وسى ايدىڭ 26 - كۇنى تۇراقتى كوميتەتتىڭ 9 - رەتكى ءماجىلىسىن اشۋدى ۇيعاردى
ءتىلشى لياڭ ليحۋا 3 - ايدىڭ 19 - كۇنى ۇرىمجىدەن حابارلايدى. 3 - ايدىڭ 18 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 47 - رەتكى مەڭگەرۋشىلەر ءماجىلىسىن اشىپ، وسى ايدىڭ 26 - كۇنى تۇراقتى كوميتەتتىڭ 9 - رەتكى ءماجىلىسىن اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
ءماجىلىس تۇراقتى كوميتەتتىڭ 9 - رەتكى ءماجىلىسىنىڭ كەڭەستىك ءتارتىپ جوباسىن جانە ورنالاستىرۋ پىكىرىن قارادى. مەڭگەرۋشىلەر ءماجىلىسى ۇسىنعان تالقى تاقىرىبىنا نەگىزدەلگەندە، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 9 - رەتكى ءماجىلىسى مەملەكەتتىك ەكى ءماجىلىستىڭ رۋحىن جەتكىزەدى، ۇيرەنەدى، «شينجياڭ ۇيعۇر اۆتونوميالى رايونىنىڭ تاس جول قۇرىلىسى ينجەنەرياسىنىڭ ساپاسىن باقىلاۋ - باسقارۋ ەرەجەسى (جوبانىڭ وزگەرىس ەنگىزىلگەن نۇسقاسى)»ن، اۆتونوميالى رايوندىق حالىق ۇكىمەتى قاراۋعا ۇسىنعان «شينجياڭ ۇيعۇر اۆتونوميالى رايونىنىڭ ايدس اۋرۋىنان ساقتانۋ جانە ەمدەۋ ەرەجەسىنە وزگەرىس ەنگىزۋ جوباسى (جوباسى)»ن قارايدى. بايىنعولين موڭعۇل اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «قايدۋ وزەنى الابىنىڭ ەكولوگيالىق قورشاعان ورتاسىن قورعاۋ ەرەجەسى»ن، سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «سانجى حۇيزۋ اۆتونوميالى وبلىسىنىڭ اۋىل - قىستاقتاردى جونگە سالۋدى جەبەۋ ەرەجەسى»ن، ءۇرىمجى قالالىق حالىق قۇرىلتايى تۇراقتى كوميتەتى بەكىتۋگە ۇسىنعان «ءۇرىمجى قالالىق حالىق قۇرىلتايى تۇراقتى كوميتەتىنىڭ <ءۇرىمجى وزەنىنىڭ وزەن ارناسىن باسقارۋ ەرەجەسى>ن كۇشىنەن قالدىرۋ جونىندەگى قارار»ىن، قىزىلسۋ قىرعىز اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «قىزىلسۋ قىرعىز اۆتونوميالى وبلىستىق حالىق قۇرىلتايىنىڭ <قىزىلسۋ قىرعىز اۆتونوميالى وبلىسىنىڭ جايلىمدى باسقارۋ، قورعاۋ ەرەجەسى>ن كۇشىنەن قالدىرۋ جونىندەگى قارار»ىن جانە «قىزىلسۋ قىرعىز اۆتونوميالى وبلىستىق حالىق قۇرىلتايىنىڭ <قىزىلسۋ قىرعىز اۆتونوميالى وبلىسىنىڭ قاراكول كولى كورىنىس ءوڭىرىن قورعاۋ، باسقارۋ ەرەجەسى>ن كۇشىنەن قالدىرۋ جونىندەگى قارار»ىن قاراپ تەكسەرەدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوننىڭ مەملەكەت مەنشىگىندەگى مال - مۇلىكتى باقىلاۋدى كۇشەيتۋ جونىندەگى قارارىن (جوباسى) قارايدى.
ءماجىلىس تاعى اۆتونوميالى رايوندىق حالىق ۇكىمەتىنىڭ اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ «حاۋىپسىز ءوندىرىس جۇرگىزۋ زاڭى»نىڭ اتقارىلۋىن تەكسەرۋ بايانداماسىن قاراۋ پىكىرىن اقىلداسىپ ءبىر جاقتى ەتۋ جاعدايى جونىندەگى بايانداماسىن، كەدەيلىكتەن ارىلتۋدان قامال الۋ قىزمەتى جاعدايى جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ اۆتونوميالى رايوننىڭ ساياحات قىزمەتى جاعدايى بايانداماسىن قاراۋ پىكىرىن اقىلداسىپ ءبىر جاقتى ەتۋ جاعدايى جونىندەگى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ «اتموسفەرانىڭ لاستانۋىنان ساقتانۋ جانە ونى تىزگىندەۋ زاڭى»نىڭ اتقارىلۋىن تەكسەرۋ بايانداماسىن قاراۋ پىكىرىن اقىلداسىپ ءبىر جاقتى ەتۋ جاعدايى جونىندەگى بايانداماسىن تىڭدايدى جانە قارايدى. كادرلاردى مىندەتكە تاعايىنداۋ، مىندەتتەن قالدىرۋ كەڭەستىك جوباسىن قارايدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، ۋاڭ يۇڭميڭ، دۇڭ شينگۋاڭ، باداي، گۇلشات ءابدىقادىر، مانەن زەينەل ۇلى، سو يۋە ماجىلىسكە قاتىناستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، قىزمەت كوميتەتتەرىنىڭ جاۋاپتىلارى؛ اۆتونوميالى رايوندىق حالىق ۇكىمەتىنىڭ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى ماجىلىسكە سىرتتاي قاتىناستى.
