تيانشان تورى   ›   جاڭالىقتار   ›   شينجياڭ حابارلارى

باسقا كاسىپ سالاسىنا ويىسىپ جۇمىستانۋ تاماشا تۇرمىسقا كەنەلتتى

   تىلشىلەر ۋاڭ شيڭرۇي، جاڭ جىلي، حى ليڭ

  ءبىر ادام جۇمىستانسا، ءبىر وتباسىنىڭ تىرشىلىگى نەگىزگى كەپىلدىككە يە بولادى. 10 ميلليون ادام جۇمىستانسا، كەدەيلىكتەن ارىلتۋدان قامال الۋدىڭ تاعانى اناعۇرلىم بەكەمدەلەدى. تاياۋ جىلداردان بەرى رايونىمىز جۇمىستانۋ، شارۋاشىلىق قۇرۋ مەحانيزمىن ۇزدىكسىز كەمەلدەندىرىپ، ءار ۇلت بۇقاراسىنىڭ تارتىپپەن قالاعا كىرىپ جۇمىستانۋىنا، ءوز جەرىندە، جاقىن ماڭنان جۇمىستانۋىنا، ءوڭىر اتتاپ باسقا كاسىپ سالاسىنا ويىسىپ جۇمىستانۋىنا جانە ىشكى ولكەلەردە، قالالاردا باسقا كاسىپ سالاسىنا ويىسىپ جۇمىستانۋىنا جەتەكشىلىك ەتۋ ارقىلى ولاردىڭ شەبەرلىك ۇيرەنىپ، كىرىسىن ارتتىرۋىنا مۇمكىندىك جاسادى، كوز اياسى كەڭەيىپ، تۇرمىستارى بارعان سايىن جاقساردى.

 ۇيلەرىنىڭ الدىندا جۇمىستاندى، كاۋلەن ساباعى كىرىس كوزىنە اينالدى 

  3 - ايدىڭ 12 - كۇنى قاشقار كونە ءشار اۋدانىنىڭ تۇققۇزاق قالاشىعى اياقماڭگان قىستاعىنا باراتىن جولدا سىبىرتكىنى تولتىرا تيەگەن تراكتور مەن ءۇش دوڭگەلەكتى كولىك ءالسىن - ءالى زىمىراپ ءوتىپ جاتتى. قىستاق تۇرعىنى امەت مۇسا: بۇل سىبىرتكىلەردى قىستاق تۇرعىندارى جاساعان، جەرگىلىكتى ورىنداعى بازاردا ساتىلۋدان سىرت، حوتان، اقسۋ سياقتى جەرلەردە دە ساتىلدى، - دەدى.

  امەتتىڭ ءۇيىنىڭ ۇلكەن قاقپاسىنا ”قولونەر بۇيىمدارى شارۋا وتباسى سەحى“ دەگەن ماڭدايشالىق ىلىنگەن. ەگىستىكتىڭ سايابىر كەزىندە ”سەحتا“ سىبىرتكى توقۋ ونىڭ نەگىزگى كاسىبىنە اينالدى. وتباسى 14 مۋ جەرگە كاۋلەن ەككەن، سىبىرتكى جاساۋعا قاجەتتى كاۋلەن ساباعى ەگىستىك جەرىندە دايىن، ءبىر سىبىرتكىنى 10 نەشە يۋانعا ساتۋعا بولادى.

