− 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە 2019 - جىلى 3 - ايدىڭ 8 - كۇنى جاسالدى
مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ
ۋاكىلدەر:
مەن مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋى بويىنشا، ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى وتىنەمىن.
وتكەن ءبىر جىلداعى باستى قىزمەتتەر جونىندە
13 - كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ مىندەت وتەۋى ءدال ”قوس 100 جىلدىق“تىڭ تاريحي توعىسۋ كەزەڭىنە تۋرا كەلدى، مىندەت داڭقتى، جاۋاپكەرشىلىك اۋىر. ءبىر جىلدان بەرى، تۇراقتى كوميتەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات ۇيرەندى جانە دايەكتىلەندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 13 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قىزمەت ورنالاستىرۋلارىنا ساي، زاڭ بويىنشا مىندەت اتقارىپ، ءورىس اشا ىلگەرىلەپ، تاماشا باستامانى جۇزەگە اسىردى.
ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، حالىق قۇرىلتايى قىزمەتىنىڭ دۇرىس ساياسي بەتالىسىنا كەپىلدىك ەتتىك
تۇراقتى كوميتەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جانە دايەكتىلەندىرۋدى ماڭداي الدى ساياسي مىندەت ەتىپ، وسى يدەيانىڭ عىلمي جۇيەسىن، رۋحاني ءمانىن، امالياتتىق تالابىن تەرەڭ ۇعىندى ءارى ونىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتتى. ارناۋلى تاقىرىپتا ۇيرەنۋ، زەرتتەۋ، تالقى ورىستەتۋگە ۇيىمداستىرىپ، 31 ولكە دارەجەلى حالىق قۇرىلتايى جانە قاتىستى تاراپتار قاتىناسقان ۇيرەنۋ، اۋىس - ءتۇيىس جاساۋ ءماجىلىسىن اشىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ تۋرالى ماڭىزدى يدەياسىن جۇيەلى ۇيرەندى، ارناۋلى تاقىرىپتا زەرتتەۋ جۇرگىزىپ، ۇيرەنۋ تالابىن ورتاعا قويىپ، جاڭا داۋىردەگى قانداي حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ، حالىق قۇرىلتايى تۇزىمىنە قالاي تاباندى بولۋ جانە ونى كەمەلدەندىرۋ تۋرالى كەلەلى نازاريالىق جانە امالياتتىق تاقىرىپتار جونىندەگى تانىمدى تەرەڭدەتتى. ءار دارەجەلى حالىق قۇرىلتايلارى ءىس جۇزىندىكپەن تىعىز بىرلەستىرىپ، ۇيرەنۋدى ىشكەرىلەي ورىستەتىپ، ۇيرەنۋ جەتىستىكتەرىن ءوز قىزمەتىن ويداعىداي ىستەپ، ىستەردىڭ دامۋىن جەبەۋدىڭ جاندى امالياتىنا اينالدىردى.
پارتيانىڭ نەگىزگى نازارياسىن، نەگىزگى لۋشيانىن، نەگىزگى ستراتەگياسىن ۇيرەنۋ جانە دايەكتىلەندىرۋدى ارقاۋ ەتىپ، تۇراقتى كوميتەتتىڭ ارناۋلى تاقىرىپتاعى لەكسيالارىن ويداعىداي جۇرگىزدىك، ارناۋلى تاقىرىپتاعى ۇيرەنۋ لەكسياسىن جيىنى 10 رەت وتكىزىپ، باس شۋجي شي جينپيڭنىڭ نەگىزگى زاڭ، زاڭمەن جونگە سالۋ، رەفورمالاۋ، ەسىك اشۋ، جاڭالىق اشا دامۋ، ەكولوگيالىق وركەنيەت قۇرىلىسى تۋرالى ماڭىزدى بايىمداۋلارىن، حالىق قۇرىلتايىنىڭ زاڭ شىعارۋ، باقىلاۋ قىزمەتى تۋرالى تالاپتارىن ءتۇيىندى ۇيرەنىپ، تۇراقتى كوميتەتتىڭ مىندەت اتقارۋ قابىلەتىن جان - جاقتىلى جوعارىلاتتىق. كەزەك اۋىسقاننان كەيىنگى جاڭا ۋاكىلدەردىڭ كوپ بولۋى سىندى ءىس جۇزىندىككە قاراتا، ۋاكىلدەردىڭ ۇيرەنۋ، كۋرستان وتكىزۋ تەبىنىن كۇشەيتىپ، 1300دەن استام ۋاكىلدى كۋرستان وتكىزدىك، بۇل جاڭادان سايلانعان ۋاكىلدەردىڭ %59 ىن ۇستادى. ولكە، قالا، اۋدان ءۇش دارەجەلى حالىق قۇرىلتايى تۇراقتى كوميتەتىندەگى جاۋاپتى جولداستاردىڭ ۇيرەنۋ كلاسىن جەكە - جەكە اشىپ، بۇعان جيىنى 3200 ادام قاتىناسىپ، تولىق قامتۋ نەگىزىنەن جۇزەگە استى.
ۇزدىكسىز ىشكەرىلەي جۇرگىزىلگەن نازاريا ۇيرەنۋ مەن يدەيانى قارۋلاندىرۋ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ سىندى يدەيالىق نەگىزدى اناعۇرلىم بەرىكتەپ، جۇڭگوشا سوتسياليستىك ساياسي دامۋ جولىمەن ءجۇرۋ جونىندەگى سەنىم مەن بەكىمدى اناعۇرلىم بەكەمدەپ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى جاۋاپكەرلىك سەزىم مەن بورىشتىلىق سەزىمدى اناعۇرلىم كۇشەيتتى.
ەكىنشى، جاڭادان وزگەرىس ەنگىزىلگەن نەگىزگى زاڭدى جاپپاي ۇيرەنىپ، ۇگىتتەپ جانە دايەكتىلەندىرىپ، نەگىزگى زاڭنىڭ اتقارىلۋىن ىلگەرىلەتۋدە تىڭ قادام تاستادىق
بيلىكتى زاڭ بويىنشا، نەگىزگى زاڭ بويىنشا جۇرگىزۋ − جۇڭگو كوممۋنيستىك پارتياسىنىڭ ايقىن قۋاتتاماسى. مەملەكەتتى زاڭمەن جونگە سالۋعا تاباندى بولۋ ءۇشىن، الدىمەن مەملەكەتتى نەگىزگى زاڭمەن جونگە سالۋعا تاباندى بولۋ، بيلىكتى زاڭ بويىنشا جۇرگىزۋگە تاباندى بولۋ ءۇشىن، الدىمەن بيلىكتى نەگىزگى زاڭ بويىنشا جۇرگىزۋگە تاباندى بولۋ كەرەك. پارتيا 18 - قۇرىلتايىنان بەرى، پارتيا ورتالىق كوميتەتى نەگىزگى زاڭدى اتقارۋدى مەملەكەتتى جاپپاي زاڭمەن جونگە سالۋدىڭ كورنەكتى ورنىنا قويدى، باس شۋجي شي جينپيڭ نەگىزگى زاڭدى ويداعىداي دايەكتى اتقارۋ تۋرالى كوپ رەت ماڭىزدى ءسوز سويلەدى، مەملەكەتتىڭ نەگىزگى زاڭ كۇنى قيمىلىن ويداعىداي ورىستەتۋ جونىندە 3 رەت ماڭىزدى بەكىتۋ جازدى، باستاماشىلدىقپەن نەگىزگى زاڭ الدىندا سەرت بەرىپ، بۇكىل قوعامنىڭ سانالى تۇردە نەگىزگى زاڭدى قادىرلەۋىن، نەگىزگى زاڭدى ۇيرەنۋىن، نەگىزگى زاڭعا بويسۇنۋىن، نەگىزگى زاڭدى قورعاۋىن، نەگىزگى زاڭدى قولدانۋىن پارمەندى ىلگەرىلەتتى.
پارتيا ورتالىق كوميتەتىنىڭ باسشىلىعىندا، 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى نەگىزگى زاڭعا وزگەرىس ەنگىزۋ سىندى وسكەلەڭ مىندەتتى ورىندادى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسيى مەن قوعامدىق ومىردەگى جەتەكشى ورنىن تۇراقتاندىرىپ، جۇڭگو كوممۋنيستىك پارتياسىنىڭ جان - جاقتىلى باسشىلىعىنا تاباندى بولۋ جانە ونى كۇشەيتۋدىڭ مازمۇنىن تولىقتاپ، نەگىزگى زاڭدا تۇراقتاندىرىلعان مەملەكەتتىڭ ءتۇبىرلى مىندەتىن، كۇرەس نىساناسىن جانە مەملەكەتتىڭ باسشىلىق ءتۇزىلىسىن كەمەلدەندىرىپ، مەملەكەتتىڭ باقىلاۋ - تەكسەرۋ ءتۇزىمىن تۇراقتاندىرىپ، مەملەكەتتىڭ باياندى تىنىشتىعىنىڭ تۇزىمدىك نەگىزىن بەكەمدەدى. تۇراقتى كوميتەت پارتيا ورتالىق كوميتەتىنىڭ ورنالاستىرۋى بويىنشا، جاڭادان وزگەرىس ەنگىزىلگەن نەگىزگى زاڭدى جاپپاي ۇيرەنۋ، ۇگىتتەۋ جانە دايەكتى اتقارۋدى كەلەلى ساياسي مىندەت رەتىندە يگەرىپ، نەگىزگى زاڭعا وزگەرىس ەنگىزۋدىڭ كەلەلى ءمانى مەن وزگەرىس ەنگىزىلگەن نەگىزگى مازمۇنداردى ۇيرەنۋ، ۇگىتتەۋدى كورنەكتىلەندىرىپ، نەگىزگى زاڭدى ىشكەرىلەي ۇيرەنۋ، ۇگىتتەۋ جانە دايەكتى اتقارۋ جونىندە اڭگىمە ماجىلىستەرىن اشىپ، مەملەكەتتىڭ 5 - رەتكى نەگىزگى زاڭ كۇنى اڭگىمە ءماجىلىسىن وتكىزىپ، ارناۋلى تاقىرىپتا تىلشىلەر جينالىسىن ۇيىمداستىرىپ، ۇگىت - لەكسيا، بايانداماسىن جاساۋ ءماجىلىسىن اشىپ، نازاريالىق ماقالالار جازىپ، وڭىرلەر مەن تاراۋلاردىڭ الۋان ءتۇرلى فورمالارمەن نەگىزگى زاڭ تۋرالى ۇگىت - تاربيە قيمىلدارىن ورىستەتۋىن ىلگەرىلەتىپ، نەگىزگى زاڭ رۋحىن اسقاقتاتىپ، نەگىزگى زاڭنىڭ بەدەلىن تىكتەپ، نەگىزگى زاڭ تانىمىن كۇشەيتىپ، نەگىزگى زاڭ رۋحىن جۇرت كوڭىلىنە تەرەڭ ۇيالاتىپ، حالىقتىڭ شىنايى سەنىمى مەن قولداۋىنا يە ەتتى.
