرەڭ ەسكەرتۋ

  ”ءىز بويىنشا باسقارۋ“ ءبىرشاما كەڭ جالپىلاسقان، ءبىراق، ”ءىز“گە ءمان بەرىپ، ”ناتيجە“گە ءمان بەرمەيدى، ”ءىز“ قالدىرعانمەن ”سۇيىسپەنشىلىك“ قالدىرمايدى؛ تەكسەرۋدىڭ، باعالاۋدىڭ ءتۇرى كوپ، اسىرە ءجيى جۇرگىزىلەدى، ءار جاقتان قايتالانادى؛ ”حۇجات باستىلىق، ءماجىلىس باستىلىق“ قايتا باس كوتەردى...

  2018 - جىلى 11 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى 10 - رەتكى توپتىق ۇيرەنۋىن وتكىزدى. ۇيرەنۋدى باسقارعان كەزدە، باس شۋجي شي جينپيڭ كادرلاردىڭ كوپ ۋاقىتىن يەلەيتىن، كوپ زەيىن - زەردەسىن، كۇش - قايراتىن جۇمسايتىن، ونىمەن قويماي، فورماشىلدىقتى، تورەشىلدىكتى ورشىتەتىن ماسەلەلەردى تالماۋ جەرىنەن ءداپ باسىپ كورسەتىپ بەردى.

  ”مۇنداي جاعدايدى، ءسوز جوق، وزگەرتۋ كەرەك“، ”كادرلاردى كەيبىر ءمان - ماعىناسىز ىستەردەن ارىلتۋ كەرەك“... اسقاق ايبىندى سوزدەر باس شۋجي شي جينپيڭنىڭ ەسكىلىكتى اۋرۋ، ءسىڭىستى سىرقاتتاردى الاستايتىن باتىل بەكىمىن جانە كادرلارعا كوڭىل بولەتىن تەرەڭ سۇيىسپەنشىلىگىن تولىق ايگىلەدى.

  مىڭ ءجىپ ءبىر ينەگە ساباقتالادى. نەگىزگى ساتى − ساياساتتاردى تياناقتاندىرۋدىڭ شەشۋشى بۋىنى.

  نەگىزگى ساتى ءدوپ كەلگەن فورماشىلدىقتىڭ، تورەشىلدىكتىڭ اۋرەسى الدىندا، باس شۋجي شي جينپيڭ قىلپىنان ءمانىن، دامۋ بەتالىسىن باعامداپ، اسقان كورەگەندىكپەن ءبارىن بارلاپ ءبىلدى.

  ”كەيبىر نەگىزگى ساتى كادرلارى ءتۇرلى كەستەلەردى تولتىرۋمەن قاربالاستانىپ، ۇستەمە جۇمىس ىستەيتىن، ءتىپتى قىستاققا بارىپ، وتباسىلارىن ارالاپ تەكسەرۋ - زەرتتەۋ جۇرگىزەتىن، ناقتى ءىس بىتىرەتىن ۋاقىت تاپپايتىن بولدى“. 2017 - جىلى 6 - ايدا باس شۋجي شي جينپيڭ اۋىر كەدەي وڭىرلەردى كەدەيلىكتەن ارىلتۋدان قامال الۋ جونىندەگى اڭگىمە ماجىلىستە بىلاي دەپ باسا دارىپتەدى: كەدەيلىكتەن ارىلتۋدان قامال الۋ قىزمەتىن شىنايى، ناقتى ىستەۋ، بارلىق قىزمەتتى كەدەي بۇقارانىڭ ناقتى ماسەلەسىن شەشۋگە تياناقتاندىرىپ، فورماشىلدىقتان شىنايى ساقتانۋ، ءمانسىز دالباسالىققا سالىنباۋ، باسى ارتىق ىستەرمەن شۇعىلدانباۋ، كوزبوياۋشىلىق ارەكەتتەرگە بارماۋ كەرەك.

  بوس ءسوز مەملەكەتكە كەسىرىن تيگىزەدى، ناقتى ىسكەرلىك مەملەكەتتى گۇلدەندىرەدى.

  فورماشىلدىق، تورەشىلدىك دەگەن نە؟ باس شۋجي شي جينپيڭ ونىڭ شىنايى ءمانىن كورسەتىپ بەردى.

