ۋاڭ حۋنيڭ قاتىناستى
3 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
يدەيا - ساياسي نازاريا ساباعىن ويداعىداي وقىتۋدا ەڭ ءتۇبىرلىسى پارتيانىڭ وقۋ - اعارتۋ باعىتىن جاپپاي دايەكتىلەندىرىپ، قانداي ادام تاربيەلەۋ، قالاي تاربيەلەۋ، كىم ءۇشىن تاربيەلەۋ كەرەك دەگەن ءتۇبىرلى ماسەلەنى جاقسى شەشۋ كەرەك. پارتيامىز جۇڭحۋا ۇلتىنىڭ ماڭگىلىك ۇلى ىسىنە بەلىن بەكەم بۋدى، ءسوز جوق، ۇرپاقتان - ۇرپاققا جالعاسقان جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن جاقتايتىن، جۇڭگوشا سوتسياليزم ىستەرى ءۇشىن ءومىر بويى كۇرەس جاساۋعا بەل بايلايتىن جارامدى دارىندىلاردى باۋلۋ كەرەك. وسى ءتۇبىرلى ماسەلەدە، ءسوز جوق، تۋ ايقىن بولۋ، استە ءدۇدامال بولماۋ كەرەك.
يدەيا - ساياسي نازاريا ساباعىن جاقسى ءوتۋدىڭ تەتىگى − وقىتۋشىدا، تەتىگى − وقىتۋشىلاردىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرۋدە. يدەيا - ساياسي ساباعى وقىتۋشىلارى وقۋشىلاردىڭ كوڭىلىنە شىنايىلىقتىڭ، ىزگىلىكتىڭ جانە كوركەمدىكتىڭ تۇقىمىن سەۋىپ، وقۋشىلاردى ومىرىندەگى ءبىرىنشى تۇيمەنى دۇرىس تۇيمەلەۋگە جەتەكتەۋ كەرەك. بىرىنشىدەن، ساياسيدا مىعىم بولۋ؛ ەكىنشىدەن، سۇيىسپەنشىلىگى تەرەڭ بولۋ؛ ۇشىنشىدەن، ويى جاڭا بولۋ؛ تورتىنشىدەن، كوز اياسى كەڭ بولۋ؛ بەسىنشىدەن، ءوزىن تەجەۋدە قاتاڭ بولۋ؛ التىنشىدان، ادامگەرشىلىگى دۇرىس بولۋ.
شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى (تىلشىلەر ۋ جيڭ، حۋ حاۋ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 18 - كۇنى تۇستەن بۇرىن بەيجيڭدە مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەپ، بۇكىل ەلىمىزدەگى جوعارى، ورتا، باستاۋىش مەكتەپتەردىڭ يدەيا - ساياسي ساباعى وقىتۋشىلارىنا ىقىلاستى سالەم جولدادى جانە وسكەلەڭ قۇرمەت ءبىلدىردى. ول بىلاي دەپ باسا دارىپتەدى: يدەيا - ساياسي نازاريا ساباعىن ويداعىداي وقىتۋدا، ەڭ ءتۇبىرلىسى، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، قانداي ادام تاربيەلەۋ، قالاي تاربيەلەۋ، كىم ءۇشىن تاربيەلەۋ كەرەك دەگەن ءتۇبىرلى ماسەلەنى جاقسى شەشۋ كەرەك. جاڭا داۋىردە پارتيانىڭ وقۋ - اعارتۋ باعىتىن دايەكتىلەندىرىپ، ماركسيزمنىڭ جەتەكشىلىك ورنىنا تاباندى بولىپ، جاڭا ءداۋىر جۇڭگوشا سوتسياليزم يدەياسىن دايەكتىلەندىرىپ، سوتسياليستىك مەكتەپ باسقارۋ بەتالىسىنا تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋدىڭ حالىققا قىزمەت ەتۋىنە، جۇڭگو كوممۋنيستىك پارتياسىنىڭ ەل باسقارۋىنا قىزمەت ەتۋىنە، جۇڭگوشا سوتسياليستىك ءتۇزىمدى بەكەمدەۋگە جانە دامىتۋعا قىزمەت ەتۋىنە، رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا قىزمەت ەتۋىنە تاباندى بولىپ، وقۋ - اعارتۋدى جۇڭگونىڭ بايتاق دالاسىنا تامىر تارتتىرىپ، وندىرىستىك ەڭبەكپەن جانە قوعامدىق امالياتپەن ۇشتاستىرىپ، وقۋ - اعارتۋدى وسىزامانداندىرۋدى جەدەلدەتىپ، وقۋ - اعارتۋدا قۇدىرەتتى ەل قۇرىپ، وقۋ - اعارتۋدى حالىق رازى بولاتىنداي جاقسى باسقارىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارىن قۇلشىنا تاربيەلەپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن باۋلۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ اڭگىمە ماجىلىسكە قاتىناستى.