تۇراقتى كوميتەت نەگىزگى زاڭدى دايەكتىلەندىرۋدە باستاماشى بولدى ءارى نەگىزگى زاڭنىڭ اتقارىلۋىن باقىلاۋدى كۇشەيتتى. جاڭادان وزگەرىس ەنگىزىلگەن نەگىزگى زاڭ بويىنشا، رەتتەلىپ قۇرىلعان نەگىزگى زاڭ جانە زاڭ كوميتەتىنىڭ مىندەتى جونىندە قاۋلى شىعاردى، نەگىزگى زاڭدى اتقارۋ جانە باقىلاۋ، نەگىزگى زاڭدى ءتۇسىندىرۋ سياقتى قىزمەت مىندەتىن ارتتىرىپ، نەگىزگى زاڭدى اتقارۋداعى قىزمەتتىك كۇش پەن ۇيىمدىق قامتاماسىزدىقتى كۇشەيتتى. حۇجات بولادى ەكەن، ءسوزسىز، ەستەلىككە الۋعا، ەستەلىككە الىنعان ەكەن، ءسوزسىز، تەكسەرۋگە، قاتەلىك بولادى ەكەن، ءسوزسىز، تۇزەتۋگە تاباندى بولىپ، نەگىزگى زاڭعا سيىمدىلىعىن تەكسەرۋدى كۇشەيتىپ، نەگىزگى زاڭدا تۇراقتانعان ءتۇزىم، پرينسيپ، ەرەجەلەردىڭ تولىق اتقارىلۋىنا كەپىلدىك ەتتى. ەستەلىككە الۋعا جولدانعان 40 اكىمشىلىك زاڭ ەرەجەنى، 1180 جەرگىلىكتى زاڭ ەرەجەنى، 18 ءادىليالىق تۇسىندىرمەنى مۇقيات تەكسەردى، ازاماتتار مەن ۇيىمدار العا قويعان 1229 تەكسەرۋ ۇسىنىسىن مۇقيات زەرتتەدى، قاتىستى جاقتاردى نەگىزگى زاڭ مەن زاڭدارعا سايكەسپەيتىن ولشەمدى حۇجاتتاردى زاڭ بويىنشا كۇشىنەن قالدىرۋعا جانە تۇزەتۋگە قۋزادى. نەگىزگى زاڭ الدىندا سەرت بەرۋدى مۇقيات ۇيىمداستىرىپ، مەملەكەت قىزمەتكەرلەرىنىڭ نەگىزگى زاڭ تانىمىن كۇشەيتىپ، باستاماشىلدىقپەن نەگىزگى زاڭنىڭ ادال قاستەرلەۋشىسى، سانالى بويسۇنۋشىسى، بۇلجىماس قورعاۋشىسى بولدى.
ءبىر جىلدان بەرى، نەگىزگى زاڭدى ۇيرەنۋ، ۇگىتتەۋ جانە دايەكتى اتقارۋدا تىڭ قادام تاستالدى. نەگىزگى زاڭنىڭ زاڭدىق ورنى، زاڭدىق بەدەلى، زاڭدىق كۇشى ايگىلەنىپ، ەلىمىزدىڭ نەگىزگى زاڭىنىڭ حالىقتىڭ ورتاق ەركىن تولىق ايگىلەپ، حالىقتىڭ ۇقىعىن تولىق قامتاماسىز ەتىپ، حالىقتىڭ ءتۇبىرلى مۇددەسىن تولىق قورعايتىندىعىن تۇتاس قوعام اناعۇرلىم تەرەڭ تانىدى، مۇنىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى امالياتى بارىسىندا ءتۇبىرلى زاڭمەن جونگە سالۋدى قامتاماسىزداندىرۋ رولىن اناعۇرلىم ويداعىداي ساۋلەلەندىرەتىندىگى داۋسىز.
ءۇشىنشى، جاڭا داۋىردەگى زاڭ شىعارۋ قىزمەتىن كۇشەيتىپ جانە جاقسارتىپ، رەفورماعا، دامۋعا جانە ورنىقتىلىققا زاڭمەن جونگە سالۋ كەپىلدىگىن ازىرلەدىك
تۇراقتى كوميتەت رەفورمالاۋ مەن زاڭمەن جونگە سالۋدى ءوزارا بىرلەستىرۋگە تاباندى بولىپ، زاڭ شىعارۋ پلانىن مۇقيات جاساپ، تۇراقتى كوميتەتتىڭ زاڭ شىعارۋ قىزمەتى ءماجىلىسى مەن جەرگىلىكتى زاڭ شىعارۋ قىزمەتى اڭگىمە ءماجىلىسىن اشىپ، زاڭ شىعارۋ قىزمەتىن دەر كەزىندە ورنالاستىرىپ وتىردى. 8 نۇسقا زاڭ جاساپ، 47 نۇسقا - رەت زاڭعا وزگەرىس ەنگىزىپ، زاڭدىق ماسەلەلەر مەن كەلەلى ماسەلەلەرگە قاتىستى قاۋلىدان 9ىن قابىلدادى. وسى زاڭ شىعارۋ نىساندارى نەگىزىنەن مىناداي 3 تۇرگە بولىنەدى: ءبىرىنشى، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ، زاڭ شىعارۋ ارقىلى كەلەلى شەشىمدەر مەن ورنالاستىرۋلاردىڭ تياناقتانۋىن ىلگەرىلەتۋ جانە قامتاماسىزداندىرۋ؛ ەكىنشى، رەفورمانى جاپپاي تەرەڭدەتۋدى ارقاۋ ەتە وتىرىپ، زاڭ شىعارۋ، زاڭعا وزگەرىس ەنگىزۋ ارقىلى كەلەلى رەفورمالاردىڭ زاڭدىق نەگىزگە يە بولۋىنا شىنايى كەپىلدىك ەتۋ؛ ءۇشىنشى، سوتسياليستىك زاڭمەن جونگە سالۋ جۇيەسىن ورناتۋ جانە زاڭمەن جونگە سالىناتىن سوتسياليستىك مەملەكەت قۇرۋدى جەدەلدەتۋدى ارقاۋ ەتە وتىرىپ، ءتۇيىندى سالالارداعى زاڭ شىعارۋ مىندەتىن ويداعىداي ورىنداۋ.
2018 - جىل − رەفورما جاساۋدىڭ، ەسىك اشۋدىڭ 40 جىلدىعى. رەفورما جاساپ، ەسىك اشقان 40 جىلداعى تاجىريبەلەر بىزگە رەفورما، دامۋ، ورنىقتىلىققا قاتىستى ءتۇرلى قىزمەتتەردى ويداعىداي ىستەۋدىڭ زاڭمەن جونگە سالۋدان ايرىلا المايتىندىعىن، رەفورما جاساۋ، ەسىك اشۋ ىشكەرىلەگەن سايىن، زاڭمەن جونگە سالۋدى دا سولعۇرلىم باسا دارىپتەۋ قاجەت ەكەندىگىن ۇعىندىردى. تۇراقتى كوميتەت رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىن تىڭ تاريحي باستامادان باستاپ ىلگەرىلەتۋدى ارقاۋ ەتىپ، سوتسياليستىك بازار ەكونوميكاسىنا قاتىستى زاڭ - تۇزىمدەردى كەمەلدەندىرۋدى كوزدە ۇستاي وتىرىپ، ەكونوميكا سالاسىنداعى زاڭ شىعارۋدى جەدەلدەتىپ، ءبىر قىدىرۋ زاڭدارعا وزگەرىس ەنگىزىپ، زاڭ بەلگىلەمەلەرىنىڭ ءىس جۇزىندىك دامۋعا ۇيلەسپەۋ ماسەلەسىن دەر كەزىندە شەشتى. زاڭمەن جونگە سالۋ − ەڭ تاماشا تيجارات - ساۋدا ورتاسى. وسى جولعى ماجىلىستە قارالاتىن شەتەل ساۋداگەرلەرىنىڭ قارجى قوسۋ زاڭى جوباسى ەلىمىزدىڭ رەفورما جاساۋ، ەسىك اشۋداعى تىڭ ۇستانىمىن، تىڭ وي جەلىسىن، تىڭ شاراسىن جان - جاقتىلى بەينەلەپ، جاڭا داۋىردەگى ەلىمىزدىڭ جاڭا كەزەكتى جوعارى دەڭگەيدەگى سىرتقا ەسىك اشۋىنىڭ جاڭا جاعدايىن قالىپتاستىرۋ جونىنەن ماڭىزدى جەبەۋ جانە قامتاماسىزداندىرۋ رولىنا يە. تۇراقتى كوميتەت بۇل جوبانى 2 رەت قارادى، بارلىق ۋاكىلدەردىڭ بىرگە كۇش سالۋىندا، وسى كەلەلى زاڭ شىعارۋ مىندەتىنىڭ، ءسوزسىز، تابىسپەن ورىندالاتىندىعىنا سەنەمىز. ەلىمىزدىڭ ەلەكتروندىق ساۋدا بازارىنىڭ كولەمى دۇنيە ءجۇزى بويىنشا ءبىرىنشى ورىندا تۇرادى، ەلەكتروندىق ساۋدامەن اينالىساتىنداردىڭ سانى نەشە ون ميلليون ادام بولىپ، 100 ميلليونداعان تۇتىنۋشىلارعا سايادى. ەلەكتروندىق ساۋدا زاڭىن جاساۋدىڭ ەلەكتروندىق ساۋدانىڭ اقاۋسىز دامۋىن جەبەۋ، تۇتىنۋشىلاردىڭ زاڭدى ۇقىق - مۇددەسى مەن بازاردىڭ ادىلدىگىن قورعاۋ جونىنەن ماڭىزى زور. قوعامنىڭ ءار سالاسىنداعىلار جاپپاي بىلاي دەپ قارادى: بۇل ەلەكتروندىق ساۋدانىڭ اقاۋسىز دامۋىن قولدايتىن، جۇيەگە تۇسىرەتىن، جاڭالىق اشاتىن جانە ونى قامتاماسىز ەتەتىن جەبەۋشى زاڭ، قالىڭ تۇتىنۋشىلاردىڭ، تەكشەدەگى تيجاراتشىلار مەن جەلىدەگى تيجاراتشىلاردىڭ زاڭدى ۇقىق - مۇددەسىن قورعايتىن زاڭ، بازار ءتارتىبى مەن ءادىل باسەكەنى قامتاماسىز ەتەتىن زاڭ. اۋىل - قىستاق جەرىن كوتەرمەگە الۋ زاڭىنا وزگەرىس ەنگىزۋ اۋىل - قىستاق جەر ءتۇزىمى رەفورماسىن تەرەڭدەتىپ، اۋىل - قىستاق جەرىن كوتەرمەگە الۋ قاتىناسىن زاڭ جاعىنان تۇراقتاندىرىپ جانە كەمەلدەندىرىپ، جەردى كوتەرمەگە الۋشىلار مەن تيجاراتشىلاردىڭ كوڭىلىن ورنىقتىرىپ، اۋىل شارۋاشىلىعىنىڭ، اۋىل - قىستاقتاردىڭ دامۋىن جەبەۋدە ماڭىزدى ءمان الادى. تۇراقتى كوميتەت تاعى ەگىستىك جەردى يەمدەنۋ سالىق زاڭىن، اۆتوكولىك ساتىپ الۋ سالىق زاڭىن جاساپ، سەرىكتەستىك زاڭى، حالىقتىق اۋە قاتىناس زاڭى، ەلەكتر كۇشى زاڭى، پورت زاڭى، كاسىپورىنداردىڭ تابىس سالىق زاڭى قاتارلى زاڭدارعا وزگەرىستەر ەنگىزىپ، وسى سالالارداعى رەفورما مەن دامۋدى جەبەدى.