  − فورماشىلدىقتىڭ ءمانى − سۋبيەكتيۆيزم، پايداكوستىك، تامىرى − قىزمەت ناتيجەسى كوزقاراسىنىڭ بۇزىلۋى، جاۋاپكەرشىلىك سەزىمنىڭ كەمشىل بولۋى، تىڭعىلىقتى تياناقتاندىرۋدىڭ ورنىن دابىرالى فورمالارمەن باستىرۋ، قايشىلىقتار مەن ماسەلەلەردى جىلتىراعان بۇركەنىشپەن جابۋ.

  − تورەشىلدىكتىڭ ءمانى − فەودالدىق سارقىن يدەيانىڭ كەسىرىنە شالدىعۋ، تامىرى − ءمانساپ قۇدىرەتى يدەياسىنىڭ اۋىرلاسۋى، بيلىك كوزقاراسىنىڭ بۇرمالانۋى، ءمانساپ الىپ، تورە بولىپ، ءوزىن جوعارى قويىپ، بۇقارادان قول ءۇزۋ، ءىس جۇزىندىكتەن قول ءۇزۋ.

  پارتيا 18 - قۇرىلتايىنان بەرى، باس شۋجي شي جينپيڭ فورماشىلدىقتىڭ، تورەشىلدىكتىڭ زالالىن قايتا - قايتا باسا دارىپتەدى. ”فورماشىلدىق، تورەشىلدىك پارتيامىزدىڭ سيپاتىمەن، ماقساتىمەن جانە تاڭداۋلى داستۇرىمەن مۇلدە وتاسپايدى، ول پارتيامىزدىڭ ۇلكەن جاۋى، حالقىمىزدىڭ ۇلكەن جاۋى“. بۇل بۇكىل پارتياعا ساقتىق دابىلىن قاقتى.

  ءارقاشان تالىقپاي مىقتى يگەرىپ، العان بەتتەن قايتپاي جالعاستىرا بەردى.

  پارتيا 19 - قۇرىلتايىنان كەيىن، ستيل قۇرىلىسى فورماشىلدىق، تورەشىلدىك ماسەلەسىن شوعىرلى رەتتەۋ - جونگە سالۋ بارىسىندا تەرەڭدەدى.

  2017 - جىلى 12 - ايدا باس شۋجي شي جينپيڭ شينحۋا اگەنتتىگىنىڭ «فورماشىلدىقتىڭ، تورەشىلدىكتىڭ جاڭا بەينەلەرىنەن ساق بولايىق» دەگەن ماقالاسى جونىندە نۇسقاۋ بەرىپ، ”ءتورت ءتۇرلى بۇرىس ستيل“دى تۇزەتۋدى توقتاتىپ قويۋعا بولمايتىندىعىن، ستيل قۇرىلىسى ماڭگى جالعاساتىندىعىن ىشكەرىلەي اتاپ كورسەتتى. ول جەر - جەردەن، تاراۋلاردان قىزمەت بەينەلەرىن سالىستىرىپ، پارىقتاردى تاۋىپ، باستى قايشىلىقتاردى مىقتى ۇستاۋدى، اسىرەسە، پوزيتسيا بىلدىرگەندە داۋىسى زور، ارەكەتى از، تياناقتاندىرۋى ناشار بولۋ سياقتى كورنەكتى ماسەلەلەرگە باعىتتاي وتىرىپ، توتەنشە مىعىم شارالار قولدانىپ، تىڭعىلىقتى تۇردە وزگەرتۋدى تالاپ ەتتى.

  باس شۋجي شي جينپيڭ كادرلاردى باسقارۋدا ۇستاۋعا باتىل، باسقارۋعا شەبەر بولىپ، دالمە - ءدال شارا قولدانۋدى، ۇيىمنىڭ كۇشىن ايگىلەۋمەن بىرگە، ارقا تىرەك بولىپ، دەم بەرۋدى، قامقورلىق كورسەتىپ، كەڭشىلىك ەتىپ، ۇيىمنىڭ قامقورلىعىن ايگىلەۋدى باسا دارىپتەدى.

