رايونىمىزدىڭ جەر - جەرى جەرگىلىكتى جاعدايعا قاراي ىستەپ، كەدەيلىكتەن ارىلتۋدان قامال الۋدىڭ جاڭا جولىن قاراستىردى
”جۇمىس ىستەۋ ءبىزدىڭ تاعىدىرىمىزدى وزگەرتىپ قالماستان، قىستاقتاعىلاردىڭ دا تاعدىرىن بىرتىندەپ وزگەرتۋدە“.
”ءبىز تەحنيكانى قۇلشىنا ۇيرەنىپ، ءوزىمىزدىڭ ەڭبەكشىل قوس قولىمىزعا سۇيەنىپ كەدەيلىكتەن ارىلىپ، كىرىستى ارتتىرۋعا ءتيىسپىز“
”وسى بىرنەشە جىلدا مەنىڭ يدەيامدا ۇزدىكسىز بۇرىلىس بولىپ، كەدەيلىكتەن ارىلاتىن جىگەر - قايراتقا يە بولدىم“.
تىلشىلەر شيا چيڭ، لي داۋجۇڭ، گازەتىمىزدىڭ حوتان تىلشىلەر پۋنكتىنەن شى يىڭيىڭ، اقسۋ تىلشىلەر پۋنكتىنەن جاڭ جيڭ
كەدەيلەردى سۇيەمەلدەۋدە، الدىمەن ەرىك - جىگەر جاعىنان سۇيەمەلدەۋ، كەدەيلەردى سۇيەمەلدەۋدە، ءسوز جوق، اقىل - پاراسات جاعىنان سۇيەمەلدەۋ كەرەك. تاياۋ جىلداردان بەرى، رايونىمىزدىڭ جەر - جەرى ءوز ەرەكشەلىكتەرىمەن بىرلەستىرىپ، جەرگىلىكتى جاعدايعا قاراي ىستەپ، كەدەيلىكت−ەن ارىلتۋدان قامال الۋدىڭ جاڭا جولىن بەلسەنە قاراستىرىپ، كەدەيلىكتەن ارىلتۋ ناتيجەلەرىن بەكەمدەپ، كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن بىرلەستىرۋگە ونان ارى ءمان بەرىپ، ءتۇرلى تاسىلدەرمەن كەدەيلەردى رۋحاني جاقتان سۇيەمەلدەۋدى كۇشەيتىپ، ىشكى قوزعاۋشى كۇشتى جەتىلدىرىپ، كەدەي بۇقارانىڭ جىگەرىن تاسقىنداتتى. كەدەيلىكتەن ارىلۋ، بايۋ جولىنا ءتۇسۋ بارىسىندا، كەدەي بۇقارانىڭ رۋحاني كۇيىندە، تانىمىندا جانە ۇستانىمىندا ايتارلىقتاي وزگەرىس تۋىلدى.
سىرتقا شىعىپ، تىرشىلىكتىڭ جاڭا جولىن باستادى
”قاراڭىز، مىناۋ بىلتىر جازدا كۇيەۋىم ەكەۋىمىزدىڭ نانچاڭدا تۇسكەن سۋرەتىمىز“، - دەدى 3 - ايدىڭ 18 - كۇنى لوپ اۋدانى بۇيا اۋىلى كەنچى ارىق قىستاعىنىڭ تۇرعىنى ايىمنيسا قۇتبيدىن قول تەلەفونىنداعى سۋرەتتى قىستاقتاعى اپەكە - سىڭلىلەرىنە كورسەتىپ.
2017 - جىلى 9 - ايدا ايىمنيسا مەن كۇيەۋى وسمان ازەز جەرگىلىكتى ۇكىمەتتىڭ ۇيىمداستىرۋىمەن جياڭشي ولكەسىنىڭ نانچاڭ قالاسىنا بارىپ جۇمىس ىستەيدى. ”ول كەزدە، ءبىز سىناپ كورەيىك دەگەن ويدا بولدىق، ويلاماعان جەردە، بۇل رەتكى جۇمىس ىستەۋ ءبىزدىڭ تاعدىرىمىزدى وزگەرتىپ قالماستان، قىستاقتاعىلاردىڭ دا تاعدىرىن بىرتىندەپ وزگەرتۋدە“، - دەيدى وسمان.
نانچاڭدا جۇمىس ىستەگەن 16 ايدا، وسمان مەن ايەلى ۇساق − تۇيەك شىعىندى شىعارىپ تاستاعاندا، 60 مىڭ يۋاننان استام اقشا جينادى. جۇمىس ىستەۋ ارقىلى ولار اقشا تاۋىپ قانا قويماي، كوزقاراستارىندا دا بۇرىلىس بولدى.