پارتيا 19 - قۇرىلتايى مەن 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ رۋحىن دايەكتىلەندىرىپ، 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەكىتكەن قۇرىلىم رەفورماسىنىڭ جوباسى بويىنشا، تۇراقتى كوميتەت زاڭدارعا وزگەرىس ەنگىزۋ، قاۋلى شىعارۋ ارقىلى مەملەكەت قۇرىلىمدارىنىڭ ۇيىمدىق زاڭ - تۇزىمدەرىن اقاۋسىزداندىردى. مەملەكەتتىك كەڭەستىڭ قۇرىلىم رەفورماسىنداعى زاڭ بەلگىلەمەلەرىنە ساياتىن اكىمشىلىك ورگانداردىڭ مىندەت - جاۋاپكەرشىلىگىن رەتتەۋ ماسەلەسى جونىندە قاۋلى شىعاردى، قۇرىلىم رەفورماسىنا ساياتىن شەكارا دەنساۋلىق ساقتاۋ - كارانتيندەۋ زاڭى سياقتى 32 زاڭنىڭ 316 تارماعى مەن تارماقشالارىنا ءبىر تۇتاس وزگەرىستەر ەنگىزدى، جۇڭگو تەڭىز ساقشى مەكەمەسىنىڭ تەڭىزدەگى ۇقىق قورعاۋعا قاتىستى زاڭ اتقارۋ ۇقىعىن جۇرگىزۋ جونىندە قاۋلى شىعاردى، ءورت ءوشىرۋ، ورتتەن ساقتانۋ، قۇتقارۋ دارەجەسى ەرەجەسىن بەلگىلەپ، قۇرىلىم رەفورماسىنىڭ زاڭداردى رەتتەۋ جونىندە العا قويعان تالاپتارىنا دەر كەزىندە سايكەسىپ، قۇرىلىم رەفورماسىنىڭ ءساتتى جۇرگىزىلۋىن زاڭ جاعىنان قامتاماسىز ەتىپ، رەفورمانىڭ ءتارتىپتى ۇلاسۋىنا، قىزمەتتىڭ ۇزدىكسىز بولۋىنا، ورنىقتى بولۋىنا كەپىلدىك ەتتى. مەملەكەت قىزمەتكەرى زاڭىنا تۇزەتۋ ەنگىزىپ، مىندەتى مەن قىزمەت دارەجەسىن قاتار قولدانۋ ءتۇزىمىن رەفورمالاۋ امالياتىن زاڭعا ەنگىزىپ، ۇكىمەت قىزمەتكەرلەرىن تۇرگە ايىرۋ ءتۇزىلىسى رەفورماسىن جەدەل ىلگەرىلەتتىك. حالىق سوتى مەكەمەسىنىڭ ۇيىمدىق زاڭىنا، حالىق پروكۋراتۋراسىنىڭ ۇيىمدىق زاڭىنا، قىلمىستىق ىستەر ارىز - شاعىم زاڭىنا وزگەرىس ەنگىزىپ، حالىق زاسەداتەلى زاڭىن، حالىقارالىق قىلمىستىق ىستەر ءادىليالىق سەلبەستىك زاڭىن جاساپ، شاڭحاي فينانس سوت مەكەمەسىن قۇرۋ، پاتەنت سياقتى ءبىلىم مەنشىك ۇقىعى دەلولارىنا قاتىستى ارىز - شاعىم ءتارتىبى جونىندەگى ءبىرقانشا ماسەلە تۋرالى قاۋلى شىعارىپ، ءادىليا ءتۇزىلىسى رەفورماسىنىڭ تابىستارىن بەكەمدەدىك جانە تەرەڭدەتتىك. قىستاق تۇرعىندار كوميتەتىنىڭ ۇيىمدىق زاڭىنا، قالا تۇرعىندار كوميتەتىنىڭ ۇيىمدىق زاڭىنا وزگەرىس ەنگىزىپ، نەگىزگى ساتىنى جونگە سالۋ جۇيەسىن كەمەلدەندىردىك.
تۇراقتى كوميتەت حالىقتى وزەك ەتۋ يدەياسىن دايەكتىلەندىرىپ، قوعامدىق قۇرىلىس، حالىق تۇرمىسىن قامتاماسىزداندىرۋ، جاقسارتۋ سالاسىنداعى زاڭ شىعارۋدى تەزدەتىپ، زاڭمەن جونگە سالۋدان پايدالانىپ حالىقتىڭ ۇقىق - مۇددەسىن قامتاماسىز ەتىپ، ىرىسىن ارتتىرىپ، زاڭمەن جونگە سالۋ تاسىلىنەن پايدالانىپ بۇقارا ەڭ كوڭىل بولەتىن، شەشىلۋىن ءتورت كوزبەن كۇتەتىن ماسەلەلەردى شەشۋدى ىلگەرىلەتتى. ازاماتتىق زاڭ جيناعىن قۇراستىرۋ − پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە العا قويىلعان ماڭىزدى زاڭ شىعارۋ مىندەتى، تۇراقتى كوميتەت بۇرىنعى قىزمەتتەر نەگىزىندە، قارقىندى تەزدەتىپ، 6 ءبولىم، 1034 تارماقتان تۇراتىن ازاماتتىق زاڭ جيناعىنىڭ ءاربىر ءبولىمىنىڭ جوباسىن دايىندادى ءارى ولاردى تۇگەل قاراپ شىقتى، توقتام ءبولىمىنىڭ، ۇقىققا قول سۇعۋ جاۋاپكەرشىلىگى ءبولىمىنىڭ جوباسىن كەزەڭگە ءبولىپ قارادى، 2020 - جىلعا دەيىن ازاماتتىق زاڭ جيناعىن قۇراستىرۋ مىندەتىن ورىنداۋ نىساناسىن بەتكە الىپ، نىق قادام تاستادى. جەكەلەر تابىس سالىق زاڭىنا وزگەرىس ەنگىزىپ، سالىق ءتۇزىمى رەفورماسىن ىلگەرىلەتىپ، سالىق اۋىرتپالىعى قۇرىلىمىن جاقسارتتى، 80 ميلليونداي ادام ەڭبەكاقى تابىسىنان جەكەلەر تابىس سالىعىن تاپسىرمايتىن بولدى. قوعامدىق قامسىزداندىرۋ زاڭىنا وزگەرىس ەنگىزىپ، تۋىت قامسىزداندىرۋى مەن جۇمىسشى - قىزمەتكەرلەردىڭ نەگىزگى ەمدەلۋ قامسىزداندىرۋىن بىرىكتىرىپ اتقارۋدى بۇكىل مەملەكەت بويىنشا ىلگەرىلەتتى، ەمدەۋ - دەنساۋلىق ساقتاۋ سالاسىنداعى زاڭ شىعارۋ حالىق بۇقاراسىنىڭ ءتۇبىرلى مۇددەسىنە سايادى. تۇراقتى كوميتەت نەگىزگى ەمدەۋ - ەمدەلۋ، دەنساۋلىق ساقتاۋ جانە سالاماتتىقتى جەبەۋ زاڭى جوباسىن 2 رەت قارادى. چاڭچۇن چاڭشىڭ سەرىكتەستىگىنىڭ ۆاكسينا دەلوسىندا بايقالعان ماسەلەلەرگە قاراتا، تۇراقتى كوميتەت زاڭنان پايدالانىپ بۇقارانىڭ ءتول مۇددەسىن قورعاۋعا ايرىقشا نازار اۋدارىپ، ۆاكسينا باسقارۋ جونىندە ارناۋلى زاڭ شىعارۋدى جەدەلدەتتى، ۆاكسينا باسقارۋ زاڭى جوباسىن العاش رەت قارادى، زەرتتەۋ - جاساۋ، ءوندىرۋ، اينالىمعا سالۋ، ساقتىق ۆاكسيناسىن ەگۋدىڭ جالپى بارىسى مەن بارلىق جەلىسىن قامتىعان ۆاكسينانى باقىلاۋ - باسقارۋعا قاتىستى زاڭ - تۇزىمدەردى ورناتۋ ارقىلى حالىق بۇقاراسىنىڭ ءومىرىنىڭ، دەنساۋلىعىنىڭ حاۋىپسىزدىگىن شىنايى قامتاماسىز ەتتى.
ەكولوگيالىق وركەنيەت قۇرىلىسىنا قاتىستى زاڭ شىعارۋدى جەدەلدەتىپ، توپىراقتىڭ لاستانۋىنان ساقتانۋ جانە ونى جونگە سالۋ زاڭىن جاساپ، ورتاعا جاسايتىن ىقپالدى باعالاۋ زاڭى، ورتانىڭ شۋىلدان لاستانۋىنان ساقتانۋ جانە ونى جونگە سالۋ زاڭى سياقتى زاڭدارعا وزگەرىستەر ەنگىزىپ، ەكولوگيالىق ورتانى قورعاۋعا قاتىستى زاڭ - تۇزىمدەردى كەمەلدەندىردىك جانە قاتايتتىق. توپىراقتىڭ لاستانۋىنان ساقتانۋ جانە ونى جونگە سالۋ زاڭىنىڭ جاسالۋى تازا الاپتى قورعاۋ قىزمەتىن ىلگەرىلەتۋدى زاڭمەن باسقارۋمەن پارمەندى قامتاماسىز ەتىپ، اتموسفەرانىڭ لاستانۋىنان ساقتانۋ جانە ونى جونگە سالۋ زاڭى، سۋدىڭ لاستانۋىنان ساقتانۋ جانە ونى جونگە سالۋ زاڭىمەن بىرگە ”ءۇش ءبىر تۇلعالانعان“، ستەرەولدى باسقاراتىن - مەڭگەرەتىن ەكولوگيالىق ورتانى قورعاۋدى زاڭمەن جونگە سالۋ تورىن قالىپتاستىردى.
تۇراقتى كوميتەت مەملەكەتتىڭ حاۋىپسىزدىگىن قورعاۋدى زاڭ شىعارۋ قىزمەتىندە ماڭىزدى ورىنعا قويىپ، قاھارمان - قۇربانداردى قورعاۋ زاڭىن جاساپ، لاڭكەستىككە قارسى تۇرۋ زاڭى، مەملەكەتتىك اقپار زاڭىنا وزگەرىستەر ەنگىزىپ، سوتسياليستىك وزەكتى قۇن كوزقاراسىن زاڭ شىعارۋ قىزمەتىنە ءسىڭىرۋدى ىلگەرىلەتتى. قاھارمان - قۇربانداردى قورعاۋ زاڭىنىڭ جاسالۋى مەن اتقارىلۋى قاھارمان - قۇربانداردىڭ ىزگى ىستەرى مەن وتانشىلدىق رۋحىنىڭ جالعاسۋى مەن وركەندەۋىن جەبەدى، تاريحتى تەرىستەۋشىلدىككە پارمەندى تەجەۋ سالىپ، قاھارمان - قۇربانداردى تەرىسكە شىعاراتىن، جيىركەنىشتى كورسەتەتىن، كەمسىتەتىن، قارالايتىن ءتۇرلى ارەكەتتەرگە سوققى بەرىپ، مەملەكەتتىڭ حاۋىپسىزدىگىن، اسىرەسە، يدەولوگيا حاۋىپسىزدىگىن قورعاۋدى زاڭمەن قامتاماسىز ەتىپ، قوعامنىڭ ءار سالاسىندا بەلسەندى اڭىس تۋدىردى. قاھارمان - قۇربانداردى قورعاۋ زاڭى بولعاندا، ادىلدىك پەن ادىلەتتىلىك وركەندەي بەرمەك!
ءتورتىنشى، حالىق قۇرىلتايىنىڭ باقىلاۋ مىندەتىن زاڭ بويىنشا وتەپ، ەكونوميكالىق، قوعامدىق دامۋ مەن رەفورمادان قامال الۋ مىندەتىن اناعۇرلىم ويداعىداي جەبەدىك
زاڭدا بەلگىلەنگەن مىندەت بويىنشا ىستەۋ، زاڭدا بەلگىلەنگەن كولەم شەگىنەن اتتاماۋ، زاڭدا بەلگىلەنگەن تارتىپكە بويسۇنۋ نەگىزىندە باقىلاۋ قىزمەتىن ورىستەتۋگە تاباندى بولىپ، زاڭدا بەلگىلەنگەن ۇنەمىلىك باقىلاۋدى ويداعىداي ىستەۋمەن بىرگە، قامداۋ جاعىنداعى قۇرىلىمدىق رەفورمانى تەرەڭدەتۋ، ءۇش ءىرى قامال الۋ شايقاسىنا كۇش قوسۋ، حالىق تۇرمىسى سالاسىنداعى ءادىليالىق قولامتالى ماسەلەلەردى شەشۋ، مەجە ەسەپ جانە مەملەكەت مەنشىگىندەگى مال - مۇلىكتى باقىلاۋ سياقتى تۇيىندەردى كورنەكتىلەندىردىك. ءبىر جىلدان بەرى، مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ 24 قىزمەت بايانداماسىن تىڭدادىق جانە قارادىق، 6 زاڭنىڭ اتقارىلۋ جاعدايىن تەكسەردىك، 3 رەت ارناۋلى تاقىرىپتا پىكىر الدىق، 5 ءتۇرلى نىسان بويىنشا ارناۋلى تاقىرىپتا تەكسەرۋ - زەرتتەۋ جۇرگىزدىك، نەگىزگى زاڭ مەن زاڭداردىڭ ۇتىمدى اتقارىلۋىن شىنايى قامتاماسىز ەتۋمەن بىرگە، ”ۇكىمەتتىڭ، باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ“ قىزمەتىن جاقسارتۋىنا شىنايى كومەكتەسۋگە قۇلشىندىق.
