تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 7 - رەتكى ءماجىلىسىن باسقارىپ اشىپ بىلاي دەپ باسا دارىپتەدى

  بەتالىستى مىقتى يگەرىپ، ناقتى ونىمدىلىكتى كورنەكتىلەندىرىپ، بار كۇشپەن قامال الىپ، كەلەلى رەفورما شارالارىنىڭ تياناقتانۋىن بۇلجىتپاي ىلگەرىلەتەيىك

  لي كىچياڭ، ۋاڭ حۋنيڭ، حان جىڭ قاتىناستى

  كەزەكتە كوپتەگەن كەلەلى رەفورمالار تياناقتاندىرۋدى ىلگەرىلەتۋدىڭ شەشۋشى كەزەڭىنە ءوتتى، رەفورما مىندەتى نەعۇرلىم اۋىرلاعان سايىن بەتالىستى سولعۇرلىم مىقتى يگەرۋ، ناقتى ونىمدىلىكتى كورنەكتىلەندىرۋ، بار كۇشپەن قامال الۋ، نەگىزگى ساتىنى مازالاپ وتىرعان فورماشىلدىق ماسەلەسىن رەفورما ارقىلى ۇتىمدى شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋدى ۇزدىكسىز كورنەكتى ورىنعا قويا وتىرىپ يگەرىپ، كەلەلى رەفورما شارالارىنىڭ تياناقتانۋىن بۇلجىتپاي ىلگەرىلەتۋ كەرەك

  شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 3 - ايدىڭ 19 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 7 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: كەزەكتە كوپتەگەن كەلەلى رەفورمالار تياناقتاندىرۋدى ىلگەرىلەتۋدىڭ شەشۋشى كەزەڭىنە ءوتتى، رەفورما مىندەتى نەعۇرلىم اۋىرلاعان سايىن بەتالىستى سولعۇرلىم مىقتى يگەرۋ، ناقتى ونىمدىلىكتى كورنەكتىلەندىرۋ، بار كۇشپەن قامال الۋ، نەگىزگى ساتىنى مازالاپ وتىرعان فورماشىلدىق ماسەلەسىن رەفورما ارقىلى ۇتىمدى شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋدى ۇزدىكسىز كورنەكتى ورىنعا قويا وتىرىپ يگەرىپ، كەلەلى رەفورما شارالارىنىڭ تياناقتانۋىن بۇلجىتپاي ىلگەرىلەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس «جاڭا داۋىردە باتىس بولىكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ جونىندەگى جەتەكشى پىكىر»دى، «جوعارى مەكتەپتەردىڭ جانە عىلمي زەرتتەۋ اكادەميالارىنىڭ، ورىندارىنىڭ عىلمي زەرتتەۋگە قاتىستى ءوزىن - ءوزى باسقارۋ ۇقىعىن كەڭەيتۋ جونىندەگى ءبىرقانشا پىكىر»دى، «جاساندى زەردە مەن ناقتى ەكونوميكانىڭ تەرەڭدەي توعىسۋىن جەبەۋ جونىندەگى جەتەكشى پىكىر»دى، «اۋىل - قىستاقتى جونگە سالۋدى كۇشەيتۋ جانە جاقسارتۋ جونىندەگى جەتەكشى پىكىر»دى، «الەۋمەتتىك بايلىق ساۋدا تۇعىرىن بىرىكتىرۋدى، بىرگە ءبولىسۋدى تەرەڭدەتۋ جونىندەگى جەتەكشى پىكىر»دى، «مۇناي، تابيعي گاز تۋنەل تورابىن ىسكە قوسۋ مەحانيزمى رەفورماسىن اتقارۋ پىكىر»ىن، «الەۋمەتتىك زاڭدىق قىزمەت وتەۋ جۇيەسى قۇرىلىسىن جەدەل ىلگەرىلەتۋ جونىندەگى پىكىر»دى، «ءورت ءوشىرۋ، ورتتەن ساقتانۋ زاڭىن اتقارۋ رەفورماسىن تەرەڭدەتۋ جونىندەگى پىكىر»دى قاراپ ماقۇلدادى.