جۇمىس ىستەگەن كەزدەرىندە، وسمان مەن ايەلى تىڭعىلىقتى، تاباندى ىستەپ، قىزمەتتەستەرىمەن ىنتىماقتى ءوتىپ، دوستىق سۇيىسپەنشىلىك ورناتتى، وسمان كوپ وتپەي جاي قىزمەتكەردەن بانجاڭ بولىپ ءوستى. وسى جولى تۋىسشىلاپ اۋىلعا قايتقاندا، سەرىكتەستىكتىڭ ديرەكتورى وعان ”جۇمىسقا ەرتەرەك قايتىپ كەل“ دەپ قايتا - قايتا تاپسىردى. ”ماعان بۇرىن ەشكىم مۇنداي سەنىم ارتىپ كورمەگەن ەدى، مەن ەرەكشە باقىتتى سەزىندىم“، - دەدى وسمان.
”اعا، بۇل رەت نانچاڭعا مەنى دە، ءسوز جوق، الا كەتشى“، - دەيدى قىستاق تۇرعىنى ءامينا ءالي وسماندى كورسە بولدى جىعىلا جابىسىپ. ”اعام بۇرىن قىستاعىمىزداعى ’كەدەي جىگىت‘ەدى، ءبىر جىل كورمەگەن ەدىك، شيراقىلانى−پ، كوز اياسى كەڭەيىپ كەتىپتى“، - دەيدى ول.
قىستاقتا تاعى 16 جاس امينامەن بىردەي ويدا ەكەن. كەنچى ارىق قىستاعى پارتيا ياچەيكاسىنىڭ شۋجيى مامەتامەر ادىلباكىريدىڭ ايتۋىنشا، وسماننىڭ سىرتقا شىعىپ جۇمىس ىستەپ، بايۋ جولىنا ءتۇسۋىنىڭ ىقپالى ۇلكەن بولىپتى، 2017 - جىلى قىستاقتان نەبارى 4 ادام نانچاڭعا بارىپ جۇمىس ىستەگەن. 2018 - جىلى وسماننىڭ جەتەكشىلىگىندە قىستاقتان 18 ادام نانچاڭعا بارىپ جۇمىس ىستەدى. بيىل بۇل سان 34كە كوبەيگەن.
بەرىلە ونەر ۇيرەنىپ، شەبەرلىك يگەرىپ، وي - ساناسىن بايىتتى
”مەن قىستاقتاعى بۇرشاق ىرىمشىگى دۇكەنىندە جۇمىس ىستەيمىن، ايىنا 1500 يۋان اقشا تابامىن“، - دەدى ياركەن اۋدانى شارباق اۋىلى گوزا توعىراق قىستاعىنداعى بۇرشاق ىرىمشىگى دۇكەنىنىڭ ايەل قىزمەتشىسى ءمامۇرام تۇرعۇن 3 - ايدىڭ 21 - كۇنى تىلشىگە.
بيىل 25 جاستاعى ءمامۇرام قىستاقتاعى ارحيۆ تۇرعىزىلىپ، كارتچكا بەرىلگەن كەدەي، ونەرى بولماعاندىقتان، تەك سىرتقا شىعىپ ۇساق - تۇيەك جۇمىس ىستەپ كەلگەن ونىڭ تابىسى وتە تۇراقسىز ەدى.
بىلتىر 5 - ايدا جۇڭگو مۇناي قارامايلى مۇناي حيميا سەرىكتەستىگىنىڭ گوزا توعىراق قىستاعىندا تۇراتىن ءبىرىنشى شۋجيى نيۋ چۇنگىنىڭ كومەگىندە، ءمامۇرام بۇرشاق ىرىمشىگىن جاساۋ ونەرىن ۇيرەنە باستادى. قىستاق بۇرشاق ىرىمشىگى دۇكەنىن جابدىقپەن قامدادى، جارتى جىلدان استام ۋاقىتتان بەرى، بۇرشاق ىرىمشىگى دۇكەنىنىڭ ساۋداسى بارعان سايىن جاقساردى. الارمانداردىڭ تۇرلىشە سۇرانىستارىن قاناعاتتاندىرۋ ءۇشىن، بۇرشاق ىرىمشىگى دۇكەنى بۇرشاق ىرىمشىگىن مانەرلەۋدەن سىرت، كەپتىرىلگەن بۇرشاق ىرىمشىگى، بۇرشاق ىرىمشىگى شيرشىقتاماسى سياقتى كوپ ءتۇرلى ونىمدەر جاسادى. قازىر ايىنا 8 توننا تۇراقتى تاپسىرىستان سىرت، ءار بازار كۇنىندە نەشە 100 كيلوگرامنان ارتىق ساتىلادى.