تۇراقتى كوميتەت جوسپار، مەجە ەسەپ، سوڭعى ەسەپ، قازىنالىق باقىلاۋ، ورتانى قورعاۋ سياقتى قىزمەت باياندامالارىن تىڭدادى جانە قارادى، عىلىم - تەحنيكا، اۋىل شارۋاشىلىعى، وقۋ - اعارتۋ، ەمدەۋ - دەنساۋلىق ساقتاۋ، تەڭىز - مۇحيت شارۋاشىلىعى، جۇڭگولىق چياۋمينداردىڭ ۇقىق - مۇددەسى سياقتى ارناۋلى قىزمەت باياندامالارىن تىڭدادى جانە قارادى. پارتيا ورتالىق كوميتەتى «مەملەكەتتىك كەڭەستىڭ مەملەكەتتىك حالىق قۇرىلتايى تۇراقتى كوميتەتىنە مەملەكەت مەنشىگىندەگى مال - مۇلىكتى باسقارۋ احۋالىنان مالىمەت بەرۋ ءتۇزىمىن ورناتۋ جونىندەگى پىكىر» مەن «حالىق قۇرىلتايىنىڭ مەجە ەسەپتى تەكسەرۋ، باقىلاۋ ءتۇيىنىن شىعىس مەجە ەسەبى مەن ساياساتىنا قاراي كەڭەيتۋ جونىندەگى جەتەكشى پىكىردى» جاريالاپ، حالىق قۇرىلتايىنا تىڭ باقىلاۋ مىندەتىن جۇكتەدى. تۇراقتى كوميتەت حۇجات رۋحىن دايەكتىلەندىرىپ، ارناۋلى تاقىرىپتا تەكسەرۋ - زەرەتتەۋ جۇرگىزدى، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باسقارۋ احۋالى جونىندەگى جىلدىق جالپىلىق بايانداماسى مەن فينانس كاسىپورىندارىنىڭ مەملەكەت مەنشىگىندەگى مال - مۇلكى جونىندەگى ارناۋلى بايانداماسىن تۇڭعىش رەت قاراپ، مەملەكەت مەنشىگىندەگى مال - مۇلىكتى ويداعىداي باسقارۋ، ودان ويداعىداي پايدالانۋ ءۇشىن ”حاۋىپسىز ەسىك“ ورناتتى. قازىر بۇكىل ەلدەگى 31 ولكە دارەجەلى حالىق قۇرىلتايى تۇراقتى كوميتەتى تۇگەلدەي مەملەكەت مەنشىگىندەگى مال - مۇلىكتى باسقارۋ احۋالىنان مالىمەت بەرۋ ءتۇزىمىن ورناتتى. كاسىپتەن حابارى بار 153 مەملەكەتتىك حالىق قۇرىلتايى ۋاكىلىنىڭ مەجە ەسەپ تەكسەرۋگە قاتىناسۋىن تۇراقتاندىرىپ، مەجە ەسەپتى تورعا تۇتاستىرىپ باقىلاۋ جۇيەسىنىڭ مەجە ەسەپتىڭ جالپى بارىسىن باقىلاۋ - باسقارۋداعى رولىن ساۋلەلەندىرىپ، مەجە ەسەپتى تەكسەرۋ - باقىلاۋ ءتۇيىنىن شىعىس مەجە ەسەبى مەن ساياساتىنا قاراي كەڭەيتۋدى ىلگەرىلەتتى.
تۇراقتى كوميتەت اتموسفەرانىڭ لاستانۋىنان ساقتانۋ جانە ونى جونگە سالۋ زاڭى، تەڭىز - مۇحيت ورتاسىن قورعاۋ زاڭى، جۇقپالى اۋرۋلاردان ساقتانۋ جانە ونى جونگە سالۋ زاڭى، جەر سىلكىنىسىنەن ساقتانۋ جانە اپات زيانىن ازايتۋ زاڭى، اۋىل شارۋاشىلىق ونىمدەرىنىڭ ساپا حاۋىپسىزدىك زاڭى، ساناق زاڭى قاتارلى 6 زاڭنىڭ اتقارىلۋ احۋالىنا تەكسەرۋ جۇرگىزىپ، قىزمەتتەگى ماسەلەلەردى بايقاۋمەن بىرگە، زاڭداردىڭ، زاڭ ەرەجەلەردىڭ وزىندەگى ولقىلىقتار مەن كەمشىلىكتەردى تاۋىپ، زاڭنىڭ دۇرىس اتقارىلۋىنا كەپىلدىك ەتتى. تۇراقتى كوميتەت ءبىر رەت جوسپاردان سىرت ارناۋلى ءماجىلىس اشىپ، اتموسفەرانىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن تەكسەرۋ بايانداماسىن تىڭدادى جانە قارادى، ەكولوگيالىق ورتانى قورعاۋدى جاپپاي كۇشەيتۋ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋدى زاڭ بويىنشا ىلگەرىلەتۋ جونىندە قارار شىعارىپ، زاڭنىڭ اتقارىلۋىن تەكسەرۋ بارىسىندا بايقالعان 22 كاسىپورىنعا ساياتىن 38 ماسەلەنىڭ اتىن اتاپ، ءتۇسىن تۇستەي وتىرىپ جالپىعا جاريالاپ، اتموسفەرانىڭ لاستانۋىنان ساقتانۋدان جانە ونى جونگە سالۋدان قامال الۋ شايقاسىنىڭ ىشكەرىلەي جۇرگىزىلۋىنە كۇش ۇستەدى. بۇكىل ەلدەگى 31 ولكە دارەجەلى حالىق قۇرىلتايى تۇراقتى كوميتەتىنىڭ بارلىعى اتموسفەرانىڭ لاستانۋىنان ساقتانۋعا جانە ونى جونگە سالۋعا قاتىستى زاڭ ەرەجەلەردى جاساۋ جانە ولارعا وزگەرىس ەنگىزۋ قىزمەتىن ورىندادى، جەر - جەر، تاراۋلار ەكولوگيالىق ورتانى قورعاۋ جاعىنداعى ولشەمدى حۇجاتتاردى جالپى بەتتىك اداقتادى، جەرگىلىكتى حالىق قۇرىلتايلارىنىڭ تۇراقتى كوميتەتتەرى 514 جەرگىلىكتى زاڭ ەرەجەگە وزگەرىس ەنگىزىپ، 83ىن كۇشىنەن قالدىردى. تەڭىز - مۇحيت ورتاسىن قورعاۋ زاڭىنىڭ اتقارىلۋىن تەكسەرۋ بارىسىندا تەڭىز جاعالاۋىنداعى 11 ولكەنىڭ لاستاۋشى زاتتاردى تەڭىزگە شىعارۋ اۋزىن اشۋ جانە باسقارۋى، قۇرلىقتاعى لاس زاتتاردان ساقتانۋ جانە ولاردى جونگە سالۋ سياقتى كورنەكتى ماسەلەلەردى ءتۇيىندى باقىلادى. زاڭ قارۋىنان پايدالانىپ ورتانىڭ لاستانۋىن جونگە سالىپ، زاڭمەن جونگە سالۋدىڭ كۇشىنەن پايدالانىپ جاسىل تەڭىز، كوگىلدىر اسپاندى قورعاپ، قوعامنىڭ قۇپتاۋى مەن قولداۋىنا يە بولدى.
تۇراقتى كوميتەت ”7 - بەسجىلدىق“ كەزىندەگى زاڭ بىلىمدەرىن جالپىلاستىرۋ، ۇلتتىق وقۋ - اعارتۋ، كەدەيلىكتەن ارىلتۋدان قامال الۋ، اۋىل - قىستاقتاردى كوركەيتۋ، جەرگىلىكتى ۇكىمەت قارىزى سياقتى جاقتاردا ارناۋلى تاقىرىپتا تەكسەرۋ - زەرتتەۋ جۇرگىزىپ، ەكونوميكالىق، قوعامدىق دامۋداعى ءتۇيىندى، قيىن ماسەلەلەردى شەشۋدى ىلگەرىلەتتى.
تۇراقتى كوميتەت اتموسفەرانىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن تەكسەرۋ بايانداماسىن، حالىق سوتى مەكەمەسىنىڭ ”اتقارۋدىڭ قيىن بولۋىن“ شەشۋ قىزمەتى احۋالى جونىندە بەرگەن بايانداماسىن، حالىق پروكۋراتۋراسىنىڭ ازاماتتىق ىستەر ارىز - شاعىمى مەن اتقارۋ ارەكەتىندەگى زاڭدىق باقىلاۋدى كۇشەيتۋ قىزمەتى احۋالى جونىندە بەرگەن بايانداماسىن، قازىنادان بەرىلەتىن ەمدەۋ - دەنساۋلىق ساقتاۋ قارجىسىن ءبولۋ جانە ودان پايدالانۋ احۋالى جونىندەگى باياندامانى قاراۋمەن ۇشتاستىرىپ، 3 رەت ارناۋلى تاقىرىپتا پىكىر الۋ قىزمەتىن ورىستەتتى. مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جاۋاپتى جولداستار قاتىستى سالالارداعى حالىق جۇرتشىلىعى جاپپاي كوڭىل ءبولىپ وتىرعان ماسەلەلەر جونىندە ناق مايداندا تۇراقتى كوميتەت قۇرامىنداعىلار مەن مەملەكەتتىك حالىق قۇرىلتايى ۋاكىلدەرىنىڭ سۇراۋىنا جاۋاپ بەردى. ”ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ“ قىزمەتى جونىندە ارناۋلى تاقىرىپتا پىكىر الىندى، بۇل ارناۋلى تاقىرىپتا پىكىر الۋ ورىستەتىلگەننەن بەرى تۇڭعىش رەت ىستەلىپ وتىر.
بەسىنشى، ۋاكىلدەرمەن بايلانىس جاساۋ ارناسىن كەڭەيتىپ، ۋاكىلدەردىڭ مىندەتىن زاڭ بويىنشا وتەۋىن قولدادىق جانە قامتاماسىز ەتتىك
تۇراقتى كوميتەت پەن حالىق قۇرىلتايى ۋاكىلدەرىنىڭ، حالىق قۇرىلتايى ۋاكىلدەرى مەن حالىق بۇقاراسىنىڭ بايلانىسىن كۇشەيتىپ، حالىقتىڭ ويىن، ارمان - تىلەگىن شىنايى تۇسىنگەندە عانا، حالىق ءۇشىن بيلىك جۇرگىزۋدى، حالىق ءۇشىن مىندەت اتقارۋدى، حالىق ءۇشىن قىزمەت ىستەۋدى شىن مانىندە تياناقتاندىرۋعا بولادى.
ۋاكىلدەرمەن تىكە بايلانىس جاساۋ ءتۇزىمىن جۇيەگە ءتۇسىرۋ ءۇشىن، تۇراقتى كوميتەت قۇرامىنداعىلار 440 ۋاكىلمەن تىكە بايلانىس جاساپ، حالىقتىڭ تىلەگىن توعىستىرىپ، پىكىرىن تىڭدايتىن ”توتە جول“ اشتى. تۇراقتى كوميتەت ءماجىلىسى كەزىندە، 4 رەت ماجىلىسكە سىرتتاي قاتىناساتىن ۋاكىلدەردىڭ اڭگىمە ءماجىلىسىن اشىپ، مەملەكەتتىك حالىق قۇرىلتايىنىڭ ۋاكىلدەرىنەن 186 ادام ماجىلىسكە قاتىناسىپ، العا قويعان پىكىر - ۇسىنىستاردى قاتىستى تاراۋلار مۇقيات زەرتتەپ تياناقتاندىردى. ۋاكىلدەردىڭ تۇراقتى كوميتەت پەن ارناۋلى كوميتەتتەرىنىڭ قىزمەتىنە ات سالىسۋىن كەڭەيتۋ ءۇشىن، ۋاكىلدەردى تۇراقتى كوميتەتتىڭ ماجىلىسىنە سىرتتاي قاتىناسۋعا، زاڭنىڭ اتقارىلۋىن تەكسەرۋ جانە تەكسەرۋ - زەرتتەۋ قيمىلدارىنا قاتىناسۋعا ۇسىنىس ەتتىك. كوميتەت باستىقتارى كەڭەسى قۇرامىنداعىلاردىڭ تەكسەرۋ - زەرتتەۋ قيمىلدارىنا پرينسيپتىك جاقتان حالىق قۇرىلتايى ۋاكىلدەرىن قاتىناسۋعا ۇسىنىس ەتتىك. 1850 ۋاكىلدى ارناۋلى تاقىرىپتاعى تەكسەرۋ - زەرتتەۋگە قاتىناسۋعا ۇيىمداستىرىپ، شوعىرلى كوزدەن كەشىرۋ قيمىلدارىن ورىستەتتىك، شياڭگاڭدىق، اۋمىندىق، تايۋاندىق ۋاكىلدەردى گۋاڭدۇڭ، چۇڭچيڭ، جىجياڭ، شانشي، حاينان، چيڭحاي ولكەلەرىنە بارىپ كوزدەن كەشىرۋ، تەكسەرۋ - زەرتتەۋ جۇرگىزۋگە ۇيىمداستىردىق، ۋاكىلدەردىڭ كوبىرەك نەگىزگى ساتىعا بارۋىن، ءىس جۇزىندىك جاعدايمەن تانىسۋىن، بۇقارامەن بايلانىس جاساۋىن ىلگەرىلەتتىك. قيمىلداردى ۇيىمداستىرۋ مەن ورىستەتۋگە قولايلىلىق جاساۋ پرينسيبى نەگىزىندە، وسى كەزەكتى مەملەكەتتىك حالىق قۇرىلتايى ۋاكىلدەرىن 272 شاعىن گرۋپپاعا ءبولىپ، باي مازمۇندى مىندەت وتەۋ قيمىلدارىن ورىستەتتىك.