  ءماجىلىس مىنانى اتاپ كورسەتتى: باتىس بولىكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋدا ءتۇيىندى يگەرۋدى، ولقىلىقتاردى تولىقتاۋدى، ءالسىز تۇرلەردى كۇشەيتۋدى ارقاۋ ەتىپ، جاپپاي قورعاۋدى ويداعىداي يگەرۋگە اناعۇرلىم باسا ءمان بەرىپ، جۇڭحۋا ۇلتىنىڭ ۇزاق بولاشاقتىق مۇددەسىن ويلاپ، ەكولوگيالىق ورتانى قورعاۋدى ماڭىزدى ورىنعا قويىپ، ەكولوگيانى الدىمەن ەسكەرۋدىڭ، جاسىل دامۋدىڭ جاڭا جولىمەن جۇرۋدەن جازباۋ كەرەك. كەڭ كولەمدە ەسىك اشۋدى ويداعىداي يگەرۋگە اناعۇرلىم باسا ءمان بەرىپ، ”ءبىر بەلدەۋ، ءبىر جول“دى بىرگە قۇرۋدىڭ جەتەكتەۋ، دەم بەرۋ رولىن ساۋلەلەندىرىپ، ىشكى - سىرتقى وتكەلدى جانە وڭىرلىك توراپتى جەدەل قۇرىپ، نەگىزدىك قۇرىلعى تورىن كەمەلدەندىرىپ، سىرتقا ەسىك اشۋ جانە سىرتقا باعىتتالعان ەكونوميكالىق دامۋ دەڭگەيىن جوعارىلاتۋ كەرەك. جوعارى ساپالى دامۋدى ىلگەرىلەتۋگە اناعۇرلىم باسا ءمان بەرىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، باتىس بولىك وڭىرلەرىنىڭ ەكونوميكالىق، قوعامدىق دامۋى مەن جان سانىنىڭ، بايلىقتىڭ، قورشاعان ورتانىڭ سايكەسۋىن جەبەۋ كەرەك.

  ءماجىلىس مىنانى باسا دارىپتەدى: جوعارى مەكتەپتەر مەن عىلمي زەرتتەۋ اكادەميالارى، ورىندارى − دامۋعا جاڭالىق اشۋ ارقىلى دەم بەرۋ ستراتەگياسىن اتقاراتىن، جاڭاشىل مەملەكەت قۇراتىن ماڭىزدى كۇش. قاتىستى ءتۇزىم جۇيەسىن كەمەلدەندىرىپ، ۇكىمەت فۋنكتسياسىنا بۇرىلىس جاساۋدى جەدەلدەتىپ، ناتيجەنى باعدار ەتۋدى كۇشەيتىپ، عىلمي زەرتتەۋ نىساندارىن باسقارۋ ءتارتىبىن ىقشامداپ، كەلەلى عىلىم - تەحنيكا نىساندارىنا نىسان تۇرعىزۋ جانە ۇيىمداستىرىپ اتقارۋ مەحانيزمىن رەفورمالاپ، جوعارى مەكتەپتەر مەن عىلمي زەرتتەۋ اكادەميالارىنا، ورىندارىنا ءتىپتى دە كوپ ءوزىن - ءوزى باسقارۋ ۇقىعىن بەرۋ كەرەك. مەملەكەت نىساناسىن باعدار ەتۋدەن جازباي، مەملەكەتتىڭ كەلەلى ستراتەگيالىق قاجەتىنە سانالى تۇردە بويسۇنىپ، قىزمەت وتەپ، تۇرلەر بويىنشا رەفورمالاپ، دالمە - ءدال شارا اتقارىپ، باقىلاۋ - باسقارۋدى كۇشەيتۋ كەرەك.

