ءمالىم ءبىر زەرتتەۋ ناتيجەسىنە قاراعاندا، كىتاپقۇمار ادامدار كىتاپ وقۋعا قىزىقپايتىن ادامدارعا قاراعاندا «ۇزاق ٴومىر ٴسۇرۋ ەرەكشەلىگىنە» يە ەكەن.
يالى داشۋەسىنىڭ الەۋمەتتىڭ سالاماتتىلىعىن زەرتتەۋشى ماماندارى ۇزاق ۋاقىتتىق تەكسەرىپ-زەرتتەۋ جۇرگىزگەن، ولار 50 جاستان اسقان 3600 ەر مەن ايەلدىڭ سالاماتتىلىعى مەن كىتاپ وقۋ داعدىسى جونىنەن 11 جىل بويى ءىز قۋىپ، زەرتتەۋ جۇرگىزىپ، ەستەلىك العان. زەرتتەۋ ناتيجەسى كۇندەلىكتى كىتاپ وقۋ ۋاقىتى قانشالىقتى ۇزارعان ادامنىڭ ( ٴتىپتى جارتى ساعات بولسا دا)، عۇمىرى سولعۇرلىم ۇزىن بولاتىنىن بەينەلەدى. زەرتتەۋ وبيەكتىسىنە قاراتا تەكسەرۋدە، كىتاپقۇمار ادامدار كىتاپ وقۋعا قىزىقپايتىن ادامداردان ورتا ەسەپپەن 2 جىل ارتىق ءومىر سۇرگەن.
زەرتتەۋشىلەر بىلاي دەپ اتاپ كورسەتتى : نەشە ٴجۇز بەتتىك كىتاپتاردى وقۋ بارىسىندا، وقىرماندار اۆتوردىڭ وي جەلىسىنە، كەيىپكەرگە نەمەسە سيۋجەتكە باسا نازار اۋدارادى، «ىشكەرىلەي وقۋ» بارىسىنداعى مۇنداي اقىل-پاراساتتىق ىزدەنىس ۇلكەن ميدى جانداندىرادى. بۇدان سىرت، كىتاپ وقۋ ادامنىڭ «تىلەۋلەستىك ءبىلدىرۋىن، قوعامدىق تانىم مەن سەزىم تۇيسىكتەرىن» كۇشەيتەدى، بۇلار دا عۇمىردىڭ ۇزارۋىمەن تىعىز قاتىستى.