ۋاكىلدەردىڭ ۇسىنعان كەڭەس جوبالارى مەن ۇسىنىستارىن زاڭ شىعارۋدى باقىلاۋ نىساندارىن تۇراقتاندىرۋدىڭ، زاڭ جوبالارىن دايىنداۋدىڭ، قىزمەتتى ىلگەرىلەتۋ مەن جاقسارتۋدىڭ ماڭىزدى نەگىزى ەتۋگە تاباندى بولدىق. 13 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى قاتىستى ارناۋلى كوميتەتتەردىڭ قاراۋىنا تاپسىرىپ بەرگەن ۋاكىلدەر ۇسىنعان 325 كەڭەس جوبا تۇگەلدەي قارالىپ بولدى. مۇنىڭ شىندە 19 كەڭەس جوباعا ساياتىن 9 زاڭ شىعارۋ نىسانىن تۇراقتى كوميتەت قاراپ ماقۇلدادى، 22 كەڭەس جوباعا ساياتىن 4 زاڭ شىعارۋ نىسانىن قاراۋعا ۇسىندى، 143 كەڭەس جوباعا ساياتىن 60 زاڭ شىعارۋ نىسانى زاڭ شىعارۋ جوباسىنا نەمەسە جىلدىق زاڭ شىعارۋ جوسپارىنا ەنگىزىلدى. ۋاكىلدەردىڭ ۇسىنىستارىن ءبىر جايلى ەتۋ قىزمەتى مەحانيزمىن اقاۋسىزداندىرىپ، ۋاكىلدەر ورتاعا قويعان 7139 ۇسىنىس، سىن جانە پىكىردى تۇگەل ءبىر جايلى ەتتىك. العا قويىلعان ماسەلەلەردىڭ شەشىلگەندەرىنىڭ نەمەسە شەشىلۋ ۇستىندە تۇرعاندارىنىڭ سالىستىرماسى %76كە جەتتى. تۇراقتاندىرىلعان ءبىر جايلى ەتىلۋى ءتۇيىندى باقىلاناتىن 20 ءتۇرلى جۇمىسقا ساياتىن 192 ناقتى ۇسىنىس مىندەتىنە العان 36 ورىننىڭ ءتۇيىندى ءبىر جايلى ەتۋىنە تاپسىرىلىپ، قاتىستى ارناۋلى كوميتەتتەر ءبىر جايلى ەتىلۋىن باقىلاۋدى كۇشەيتىپ، قاتىستى قىزمەتتەر پارمەندى ىلگەرىلەتىلدى.
مەملەكەتتىك حالىق قۇرىلتايىنىڭ قۇرامى سانالاتىن مەملەكەتتىك حالىق قۇرىلتايى ۋاكىلدەرى حالىقتىڭ مۇددەسى مەن ەركىنە ۋاكىلدىك ەتىپ، نەگىزگى زاڭ مەن زاڭداردا جۇكتەلگەن قىزمەت مىندەتىن اتقارادى. تۇراقتى كوميتەت ۋاكىلدەردىڭ مىندەت وتەۋ قابىلەتى مەن ستيل قۇرىلىسىنا وسكەلەڭ ءمان بەرىپ، بۇرىنعى سايلاۋشى ورىنداردىڭ ۋاكىلدەردىڭ مىندەت وتەۋىن باقىلاۋدى زاڭ بويىنشا كۇشەيتۋىن قولداپ، ۋاكىلدەردىڭ مىندەت وتەۋ ارحيۆى قۇرىلىسىن ىلگەرىلەتىپ، ۋاكىلدەردىڭ مەملەكەت ىستەرىن، ەكونوميكا جانە مادەنيەت ىستەرىن، قوعامدىق ىستەردى باسقارۋعا ات سالىسۋ قابىلەتىن جوعارىلاتتى.
التىنشى، مەملەكەتتىڭ ديپلوماتيالىق جالپى جاعدايىنا قىزمەت ەتىپ، حالىق قۇرىلتايىنىڭ شەتەلدەرمەن قارىم - قاتىناس جاساۋ قىزمەتىن ويداعىداي ىستەدىك
حالىق قۇرىلتايىنىڭ شەتەلدەرمەن قارىم - قاتىناس جاساۋى مەملەكەتتىڭ جالپى تۇلعالىق ديپلوماتياسىنىڭ قۇرامداس بولىگى. ءبىر جىلدان بەرى جالپى 71 ۇيىرمە - گرۋپپا قۇرامىندا 660 ادام - رەت 46 ەلگە ساپارعا جىبەردىك؛ 34 ەل مەن 2 كوپ جاقتىلى پارلامەنت ۇيىمىنان كەلگەن 58 ۇيىرمە - گرۋپپادان 730 ادام - رەت قابىلدادىق. زاڭ شىعارۋ قۇرىلىمدارى اراسىنداعى اۋىس - ءتۇيىس پەن سەلبەستىك ارقىلى مەملەكەت ستراتەگياسىنا ويداعىداي قىزمەت ەتىپ، مەملەكەتتىڭ مۇددەسىن قورعادىق.
پارتيا ورتالىق كوميتەتىنىڭ ديپلوماتيا باعىتىن مۇقيات دايەكتىلەندىرىپ، باستى ەلدەردىڭ پارلامەنتتەرىمەن بارىس - كەلىستى بەكەمدەدىك جانە كۇشەيتتىك، رەسەي، امەريكا قۇراما شتاتتارى، فرانسيا، جاپونيا قاتارلى ەلدەردىڭ پارلامەنتتەرىمەن جانە ەۆروپا پارلامەنتىمەن قارىم - قاتىناستى ساقتادىق، جۇڭگونىڭ مەملەكەتتىك حالىق قۇرىلتايى مەن رەسەي پارلامەنتى سەلبەستىك كوميتەتىنىڭ 4 - رەتكى كەڭەسىن وتكىزدىك. ىرگەلەس ەلدەردىڭ، افريكا ەلدەرىنىڭ پارلامەنتتەرىمەن قارىم - قاتىناستى كۇشەيتتىك، دامۋ ۇستىندەگى ەلدەرگە باعىتتالعان پارلامەنت مۇشەلەرىنىڭ تالقى كۋرسىن اشىپ، ”ءبىر بەلدەۋ، ءبىر جول“ بويىنداعى ەلدەردىڭ پارلامەنتتەرىمەن دوستىق - سەلبەستىكتى نىعايتتىق. كوپ جاقتى پارلامەنت ۇيىمدارىنىڭ كەڭەسىنە بەلسەنە قاتىناسىپ، شاڭحاي ىنتىماقتاستىق ۇيىمى پارلامەنت باستىقتارىنىڭ كەزدەسۋى، بريكس ەلدەرى پارلامەنتتەرىنىڭ تالقى مىنبەسى سياقتى جاڭادان گۇلدەنگەن كوپ جاقتىلى مەحانيزمدەردى دامىتۋعا تىڭعىلىقتى جەتەكشىلىك ەتىپ، ءار ەلدىڭ پارلامەنت بىرلەستىگى، 20 ەل توبى پارلامەنت باسشىلارىنىڭ كەڭەسىندە سىندارلى رول اتقاردىق، جۇڭگو جاق العا قويعان ادامزاتتىڭ تاعدىرلاس ورتاق تۇلعاسىن قۇرۋ، ”ءبىر بەلدەۋ، ءبىر جولدى“ بىرگە قۇرۋ، كوپ جاقتىلىقتى قورعاۋ سياقتى قۋاتتامالارى جاپپاي قۇپتاۋعا يە بولدى. ءىشىنارا ەلدەردىڭ پارلامەنتتەرىنىڭ ەلىمىزگە قاتىستى كەراناۋ كەڭەس جوبا، قاتە ءسوز - ارەكەتتەرى جونىندە پرينسيپ - تۇرعىمىزدى ءتۇسىندىرىپ، حالىق قۇرىلتايىنىڭ ءۇنىن جەتكىزدىك.
شەتەلدەرمەن قارىم - قاتىناس جاساۋ بارىسىندا، ءتوراعا شي جينپيڭ مەن شەتەل باسشىلارىنىڭ پىكىر بىرلىگىنە كەلگەن ماڭىزدى ورتاق تانىمدارىن تياناقتاندىرۋدى بەلسەنە ىلگەرىلەتىپ، مەملەكەتتەر اراسىنداعى سەلبەستىك پەن اۋىس - ءتۇيىس جاساۋعا زاڭدىق قولداۋ كورسەتتىك. جۇڭگوشا سوتسياليستىك ساياسي دامۋ جولىنان اۋىتقىماي، حالىق قۇرىلتايى ءتۇزىمىنىڭ ابزالدىلىعى مەن ەرەكشەلىگىن ۇگىتتەپ جانە تانىستىرىپ، حالىقارالىق قوعامنىڭ جۇڭگونىڭ دامۋ جولى، دامۋ ۇلگىسى، مەملەكەتتى جونگە سالۋ ۇستانىمى جونىندەگى تۇسىنىگىن تەرەڭدەتىپ، ورتاق تانىمىن كۇشەيتتىك.
جەتىنشى، تۇراقتى كوميتەتتىڭ وزىندىك قۇرىلىسىن جاپپاي كۇشەيتىپ، مىندەتىن زاڭ بويىنشا اتقارۋ قابىلەتى مەن دەڭگەيىن ۇزدىكسىز جوعارىلاتتىق
تۇراقتى كوميتەت ساياسي قۇرىلىس پەن يدەيالىق قۇرىلىستى كۇشەيتتى، مۇندا پارتيانىڭ باسشىلىعىنا تاباندى بولۋ، حالىقتىڭ وزىنە - ءوزى قوجايىن بولۋ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋ جونىندەگى تانىم مەن سەنىمدى ونان ارى كۇشەيتۋ ءتۇيىن ەتىلدى. سونىمەن بىرگە، ءتۇزىم قۇرىلىسىن، قابىلەت قۇرىلىسىن، ستيل قۇرىلىسىن مىقتى يگەرىپ، مىندەت اتقارۋ تانىمى مەن مىندەت اتقارۋ قابىلەتىن كورنەكتى كۇشەيتتى.