”ءبىز قۇلشىنا ونەر ۇيرەنىپ، ءوزىمىزدىڭ ەڭبەكشىل قوس قولىمىزعا سۇيەنىپ كەدەيلىكتەن ارىلىپ، كىرى−س−تى ارتتىرۋعا ءتيىسپىز“، - دەدى ءمامۇرام.
گوزا توعىراق قىستاعىندا بۇرشاق ىرىمشىگى دۇكەنىنىڭ قۇرىلۋى قىستاقتىڭ بۇرشاق ونىمدەرى زاۆودىن قۇرۋىنا سىناق بولدى. گوزا توعىراق قىستاعىندا سارى بۇرشاق وسىرىلەدى، ەگىستىك اۋماعى 1300 مۋعا جەتەدى. قازىر زاۆود ۇيلەرى سالىنىپ، ماشينالار دا ورناتىلا باستادى. قىستاقتىڭ زاۆود قۇرىپ جۇمىسشى قابىلدايتىنىنان حابارلى بولعان قىستاق تۇرعىندارى وعان بەلسەنە تىزىمدەلدى.
”ءبىز كاسىپ نىسانىن ءداپ باسىپ تابۋدى كەدەي بۇقارانىڭ ءىس جۇزىندىك قاجەتىمەن بىرلەستىرىپ، قىستاقتاعى كەدەي وتباسىلارىنىڭ كەدەيلىكتەن ارىلۋ سەنىمىنە دەم بەردىك“، - دەدى نيۋ چۇنگى.
شاعىن اۋلا كىرىستى ارتتىرىپ، بايۋعا كەپىلدىك ەتتى
3 - ايدىڭ 21 - كۇنى ءۇشتۇرپان اۋدانى جامانسۋ قىرعىز اۋىلىنىڭ ديقانى جيميلاك ءراشيت قوي قوراسىندا قاربالاس جۇمىس ىستەپ جاتتى. بىلتىر تالىقپاي قۇلشىنۋ ارقىلى جيميلاك قوي ساتىپ 30 مىڭ يۋان كىرىس كىرگىزىپ، كەدەيلىك ”قالپاعىن“ لاقتىرىپ تاستادى. بۇگىنگى كۇنى، وتباسىنداعى قويى 40 تۇياقتان استى.
”باستابىندا قىزمەت اترەتى 2 قوزى اكەلىپ بەرىپ، كەلىسىمگە قول قويىسقانبىز. قوزى قاتارعا قوسىلىپ ۇلكەيگەن سوڭ قوزىلادى، وسى كەزدە كەدەيلەردى سۇيەمەلدەۋ نىسانى باستالىپ، وتباسىما تاعى 5 ساۋلىق قوسىلدى. سونىمەن قاتار، قىستاقتا تۇراتىن كادرلار، كەدەيلەردى سۇيەمەلدەيتىن كادرلار وزدەرى كەلىپ قوي ساتۋىما كومەكتەستى. باعىمشىلىققا سۇيەنىپ كەدەيلىكتەن ارىلۋعا بولاتىنىن كورگەنىمدە، قۋانعانىمنان نەشە كۇن ۇيىقتاي المادىم“، - دەدى جيميلاك.
جيميلاك وتباسىنداعى 7 جان 13 مۋ جەرگە سۇيەنىپ كۇنەلتىپ كەلگەن. 2015 - جىلى دالمە - ءدال پارىقتاۋ ارقىلى ونىڭ وتباسى قىستاقتاعى ارحيۆ تۇرعىزىلىپ، كارتچكا بەرىلگەن وتباسىنا اينالدى. بۇگىنگى كۇنى ول قىستاقتىڭ كەدەيلىكتەن ارىلۋدا ۇگىتتەيتىن تيىبىنە اينالدى.
”وسى بىرنەشە جىلدا مەنىڭ يدەيامدا ۇزدىكسىز بۇرىلىس بولىپ، كەدەيلىكتەن ارىلاتىن جى−گەر - قايراتقا يە بولدىم“، - دەدى جيميلاك. تاقىر كەدەيدەن قىستاقتاعى ايتۋلى باعىمشىلىق وتباسىنا اينالعان جيميلاكتىڭ بۇگىنگى كۇنى جىگەرى تاسقىنداپ، قايراتى كۇشەيە ءتۇستى.
بيىل جيميلاك بانكەدەن العان قارىز اقشاعا تاعى دا كوپ سيىر، قوي ساتىپ الىپ، قىستاق تۇرعىندارىمەن بىرگە باعىمشىلىق كووپەراتيۆىن قۇردى ءارى اۋلاسىنداعى بوس جەرگە كوكونىس ەگىپ كىرىسىن ارتتىردى.