  قاتاڭ باسقارۋمەن بىرگە ىقىلاستى قامقورلىق تا كورسەتتى، ءوز باسىنان ونەگە كورسەتۋمەن بىرگە، ايقىن بەتالىس تا نۇسقادى... شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قالىڭ پارتيالى كادرلار فورماشىلدىقتى، تورەشىلدىكتى قاتاڭ تيۋدان قامال الۋ شايقاسىن باستادى.

   بۇل − ستيلدى مىقتى يگەرىپ، ءسىڭىستى سىرقاتتى الاستاۋدىڭ باتىل بەكىمى

  بيىل جىل باسىندا اشىلعان ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە، باس شۋجي شي جينپيڭ فورماشىلدىقتى، تورەشىلدىكتى قاتاڭ تيۋدى ماڭىزدى مىندەت ەتۋدى، ءونىمدى، ىسكە جارامدى رەتتەۋ - جونگە سالۋ شارالارىن العا قويۋدى باسا دارىپتەدى.

  اۋرۋىنا قاراي ءدارى بەرىپ، نىسانانى كوزدەي وتىرىپ قامال الدى. باس شۋجي شي جينپيڭنىڭ تىكەلەي ىلگەرىلەتۋىندە جانە ورنالاستىرۋىندا، فورماشىلدىقتىڭ، تورەشىلدىكتىڭ ءسىڭىستى سىرقاتىن قاراۋىلعا العان ءبىر قاتار شارا ىركەس - تىركەس ورتاعا قويىلدى.

  جوعارى ارقىلى تومەنگە جەتەكشىلىك ەتىپ، ساتى - ساتى بويىنشا جەتكىزدى −

  قازدار توبىن باستاپ باسشى قاز بيىك سامعادى. باس شۋجي شي جينپيڭ ”پارتيا ورتالىق كوميتەتىنىڭ ساياسي بيۋروسىنداعى جولداستار باستاماشى بولىپ فورماشىلدىقتان، تورەشىلدىكتەن اۋلاق بولۋمەن بىرگە، فورماشىلدىقتىڭ، تورەشىلدىكتىڭ ءتۇرلى بەينەلەرىمەن باتىل كۇرەسۋلەرى كەرەك“ دەگەن ايقىن تالاپ قويدى.

  پارتيا ىشىندەگى ”شەشۋشى ازشىلىق“تان باستاپ ىستەدى، ورتالىق پەن مەملەكەت ورگاندارىنىڭ قاتىستى تاراۋلارىنان باستاپ ىستەدى.

  «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ» اتتاپ وتۋگە بولمايتىن قاتاڭ شەكتەمەلەر، ناقتى شارالار العا قويدى: ”ورتالىق دەڭگەيىنەن باستاپ ىستەپ، ساتى - ساتى بويىنشا حۇجاتتار مەن ماجىلىستەردى زور كولەمدە ىقشامداۋ، اۋدان دارەجەلىدەن تومەن ورىندارعا جىبەرگەن حۇجاتتاردىڭ، اشىلعان ماجىلىستەردىڭ %30 − %50 ازايۋىنا كەپىلدىك ەتۋ كەرەك“، ”ورتالىق باسىپ تاراتقان ساياساتتىق حۇجاتتار پرينسيپتىك جاقتان 10 بەتتەن اسپاۋ، جەرگىلىكتى ورىندار مەن تاراۋلار دا وسى بويىنشا قاتاڭ يگەرۋ كەرەك“...

  اۋىر سوققى بەرىپ، بىردەن ىسكە كىرىسىپ، دەرەۋ تۇزەتتى −

  2018 - جىلى 4 - ايدا باس شۋجي شي جينپيڭ حۋبەيدە قىزمەت تەكسەرگەندە مىنالاردى اتاپ كورسەتتى: فورماشىلدىقتى، تورەشىلدىكتى قاتاڭ تيۋدى ستيل قۇرىلىسىن كۇشەيتۋدىڭ ماڭىزدى مىندەتى ەتىپ، شىنايى يگەرەتىن، شىنداپ ىستەيتىن ستيلدى زور كۇشپەن اسقاقتاتىپ، قىزمەتتەردى تىڭعىلىقتى، تايسالماي ىلگەرىلەتىپ، ماسەلەلەردى تاباندا، سوڭىنا دەيىن ناتيجە شىعارا وتىرىپ شەشۋ، قيىن ماسەلەلەردە باتىل يگەرىپ، باتىل باسقارۋ، باتىلدىقپەن جاۋاپكەرشىلىك ارقالاۋ كەرەك.

  2018 - جىلى 9 - ايدا ورتالىق ءتارتىپ تەكسەرۋ كوميتەتى كەڭسەسى باسىپ تاراتقان «باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، فورماشىلدىقتى، تورەشىلدىكتى شوعىرلى رەتتەۋ - جونگە سالۋ جونىندەگى قىزمەت پىكىرى» فورماشىلدىقتى، تورەشىلدىكتى رەتتەۋ - جونگە سالۋدى ستيل دۇرىستاپ، ءتارتىپتى قاتايتۋدىڭ، ”ءتورت ءتۇرلى بۇرىس ستيل“ گە قارسى تۇرۋدىڭ ماڭداي الدى مىندەتى، ۇزاق مەرزىمدىك مىندەتى ەتىپ، جاۋاپكەرشىلىك ارقالاماۋ، جۇمىس تىندىرماۋ، سوز بۇيدالىققا سالىنۋ، بەتالدى ىستەۋ، وتىرىك ىستەۋ سياقتى وڭاي جازىلمايتىن دەرتكە وتكىر قىلىش سەرمەدى.

  پارتيا ورتالىق كوميتەتى قاتاڭ تەكسەرىپ، ءبىر جاقتى ەتكەن چينليڭ تاۋىنىڭ سولتۇستىك باۋرايىنىڭ شي - ان اۋماعىنداعى بەلگىلەمەگە قايشى سالىنعان ساياجاي ماسەلەسى ساياسي ءتارتىپ پەن ساياسي قاعيداعا اۋىر دارەجەدە قايشىلىق جاساعان تيپتىك ماسەلە، ول كەيبىر باسشى كادرلاردىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋدا ناقتى جۇمىس ىستەمەگەندىگىن، كوڭىل قويماعاندىعىن، كۇش سالماعاندىعىن، فورماشىلدىقپەن ات ءۇستى قاراپ، تورەشىلدىككە سالىنىپ، ءىس تىندىرماعاندىعىن كورسەتتى.

  ”تالماۋ جەرىن“ شەشىپ، ىرىق بەرىپ، جىگەرلەندىردى −

  2018 - جىلى جۇڭگو كوممۋنيستىك پارتياسى ورتالىق كوميتەتىنىڭ كەڭسەسى «قۋزاپ تەكسەرۋ، تەكسەرۋ، باعالاۋ قىزمەتىن ءبىر تۇتاس جوسپارلاۋ، ارناعا ءتۇسىرۋ جونىندەگى حابارلاندىرۋ»دى باسىپ تاراتىپ، قالىڭ پارتيا مۇشەلەرى، كادرلار، بۇقارا اراسىندا قىزۋ اڭىس تۋدىردى.

  سوڭعى جىلدارى قۋزاپ تەكسەرۋ، تەكسەرۋ، باعالاۋ قىزمەتىن ۇزدىكسىز كۇشەيتىپ، شابىتتاندىرۋ، دەم بەرۋ ”ديريجەر تاياقشاسى“ نىڭ رولى پارمەندى تۇردە ساۋلەلەندىرىلدى، ءبىراق ءتۇرى كوپ، جيىلىگى جوعارى بولۋ، ءار جاقتان قايتالانۋ، ىزگە ءمان بەرىپ، ناتيجەگە ءمان بەرمەۋ سياقتى ماسەلەلەر ءومىر سۇرۋدە، جەرگىلىكتى ورىن مەن نەگىزگى ساتىنىڭ مۇرساسى تيمەيدى، جۇگى توتەنشە اۋىر.

  ماسەلە تومەندە بەينەلەنگەنىمەن، تامىرى جوعارىدا. وسى حابارلاندىرۋدا قازىرگى قۋزاپ تەكسەرۋدىڭ، تەكسەرۋدىڭ، باعالاۋدىڭ شەكتەن تىس كوپ، ءجيى بولۋ ماسەلەسىنە مەڭزەس، تۋ باستان يگەرىپ، جالپى مولشەرىن مەڭگەرۋ مەن جوسپارلى تۇردە باسقارۋدى كۇشەيتىپ، نەگىزگى ساتى كادر - بۇقاراسىنىڭ ”تالماۋ جەرى“ن شەشۋدىڭ ءتۇپ نەگىزىن يگەرۋ كەرەكتىگى باسا دارىپتەلدى.

  فورماشىلدىق، تورەشىلدىك ماسەلەلەرىن جونگە سالۋدا ەسكى دەرتتەردى الاستاپ قانا قويماي، سونىمەن قاتار ۇلگى ورناتۋ كەرەك.

  پارتيانىڭ 18 - قۇرىلتايىنان بەرى، ”سەنىمدە تاباندى بولۋ، حالىق ءۇشىن قىزمەت ىستەۋ، ۇكىمەت ءىسىن شوگەلدىلىكپەن ناقتى ىستەۋ، باتىل جاۋاپكەرشىلىك ارقالاۋ، كىرشىكسىز، پاك بولۋ“دان ”ۇشتە قاتاڭ، ۇشتە شىنايى بولۋ“عا، ”پارتيانى كوكەيدە ساقتاۋعا، حالىقتى كوكەيدە ساقتاۋعا، جاۋاپكەرشىلىكتى كوكەيدە ساقتاۋعا، تيىمدى كوكەيدە ساقتاۋ“عا دەيىن، باس شۋجي شي جينپيڭنىڭ شىنايى تالىمدەرىندە باسشى كادرلاردىڭ باتىل جاۋاپكەرشىلىك ارقالاۋى، ىسكەرلىك كورسەتۋى كەرەكتىگى قايتا - قايتا باسا دارىپتەلدى.

  2018 - جىلى 5 - ايدا جۇڭگو كوممۋنيستىك پارتياسى ورتالىق كوميتەتىنىڭ كەڭسەسى «قالىڭ كادرلاردى جاڭا داۋىردە جاڭا جاۋاپكەرشىلىك ارقالاپ، جاڭا ىسكەرلىك كورسەتۋگە اناعۇرلىم شابىتتاندىرۋ جونىندەگى پىكىردى» باسىپ تاراتىپ، ىسكەرلىككە، ناتيجەگە ءمان بەرەتىن ادام ىستەتۋ بەتالىسىن ايقىن ورناتىپ، باتىلدىقپەن جاۋاپكەرشىلىك ارقالاي الاتىن كادرلارعا شىن مانىندە تىرەك بولىپ دەم بەرىپ، قالىڭ كادرلاردى جاقىسدان ونەگە الۋعا، قايراتتانا العا ۇمتىلۋعا شابىتتاندىرىپ، جاڭالىق اشۋ، ناتيجە شىعارۋدىڭ قۇدىرەتتى بىرىككەن كۇشىن قالىپتاستىرۋدى باسا دارىپتەدى.

  بۇل − جوعارى مەن تومەنگە دەيىن ءبىر نيەت، ءبىر تىلەكتە بولا، جاۋاپكەرشىلىك ارقالاپ ىسكەرلىك تانىتۋدىڭ كۇشتى دابىلى، سەرپىندى قادامى

  بيىل 3 - ايدىڭ 7 - كۇنى تۇستەن كەيىن باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: 2020 - جىلى كەدەيلىكتەن ارىلتۋدان قامال الۋ نىسانالىق مىندەتىن ورىنداۋعا نەبارى 2 جىل ۋاقىت قالدى، ءدال قازىر ەڭ ماشاقاتتى كەز، سوندىقتان، ءسوز جوق، قىزمەتتى تاباندىلىقپەن ويداعىداي ىستەۋ كەرەك، تولىق جەڭىسكە جەتپەيىنشە، استە شەپتەن قايتۋعا بولمايدى، - دەپ اتاپ كورسەتتى.

  كەدەيلىكتەن ارىلتۋدان قامال الۋ ەڭ سوڭعى ساتكە نەعۇرلىم تاياعان سايىن، جۇمىس سەرپىنىن سولعۇرلىم كۇشەيتۋ كەرەك. جۇڭگوعا نازار سالساق، كەدەيلىكتەن ارىلتۋدان قامال الۋدىڭ مايدانىندا شوگەلدىلىكپەن شىنايى ىستەۋدىڭ، ىرىقتىلىقپەن ىسكەرلىك كورسەتۋدىڭ قىزۋ ورلەۋى كوتەرىلدى.