ءىس قاراۋ ەرەجەسىن تياناقتاندىرۋدى ءتۇيىن ەتىپ ءتۇزىم قۇرىلىسىن كۇشەيتتىك. تۇراقتى كوميتەت ءماجىلىسىن اشۋدىڭ زاڭدىق تارتىبىنە قاتاڭ بويسۇنىپ، ءماجىلىستىڭ قاجەتىنە قاراي سىرتتاي قاتىناساتىنداردى ۇسىنىس ەتىپ، گرۋپپالارعا ءبولىنىپ قاراۋ مەن بىرىككەن گرۋپپالاردىڭ قاراۋىن ۇيلەسىمدى ورنالاستىرىپ، تۇراقتى كوميتەتتىڭ ءار رەتكى ماجىلىسىندە بەلگىلەنگەن كۇن تارتىپتەردى تۇگەل تابىستى ورىندادىق. كەڭەس جوبالاردى العا قويۋ جانە ولاردى قاراۋ قىزمەتى ءتۇزىمىن جۇيەگە ءتۇسىرىپ، حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ قىزمەتىندەگى جەتەكشى رولىن ساۋلەلەندىرۋدىڭ ناقتى مازمۇندارىن ايقىندادىق. تۇراقتى كوميتەت ءماجىلىسىنىڭ تىڭداۋ، قاراۋ قىزمەتى جونىندە مالىمەت بەرۋ ءتۇزىمىن قاتاڭ تياناقتاندىردىق. زاڭنىڭ اتقارىلۋىن تەكسەرۋدە تاقىرىپ تاڭداۋ، ۇيىمداستىرۋ، مالىمدەۋ، قاراۋ، رەتتەۋ - تۇزەتۋ، جاۋاپ قايتارۋ توعىسقان قىزمەت ءتارتىبىن كەمەلدەندىردىك. ارناۋلى تاقىرىپتا پىكىر الۋدىڭ نەگىزگى تۇلعاسىن، فورماسىن، مازمۇنىن، ءتارتىبىن، جاۋاپ قايتارۋدى ولشەمدەندىرۋ، تۇزىمدەندىرۋدى ىلگەرىلەتىپ، سوڭعى باقىلاۋ قىزمەتىنىڭ ءىس جۇزىندىك ونىمدىلىگىن ارتتىردىق. قابىلەت قۇرىلىسىن كۇشەيتىپ، ۇيرەنۋ قابىلەتىن ارتتىرىپ، ەكونوميكا، ساياسي، مادەنيەت، قوعام، ەكولوگيالىق وركەنيەت جانە پارتيا قۇرىلىسى نازارياسى مەن امالياتى جونىندەگى ءبىلىم دەڭگەيىمىزدى جان - جاقتىلى جوعارىلاتۋعا ءمان بەردىك. دەموكراتيالىق ورتالىقتاندىرۋ ءتۇزىمىن دايەكتىلەندىرۋ سانالىلىعىمىزدى ۇزدىكىسىز كۇشەيتىپ، تۇراقتى كوميتەت قۇرامىنداعىلاردىڭ دەموكراتيالىق ۇقىعىن قامتاماسىزداندىرۋمەن بىرگە، كوپشىلىكتى دەموكراتيالىق ۇقىعىن زاڭ بويىنشا جۇرگىزۋگە جەتەكتەپ، مەملەكەت پەن حالىقتىڭ ءتۇبىرلى مۇددەسىن، ۇزاق بولاشاقتىق مۇددەسىن، جالپىلىق مۇددەسىن شىنايى قورعادىق.
ستيل قۇرىلىسىن كۇشەيتىپ، ورتالىقتىڭ ”سەگىز تارماقتى بەلگىلەمەسى“ مەن ونى اتقارۋ ەرەجەسىنىڭ رۋحىن جاپپاي تياناقتاندىردىق. تەكسەرۋ - زەرتتەۋدى مىندەت اتقارۋداعى نەگىزگى شەبەرلىك ەتىپ، تۇراقتى كوميتەتتىڭ، ارناۋلى كوميتەتتىڭ 260 نەشە رەت تەكسەرۋ - زەرتتەۋ جۇرگىزىپ، حالىق قۇرىلتايى قىزمەتىنىڭ ءىس جۇزىندىك دامۋ مەن حالىقتىڭ تالابىن اناعۇرلىم ويداعىداي ايگىلەۋىن جەبەدى. ارىزدانا كەلگەن بۇقارا مەن حالىقتان كەلگەن حاتتارعا مۇقيات مامىلە جاساپ، ارىز - ارمان قىزمەتىن جۇيەلىلەندىرۋ، تۇزىمدەندىرۋ دەڭگەيىن جوعارىلاتتىق. ءماجىلىس ستيلىن جاقسارتىپ، ءماجىلىس ءتارتىبىن قاتايتىپ، رۇقسات سۇراۋ ءتۇزىمىن كۇشەيتۋگە بارىنشا قۇلشىندىق، تۇراقتى كوميتەتتىڭ ماجىلىسىنە قاتىناسۋ سالىستىرماسى %98تەن جوعارى بولدى. حالىق قۇرىلتايىنىڭ اقپارات، قوعامدىق پىكىر قىزمەتىن جاقسارتىپ، نەگىزگى زاڭدى دايەكتى اتقارۋ جانە رەفورما جاساپ، ەسىك اشقان 40 جىلداعى حالىق قۇرىلتايى ءتۇزىمىنىڭ دامۋ بارىسىن ءتۇيىندى ۇگىتتەدىك.
ارناۋلى كوميتەتتەردىڭ قىزمەتىن جانە قۇرىلىسىن كۇشەيتىپ، ارناۋلى كوميتەتتەگى جاۋاپتى جولداستاردىڭ ءماجىلىسىن اشتىق. ارناۋلى كوميتەتتەر مىندەت - بورىشىن ويداعىداي وتەپ، وزىندىك ەرەكشەلىگى مەن ابزالدىلىقتارىن ساۋلەلەندىرىپ، زاڭ شىعارۋ، باقىلاۋ، ۋاكىلدەر، شەتەلدەرمەن بارىس - كەلىس جاساۋ سياقتى جاقتاردا قىرۋار تابىستى قىزمەتتەر ىستەدى. تۇراقتى كوميتەتتىڭ قىزمەت قۇرىلىمدارىنىڭ قۇرىلىسىن كۇشەيتىپ، ولاردىڭ قىزمەت وتەۋ، سايكەستىرۋ، قامتاماسىزداندىرۋ رولىن تولىق ساۋلەلەندىردىك.
جەرگىلىكتى حالىق قۇرىلتايلارىمەن بايلانىستى كۇشەيتىپ، قىزمەتتىك سەلبەسۋدى نىعايتىپ، حالىق قۇرىلتايى قىزمەتىنىڭ تۇلعالىق ونىمدىلىگىن ارتتىرىپ، حالىق قۇرىلتايى قىزمەتىنىڭ دەڭگەيىن بىرگە جوعارىلاتتىق.
ۋاكىلدەر!
وتكەن ءبىر جىلداعى قىزمەتتەن ءبىز جاڭا داۋىردەگى حالىق قۇرىلتايى قىزمەتىن ويداعىداي ىستەۋدە ەڭ ءتۇبىرلىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، پارتيانىڭ حالىققا باسشىلىق ەتىپ، مەملەكەتتى ويداعىداي جونگە سالۋىنا كەپىلدىك ەتۋ كەرەكتىگىن تەرەڭ ۇعىندىق.
− پارتيانىڭ جان - جاقتىلى باسشىلىعىنا باستان - اياق تاباندى بولۋ كەرەك. پارتيا باسشىلىعى حالىق قۇرىلتايى ءتۇزىمىنىڭ ەڭ ايقىن ەرەكشەلىگى. اماليات پارتيا باسشىلىعىنا تاباندى بولۋ قانشا جاقسى بولعان سايىن، حالىقتىڭ وزىنە - ءوزى قوجايىن بولۋىنىڭ سونشا تولىق جۇزەگە اساتىندىعىن، مەملەكەتتى زاڭمەن جونگە سالۋدىڭ دامۋى بارعان سايىن تابىستى بولاتىنىن، حالىق قۇرىلتايى ءتۇزىمىنىڭ ابزالدىلىعى بارعان سايىن كورنەكتىلەنەتىنىن دالەلدەدى. بۇدان ءارقانداي ۋاقىتتا، ءارقانداي جاعدايدا اۋىتقۋعا بولمايدى. حالىق قۇرىلتايى پارتيانىڭ باسشىلىعىندا قىزمەت ۇقىعىن زاڭ بويىنشا جۇرگىزىپ، پارتيانىڭ دارىپتەمەسىن زاڭدا بەلگىلەنگەن ءتارتىپ ارقىلى مەملەكەتتىڭ ەركىنە، بۇكىل حالىقتىڭ ورتاق ەركىنە اينالدىرۋ كەرەك.
− حالىقتى وزەك ەتۋگە باستان - اياق تاباندى بولىپ، حالىقتىڭ وزىنە - ءوزى قوجايىن بولۋىنا كەپىلدىك ەتۋ كەرەك. حالىقتىڭ نەگىزگى تۇلعالىق ورنىنا قۇرمەت ەتىپ، حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداۋ جانە وعان كەپىلدىك ەتۋ كەرەك. قالىڭ حالىقتىڭ ءتۇبىرلى مۇددەسىن قورعاۋدى حالىق قۇرىلتايى قىزمەتىنىڭ شىعار ءتۇيىنى جانە تابان تىرەر تياناعى ەتىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن شوعىرلاندىرىپ، حالىقتىڭ تىلەگىنە ءۇن قاتىپ، حالىق قۇرىلتايى مەن ونىڭ تۇراقتى كوميتەتىن حالىق بۇقاراسىمەن قويۋ بايلانىستى ساقتايتىن ۋاكىلدىك ورگانعا اينالدىرىپ، حالىقتىڭ وزىنە - ءوزى قوجايىن بولۋىنىڭ مەملەكەتتىڭ ساياسي ءومىرى مەن قوعامدىق ومىرىندە ناقتى، شىنايى تياناقتانۋىنا كەپىلدىك ەتۋ كەرەك.
− جالپى جاعدايدى ارقاۋ ەتە وتىرىپ، قىزمەتتى جوسپارلاۋعا، ىلگەرىلەتۋگە باستان - اياق تاباندى بولۋ كەرەك. حالىق قۇرىلتايى قىزمەتى پارتيا مەن مەملەكەت قىزمەتىنىڭ ماڭىزدى قۇرامداس بولىگى. پارتيا 19 - قۇرىلتايىندا بەلگىلەنگەن نىسانا - مىندەتتەردى مىقتاپ ارقاۋ ەتە وتىرىپ، جاڭا داۋىردەگى جاڭا تالاپتارعا سايكەسىپ، پارتيا ورتالىق كوميتەتىنىڭ تىڭ ورنالاستىرۋىنا تىعىز ىلەسىپ، حالىق بۇقاراسىنىڭ جاڭا قاجەتىن قاناعاتتاندىرىپ، نەگىزگى زاڭ مەن زاڭداردا جۇكتەلگەن مىندەتتەردى تولىق ۇستىنە الىپ، جاڭا داۋىردەگى رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىن اناعۇرلىم ويداعىداي دەمەپ، ۇلى كۇرەس، ۇلى ينجەنەريا، ۇلى ءىس، ۇلى ارماندى ىلگەرىلەتۋدى زاڭمەن جونگە سالۋ جاعىندا پارمەندى قامتاماسىز ەتۋ كەرەك.
− زاڭدا بەلگىلەنگەن مىندەت - بورىشتاردى اتقارۋعا باستان - اياق تاباندى بولىپ، ءىستى زاڭ بويىنشا قاتاڭ ىستەۋ كەرەك. حالىق قۇرىلتايىنىڭ مەملەكەتتى جاپپاي زاڭمەن جونگە سالۋداعى فۋنكتسيالىق رولىن ساۋلەلەندىرىپ، جۇڭگوشا سوتسياليستىك زاڭمەن جونگە سالۋ جولىمەن جۇرۋگە تاباندى بولىپ، نەگىزگى زاڭدى وزەك ەتكەن جۇڭگوشا سوتسياليزمنىڭ زاڭ جۇيەسىن ۇزدىكسىز كەمەلدەندىرىپ، زاڭدى ارناعا ءتۇسىرۋدىڭ كەمەلدى جۇيەسىن، زاڭمەن جونگە سالۋدىڭ ۇتىمدى اتقارۋ جۇيەسىن، زاڭمەن جونگە سالۋدىڭ قاتاڭ باقىلاۋ جۇيەسىن، زاڭمەن جونگە سالۋدىڭ پارمەندى قامتاماسىزداندىرۋ جۇيەسىن قالىپتاستىرۋدى تەزدەتۋ كەرەك. نەگىزگى زاڭ مەن زاڭداردا جۇكتەلگەن مىندەت - بورىشتاردى اتقارعان كەزدە زاڭدا بەلگىلەنگەن كولەمنەن اتتاماي، زاڭدا بەلگىلەنگەن تارتىپكە بويسۇنىپ، پارتيا مەن حالىق بەرگەن بيلىكتى شىن مانىندە حالىق ءۇشىن قىزمەت ىستەۋگە پايدالانۋعا شىنايى كەپىلدىك ەتۋ كەرەك.
− دەموكراتيالىق ورتالىقتاندىرۋ ءتۇزىمىنىڭ ۇيىمدىق پرينسيبى مەن قيمىل ولشەمىنە باستان - اياق تاباندى بولۋ كەرەك. حالىق دەموكراتياسى − سوتسياليزمنىڭ جانى، سوتسياليزمنىڭ ەڭ الدىمەن دارىپتەيتىنى دەموكراتيا. دەموكراتيانى ساۋلەلەندىرۋ − حالىق قۇرىلتايى ءتۇزىمىنىڭ قاجەتتى تالابى، حالىق قۇرىلتايى − حالىق دەموكراتياسىن جۇزەگە اسىراتىن ماڭىزدى تۇعىر. قىزمەت ۇقىعىن زاڭ بويىنشا تارتىپكە ساي جۇرگىزىپ، ماسەلە تۋرالى كوللەكتيۆ اقىلداسىپ شەشىم جاساپ، حالىق قۇرىلتايى ۋاكىلدەرىنىڭ، تۇراقتى كوميتەت قۇرامىنداعىلاردىڭ دەموكراتيالىق ۇقىعىنا كەپىلدىك ەتىپ، دەموكراتيانى تولىق ساۋلەلەندىرۋ نەگىزىندە دۇرىس ورتالىقتاندىرۋ جۇرگىزىپ، حالىق قۇرىلتايىنىڭ ءتۇرلى قىزمەتىنىڭ پارتيانىڭ قۋاتتاماسىن ايگىلەپ، نەگىزگى زاڭنىڭ رۋحىنا سايكەسىپ، حالىقتىڭ ەركىن بەينەلەۋىنە شىنايى كەپىلدىك ەتۋ كەرەك.
ۋاكىلدەر!
وتكەن ءبىر جىلداعى قول جەتكىزگەن تابىستارىمىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى ۋاكىلدەرىنىڭ، تۇراقتى كوميتەت قۇرامىنداعىلاردىڭ، ارناۋلى كوميتەت قۇرامىنداعىلاردىڭ جانە مەملەكەتتىك حالىق قۇرىلتايى ورگانىنداعى قىزمەتكەرلەردىڭ قىزمەتتى تىڭعىلىقتى ىستەۋىنىڭ ناتيجەسى، مەملەكەتتىك كەڭەستىڭ، مەملەكەتتىك باقىلاۋ - تەكسەرۋ كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ تىعىز سايكەسۋىنىڭ ناتيجەسى، جەرگىلىكتى ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرىنىڭ زور كۇشپەن قولداۋىنىڭ ناتيجەسى، بۇكىل ەلىمىزدەگى ءار ۇلت حالقىنىڭ بەلسەنە ات سالىسىپ، تولىق سەنىم ارتۋىنىڭ ناتيجەسى. وسى جەردە، مەملەكەتتىك حالىق قۇرىلتايى تۇراقتى كوميتەتى اتىنان شىن جۇرەكتەن العىس ايتامىن!
وتكەن ءبىر جىلدا، قىزمەتىمىزدە ولقىلىقتار مەن جەتەرسىزدىكتەر بولدى، مۇنىڭ باستى بەينەلەرى مىنالار: زاڭ شىعارۋ قىزمەتىنىڭ ساپاسى مەن ونىمدىلىگىن اناعۇرلىم جوعارىلاتۋعا، باقىلاۋ قىزمەتىنىڭ مەحانيزمى مەن فورماسىن اناعۇرلىم اقاۋسىزداندىرۋعا، كەمەلدەندىرۋگە، حالىق قۇرىلتايى ۋاكىلدەرىمەن، حالىق بۇقاراسىمەن بايلانىس جاساۋ ءتۇزىمى مەحانيزمىن اناعۇرلىم ناقتىلاندىرۋعا، تياناقتاندىرۋعا، حالىق قۇرىلتايىنىڭ نازاريالىق زەرتتەۋ جانە اقپارات، قوعامدىق پىكىر قىزمەتى دەڭگەيىن اناعۇرلىم جوعارىلاتۋعا، وزىندىك قۇرىلىستى اناعۇرلىم كۇشەيتۋگە تۋرا كەلىپ وتىر. ءبىز وسى ماسەلەلەرگە وسكەلەڭ ءمان بەرىپ، ءارقايسى جاقتاردىڭ پىكىر - ۇسىنىستارىن كىشى پەيىلدىلىكپەن تىڭداپ، ءتۇرلى قىزمەتتەردى ۇزدىكسىز كۇشەيتۋىمىز، تىنباي جاقسارتۋىمىز كەرەك.
مۇنان بىلايعى ءبىر جىلداعى نەگىزگى مىندەتتەر جونىندە
2019 - جىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرۋداعى ماڭىزدى جىل. تۇراقتى كوميتەت جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىم“ دى بەرىك ورناتىپ، ”ءتورت سەنىم“دى شىنايى كۇشەيتىپ، ”ەكىنى قورعاۋ“دى باتىل ورىنداپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ىلگەرىلەتۋ“ ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنان جازباي، جاڭا دامۋ ۇستانىمىن دايەكتىلەندىرىپ، زاڭ شىعارۋ، باقىلاۋ، ۋاكىلدەر قىزمەتىن، شەتەلدەرمەن بارىس - كەلىس جاساۋ جانە وزىندىك قۇرىلىس دەڭگەيىن كۇش شالا جوعارىلاتىپ، جاڭا داۋىردەگى حالىق قۇرىلتايى قىزمەتىنىڭ جاڭا جاعدايىن اشۋعا قۇلشىنۋ كەرەك.
ءبىرىنشى، نەگىزگى زاڭدى اتقارۋ جانە باقىلاۋ قىزمەتىن تاباندىلىقپەن ىلگەرىلەتۋ. نەگىزگى زاڭنىڭ جانى اتقارىلۋىندا، نەگىزگى زاڭنىڭ بەدەلى دە اتقارىلۋىندا. زاڭ - تۇزىمدەردى اقاۋسىزداندىرىپ، زاڭ جۇيەسىن كەمەلدەندىرۋ ارقىلى نەگىزگى زاڭ - ءتۇزىمىن تياناقتاندىرۋ، دۇرىس، ءونىمدى باقىلاۋ جۇرگىزۋ ارقىلى نەگىزگى زاڭ مەن زاڭداردىڭ اتقارىلۋىنا كەپىلدىك ەتىپ، نەگىزگى زاڭنىڭ ەل باسقارۋداعى ماڭىزدى رولىن ساۋلەلەندىرۋ كەرەك. نەگىزگى زاڭ الدىندا سەرت بەرۋ ءتۇزىمىن تياناقتاندىرىپ، مەملەكەتتىك نەگىزگى زاڭ كۇنى قيمىلىن ويداعىداي ۇيىمداستىرۋ، ”7 - بەسجىلدىق“ كەزىندەگى زاڭ جالپىلاستىرۋ قاۋلىسىن اتقارۋدى جەدەلدەتىپ، نەگىزگى زاڭ تۋرالى ۇگىت - تاربيە قيمىلدارىن ىشكەرىلەي ورىستەتۋ. نەگىزگى زاڭ تۋرالى نازاريالىق زەرتتەۋدى كۇشەيتۋ. نەگىزگى زاڭدى باقىلاۋ ءتۇزىمىن تياناقتاندىرۋ، نەگىزگى زاڭعا سيىمدىلىعىن تەكسەرۋ قىزمەتى مەحانيزمىن اقاۋسىزداندىرۋ، ەستەلىككە الىپ تەكسەرۋ قىزمەتىن كۇشەيتۋ. ەستەلىككە الىپ تەكسەرۋدىڭ مەملەكەت بويىنشا بىرلىككە كەلگەن ينفورماتسيا تۇعىرىن قۇرۋ، جەرگىلىكتى حالىق قۇرىلتايلارىنىڭ ينفورماتسيا تۇعىرىن رايوندارعا بولىنگەن قالا، اۆتونوميالى وبلىس، اۆتونوميالى اۋداندارعا دەيىن كەڭەيتۋدى تەزدەتۋ.
ەكىنشى، زاڭ شىعارۋ قىزمەتىنىڭ ساپاسى مەن ونىمدىلىگىن جوعارىلاتۋعا كۇش سالۋ. باس شۋجي شي جينپيڭنىڭ مەملەكەتتى جاپپاي زاڭمەن جونگە سالۋداعى جاڭا ۇستانىم، جاڭا يدەيا، جاڭا ستراتەگياسىن جانە پارتيا ورتالىق كوميتەتىنىڭ زاڭ شىعارۋ جونىندەگى شەشىمدەرىن مۇقيات دايەكتىلەندىرىپ، زاڭ شىعارۋدى عىلمي، دەموكراتيالىق جولمەن زاڭ بويىنشا جۇرگىزۋدى ىشكەرىلەي ىلگەرىلەتىپ، حالىق قۇرىلتايى مەن ونىڭ تۇراقتى كوميتەتىنىڭ زاڭ شىعارۋ قىزمەتىندەگى جەتەكشى رولىن ساۋلەلەندىرۋ، تۇراقتى كوميتەتتىڭ زاڭ شىعارۋ پلانى مەن جىلدىق زاڭ شىعارۋ جوسپارىن جاپپاي تياناقتاندىرىپ، ءتۇيىندى سالالارداعى زاڭ شىعارۋدى بەلسەنە ىلگەرىلەتىپ، زاڭ شىعارۋ، زاڭعا وزگەرىس ەنگىزۋ، زاڭدى كۇشىنەن قالدىرۋ، زاڭدى ءتۇسىندىرۋ قىزمەتىن ءبىر تۇتاس جوسپارلاپ ويداعىداي ىستەپ، سان جاعىندا تالاپ قويۋمەن بىرگە ونىمدىلىككە اناعۇرلىم ءمان بەرىپ، شىعارىلعان زاڭداردىڭ تولىق جارامدى بولۋىنا كەپىلدىك ەتىپ، جوعارى ساپالى زاڭ شىعارۋ ارقىلى جوعارى ساپالى دامۋدى قامتاماسىزداندىرىپ جانە جەبەپ، ءاربىر زاڭ شىعارۋ نىسانىنىڭ بارلىعى حالىق بۇقاراسىنىڭ ارمان - تىلەگىن ايگىلەۋىنە، بۇقارانىڭ قولداۋىنا يە بولۋىنا، حالىق بۇقاراسىنىڭ ءاربىر زاڭ - تۇزىمنەن ادىلدىك پەن ادىلەتتىلىكتى سەزىنە الۋىنا قۇلشىنۋ.
بيىل بازارلاندىرۋ رەفورماسىن تەرەڭدەتىپ، جوعارى دەڭگەيدەگى ەسىك اشۋ كولەمىن كەڭەيتۋدە شۇعىل قاجەتتى زاڭداردى جاساۋدى جانە ولارعا وزگەرىس ەنگىزۋدى مىقتاپ يگەرىپ، حالىق تۇرمىسى، مەملەكەت حاۋىپسىزدىگى، ءبىلىم مەنشىك ۇقىعىن قورعاۋ، قوعامدىق جونگە سالۋ، ەكولوگيالىق وركەنيەت قۇرىلىسى سياقتى سالالارداعى زاڭ شىعارۋدى جەدەل ىلگەرىلەتىپ، سالىق جونىندەگى زاڭدا بەلگىلەنگەن پرينسيپتەردى تياناقتاندىرىپ، مەملەكەت قۇرىلىمدارىنىڭ قاتىستى زاڭ - تۇزىمدەرىن كەمەلدەندىرۋ كەرەك. پارتيا ورتالىق كوميتەتى تۇراقتاندىرعان ءتۇيىندى زاڭ شىعارۋ جۇمىستارىن كۇشتى شوعىرلاندىرا وتىرىپ ويداعىداي تياناقتاندىرۋ كەرەك، مۇندا ازاماتتىق زاڭ جيناعىن قاراۋ، قىلمىستىق ىستەر زاڭىنىڭ وزگەرىس ەنگىزىلگەن جوباسىن (11)، نەگىزگى ەمدەۋ - دەنساۋلىق ساقتاۋ جانە اقاۋسىزدىقتى جەبەۋ زاڭىن، ءۇي - جاي سالىعى زاڭىن، ەكسپورتتىق باسقارۋ - تەجەۋ زاڭىن، الەۋمەتتىك اۋماقتاردى وڭاۋ زاڭىن، اسكەري ونەركاسىپ پەن حالىقتىق ونەركاسىپتى توعىستىرىپ دامىتۋ زاڭىن، اسكەردەن بوساعانداردى قامتاماسىزداندىرۋ زاڭىن، اكىمشىلىك جۇمىستارعا قاتىستى جازالاۋ زاڭىن جاساۋ، اكتسيا زاڭىنا، اسكەري مىندەت وتەپ جاتقان وفيتسەرلەر زاڭىنا، اسكەري مىندەت وتەۋ زاڭىنا، حالىقتىق قارۋلى ساقشىلار زاڭىنا، مەملەكەتتىك حالىق قۇرىلتايىنىڭ ۇيىمدىق زاڭىنا، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ، بيولوگيالىق حاۋىپسىزدىك زاڭى، چاڭجياڭ وزەنى الابىن قورعاۋ زاڭى، حاينان ەركىن ساۋدا پورتى زاڭى سياقتى زاڭداردى شىعارۋ جونىنەن تەكسەرۋ - زەرتتەۋ، العاشقى جوباسىن دايىنداۋدى ورىستەتىپ، زاڭ شىعارۋدىڭ ۋاعىندا ورىندالۋىنا كەپىلدىك ەتۋ كەرەك.
ءۇشىنشى، باقىلاۋ قىزمەتىنىڭ باعىتتامالىلىعى مەن ونىمدىلىگىن شىنايى كۇشەيتۋ. جالپى جاعدايدى ارقاۋ ەتۋگە، حالىق تۇرمىسىنا جاناسۋعا، ءتۇيىندى كورنەكتىلەندىرۋگە تاباندى بولىپ، ”زاڭ بويىنشا ىستەۋ“ پرينسيبىنە بويسۇنۋدان جازباي، مەملەكەت ورگاندارىنىڭ بيلىگىن زاڭ بويىنشا جۇرگىزىپ، مىندەت - بورىشىن ويداعىداي وتەۋىن جەبەۋ. بيىل سۋدىڭ لاستانۋىنان ساقتانۋ جانە ونى جونگە سالۋ زاڭى، قايتا تۋىندايتىن ەنەرگيا زاڭى، بالىق شارۋاشىلىعى زاڭى، ورتا، شاعىن كاسىپورىنداردى جەبەۋ زاڭى، جۇمىستانۋدى جەبەۋ زاڭى، جوعارى وقۋ - اعارتۋ زاڭى قاتارلى 6 زاڭنىڭ اتقارىلۋ جاعدايىنا تەكسەرۋ جۇرگىزىلەدى. اتموسفەرانىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن ۇزدىكسىز ىلگەرىلەتۋمەن بىرگە، سۋدىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋ جاعدايىن تەكسەرۋدى ءتۇيىن ەتىپ، ەرىنبەي ەڭبەكتەنىپ، تىنباي قۇلشىنۋ ارقىلى حالىقتى يگىلىككە بولەيتىن، جالپىعا ءتيىمدى تاماشا ەكولوگيالىق ورتانى زاڭ بويىنشا، زاڭمەن جونگە سالۋ بويىنشا قورعاۋ كەرەك. قاتىستى قىزمەت باياندامالارىن تىڭداپ جانە قاراپ، مەملەكەت مەنشىگىندەگى مال - مۇلىكتى باسقارۋ جاعدايى جانە قىلمىستىق ىستەر بويىنشا ۇكىم شىعارۋ قىزمەتىن، الەۋمەتتىك يگىلىك ارىز - شاعىم تەكسەرۋ قىزمەتى جاعدايىن باقىلاۋدى كۇشەيتۋ كەرەك. كەدەيلىكتەن ارىلتۋدان قامال الۋ، فينانس حاۋىپ - قاتەرىن جويۋ، باقىلاۋ - تەكسەرۋ ءتۇزىلىس رەفورماسى جانە باقىلاۋ - تەكسەرۋ زاڭىن اتقارۋ سياقتىلاردى وزەك ەتە وتىرىپ ارناۋلى تاقىرىپتا تەكسەرۋ - زەرتتەۋ جۇرگىزۋ. سۋدىڭ لاستانۋىنان ساقتانۋ جانە ونى جونگە سالۋ زاڭىنىڭ اتقارىلۋىن تەكسەرۋ بايانداماسىن، ورتا، شاعىن كاسىپورىنداردى جەبەۋ زاڭىنىڭ اتقارىلۋىن تەكسەرۋ بايانداماسىن، الەۋمەتتىك يگىلىك ارىز - شاعىمداردى تەكسەرۋ قىزمەتىنىڭ جاعدايىنان باياندامانى قاراۋمەن بىرلەستىرە وتىرىپ ارناۋلى تاقىرىپتا پىكىر الۋ قىزمەتىن ورىستەتۋ كەرەك. بيىل 29 نىسان بويىنشا باقىلاۋ قىزمەتىن ورنالاستىردىق، مۇنىڭ ىشىندە، قامداۋ جاعىنداعى قۇرىلىمدىق رەفورمانى تەرەڭدەتىپ، جوعارى ساپالى دامۋدى ىلگەرىلەتۋگە قاتىستى 7 نىسان، ءۇش ءىرى قامال الۋ شايقاسىن دەمەۋگە قاتىستى 8 نىسان، حالىق تۇرمىسىن قامتاماسىزداندىرۋعا جانە جاقسارتۋعا قاتىستى 5 نىسان، حالىق قۇرىلتايىنىڭ مەجە ەسەپتى، سوڭعى ەسەپتى تەكسەرۋگە، باقىلاۋعا جانە مەملەكەت مەنشىگىندەگى مال - مۇلىكتى باسقارۋدى باقىلاۋعا قاتىستى 5 نىسان، زاڭنىڭ اتقارىلۋىن باقىلاۋ مەن ءادىليالىق باقىلاۋعا قاتىستى 4 نىسان بار.
ءتورتىنشى، ۋاكىلدەردىڭ مىندەت وتەۋ قىزمەت مەحانيزمىن ۇزدىكسىز كەمەلدەندىرۋ. ۋاكىلدەردىڭ تۇراقتى كوميتەت قىزمەتىنە ات سالىسۋىن كۇشەيتىپ، ۋاكىلدەردى ماجىلىسكە سىرتتاي قاتىناسۋعا، زاڭنىڭ اتقارىلۋىن تەكسەرۋ، تەكسەرۋ - زەرتتەۋ قيمىلدارىنا قاتىناسۋعا ۇسىنىس ەتىپ، مەجە ەسەپ تەكسەرۋدى ۋاكىلدەر قىزمەتىمەن بايلانىستىرۋ مەحانيزمىن اقاۋسىزداندىرۋ. تۇراقتى كوميتەتتىڭ ماجىلىسىنە سىرتتاي قاتىناساتىن ۋاكىلدەرمەن اڭگىمەلەسۋ مەحانيزمىنە تاباندى بولىپ، تۇراقتى كوميتەت قۇرامىنداعىلار مەن ۋاكىلدەردىڭ تىكە بايلانىسىن كۇشەيتۋ. ۋاكىلدەردىڭ العا قويعان كەڭەس جوبالارى مەن ۇسىنىستارىن مۇقيات ءبىر جاقتى ەتۋ. ۋاكىلدەردىڭ شوعىرلى كوزدەن كەشىرۋ، ارناۋلى تاقىرىپتاعى تەكسەرۋ - زەرتتەۋ قيمىلدارىن ويداعىداي ۇيىمداستىرۋ. ۋاكىلدەردى ۇيرەنۋ كۋرسىنان وتكىزۋدى، ۋاكىلدەردىڭ مىندەت وتەۋىن باقىلاۋدى كۇشەيتۋ.
بەسىنشى، حالىق قۇرىلتايىنىڭ شەتەلدەرمەن بارىس - كەلىس جاساۋ قىزمەتىن بەلسەنە ويداعىداي ىستەۋ. مەملەكەتتىڭ جالپى تۇلعالىق ديپلوماتيا جاعدايىن مىقتاپ ارقاۋ ەتىپ، زاڭ شىعارۋ قۇرىلىمدارى اراسىنداعى دوستىق بارىس - كەلىستى تەرەڭدەتىپ، ەكى جاقتى، كوپ جاقتى بارىس - كەلىس قىزمەتىن ءبىر تۇتاس ورنالاستىرىپ، مەحانيزمدىك اۋىس - ءتۇيىستى ورنىقتى ىلگەرىلەتىپ، كوپ ساتىلى باعىتتامالى بارىس - كەلىستى كۇشەيتىپ، ”ءبىر بەلدەۋ، ءبىر جول“ قۇرىلىسى مەن ءار سالاداعىلاردىڭ ناقتىلى سەلبەستىكتى جەبەپ، حالىق قۇرىلتايىنىڭ شەتەلدەرمەن بارىس - كەلىس جاساۋداعى وزگەشە رولىن تولىق ساۋلەلەندىرۋ.
التىنشى، تۇراقتى كوميتەتتىڭ وزىندىك قۇرىلىسىنىڭ دەڭگەيىن جاپپاي جوعارىلاتۋ. ساياسي قۇرىلىستى ءبىر تۇتاس باسشىلىققا الىپ، نازاريالىق قارۋلانۋدى ۇزدىكسىز كۇشەيتىپ، حالىق قۇرىلتايى ءتۇزىمى نازارياسىن زەرتتەۋدى ىشكەرىلەي ىلگەرىلەتىپ، زاڭمەن جونگە سالۋ ويى جانە زاڭمەن جونگە سالۋ ادىسىنەن پايدالانىپ ماسەلەنى شەشۋ قابىلەتىن كۇشەيتۋ. ورتالىقتىڭ ”سەگىز تارماقتى بەلگىلەمەسى“ جانە ونى اتقارۋ ەرەجەسىنىڭ رۋحىن جاپپاي تياناقتاندىرىپ، ستيلدى ىشكەرىلەي وڭاپ، فورماشىلدىقتان، تورەشىلدىكتەن شىن مانىندە ساقتانۋ جانە ونى جويۋ. كۇرەس رۋحىن ساقتاپ، كۇرەس جۇرگىزۋ قابىلەتىن نىعايتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ەلەۋلى ساياسي پرينسيپ پەن مەملەكەتتىڭ وزەكتى مۇددەسىنە ساياتىن ماسەلەلەردە تۋى ايقىن، تۇرعىسى بەرىك بولۋ. كادرلاردى ءىس ىستەپ، شارۋاشىلىق قۇرۋعا جىگەرلەندىرۋ، كادرلاردى باسقارۋ - باقىلاۋدى مىقتى يگەرىپ، حالىق قۇرىلتايىنىڭ ادال، پاك، جاۋاپكەرشىل جوعارى ساپالى كادرلار قوسىنىن قۇرۋ.
ۋاكىلدەر!
بيىلعى حالىق قۇرىلتايى قىزمەتىن ويداعىداي ىستەۋدىڭ ماڭىزى زور. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مىندەتىمىزدى ويداعىداي اتقارىپ، قىزمەتتى تىڭعىلىقتى ىستەپ، ۇزدىك ناتيجەلەرمەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، جاپپاي دوڭگەلەك داۋلەتتى قوعام ورناتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاسايىق!
(شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى)
(جۇڭگو ۇلتتار اۋدارما مەكەمەسى اۋداردى)