  ءتىپتى دە كوپ قىستاق تۇرعىندارىنىڭ ۇيلەرىنىڭ الدىندا اقشا تاۋىپ، كىرىسىن ارتتىرۋى ءۇشىن، اياقماڭگان قىستاعى قولونەر بۇيىمدارى شارۋالار كاسىپتىك سەلبەستىك كووپەراتيۆىن قۇردى، قولىندا ونەرى بار قىستاق تۇرعىندارىنىڭ سەلبەستىك كووپەراتيۆىنىڭ سەحىندا نەمەسە ءوز ۇيلەرىندە سىبىرتكى جاساۋدى يكەمدى تاڭداۋىنا بولادى، سەلبەستىك كووپەراتيۆى ءبىر تۇتاس ساتتى. ”كىشكەنە سىبىرتكىگە ەلەۋسىز قاراماڭىز، ول تۇتاس قىستاقتا 300 نەشە ادامدى جۇمىستاندىردى“. سەلبەستىك كووپەراتيۆىنىڭ القا باستىعى داۋۇتجان ابدۇرەيىم بىلاي دەدى: تۇتاس قىستاقتا ءار جىلى نەشە 100 مىڭ سىبىرتكى جاسالادى، قىستاق تۇرعىندارىنىڭ كىرىسىن ارتتىرۋمەن بىرگە، قىرۋار كاۋلەن ساباعىنىڭ سۇرانىسى تاعى تاياۋ ماڭداعى اۋىل - قىستاقتاردىڭ كاۋلەن ەگۋىنە دەم بەردى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىندە، سەلبەستىك كووپەراتيۆى سىبىرتكى جاساۋدان سىرت، تاعى شارۋالار قولونەر بۇيىمدارىن توقىپ، قاراپايىم كاۋلەن ساباعىنىڭ ءتۇرىن وزگەرتىپ ساتتى.

  ”باسقا كاسىپ سالاسىنا ويىستىرىپ جۇمىستاندىرۋ اياقماڭگان قىستاعىنىڭ ەڭ ماڭىزدى كەدەيلىكتەن ارىلتۋ جولى بولدى“. اياقماڭگان قىستاعى پارتيا ياچەيكاسىنىڭ شۋجيى تيان يشيۋ بىلاي دەدى: كەزەكتە تۇتاس قىستاقتا ”ءبىر وتباسىندا ءبىر ادام جۇمىستانۋ“ جۇزەگە استى، قىستاق تۇرعىندارى قولونەر بۇيىمدارى سەلبەستىك كووپەراتيۆىندە، كيىم - كەشەك سەلبەستىك كووپەراتيۆىندە نەمەسە تاياۋ ماڭداعى كاسىپورىنداردا، ساۋدا ورىندارىندا جۇمىس ىستەۋ ارقىلى كىرىستەرىن ارتتىردى. بيىل قىستاق تاعى قولونەر بۇيىمدارى بازاسىن، گۇل جانە كوكونىس ەگىنشىلىگى بازاسىن قۇرىپ، قىستاق تۇرعىندارىنىڭ ەسىك الدىنان ۇزاماي - اق ىستەيتىن جۇمىسى بولۋىنا، تاباتىن اقشاسى بولۋىنا مۇمكىندىك جاسادى.

 ىشكى ولكەلەرگە بارىپ جۇمىس ىستەپ، اقشا تاپتى، كوز اياسىن كەڭەيتتى

  ”سىرتقا شىعىپ جۇمىس ىستەسەك ۇيدەن الىستاپ كەتكەنىمىزبەن، ەڭبەكاقىسى جوعارى، جۇبايىم ەكەۋىمىزدىڭ ايلىق ەڭبەكاقىمىز ۇيدە ءبىر جىل قوي باعىپ تاپقان كىرىسىمىزدەن دە كوپ“، - دەدى اقشي اۋدانى سومتاش اۋىلى سومتاش قىستاعىنىڭ تۇرعىنى راقاتبەك گۋچىر.

  تاياۋدا راقاتبەك جياڭسۋدىڭ ۋشيىنەن ۇيىنە ورالدى، اكە - شەشەسىمەن باس قوسقانىنا بىرنەشە كۇن بولماي جاتىپ، ول بيىلعى جۇمىس جوسپارىن جاسادى: ”اكە - شەشەمنىڭ جاسى ەگدەلەپ قالدى، مەن بيىل اۋدان قالاشىعىنىڭ ماڭىندا جۇمىس ىستەۋدى جوسپارلاپ وتىرمىن، اقشا تابۋمەن بىرگە، ولارعا قارايلاسۋىما دا قولايلى“.

  وسىنىڭ الدىندا راقاتبەك ءۇرتىس بىرنەشە جىل اۋداننىڭ ەڭبەكشىلەردى سىرتقا شىعارۋ اترەتىنە قاتىناسىپ، ىشكەردەگى ولكە، قالالارعا بارىپ جۇمىس ىستەگەن بولاتىن. 2010 - جىلى تۇڭعىش رەت گۋاڭدۇڭداعى ءبىر قول تەلەفون قۇراستىرۋ زاۆودىنا بارىپ جۇمىس ىستەگەن كەزى ونىڭ كوكەيىندە سايراپ تۇر: ايلىق ەڭبەكاقىسى تەك 2000 يۋان اينالاسىندا بولاتىن، ۋاقىت وتكەن سايىن كىرىسى دە جوعارىلاي ءتۇستى. بىلتىر ايەلى ەكەۋى اۋداننىڭ ەڭبەككۇشتى سىرتقا شىعارۋ اترەتىنە ىلەسىپ، جياڭسۋدىڭ ۋشيىنە بارىپ ءبىر ەلەكترسيكل زاۆودىندا جۇمىس ىستەدى. ول: ”جازدا ونىمدىلىك جاقسى بولعان كەزدەرى ەكەۋىمىز ايىنا 8000 دا 9000 يۋان تابامىز، قىستا دا ايىنا 7000 يۋاننان استام كىرىس كىرگىزەمىز“، - دەدى.

  سىرتقا شىعىپ جۇمىس ىستەۋدىڭ ارقاسىندا راقاتبەك كەدەيلىكتەن كۇنى بۇرىن ارىلدى، ونىڭ ۇستىنە كوپ جىلعى سىرتقا شىعىپ جۇمىس ىستەۋ ونىڭ كوز اياسىن كەڭەيتتى، كوزقاراسىنا بۇرىلىس جاسادى، قازىر ول جاتسا - تۇرسا ويلايتىنى كىرىستى ارتتىرىپ، بايۋ بولدى.

  2018 - جىلى قىزىلسۋ قىرعىز اۆتونوميالى وبلىسى باسقا كاسىپ سالاسىنا ويىستىرىپ جۇمىستاندىرۋدى تۇتقا ەتىپ، ءتۇرلى تاسىلدەر ارقىلى جۇمىستانۋدىڭ كومەسكى كۇشىن اشىپ، جۇمىستانۋ ارناسىن كەڭەيتىپ، كەدەي وتباسىلارىنداعى ەڭبەككۇشتەردىڭ باسقا كاسىپ سالاسىنا ويىسىپ جۇمىستانۋىن ىلگەرىلەتتى. 2018 - جىل جالپى 6964 ادام باسقا كاسىپ سالاسىنا ويىسىپ، جۇمىستاندى، مۇنىڭ ىشىندە، 1321 ادام شينجياڭنىڭ سىرتىندا ۇيىمدى تۇردە باسقا كاسىپ سالاسىنا ويىسىپ جۇمىستاندى، 1039 ادام شينجياڭ كولەمىندە ءوڭىر اتتاپ باسقا كاسىپ سالاسىنا ويىسىپ جۇمىستاندى، 4604 ادام جاقىن ماڭدا، ءوز جەرىندە جۇمىستاندى.

 زاۆودقا كىرىپ جۇمىس ىستەپ، تۇرمىستارى جاقسارا ءتۇستى

  بيىل 3 - ايعا دەيىن، 21 جاستاعى ءىلياس مامەتتىڭ شينجياڭ جۇڭتاي حيميا ونەركاسىبى توقسۇن نىڭحۋا شەكتى سەرىكتەستىگىندە جۇمىس ىستەگەنىنە تۇپ - تۋرا 2 جىل بولدى. ونىڭ ەڭ زور سەزىنگەنى: ورنىقتى جۇمىس ولاردىڭ تۇتاس وتباسىنىڭ تۇرمىسىن بارعان سايىن جاقسارتقانى بولدى.