اڭگىمە ماجىلىستە چيڭحۋا داشۋەسى ماركسيزم شۋەيۋانىنىڭ زەينەتكە شىققان پروفەسسورى لين تاي، جۇڭگو حالىق داشۋەسى ماركسيزم شۋەيۋانىنىڭ پروفەسسورى ليۋ جيانجۇن، فۋدان داشۋەسى ماركسيزم شۋەيۋانىنىڭ اعا لەكتورى چىن گو، نانجيڭ اۆياتسيا - عارىش داشۋەسى ماركسيزم شۋەيۋانىنىڭ دوتسەنتى شۇي چۋان، شينجياڭ اۋىل شارۋاشىلىعى كاسىپتىك تەحنيكا شۋەيۋانى ماركسيزم شۋەيۋانىنىڭ پروفەسسورى ۋاڭ شۋەلي، شي - ان شيڭحۋا باستاۋىش مەكتەبىنىڭ 2 - دارەجەلى وقىتۋشىسى ۋاڭ لياڭ، ۋحان قالالىق جيەفاڭ ورتا مەكتەبىنىڭ جوعارى دارەجەلى وقىتۋشىسى ۋ يوۋسۇن، حۋادۇڭ پەداگوگيكا داشۋەسىنە قاراستى 1 - ورتا مەكتەپتىڭ اعا وقىتۋشىسى چىن ميڭچيڭ ارت - ارتىنان لەبىز ءبىلدىردى. ولار ءىس جۇزىندىك جاعدايمەن بىرلەستىرە وتىرىپ پارتيانىڭ وقۋ - اعارتۋ باعىتىن دايەكتىلەندىرۋ، نازاريالىق تاربيەنى كۇشەيتۋ، يدەيا - ساياسي ساباعىن وقىتۋداعى ناقتى ونىمدىلىكتى جوعارىلاتۋ، ونەگە كورسەتىپ ادام تاربيەلەۋ قىزمەتىن جاپپاي جاقسى ىستەۋ، يدەيا - ساياسي قىزمەتىندە جاڭالىق اشا دامۋدى ىلگەرىلەتۋ، سوتسياليستىك وزەكتى قۇن كوزقاراسىن وقۋ - وقىتۋدىڭ جالپى بارىسىنا ءسىڭىرۋ، وقۋشىلاردىڭ جاقسى جول باستاۋشىسى بولۋ سياقتى ماسەلەلەر جونىندە قىزمەت جاعدايلارىن تانىستىرىپ، پىكىر بەرىپ، ۇسىنىس قويدى.
كوپشىلىكتىڭ لەبىزىن مۇقيات تىڭداعاننان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: جاستار مەن وسپىرىمدەر − وتاننىڭ بولاشاعى، ۇلتتىڭ ءۇمىتى. پارتيامىز جۇڭحۋا ۇلتىنىڭ ماڭگىلىك ۇلى ىسىنە بەلىن بەكەم بۋدى، ءسوز جوق، ۇرپاقتان - ۇرپاققا جالعاسقان جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن جاقتايتىن، جۇڭگوشا سوتسياليزم ىستەرى ءۇشىن ءومىر بويى كۇرەس جاساۋعا بەل بايلايتىن جارامدى دارىندىلاردى باۋلۋ كەرەك. وسى ءتۇبىرلى ماسەلەدە، ءسوز جوق، تۋ ايقىن بولۋ، استە ءدۇدامال بولماۋ كەرەك. بۇل بىزدەن كەلەسى ۇرپاقتى جاقسى تاربيەلەۋدى، جاقسى باۋلۋدى، مەكتەپتەن باستاپ يگەرۋدى، بالالاردان باستاپ يگەرۋدى تالاپ ەتەدى. جوعارى، ورتا، باستاۋىش مەكتەپتەردە بىرتىندەي ىلگەرىلەۋ، بۇراندا ءتارىزدى ورلەۋ فورماسىندا يدەيا - ساياسي نازاريا ساباعىن اشۋ اسا قاجەتتى، بۇل ۇرپاقتان - ۇرپاققا جالعاسقان سوتسياليزمنىڭ قۇرىلىسشىلارى مەن ءىزباسارلارىن باۋلۋدىڭ ماڭىزدى كەپىلى.
شي جينپيڭ بىلاي دەپ باسا دارىپتەدى: يدەيا - ساياسي نازاريا ساباعى ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋداعى شەشۋشى ساباق. جاستىق جانە وسپىرىمدىك ساتى ومىردەگى ”بۋىن تارتىپ ءدان الۋ مەزگىلى“، دەن قويا جەتەكتەۋدى جانە ماپەلەۋدى بارىنشا قاجەت ەتەدى. جۇڭگوشا سوتسياليستىك وقۋ - اعارتۋمەن شۇعىلدانعان ەكەنبىز، يدەيا - ساياسي ساباعىن باتىلدىقپەن اشۋىمىز، جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەپ، وقۋشىلاردى جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن كۇشەيتۋگە جەتەلەپ، وتانشىلدىق سۇيىسپەنشىلىگىن نىعايتىپ، وتانشىلدىق ىنتاسىن، مەملەكەتتى قۇدىرەتتەندىرۋ جىگەرىن، وتاننىڭ ءۇمىتىن اقتاۋ ارەكەتىن جۇڭگوشا سوتسياليزم ىستەرىنە تاباندى بولۋ جانە ونى دامىتۋ، سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن ىسكە اسىرۋ كۇرەسىنە سانالىلىقپەن ءسىڭىرۋىمىز كەرەك. يدەيا - ساياسي ساباعىنىڭ رولىنىڭ ورنىن وگەيسىتۋگە بولمايدى، يدەيا - ساياسي ساباعى وقىتۋشىلار قوسىنىنىڭ جاۋاپكەرشىلىگى ماڭىزدى.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى وقۋ - اعارتۋ قىزمەتىنە وسكەلەڭ ءمان بەرىپ وتىر. ءبىزدىڭ يدەيا - ساياسي قىزمەتىنە وسكەلەڭ ءمان بەرىپ، ماركسيزمنىڭ جەتەكشىلىك ورنىنا باستان - اياق تاباندى بولىپ، جۇڭگوشا سوتسياليستىك ءپان جۇيەسى قۇرىلىسىن بارىنشا ىلگەرىلەتۋىمىز يدەيا - ساياسي ساباق قۇرىلىسىنا ءتۇبىرلى كەپىلدىك ازىرلەدى. ءبىزدىڭ كوممۋنيستىك پارتيانىڭ بيلىك جۇرگىزۋ زاڭدىلىعىن، سوتسياليستىك قۇرىلىس زاڭدىلىعىن، ادامزات قوعامىنىڭ دامۋ زاڭدىلىعىن تانۋىمىز بەن يگەرۋىمىزدىڭ ۇزبەي تەرەڭدەۋى جۇڭگوشا سوتسياليزم نازارياسى مەن امالياتىن دامىتۋعا جاڭا ءورىس اشىپ، جۇڭگوشا سوتسياليزم بۇكىل دۇنيەنى جالت قاراتقان تابىستارعا قول جەتكىزدى، جۇڭگوشا سوتسياليزم جولى سەنىمى، نازارياسى سەنىمى، ءتۇزىمى سەنىمى، مادەنيەتى سەنىمى ۇزدىكسىز نىعايىپ، يدەيا - ساياسي ساباعى قۇرىلىسىنا پارمەندى تىرەك ازىرلەدى. جۇڭحۋا ۇلتى نەشە مىڭ جىلدان بەرى قالىپتاستىرعان ويى شۇلەن،ءىلىمى تەرەڭ تاڭداۋلى ءداستۇرلى مادەنيەت، پارتيامىز حالىقتى باستاپ توڭكەرىس، قۇرىلىس، رەفورما بارىسىندا تۇلعالاعان توڭكەرىستىك مادەنيەت جانە سوتسياليستىك وزىق مادەنيەت يدەيا - ساياسي ساباق قۇرىلىسىنا مىعىم كۇش ۇستەدى. يدەيا - ساياسي قۇرىلىستا ۇزاق ۋاقىتتان بەرى قالىپتاسقان ءبىرسىپىرا زاڭدىلىق سيپاتتى تانىمدار مەن تابىستى تاجىريبەلەر يدەيا - ساياسي ساباق قۇرىلىسىنىڭ دۇرىس جولدان تايماي، جاڭالىق اشۋىنا ماڭىزدى نەگىز ازىرلەدى. وسى نەگىزدەر مەن شارت - جاعدايلار بولعاندىقتان، ءبىزدىڭ سەنىمدى، يناباتتى، تياناقتى، پەيىلدى، باتىل، ىسكەر يدەيا - ساياسي ساباعى وقىتۋشىلار قوسىنىمىز بولعاندىقتان يدەيا - ساياسي ساباعىن بارعان سايىن جاقسى وقىتۋعا سەنىمىمىز كامىل، قابىلەتىمىز دە قاپتال جەتەدى.
شي جينپيڭ مىنانى باسا دارىپتەدى: يدەيا - ساياسي نازاريا ساباعىن جاقسى ءوتۋدىڭ تەتىگى وقىتۋشىدا، تەتىگى وقىتۋشىلاردىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرۋدە. يدەيا - ساياسي ساباعى وقىتۋشىلارى وقۋشىلاردىڭ كوڭىلىنە شىنايىلىقتىڭ، ىزگىلىكتىڭ جانە كوركەمدىكتىڭ تۇقىمىن سەۋىپ، وقۋشىلاردى ومىرىندەگى ءبىرىنشى تۇيمەنى