  كەي جەرلەر شارا قولدانىپ ”قاراپايىمداندىرۋ“، ”ءبارىن ءبىر شىبىقپەن ايداۋ“ سياقتى ماسەلەلەردى شوعىرلى تۇردە جونگە سالىپ، جەرگىلىكتى جاعدايعا قاراي وتىرىپ دالمە - ءدال شارا قولدانۋعا تاباندى بولدى؛ كەي جەرلەر كاسىپ، نىسان ارقىلى كەدەيلەردى سۇيەمەلدەۋدەگى، سالالار بويىنشا كومەكتەسۋ - سۇيەمەلدەۋدەگى ستيلدىك ماسەلەلەردى كوزدەي وتىرىپ، كۇندەلىكتى باقىلاۋ ورىستەتتى...

  كەدەيلىكتەن ارىلتۋدان قامال الۋمەن عانا توقتاپ قالعان جوق.

  بيىل 2 - ايدا جياڭشي ولكەلىك حالىق ۇكىمەتى فورماشىلدىقتى، تورەشىلدىكتى تيۋدىڭ 21 تارماقتى شاراسىن باسىپ تاراتىپ اتقاردى. انحۇي، شاندۇڭ، حۋبەي، حۋنان سياقتى جەرلەر دە وسى تەكتەس ادىستەردى قولداندى.

  پارتيانىڭ 19 - قۇرىلتايى جۇڭگو سىندى الىپ كەمەنىڭ العا ىلگەرىلەۋىنە جاڭا جول بەلگىسىن كورسەتتى. جاقسى شارا، جاقسى جوبا جارىققا شىقتى، ەندىگى تەتىك − تياناقتاندىرۋدا.

  2017 - جىلى 12 - ايدا جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى دەموكراتيالىق تۇرمىس جيىنىن اشتى. باس شۋجي شي جينپيڭ: بۇكىل پارتيادا تەكسەرۋ - زەرتتەۋ ستيلىن جاپپاي ساۋلەلەندىرىپ، بۇكىل پارتيانىڭ ناقتى ىسكەرلىكتى دارىپتەۋىن، كوپىرمەلىكتى تيۋىن، دالمە - ءدال كۇش سالۋىن ىلگەرىلەتىپ، رەفورما، دامۋ، ورنىقتىلىق مىندەتتەرىنىڭ تياناقتاندىرىلۋىنا، بۇقاراعا يگىلىك جەتكىزەتىن قىزمەتتەرىنىڭ ناقتى ىستەلۋىنە مۇمكىندىك جاساپ، پارتيا ورتالىق كوميتەتىنىڭ ءىرى باعىت - ساياساتتارىنىڭ جانە شەشىمدەرى مەن ورنالاستىرۋلارىنىڭ نەگىزگى ساتىدا تياناقتانىپ، تامىر تارتۋىن ىلگەرىلەتۋ كەرەك، - دەپ باسا دارىپتەدى.

  تاكاپپارلىقتى تاستاپ، كىشى پەيىلدىلىك تانىتىپ، حالىقپەن ەتەنە بولىپ، ەل - جۇرتتىڭ حال - جاعدايىن ءبىلدى. باس شۋجي شي جينپيڭ ءوزى ونەگە كورسەتىپ، حالىقتىڭ ءۇنىن دەن قويا تىڭداپ، حالىق نازار اۋدارىپ وتىرعان ىستەرگە شىنايى سۇيىسپەنشىلىكپەن جاۋاپ بەرىپ، ءوزىنىڭ بەرگەن ۋادەسىن ءىس جۇزىندىك ارەكەتىمەن ورىنداپ، بۇكىل پارتياعا ۇلگى ورناتتى.

  جوعارىداعى ارەكەتتىڭ ءونىمى تومەندە كورىلدى، جوعارى مەن تومەن ءبىر نيەت، ءبىر تىلەكتە بولدى.