  ءماجىلىس مىنانى اتاپ كورسەتتى: جاساندى زەردە مەن ناقتى ەكونوميكانىڭ تەرەڭدەي توعىسۋىن جەبەۋدە جاڭا ۇرپاق جاساندى زەردەنى دامىتۋ ەرەكشەلىگىن يگەرىپ، بازار قاجەتىن باعدار ەتۋدەن جازباي، كاسىپ سالاسىندا قولدانۋدى نىسانا ەتىپ، رەفورما جاساۋدى، جاڭالىق اشۋدى تەرەڭدەتىپ، ءتۇزىم ورتاسىن جاقسارتىپ، كاسىپورىنداردىڭ جاڭالىق اشۋ ومىرشەڭدىك كۇشى مەن ىشكى قوزعاۋشى كۇشىن تاسقىنداتىپ، تۇرلىشە كاسىپتەردىڭ، تۇرلىشە وڭىرلەردىڭ ەرەكشەلىگىنە ۇشتاستىرىپ، جاڭالىق اشۋ جەتىستىگىن قولدانۋدىڭ، كادەگە جاراتۋدىڭ جولى مەن ءادىسى جونىندە ىزدەنىس جاساپ، ساندى مالىمەتپەن ارەكەتتەندىرەتىن، ادام مەن ماشينا سەلبەسكەن، سالالار ارا توعىسقان، بىرگە جاراتاتىن، بىرگە يگىلىكتەنەتىن زەردەلى ەكونوميكالىق فورماتسيا ورناتۋ كەرەك.

  ءماجىلىس مىنالاردى باسا دارىپتەدى: اۋىل - قىستاقتى جونگە سالۋدى كۇشەيتۋدە جانە جاقسارتۋدا پارتكوم باسشىلىق ەتەتىن، ۇكىمەت جاۋاپتى بولاتىن، قوعام سەلبەسەتىن، بۇقارا ات سالىساتىن، زاڭمەن جونگە سالۋمەن قامتاماسىز ەتەتىن وسى زامانعى اۋىل - قىستاق قوعامدىق جونگە سالۋ ءتۇزىلىسىن ورناتىپ، اقاۋسىزداندىرىپ، نەگىزگى ساتى پارتيا ۇيىمىن قۇرۋدى، كۇشەيتۋدى يگەرىپ، تياناقتاندىرىپ، ءالسىز، بىتىراڭقى قىستاق پارتيا ۇيىمىن رەتكە سالىپ، اۋىل - قىستاق پارتيا ۇيىمىنىڭ باستاماشىلارىن ويداعىداي تاڭداپ، مىقتىلاردى سەپتەپ، قىستاق تۇرعىندارىنىڭ ءوزىن باسقارۋ امالياتىن تەرەڭدەتىپ، شارۋالاردىڭ اۋىل - قىستاقتى جونگە سالۋ بارىسىنداعى تۇلعالىق رولىن ساۋلەلەندىرىپ، اۋىل - قىستاقتىڭ تاڭداۋلى ءداستۇرلى مادەنيەتىن جالعاستىرۋ، دامىتۋ كەرەك.

  ءماجىلىس مىنانى اتاپ كورسەتتى: الەۋمەتتىك بايلىق ساۋدا تۇعىرىن بىرىكتىرۋدى، بىرگە ءبولىسۋدى تەرەڭدەتۋدە كىرگىزۋگە تيىستىلەرىن، ءسوزسىز، كىرگىزۋ، ءبىر تۇتاس ارناعا ءتۇسىرۋ، اشىق، جاريا بولۋ، قىزمەت وتەۋى جوعارى ءونىمدى بولۋ پرينسيبىنە تاباندى بولىپ، تۇعىر ساۋداسىنىڭ جالپى بەتتىك قامتۋىن جەدەل ىلگەرىلەتىپ، تۇرگە ايىرىلعان، بىرلىككە كەلگەن ساۋدا ءتۇزىمى قاعيداسىن، تەحنيكا ولشەمىن، ساندى مالىمەت جۇيەسىن كەمەلدەندىرىپ، ساۋدا باقىلاۋ - باسقارۋ تۇزىلىسىندە جاڭالىق اشىپ، الەۋمەتتىك بايلىقتىڭ اشىق ايىرباسىن ىلگەرىلەتىپ، الەۋمەتتىك بايلىقتىڭ ورنالاسۋ ونىمدىلىگىن جانە ادىلدىگىن جوعارىلاتۋعا كۇش سالۋ كەرەك.

