تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

بۇل سۇيىسپەنشىلىكتى ماڭگى جالعاستىرامىن

ءتىلشى ۋاڭ لەي

  ”چۋانيە، جاقىننان بەرى ساۋداڭ قالاي؟ جۇمىس ىستەگەنىڭدە، ءسوز جوق، حاۋىپسىزدىككە كوڭىل ءبول. ءۇيدى ساعىنساڭ، قايتىپ كەل...“.

  ”وكىل اكە، بارلىعىمىز جاقسىمىز، قاربالاستىق اياقتاعاننان كەيىن، وكىل شەشەم ەكەۋىڭىزگە امانداسا بارامىز“.

  3 - ايدىڭ 12 - كۇنى قۇمىل قالاسىنىڭ يجوۋ رايونىندا اۋىل شارۋاشىلىق ماشينالارىن رەمونتتاۋ ساۋداسىمەن شۇعىلداناتىن گاۋ چۋانيە مەن وكىل اكەسى سىدىق ياري ساعىنىشتارىن تەلەفونمەن جەتكىزىپ جاتتى، اقساقالدىڭ كوڭىل ءبولۋى وعان شەكسىز مەيىر سەزىندىردى.

  قازىر ءدال كوكتەمگى ەگىس جۇمىسىنا دايىندالاتىن مەزگىل، گاۋ چۋانيەنىڭ اۋىل شارۋاشىلىق ماشينالارىن رەمونتتاۋ دۇكەنىنىڭ ساۋداسى ايرىقشا كۇسەت. قانشا قاربالاس بولسا دا، ەكى كۇندە ءبىر رەت ەرلى - زايىپتى سىدىقپەن تەلەفوندا سويلەسىپ تۇرۋ ەرتەدەن گاۋ چۋانيەنىڭ ادەتىنە اينالعان. ”وكىل اكەم، وكىل شەشەم وتباسىمەن تانىسقاننان بەرى، شينجياڭنان تياناق تاپتىم، ولار مەنى وتباسىنىڭ مەيىرىنە بولەدى“، - دەدى گاۋ چۋانيە.

  1998 - جىلى 10 - ايدا گاۋ چۋانيە گانسۋدىڭ جاڭيەسىنان قۇمىلعا جۇمىس ىستەگەلى كەلىپ، بۇعاز اۋىلىندا ءىرى تۇرپاتتى تراكتورمەن جەر جىرتادى. گاۋ چۋانيەنىڭ قالا ىشىنەن مايعا العان ءۇيى مەن بۇعاز اۋىلىنىڭ ارالىعى 30 نەشە كيلومەتر، ەگەر ءار كۇنى كەلىپ - كەتەتىن بولسا، جول اقىسىنىڭ وزىنە ءبىرشاما قوماقتى اقشا كەتەدى. اقشا ۇنەمدەۋ ءۇشىن، گاۋ چۋانيە تراكتوردىڭ كابەنكەسىندە تاماقتانىپ، سوندا تۇنەي سالىپ ءجۇردى.

  ءبىر كۇنى كەشتە گاۋ چۋانيە جۇمىستان قايتپاقشى بولىپ دايىندالىپ جاتقان كەزدە، قىستاق تۇرعىنى سىدىق جانىنا كەلىپ: جىگىتىم، سەنى بايقاستاعانىما بىرنەشە كۇن بولدى، تراكتوردىڭ كابەنكەسىندە جاتساڭ قالاي بولادى، كۇن بارعان سايىن سۋىتىپ كەلەدى، ونان دا ءبىزدىڭ ۇيگە بارىپ جات، - دەيدى. سىدىقتىڭ ءسوزىن ەستىپ گاۋ چۋانيەنىڭ كوڭىلى بوساپ كەتەدى.

  ىستىق تاماق، جىلى كورپە، اۋىستىراتىن تازا كيىم، سىدىق وتباسى گاۋ چۋانيەنى سيلى قوناق قاتارىندا ىستىق ىقىلاسپەن كۇتىپ الادى. گاۋ چۋانيەنى جۇمىسىنان قالدىرماۋ ءۇشىن، سىدىقتىڭ ايەلى ءار كۇنى ەرتە تۇرىپ تاڭعى اس دايىنداپ، تۇسكى تاماقتى اتىز باسىنا جەتكىزىپ بەرىپ تۇردى. كەشتە گاۋ چۋانيە جۇمىستان مەيلى قانشا جاي تۇسسە دە، ءبىر ءۇيلى جان ونى كۇتىپ وتىرىپ، كەلگەننەن كەيىن بىرگە تاماقتاناتىن بولدى. ”وسى ارادا الاڭسىز جاتا بەر، مۇنان بىلاي ءوز ءۇيىم دەپ ءبىل، سەن مەنىڭ ۇلىم سياقتىسىڭ“، - دەيدى سىدىق گاۋ چۋانيەگە. سودان باستاپ ەگىس جۇمىسى قاربالاس كەزدە، گاۋ چۋانيە سىدىقتىڭ ۇيىنە جاتىپ ءجۇردى، ول دا وتباسىنىڭ ەگىس جۇمىسىن ىرىقتىلىقپەن ۇستىنە الدى، ەكى كاريانى وكىل اكە، وكىل شەشە دەپ اتادى.

  2003 - جىلى شاماشا قارجى توپتاپ العان گاۋ چۋانيە اۋىل شارۋاشىلىق ماشينالارىن رەمونتتاۋ دۇكەنىن اشپاقشى بولادى، سىدىق ودان - بۇدان سۇراستىرىپ ءجۇرىپ، وعان ءبىر دۇكەن ورنىن تاۋىپ بەرەدى. كۋالىك ءبىتىرۋ، تازالىق ىستەۋ، قۇرال - سايمان ساتىپ الۋ... سىدىقتىڭ بالالارى دا گاۋ چۋانيەنىڭ جۇمىستارىنا ىرىقتىلىقپەن كومەكتەسەدى. گاۋ چۋانيەنىڭ وسى رەمونتتاۋ دۇكەنىن اشۋ ءۇشىن قولىنداعى اقشاسىنىڭ ءبارىن جۇمساعاندىعىنان حابار تاپقان سىدىق گاۋ چۋانيەنىڭ قولىنا 3000 يۋان ۇستاتىپ، ”بالاسى جۇمىس باستاعاندا، اكە - شەشەسى قولداۋ كورسەتپەسە بولا ما“، - دەيدى.

  تاماشا سەنىمدىلىگى جانە ەلدەن ەرەك شەبەرلىگىنىڭ ارقاسىندا، جاقىنعى جىلدارى گاۋ چۋانيەنىڭ اۋىل شارۋاشىلىق ماشينالارىن رەمونتتاۋ دۇكەنىنىڭ اتى بىرتىندەپ تانىلىپ، تۇرمىسى دا جاقسارا باستايدى. سىدىقتىڭ وتباسىنداعىلار كومەككە مۇقتاج بولسا، ول دا كومەگىن ايامايدى. قازىر گاۋ چۋانيە دە بالا - شاعالى بولدى، ءبىراق سىدىقتىڭ وتباسىمەن ءبىر اراعا باس قوسۋ ول ءۇشىن ءالى دە ەڭ قۋانىشتى ءىس سانالادى.

  ”وكىل اكەم مەن وكىل شەشەم وتباسى مەنىڭ ماڭگىلىك تۋىسىم، وسى سۇيىسپەنشىلىكتى ماڭگى جالعاستىرامىن“، - دەدى گاۋ چۋانيە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى