شي جينپيڭ، لي كىچياڭ، لي جانشۋ، ۋاڭ حۋنيڭ قۇرىلتايعا كەلىپ قۇتتىقتادى
شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. جۇڭگو زاڭ عىلىمى قوعامىنىڭ 8 - رەتكى مەملەكەتتىك مۇشەلەر قۇرىلتايى 3 - ايدىڭ 19 - كۇنى تۇستەن بۇرىن حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ حۋنيڭ قاتارلى پارتيا مەن مەملەكەت باسشىلارى قۇرىلتايعا كەلىپ قۇتتىقتادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى گو شىڭكۇن پارتيا ورتالىق كوميتەتىنىڭ تاپسىرۋىمەن «مەملەكەتتى جاپپاي زاڭمەن جونگە سالۋدىڭ جاڭا ساپارىندا تىڭ جاۋاپكەرشىلىك ارقالاپ، تىڭ ىسكەرلىك كورسەتەيىك» دەگەن تاقىرىپتا ارناۋ ءسوز جاريالادى. گو شىڭكۇن، ەڭ اۋەلى، قۇرىلتايدىڭ اشىلعاندىعىن قىزۋ قۇتتىقتايتىندىعىن ءبىلدىرىپ، بۇكىل مەملەكەتتەگى قالىڭ زاڭ عىلىمى، زاڭ قىزمەتكەرلەرىنەن شىنايى حال سۇرادى.
گو شىڭكۇن ارناۋ سوزىندە بىلاي دەدى: پارتيا 18 - قۇرىلتايىنان بەرى پارتيا ورتالىق كوميتەتى مەملەكەتتى جاپپاي زاڭمەن جونگە سالۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارتيانىڭ مەملەكەتتى جاپپاي زاڭمەن جونگە سالۋداعى ورتالىقتانعان ءبىر تۇتاس باسشىلىعىن كۇشەيتىپ، زاڭدى عىلمي شىعارۋ، زاڭ اتقارۋدا قاتاڭ بولۋ، ءادىليادا ءادىل بولۋ، جالپى حالىق زاڭعا بويسۇنۋ، زاڭمەن جونگە سالىناتىن جۇڭگو قۇرىلىسىن ءبىر تۇتاس جوسپارلاپ ىلگەرىلەتۋدە تاريحي سيپاتتى ناتيجەگە قول جەتكىزىپ، سوتسياليستىك زاڭمەن جونگە سالۋ كەمەلدى زاڭ ارقىلى شەبەرلىكپەن جونگە سالۋدىڭ تىڭ دەڭگەيىنە ورنىقتى قادام تاستادى. ءار دارەجەلى زاڭ عىلىمى قوعامى قالىڭ زاڭ عىلىمى، زاڭ قىزمەتكەرلەرىن ەڭبەك كورسەتىپ، ناتيجە جاراتۋعا ىنتىماقتاستىرا باستاپ، سوتسياليستىك زاڭمەن جونگە سالىناتىن مەملەكەت قۇرىلىسىنا ماڭىزدى ۇلەس قوستى.
گو شىڭكۇن مىنالاردى ءبىلدىردى: قالىڭ زاڭ عىلىمى، زاڭ قىزمەتكەرلەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، سانالىلىقپەن جۇڭگوشا سوتسياليستىك زاڭمەن جونگە سالۋ جولىنىڭ امالياتتا ايگىلەۋشىلەرىنەن، سوتسياليستىك زاڭمەن جونگە سالىناتىن مەملەكەتتىڭ قۇرۋشىلارىنان، جۇڭگوشا سوتسياليستىك زاڭمەن جونگە سالۋ نازارياسىنىڭ دامىتۋشىلارىنان، سوتسياليستىك زاڭمەن جونگە سالۋدىڭ ءمورالدى دا قابىلەتتى دارىندىلارىن جەتىلدىرۋشىلەردەن بولىپ، ءداۋىردىڭ قۇلاشىن كەڭ جايعان العا باسۋى بارىسىندا تاماشا داستان جازۋلارىن ءۇمىت ەتەمىز.
ديڭ شۋەشياڭ، ۋاڭ چىن، چىن شي، جاۋ كىجى، جوۋ چياڭ، جاڭ جۇن، ۋاڭ يۇڭچيڭ اشىلۋ سالتىنا قاتىناستى.
7 - كەزەكتى جۇڭگو زاڭ عىلىمى قوعامىنىڭ باستىعى ۋاڭ لىچۋان قۇرىلتايدى باسقاردى ءارى 7 - كەزەكتى جورالار القاسى اتىنان قىزمەتتەن بايانداما جاسادى.
وسى رەتكى قۇرىلتايدىڭ ماڭىزدى مىندەتى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتۋگە تاباندى بولىپ، جۇڭگو زاڭ عىلىمى قوعامىنىڭ وتكەن 5 جىلداعى قىزمەتىن قورىتىندىلاپ، الداعى 5 جىلداعى قىزمەتتى اقىلداسىپ ورنالاستىرىپ، جۇڭگو زاڭ عىلىمى قوعامىنىڭ جاڭا كەزەكتى جورالار القاسىن جانە باسشىلىق قۇرىلىمىن سايلاۋ.
ورتالىق ساياسي - زاڭ كوميتەتىنىڭ مۇشەلەرى، ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جۇڭگو زاڭ عىلىمى قوعامىنىڭ 8 - رەتكى مەملەكەتتىك مۇشەلەرى قۇرىلتايىنىڭ بارلىق ۋاكىلدەرى، ەرەكشە ۇسىنىس ەتىلگەن ۋاكىلدەر اشىلۋ سالتىنا قاتىناستى.