  ءماجىلىس مىنانى باسا دارىپتەدى: مۇناي، تابيعي گاز تۋنەل تورابىن ىسكە قوسۋ مەحانيزمى رەفورماسىن ىلگەرىلەتۋدە بازارلاندىرۋ رەفورماسىن تەرەڭدەتۋگە، جوعارى دەڭگەيدە ەسىك اشۋدى كەڭەيتۋگە تاباندى بولىپ، مەملەكەت مەنشىگىندەگى كاپيتال، جارنا مەڭگەرەتىن، قارجى قوسۋ تۇلعاسى كوپ نەگىزدەنگەن مۇناي، تابيعي گاز تۋنەل تورابى سەرىكتەستىكتەرىن ۇيىمداستىرىپ، قۇرىپ، باستاپقى مۇناي - گاز بايلىعىنىڭ كوپ تۇلعالى، كوپ ارنالى قامدايتىن، ارالىقتاعى ءبىر تۇتاس تۋنەل تورابى ارقىلى جوعارى ونىمدىلىكپەن شوعىرلى جەتكىزەتىن، سوڭعى ونىمدەردى ساتۋ بازارى تولىق باسەكەلەسەتىن مۇناي - گاز بازار جۇيەسىنىڭ قالىپتاسۋىن ىلگەرىلەتىپ، مۇناي - گاز بايلىعىنىڭ ورنالاسۋ ونىمدىلىگىن جوعارىلاتىپ، مۇناي - گازدىڭ حاۋىپسىز، ورنىقتى قامداۋىن قامتاماسىز ەتۋ كەرەك.

  ءماجىلىس مىنانى اتاپ كورسەتتى: حالىق بۇقاراسىنىڭ كۇن سايىن ارتىپ وتىرعان زاڭدىق قىزمەت وتەۋ قاجەتىن اناعۇرلىم قاناعاتتاندىرۋدى ارقاۋ ەتىپ، الەۋمەتتىك زاڭدىق قىزمەت وتەۋ تورىن اقاۋسىزداندىرىپ، قىزمەت وتەۋ سالاسىن كەڭەيتىپ، قىزمەت وتەۋ تاسىلىندە، ادىسىندە جاڭالىق اشىپ، قىزمەت وتەۋ ءتۇزىلىسىن، مەحانيزمىن كەمەلدەندىرىپ، قىزمەت وتەۋ ساپاسىن جوعارىلاتىپ، قالا - اۋىلدى قامتىعان، جوعارى ءونىمدى، قولايلى، بىركەلكى جاپپاي تيىمدىلىك جاسالعان وسى زامانعى الەۋمەتتىك زاڭدىق قىزمەت وتەۋ جۇيەسىن جەدەل قۇرۋ كەرەك.

  ءماجىلىس مىنانى باسا دارىپتەدى: ءورت ءوشىرۋ، ورتتەن ساقتانۋ زاڭىن اتقارۋ رەفورماسىن تەرەڭدەتۋدە باقىلاۋ - باسقارۋ تاسىلىندە جاڭالىق اشىپ، تۋ باسىنان جونگە سالۋدى كۇشەيتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى تەرەڭدەتىپ، ءتۇرلى ۇيلەسىمسىز تابالدىرىق پەن شەكتەمەلەردى باتىل الاستاپ، جۇمىس بارىسىنداعى، جۇمىستان كەيىنگى باقىلاۋ - باسقارۋدى كۇشەيتىپ، زاڭ اتقارۋ ارەكەتىن ارناعا ءتۇسىرىپ، ءورت ءوشىرۋ، ورتتەن ساقتانۋ زاڭىن اتقارۋ ىستەرىنىڭ تۇگەلدەي قوعامعا اشىق ۇستالۋىن ىلگەرىلەتىپ، ءورت ءوشىرۋدى، ورتتەن ساقتانۋدى باقىلاۋ، باسقارۋ جۇيەسىن ورناتىپ، ءورت ءوشىرۋ، ورتتەن ساقتانۋ حاۋىپسىزدىگى جاعدايىنىڭ ءۇرتىس ورنىقتى بولۋىنا، جاقسارۋىنا شىنايى كەپىلدىك ەتۋ كەرەك.