دۇرىس تۇيمەلەۋگە جەتەكتەۋ كەرەك. بىرىنشىدەن، ساياسيدا مىعىم بولۋ، سەنىمى بار ادامدارعا سەنىمدى سويلەتىپ، ماسەلەگە ساياسي تۇرعىدان قاراۋعا شەبەر بولۋ، ۇلكەن دۇرىس، ۇلكەن بۇرىس ماسەلەلەرىندە ساياسي سەرگەكتىكتى ساقتاۋ كەرەك. ەكىنشىدەن، سۇيىسپەنشىلىگى تەرەڭ بولۋ، مەملەكەتكە، وتباسىنا سۇيىسپەنشىلىكتە بولۋ، جۇرەگىنە مەملەكەت پەن ۇلتتى ۇيالاتۋ، پارتيا مەن حالىقتىڭ ۇلى امالياتى بارىسىندا داۋىرگە، قوعامعا نازار اۋدارۋ، ءنار قابىلداپ، يدەياسىن بايىتۋ كەرەك. ۇشىنشىدەن، وي - تولعامى جاڭا بولۋ، ديالەكتيكالىق ماتەرياليزمدى جانە تاريحي ماتەرياليزمدى ۇيرەنىپ، ساباقحاناداعى وقىتۋعا جاڭالىق ەنگىزىپ، وقۋشىلارعا تەرەڭدەي ۇيرەنۋ كەشىرمەلەرىن بەرىپ، وقۋشىلاردى دۇرىس مۇرات - سەنىم ورناتۋعا، دۇرىس ويلاۋ ءتاسىلىن ۇيرەنۋگە جەتەكتەۋ كەرەك. تورتىنشىدەن، كوزاياسى كەڭ بولۋ، ءبىلىم كوزاياسى، حالىقارالىق كوزاياسى، تاريحي كوزاياسى بولۋ، جاندى، تەرەڭ، ناقتى جان - جاقتى سالىستىرىپ، كەيبىر قيسىنداردى ايقىن، انىق ءتۇسىندىرۋ كەرەك. بەسىنشىدەن، ءوزىن تەجەۋدە قاتاڭ بولۋ، ساباقحانادا، ساباقتان تۇسكەننەن كەيىن دە جەلىدە، جەلىدەن تىس، ءبار - بارىندە بىردەي بولۋ، نەگىزگى اۋەندى سانالى تۇردە اسقاقتاتىپ، وڭ ەنەرگيانى بەلسەنە جەتكىزۋ كەرەك. التىنشىدان، ادامگەرشىلىگى دۇرىس بولۋ، ادامگەرشىلىك بولعاندا عانا، باۋراۋ قۋاتى بولادى. ۇستازىن جاقىنىنا بالاعاندا عانا، وعان سەنىم ارتادى. سالاۋاتتى دا يناباتتى ادامگەرشىلىكپەن، اسىل ادامگەرشىلىكپەن وقۋشىلاردى اسەرلەندىرۋ، وقۋشىلاردى باۋراۋ، وقۋشىلاردى اقيقاتتىڭ كۇشىمەن شابىتتاندىرۋ، تەرەڭ نازاريالىق بىلىممەن وقۋشىلاردى وزىنە تارتۋ، سانالى تۇردە ۇيرەنۋدىڭ، ادام بولۋدىڭ ونەگەسى بولۋ، وقۋشىلار سۇيەتىن ادام بولۋ كەرەك.
شي جينپيڭ بىلاي دەپ باسا دارىپتەدى: يدەيا - ساياسي نازاريا ساباعىنا رەفورما جاساۋدى، جاڭالىق اشۋدى ىلگەرىلەتۋدە يدەيا - ساياسي ساباعىنىڭ يدەيالىلىق سيپاتىن، نازاريالىلىق سيپاتىن جانە تارتىمدىلىعىن، باعىتتامالىلىعىن ۇزدىكسىز كۇشەيتۋ كەرەك. ساياسي سيپاتى مەن عىلمي قاعيدا سيپاتىنىڭ بىرلىگىنە تاباندى بولۋدا جان - جاقتى عىلمي قاعيدامەن تالداۋ جاساپ، وقۋشىلارعا جاۋاپ بەرۋ، دايەكتى يدەيا - نازاريامەن وقۋشىلاردى يلاندىرۋ، اقيقاتتىڭ قۋاتتى كۇشىمەن وقۋشىلاردى جەتەكتەۋ كەرەك. قۇن سيپاتى مەن ءبىلىم سيپاتىنىڭ بىرلىگىنە تاباندى بولىپ، قۇن كوزقاراسىمەن جەتەكتەۋدى ءبىلىم بەرۋ بارىسىنا ءسىڭىرۋ كەرەك. ورەلىلىك سيپاتى مەن سىنشىلدىق سيپاتىنىڭ بىرلىگىنە تاباندى بولىپ، نەگىزگى اعىمدىق يدەولوگيانى تاراتىپ، جەتكىزىپ، ءتۇرلى قاتە كوزقاراستار مەن يدەيالىق اعىمدارعا قاداعالاي قاراۋ كەرەك. نازاريالىق سيپاتى مەن امالياتتىق سيپاتىنىڭ بىرلىگىنە تاباندى بولىپ، عىلمي نازاريامەن ادام باۋلۋ، يدەيا - ساياسي ساباعىنىڭ امالياتتىق سيپاتىنا ءمان بەرىپ، يدەيا - ساياسي شاعىن ساباقحاناسىن قوعام سىندى ۇلكەن ساباقحانامەن ۇشتاستىرىپ، وقۋشىلاردى اسقاق مۇرات ورناتىپ، كۇرەسكەر بولۋعا تاربيەلەۋ، جەتەكتەۋ كەرەك. ءبىر تۇتاستىق سيپاتى مەن كوپ تۇرلىلىك سيپاتىنىڭ بىرلىگىنە تاباندى بولىپ، وقىتۋ نىساناسى، ساباق ورنالاستىرۋ، وقۋلىقتاردان پايدالانۋ، وقىتۋدى باسقارۋ سياقتى جاقتارداعى ءبىر تۇتاس تالاپتى تياناقتاندىرىپ، جەرگىلىكتى جاعدايعا قاراي ىستەۋ، مۇمكىندىككە قاراي ىستەۋ، بەيىمدىلىگىنە قاراي تاربيەلەۋ كەرەك. جەتەكشىلىك سيپاتى مەن تۇلعالىق سيپاتىنىڭ بىرلىگىنە تاباندى بولۋ كەرەك، يدەيا - ساياسي ساباعى وقىتۋشىنىڭ جەتەكشىلىگىنەن ايرىلا المايدى، سونىمەن قاتار وقۋشىلاردىڭ تانىم زاڭدىلىعىن جانە قابىلداۋ ەرەكشەلىگىن زەرتتەۋدى دە كۇشەيتىپ، وقۋشىلاردىڭ تۇلعالىق رولىن ساۋلەلەندىرۋ كەرەك. ۇيرەتۋ سيپاتى مەن وي سالۋ سيپاتىنىڭ بىرلىگىنە تاباندى بولىپ، وي سالۋ تاربيەسىنە باسا ءمان بەرىپ، وقۋشىلاردى ماسەلەنى بايقاۋعا، ماسەلەگە تالداۋ جاساۋعا، ماسەلەگە وي جۇگىرتۋگە جەتەكتەپ، ءۇرتىس وي سالۋ ارقىلى وقۋشىلاردىڭ وپ - وڭاي قورىتىندى شىعارۋىنا مۇمكىندىك جاساۋ كەرەك. كورنەكى تاربيە مەن كومەسكى تاربيەنىڭ بىرلىگىنە تاباندى بولىپ، وزگە ساباقتار مەن وقىتۋ تاسىلدەرىندەگى يدەيا - ساياسي تاربيە بايلىقتارىن بايقاپ، بارلىق ادامدى تۇتاس بارىستا جان - جاقتى تاربيەلەۋدى جۇزەگە اسىرۋ كەرەك.
شي جينپيڭ مىنانى باسا دارىپتەدى: جۇڭگونىڭ ىستەرىن جاقسى ىستەۋدىڭ تەتىگى پارتيادا. ءار دارەجەلى پارتكومدار يدەيا - ساياسي نازاريا ساباعى قۇرىلىسىن ماڭىزدى كەڭەستىك كۇن تارتىپكە قويىپ، يدەيا - ساياسي ساباعى قۇرىلىسىنا تۇساۋ بولاتىن كورنەكتى ماسەلەلەردى مىقتاپ يگەرىپ، قىزمەت ارناسى، قوسىن قۇرىلىسى، قولداۋ، قامتاماسىز ەتۋ سياقتى جاقتاردا ءونىمدى شارا قولدانۋ كەرەك. پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىردەي باسقاراتىن، قاتىستى تاراۋلار ءوز جاۋاپكەرلىگىن وتەيتىن، بۇكىل قوعام سايكەسەتىن قىزمەت ارناسىن قالىپتاستىرىپ، بۇكىل پارتيا، بۇكىل قوعام يدەيا - ساياسي ساباعىن قۇلشىنا ويداعىداي ورنالاستىراتىن، وقىتۋشىلار يدەيا - ساياسي ساباعىن مۇقيات وقىتاتىن، وقۋشىلار يدەيا - ساياسي ساباعىن بەلسەنە ۇيرەنەتىن تاماشا بەينەنىڭ قالىپتاسۋىن ىلگەرىلەتۋ كەرەك. مەكتەپ پارتكومدارى قاتاڭ باسقارۋ مەن عىلمي جونگە سالۋدى ۇشتاستىرۋعا تاباندى بولۋ كەرەك. مەكتەپ پارتكومىنىڭ شۋجيى، مەكتەپ باستىعى باستاماشىلدىقپەن ساباقحانالارعا كىرىپ، يدەيا - ساياسي ساباعى قۇرىلىسىن باستاماشىلدىقپەن ىلگەرىلەتىپ، يدەيا - ساياسي ساباعى وقىتۋشىلارىمەن باستاماشىلدىقپەن قارىم - قاتىناس جاساۋ كەرەك. يدەيا - ساياسي ساباعىنىڭ ارناۋلى كاسىپتىك وقىتۋشىلارى قوسىنىن تولىقتاپ، كۇشەيتىپ، ارناۋلى كاسىپتىك وقىتۋشىلاردى نەگىز، ارناۋلى كاسىپتىك وقىتۋشىلار مەن قوسىمشا مىندەتتەگى وقىتۋشىلار ۇشتاستىرىلعان سانى تولىق، ساپاسى جوعارى يدەيا - ساياسي ساباق وقىتۋشىلار قوسىنىن قۇرۋ كەرەك. جوعارى، ورتا، باستاۋش مەكتەپتەردىڭ يدەيا - ساياسي ساباعىن ءبىر تۇلعالاندىرۋ قۇرىلىسىن ماڭىزدى ينجەنەريا ەتىپ، يدەيا - ساياسي ساباق قۇرىلىسىنىڭ ماندىك دامۋىن ىلگەرىلەتۋ كەرەك. ساباق جۇيەسىن كەمەلدەندىرىپ، ءتۇرلى ساباقتار مەن يدەيا - ساياسي ساباقتى ءوزارا سايكەستىرۋ ماسەلەسىن ويداعىداي ءبىر جايلى ەتىپ، وقىتۋعا جۇيرىك ايگىلى وقىتۋشىلاردى يدەيا - ساياسي ساباعى ساباقحاناسىنا بارىپ ساباق وتۋگە شابىتتاندىرۋ كەرەك. جەر - جەردەگى، تاراۋلارداعى جاۋاپتى جولداستار بەلسەندىلىكپەن مەكتەپتەرگە بارىپ يدەيا - ساياسي ساباعىن ءوتۋ كەرەك.
ديڭ شۋەشياڭ، سۇن چۇنلان، چىن شي، حۋاڭ كۇنميڭ، يوۋ چۋان، حى ليفىڭ اڭگىمە ماجىلىسكە قاتىناستى.
ورتالىقتىڭ وقۋ - اعارتۋ قىزمەتى باسشىلىق گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ءبىرىنشى شەپتەگى ۇزدىك يدەيا - ساياسي نازاريا ساباعى وقىتۋشىلارىنىڭ ۋاكىلدەرى اڭگىمە ماجىلىسكە قاتىناستى.