  ءىلياس كەريا اۋدانىنان كەلگەن، بۇرىن ۇيىندە ەگىنشىلىكپەن اينالىسىپ، ەگىس جۇمىسىنىڭ سايابىر كەزىندە ۋاقىتتىق جۇمىس ىستەيتىن. 2 جىلدىڭ الدىندا، ول جەرگىلىكتى ۇكىمەتتىڭ ۇيىمداستىرۋىندا شينجياڭ جۇڭتاي حيميا ونەركاسىبى توقسۇن نىڭحۋا شەكتى سەرىكتەستىگىنە كەلدى، باۋلۋدان كەيىن، ول سەحتا پەش جۇمىسشىسى بولدى. جۇمىسى جاپالىلاۋ بولسادا، ءىلياس ونى وزىنە ەڭ لايىقتى سانادى: ايىنا 6000 يۋان كىرىس تابادى، بۇل ونىڭ ۇيىندە ەگىن ەگۋدەن جارتى جىلعا جۋىق ۋاقىتتا تاباتىن كىرىسى.

  وزىمەن بىرگە كەلگەن اۋىلداس سەرىكتەرى سياقتى، وتباسىنىڭ شارت - جاعدايىن جاقسارتۋ ءۇشىن، ول اي سايىن ءبىر ءبولىم ەڭبەكاقىسىن ۇيىنە جىبەرەدى، سونىمەن وتباسىنىڭ تۇرمىسى دا كۇن ساناپ جاقسارا ءتۇستى. ”باسقا كاسىپكە ويىستىرىپ جۇمىسقا ورنالاستىرۋ مەنى وزگەرتتى، وتباسىمدى دا وزگەرتتى“، - دەدى ءىلياس، تۇراقتى كىرىسى بولۋدان سىرت، مەملەكەتتە ءبىر تۇتاس قولدانىلاتىن ءتىل - جازۋ قابىلەتى دە بىرتىندەپ جوعارىلادى، مۇنان كەيىن قوس قولىنا سۇيەنىپ كىرىستى ارتتىرىپ اۋقاتتانۋعا بەتتەۋى ماسەلە بولۋدان بارعان سايىن قالىپ بارادى.

  ”قازىر قاشقار، حوتان سياقتى جەرلەردەن كەلگەن 250گە جۋىق اۋىل - قىستاقتاعى ارتىق ەڭبەككۇش ءارقايسى سەحتاردا جۇمىس ىستەيدى“. شينجياڭ جۇڭتاي حيميا ونەركاسىبى توقسۇن نىڭحۋا شەكتى سەرىكتەستىگىنىڭ كادرلار ىستەرى، كاسىپورىن باسقارۋ باسقارماسىنىڭ باستىعى جوۋ ليلي تانىستىرىپ: بۇل سەرىكتەستىك جۇپ قۇراۋ، ۇستاز شاكىرت تاربيەلەۋ سياقتى تاسىلدەر ارقىلى جۇمىسشى - قىزمەتكەرلەرگە ۇزدىكسىز كومەكتەسىپ، ولاردىڭ جۇمىس ورنى شەبەرلىگىن جوعارىلاتۋعا ءمان بەرۋمەن بىرگە، مەملەكەتتە ءبىر تۇتاس قولدانىلاتىن ءتىل - جازۋدى جەتىك قولدانۋ قابىلەتىن ارتتىرۋىنا كومەكتەسۋگە دە ءمان بەردى. قازىر كوپ ساندى قىزمەتكەرلەردىڭ تىلدىك قارىم - قاتىناس قابىلەتى كورنەكتى جوعارىلاپ، كوپتەگەن قىزمەتكەرلەردىڭ وتباسىلارى كەدەيلىكتەن ارىلىپ، كەدەيلىك قالپاعىن تاستاپ، تۇرمىس شارت - جاعدايلارى كورنەكتى جاقساردى، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى