تيانشان تورابى   ›   ۇيرەنۋ   ›   شولۋ

يدەيا - ساياسي نازاريا ساباعىن جاقسى ءوتۋدىڭ تەتىگى − وقىتۋشىدا

  − باس شۋجي شي جينپيڭنىڭ مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  وقىتۋشى − وقۋ - اعارتۋدى ەڭسەلەندىرۋدىڭ نەگىزى، وقۋ - اعارتۋدى گۇلدەندىرۋدىڭ قاينارى. يدەيا - ساياسي نازاريا ساباعىن ويداعىداي ءوتۋ ساياسي ساپاسى مىعىم، كاسىپتىك قابىلەتى كۇشتى، ادام تاربيەلەۋ ورەسى بيىك، جوعارى ساپالى ماماندانعان يدەيا - ساياسي نازاريا ساباعى وقىتۋشىلار قوسىنىنان ايرىلا المايدى.

  ”يدەيا - ساياسي نازاريا ساباعىن جاقسى ءوتۋدىڭ تەتىگى − وقىتۋشىدا، تەتىگى − وقىتۋشىلاردىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرۋدە“. مەكتەپتەردىڭ يدەيا - ساياسي نازاريا ساباعى وقىتۋشىلارىنىڭ اڭگىمە ماجىلىسىندە باس شۋجي شي جينپيڭ سوتسياليزمنىڭ قۇرىلىسشىلارى مەن ءىزباسارلارىن باۋلۋدى كوزدەي وتىرىپ، يدەيا - ساياسي نازاريا ساباعى وقىتۋشىلار قوسىنىنىڭ رۋح سومداپ ادام تاربيەلەۋ، ونەگە كورسەتىپ ادام تاربيەلەۋ جاقتارىنداعى ماڭىزدى رولىن اسا جوعارى باعالاپ، يدەيا - ساياسي نازاريا ساباعى وقىتۋشىلارىنا وقۋشىلاردىڭ كوڭىلىنە شىنايىلىقتىڭ، ىزگىلىكتىڭ جانە كوركەمدىكتىڭ تۇقىمىن سەۋىپ، وقۋشىلاردى ومىرىندەگى ءبىرىنشى تۇيمەنى دۇرىس تۇيمەلەۋگە جەتەكتەۋدى تەرەڭ سۇيىسپەنشىلىكپەن تاپسىرىپ، يدەيا - ساياسي نازاريا ساباعى وقىتۋشىلار قوسىنى قۇرىلىسىن كۇشەيتۋگە ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ ءمانى زور، سۇيىسپەنشىلىگى شىنايى، ادامدى جەلپىندىرەدى، شابىتتاندىرادى.

  ”جالاڭ عانا ءبىلىم بەرەتىن ۇستاز وڭاي جولىعادى، كىسىلىگى كۇشتى ۇستاز كەزىگە بەرمەيدى“. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەكتەپتەردىڭ يدەيا - ساياسي قىزمەتىنە ايرىقشا ءمان بەرىپ، يدەيا - ساياسي نازاريا ساباعى وقىتۋشىلار قوسىنىن كۇشەيتۋگە باسا نازار اۋدارىپ، كەلەلى شەشىم، ورنالاستىرۋ جاسادى، جەر - جەر، تاراۋلار جانە ءار دارەجەلى، ءار ءتۇرلى مەكتەپتەر شىنايى ءونىمدى ءادىس - امال قولدانىپ، مۇنى دەن قويا دايەكتىلەندىرىپ، تياناقتاندىرىپ، يدەيا - ساياسي نازاريا ساباعى وقىتۋشىلار قوسىنى ۇزدىكسىز كۇشەيىپ، قۇرىلىمى ۇزدىكسىز ساپالىلانىپ، جالپى تۇلعالىق ساپاسى اناعۇرلىم جوعارىلاپ، سەنىمدى، يناباتتى، تياناقتى، پەيىلدى، باتىل، ىسكەر يدەيا - ساياسي نازاريا ساباعى وقىتۋشىلار قوسىنى قالىپتاستى. قالىڭ يدەيا - ساياسي نازاريا ساباعى وقىتۋشىلارى بار زەيىنىن سالىپ، رازىلىقپەن ۇلەس قوسىپ، ايانباي تالپىنىپ، ەلىمىزدىڭ وقۋ - اعارتۋ ىستەرىنىڭ دامۋىنا ماڭىزدى ۇلەس قوستى.

  ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارىن تاربيەلەۋدە يدەيا - ساياسي نازاريا ساباعى وقىتۋشىلار قوسىنىنىڭ بورىشى داڭقتى، جاۋاپكەرشىلىگى اۋىر. يدەيا - ساياسي نازاريا ساباعى وقىتۋشىلار قوسىنى قۇرىلىسىن كۇشەيتۋدە باس شۋجي شي جينپيڭ العا قويعان التى جاقتاعى تالاپ بويىنشا ساياسيدا مىعىم بولۋ، سۇيىسپەنشىلىگى تەرەڭ بولۋ، وي - تولعامى جاڭا بولۋ، كوز اياسى كەڭ بولۋ، ءوزىن تەجەۋدە قاتاڭ بولۋ، ادامگەرشىلىگى دۇرىس بولۋ كەرەك. وسى التى جاقتاعى تالاپ − يدەيا - ساياسي نازاريا ساباعى وقىتۋشىلار قوسىنىنىڭ ماڭىزدى ولشەمى، سونداي - اق يدەيا - ساياسي نازاريا ساباعى وقىتۋشىلارىنىڭ ساپاسىن جانە ورەسىن وسىرۋىندەگى قۇلشىنۋ بەتالىسى. قالىڭ يدەيا - ساياسي نازاريا ساباعى وقىتۋشىلارى تەك ۇلكەن دۇرىس، ۇلكەن بۇرىس ماسەلەلەرىندە ساياسي سەرگەكتىكتى ساقتاعاندا، پارتيا مەن حالىقتىڭ ۇلى امالياتى بارىسىندا داۋىرگە، قوعامعا نازار اۋدارىپ، ءنار قابىلداپ، يدەياسىن بايىتقاندا، وقۋشىلاردى دۇرىس مۇرات - سەنىم ورناتۋعا، دۇرىس ويلاۋ ءتاسىلىن ۇيرەنۋگە جەتەكتەۋگە شەبەر بولعاندا، كەڭ ءبىلىم كوز اياسىمەن، حالىقارالىق كوز ايامەن، تاريحي كوز ايامەن كەيبىر قيسىنداردى ايقىن، انىق تۇسىندىرگەندە، ساباقحانادا، ساباقتان تۇسكەننەن كەيىن دە، جەلىدە، جەلىدەن تىس، ءبار - بارىندە بىردەي بولعاندا، سانالى تۇردە ۇيرەنۋدىڭ، ادام بولۋدىڭ ونەگەسى بولىپ، وقۋشىلار سۇيەتىن ادام بولعاندا عانا، جاڭا ءداۋىردىڭ دامۋ قاجەتىنە ۇيلەسىپ، ءداۋىر تاپسىرعان اۋىر مىندەتتى اناعۇرلىم ويداعىداي ارقالاي الاتىندىعىن جەتە تانۋ كەرەك.

  ”سۋ تەرەڭ بولعاندا عانا، كەمە جۇزە الادى“. ءبىلىم بەرۋشى الدىمەن ءوزى ءبىلىمدى بولۋ، بىلىمگە سەنۋ، ادام تاربيەلەۋشى الدىمەن ءوزى تاربيە الۋ كەرەك. كەڭ ورىسكە، دارقان پەيىلگە، كەڭ اۋقىمعا تالپىنعاندا ءارى بۇلاردى ورناتقاندا عانا، وقۋشىلارعا ءجون كورسەتىپ، ءومىر ساپارىنا جول باستاۋعا بولادى. قالىڭ يدەيا - ساياسي نازاريا ساباعى وقىتۋشىلارى باس شۋجي شي جينپيڭ العا قويعان التى جاقتاعى تالاپقا سانالى تۋرالانىپ، ءمورال ارقىلى ءوزىن تۇلعالاۋ، ءمورال ارقىلى ءبىلىمىن جەتىلدىرۋ، ءمورال ارقىلى وقىتۋ، وقىتۋ مەن ادام تاربيەلەۋدىڭ بىرلىگىنە تاباندى بولۋ، سوزىمەن تاربيەلەۋ مەن ىسىمەن تاربيەلەۋدىڭ بىرلىگىنە تاباندى بولۋ، دەن قويا ۇيرەنۋ مەن قوعامعا نازار اۋدارۋدىڭ بىرلىگىنە تاباندى بولۋ، عىلىم ەركىندىگى مەن عىلىمدى جۇيەلەندىرۋدىڭ بىرلىگىنە تاباندى بولۋ، بەلسەندىلىگىن، ىرىقتىلىعىن، جاسامپازدىعىن سانالى ساۋلەلەندىرىپ، اسىل ادامگەرشىلىكپەن وقۋشىلاردى اسەرلەندىرۋ، وقۋشىلاردى باۋراۋ، وقۋشىلاردى اقيقاتتىڭ كۇشىمەن شابىتتاندىرۋ، تەرەڭ نازاريالىق بىلىممەن وقۋشىلاردى وزىنە تارتۋ كەرەك.

  عاسىرلىق ۇلى ءىس وقۋ - اعارتۋدى نەگىز ەتەدى. وقۋ - اعارتۋ ۇلى ءىسى وقىتۋشىلاردى نەگىز ەتەدى. جۇڭحۋا ۇلتىنىڭ 5000 نەشە جىلدىق وركەنيەت دامۋ تاريحىندا باتىرلار توپ - توبىمەن شىعىپ، ۇستازدار جينالدى، وسىنىڭ ءبارى ۇرپاقتان - ۇرپاققا جالعاسقان وقىتۋشىلاردىڭ قاجىرلىلىقپەن ەڭبەكتەنۋىنەن ايرىلا المايدى. جاڭا داۋىردە قايراتتانا ۇمتىلىپ، تىڭ ساپارعا قادام تاستاپ، جوعارى ساپالى ماماندانعان يدەيا - ساياسي نازاريا ساباعى وقىتۋشىلار قوسىنىن قۇلشىنا قۇرىپ، ونەگە كورسەتىپ ادام تاربيەلەۋ ءتۇبىرلى مىندەتىن اناعۇرلىم ويداعىداي تياناقتاندىرعاندا، ءبىز، ءسوزسىز، ۇرپاقتان - ۇرپاققا جالعاسقان جۇڭگو كوممۋنيستىك پارتياسىنىڭ باسشىلىعىن جانە ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ىستەرى ءۇشىن ءومىر بويى كۇرەس جاساۋعا بەل بايلايتىن جارامدى دارىندىلاردى باۋلي الامىز.

  (شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.