  ءماجىلىس مىنانى اتاپ كورسەتتى: بيىل جاڭا جۇڭگو قۇرىلعاندىعىنىڭ 70 جىلدىعى، رەفورمانى جاپپاي تەرەڭدەتۋدە اۋقىمعا قاراي ىلگەرىلەپ، ءىشىنارا ناقتى شارالار شىعارىپ، كەلەلى رەفورمالاردى بۇلجىتپاي ىلگەرىلەتىپ، فينانس، سالىقتى ازايتۋ، اقىنى تومەندەتۋ، تيجارات - ساۋدا ورتاسى، عىلىم - تەحنيكا، زاڭمەن جونگە سالۋ، ۇكىمەتتىك باسقارۋ، وقۋ - اعارتۋ، ەمدەۋ، جۇمىستانۋ، قورشاعان ورتانى قورعاۋ سياقتى بۇقارا باسا نازار اۋدارىپ وتىرعان رەفورما شارالارىن جەدەل ىلگەرىلەتىپ، رەفورما ارقىلى بۇقارا ەرەكشە كوڭىل ءبولىپ وتىرعان ماسەلەلەردى شەشۋ كەرەك.

  ءماجىلىس مىنانى باسا دارىپتەدى: بيىل رەفورما، دامۋ ءدوپ كەلەتىن حاۋىپ - قاتەر، سىن - سايىس ءبىرشاما كوپ بولادى، جاعدايدىڭ دامۋ وزگەرىسىن يگەرىپ، كورنەكتى قايشىلىقتار مەن ماسەلەلەردى شەشىپ، رەفورمانى ۇتىمدى، ءتارتىپتى ىلگەرىلەتۋ كەرەك. رەفورما بارىسىندا جارىققا شىققان جاڭا جاعدايلار، جاڭا ماسەلەلەر جونىندە ىشكەرىلەي تەكسەرۋ - زەرتتەۋ جۇرگىزىپ، ساياسات جانە ءتۇزىم جوباسىن كەمەلدەندىرۋ كەرەك. حاۋىپ - قاتەر تانىمىن نىعايتۋ، تومەنگى شەكتە ويلاۋدى كۇشەيتۋ كەرەك، قيىنشىلىقتى اناعۇرلىم تولىق مولشەرلەۋ، ماسەلەنى شەشۋ شاراسىن اناعۇرلىم جان - جاقتى ويلاۋ، ءتۇرلى قىزمەتتەردى اناعۇرلىم تىڭعىلىقتى ىستەۋ كەرەك. رەفورما مىندەتى شىنايى، جاۋاپكەرشىلىك تە شىنايى بولادى، ءسوز جوق، دارەجە بويىنشا يگەرۋ كەرەك. ءار دارەجەلى پارتكومدار مەن ۇكىمەتتەر پەيىل سالىپ ىستەۋ، باتىلدىقپەن ىستەۋ، شوگەلدىكپەن ىستەۋ، شەبەرلىكپەن ىستەۋ كەرەك. باقىلاۋ - تەكسەرۋدىڭ تياناقتاندىرۋدى جەبەۋ رولىن ساۋلەلەندىرىپ، ءار جاقتى باقىلاۋ - تەكسەرۋدەن، قايتا - قايتا تەكسەرۋدەن ساقتانۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى قاتىناستى، ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.