  چاڭجياڭنىڭ وڭتۇستىگى مەن سولتۇستىگىندە، ءار كاسىپ، ءار سالادا قالىڭ پارتيالى كادرلار مىندەتتى ونان ارى ايقىنداپ، كورنەكتى ولقىلىقتار مەن ءالسىز بۋىنداردى مىقتى يگەرىپ، ساياساتتىڭ سايكەستى ىستەرىن كۇشەيتىپ، سەلبەسە قامال الۋدى كۇشەيتىپ، ءتۇرلى نىسانا - مىندەتتەردىڭ ۋاعىندا، ساپاعا كەپىلدىك ەتىلىپ ورىندالۋىنا شىنايى كەپىلدىك ەتۋگە قۇلشىندى.

  جاڭا بورىش جاڭا سىن - سايىس اكەلدى، جاڭا ساپاردا جاڭا ىسكەرلىك بولۋ كەرەك.

  ”قايشىلىقتار الدىندا قيىندىقتان تايسالماي العا ۇمتىلۋعا، داعدارىستار الدىندا كەۋدە كەرە العا شىعۋعا، اعاتتىقتار الدىندا جاۋاپكەرشىلىكتى ارقالاۋعا، بۇرىس ستيل، تەرىس پيعىلدار الدىندا باتىل كۇرەسۋگە باتىلدىق ەتىپ“، ”ىسكە بىردەن كىرىسەتىن ىسكەر بولۋ، وتىرىپ الىپ كوپىرتە سويلەيتىن ءسوز جادىلىققا سالىنباۋ، قيىنشىلىقتاردان قامال الاتىن كۇرەسكەر بولۋ، جاۋىن - شاشىننان قورقاتىن بالشىق بۇرحان بولماۋ كەرەك“... بيىل 3 - ايدىڭ 1 - كۇنى باس شۋجي شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ باستالۋ سالتىندا قالىڭ كادرلاردى اۋىر مىندەتتى بىلەتىن، اۋىر مىندەت ارقالايتىن، قيىندىقتاردان قامال الاتىن ءىس جۇزىندىك ارەكەت ارقىلى، پارتياعا دەگەن ادالدىقتى، حالىققا دەگەن شىن ىقىلاستى تۇسىندىرۋگە جىگەرلەندىردى.

  كادرلاردى ءىس تىندىرىپ ناتيجە شىعارۋعا، جاۋاپكەرشىلىك ارقالاپ ىسكەرلىك كورسەتۋگە ىنتالاندىرۋ ءۇشىن تاماشا راي قالىپتاستىرۋعا تۋرا كەلەدى.

  «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دا بىلاي دەپ اتاپ كورسەتىلدى: ”ءۇشتى پارىقتاۋ“ تالابىن ناقتىلاندىرىپ، كادرلاردىڭ قىزمەت بارىسىندا جىبەرگەن اعاتتىعىنىڭ، قاتەلىگىنىڭ سيپاتى مەن ىقپالىن دۇرىس يگەرىپ، كادرلاردىڭ ءىس تىندىرۋ، ناتيجە شىعارۋ بەلسەندىلىگىن شىنايى قورعاپ، جاۋاپكەرشىلىك ارقالاۋشىلار ءۇشىن جاۋاپكەرشىلىك ارقالاۋ، جاۋاپتى بولعاندار ءۇشىن جاۋاپتى بولۋ كەرەك.

  2019 - جىلى جاڭا جىلعا ارنالعان قۇتتىقتاۋ سوزىندە باس شۋجي شي جينپيڭ تەرەڭ سۇيىسپەنشىلىكپەن بىلاي دەدى: ”نەگىزگى ساتى كادرلارىنىڭ ۇنىنە قۇلاق ءتۇرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن كادرلاردى قارىمدى قايراتپەن العا ۇمتىلۋعا ىنتالاندىرۋ قاجەت“. مەيىرلى قامقورلىق قالىڭ پارتيالى كادرلاردىڭ شەشۋشى ساتتە ونان ارى ىسكەرلىك كورسەتىپ، جاۋاپكەرشىلىك ارقالاۋعا، قايراتتانا العا ۇمتىلۋعا شابىتتاندىردى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتياداعىلار ستيل قۇرىلىسىن تاباندىلىقپەن ىلگەرىلەتىپ، تىڭعىلىقتى تۇردە ءىس تىندىرىپ ناتيجە شىعاردى، ءبىز، ءسوز جوق، جەڭىستەن - جەڭىسكە جەتىپ، جاڭا ساپاردا شىت جاڭا تاراۋلاردى ۇزدىكسىز جازامىز.

  (شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.