ءتىلشى چىن چياڭۋي 3 - ايدىڭ 21 - كۇنى قورعاستان حابارلايدى. 3 - ايدىڭ 21 - كۇنى قورعاس ەكونوميكالىق اشۋ رايونى ىشىندەگى بىرنەشە قۇرىلىس ورنىندا توپىراق قازۋ ماشيناسىنىڭ گۇرىلدەگەن داۋىسى ءبىر ۋاقىتتا كوتەرىلدى. سول كۇنى قورعاس ەكونوميكالىق اشۋ رايونىندا (قالا) 72 ءتۇيىندى نىسان شوعىرلى جۇمىس باستادى.
وسى جولى شوعىرلى جۇمىس باستاعان ءتۇيىندى نىساندار نەگىزدىك قۇرىلعى، مانەرلەۋ - جاساۋ، ساۋدا - زات اينالىمى، مادەنيەت - ساياحات سياقتى كوپتەگەن سالالارعا سايادى، جالپى 13 ميلليارد 20 ميلليون يۋان قارجى قوسىلعان، 2019 - جىلى 5 ميلليارد 173 ميلليون يۋان قارجى قوسۋ جوسپارعا الىنعان. مۇنىڭ ىشىندە شەكارا اتتاعان ەلەكتروندىق ساۋدا ىستەرى تۇعىرى، قورعاس شەكارا وتكەلى حالىقارالىق زات اينالىم باقشاسىنىڭ 2 - مەرزىمدىك قۇرىلىسى، جاڭا ەنەرگيالى اۆتوموبيل بولشەكتەرىن جاساۋ، اعاش ماتەريالدارىن مانەرلەۋ سياقتى حالىقارالىق سەلبەستىككە قاتىستى ءبىرسىپىرا نىساندار قامتىلعان.
سول كۇنى جۇمىس باستاعان جاڭا ەنەرگيالى اۆتوموبيلدىڭ ءتۇيىندى بولشەكتەرىن جاساۋ، سونداي - اق جاڭا ماتەريالدى، جاڭا تەحنولوگيانى زەرتتەۋ - اشۋ، جاساۋ بازاسىن قورعاس گوشىڭ حالىقارالىق اۆتوموبيل عىلىم - تەحنيكا شەكتى سەرىكتەستىگى قارجى قوسىپ سالدىرعان. نىساننىڭ يەلەيتىن جەر اۋماعى 700 مۋ، سالىناتىن زاۆود ۇيلەرى، سونداي - اق سايكەستى قۇرىلعىلاردىڭ يەلەيتىن اۋماعى 180 مىڭ شارشى مەتر بولىپ، جالپى بەتتىك وندىرىسكە قوسىلعاننان كەيىن، جىلىنا 10 ميلليارد يۋان ءونىم قۇنىن جاراتىپ، 2000نان استام ادامنىڭ جۇمىستانۋ ماسەلەسىن شەشەدى.
”بۇل نىساندا حالىقارالىق وزىق ورە ولشەم ەتىلىپ، زەرتتەۋ - اشۋ، جاساۋ، ەكسپورت ەتۋ - ساتۋ ءبىر تۇلعالانعان. ءبىز قورعاستىڭ وڭىرلىك ورىن ابزالدىلىعىنا سەنىم ارتىپ وتىرمىز، بيىل جىل سوڭىنا دەيىن ءوندىرىس جابدىقتارىن ورناتىپ بولۋعا ءارى سىناق رەتىندە جۇمىس باستاۋعا كۇش سالامىز“، - دەدى قورعاس گوشىڭ حالىقارالىق اۆتوموبيل عىلىم - تەحنيكا شەكتى سەرىكتەستىگىنىڭ باسالقاسى نەي يىڭ.
جۇڭگو - قازاقستان قورعاس حالىقارالىق شەكارا سەلبەستىك ورتالىعىنىڭ جۇڭگو جاق سايكەستىرۋ رايونىندا، قورعاستى اشۋ، كوركەيتۋ، دامىتۋ توبى نىسان ءبولىمىنىڭ ورىنباسار ديرەكتورى لي سىنيڭ قۇرىلىس جۇرگىزۋ ورنىن تەكسەرىپ ءجۇر. ”قازىر يەن دالا بولعانىمەن، ەندى 9 اي وتكەننەن كەيىن، بۇل ارادان 100 مىڭ شارشى مەترلىك ولشەمدى زاۆود ۇيلەرى سالىنادى. قازىر بۇل زاۆود ۇيلەرىنىڭ بارلىعىنا ءارقايسى يمپورت - ەكسپورت مانەرلەۋ، جاساۋ كاسىپورىندارى الدىن الا تاپسىرىپ بەرىپ بولدى“، - دەدى لي سىنيڭ.
بيىلعى ۇكىمەت قىزمەتىنەن باياندامادا، سىرتقا ەسىكتى جان - جاقتى اشۋدى ىلگەرىلەتىپ، حالىقارالىق ەكونوميكالىق سەلبەستىك پەن باسەكەدەگى تىڭ باسىمدىقتاردى جەتىلدىرۋ العا قويىلدى. قورعاس قالالىق پارتكومنىڭ تۇراقتى مۇشەسى، ورىنباسار قالا باستىعى جاڭ يۇڭنيڭ قورعاستىڭ ”ءبىر بەلدەۋ، ءبىر جول“ قۇرىلىسىن مىقتاپ ارقاۋ ەتىپ دامۋدى كوزدەپ، شەكارا وتكەلى ابزالدىلىعىنان پايدالانىپ، ەلەۋلى نىسانداردان ءبىرسىپىراسىن ەنگىزىپ، جوعارى دەڭگەيلى، ماماندانعان، وزىندىك ەرەكشەلىككە يە كاسىپ سالاسى بازاسىن قۇرىپ، شەكارا وتكەلى ەكونوميكالىق بەلدەۋى قۇرىلىسىن ىلگەرىلەتىپ، قورعاس ەكونوميكاسىنىڭ جوعارى ساپالى دامۋىنا بەرىك نەگىز قالايتىندىعىن ءبىلدىردى.
ۇعىسۋعا قاراعاندا، 2019 - جىلى قورعاس شەشۋشى سالالاردا جانە ءالسىز بۋىنداردا جۇمىس باستاۋ شارت - جاعدايىنا يە، باستاماشىلدىق ەتۋ قۋاتى كۇشتى، ۇزاق بولاشاققا پايدالى، سوڭعى تەبىنى كۇشتى ءتۇيىندى نىسانداردان 101ىن جوبالاعان، وعان جالپى 16 ميلليارد 113 ميلليون يۋان قوسىلادى ەكەن، بيىل 6 ميلليارد 851 ميلليون يۋان قارجى قوسۋ جوسپارعا الىنعان.
