ءتىلشى لي لي
3 - ايدىڭ 21 - كۇنى تۇستەن كەيىن مەكتەپتەن قايتقان نايلا اسەنجان تاپسىرماسىن ورىنداپ بولعان سوڭ، ءۇرىمجى قالاسىنىڭ چيفاڭجيە مادەنيەت جاسامپازدىق كاسىپتەرى شوعىرى اۋماعىنا ورنالاسقان شينجياڭ تاقپاق بازارىنا كەلىپ، بىرنەشە قاقپاقىلعا جاتتىقتى. مو شيڭۋيدى كورگەن جەردەن نايلا ”سالەمەتسىز بە، ۇستاز!“ دەدى.
14 جاستاعى نايلا ءۇرىمجى قالالىق 46 - ورتا مەكتەپتىڭ ورتالاۋ 2 - جىلدىق وقۋشىسى، بيىل 41 جاسقا شىققان مو شيڭۋي شينجياڭ تاقپاق بازارىنىڭ قۇرۋشىسى ءارى نايلانىڭ ءان - كۇي ۇستازى.
نايلا مەن مو شيڭۋي 2015 - جىلى نايلا ءبىر رەتكى جارىسقا قاتىناسقان كەزدە تانىسقان. باسقالاردىڭ ءان ايتىپ، ءبي بيلەۋىنە ۇقساعىسى كەلمەگەندىكتەن، نايلا وزگەشەلىك كورسەتىپ، تاقپاقتى قاعىپ تۇرىپ ءوزىن تانىستىرادى. كەيىن جارىستىڭ جەتەكشى مۇعالىمىنىڭ دانەكەر بولۋىمەن نايلا مو شيڭۋيمەن تانىسادى.
مو شيڭۋيدىڭ جەتەكشىلىگىندە نايلا تاقپاقتان ساۋاتىن اشادى ءارى وسى ونەرگە ەرەكشە قىزىعادى.
”ەكى مىس تاباقشا ۇرىلعاندا ادەمى دىبىس شىعارادى، ونىڭ ۇستىنە ۇستازىمنىڭ ميميكاسى دا ادامدى ەرەكشە قىزىقتىرادى، وتە تاماشا. ۇستازىم ماعان تاقپاقتى قىزىقتى بولعانى ءۇشىن ۇيرەنۋگە بولمايدى، ءسوز جوق، شىنايى جاقسى كورۋ كەرەك، سونىمەن بىرگە تاباندىلىقپەن جالعاستىرۋ كەرەك. مەن ءوز بەكىمىمدى بىلدىرگەن سوڭ عانا، ۇستازىم ماعان ۇيرەتۋگە قوسىلدى“، - دەدى نايلا.
2016 - جىلى شينجياڭ تاقپاق بازارىندا بالالار ءان - كۇي كۋرسى اشىلىپ، نايلا كۋرسقا قاتىناستى. وسىدان باستاپ، نايلا ءار اپتادا از دەگەندە ءبىر رەت تاقپاق بازارىنا بارىپ تاقپاق ايتۋدى ۇيرەندى. قاقپاقىل قاعۋعا العاش جاتتىققان كەزدە، نايلانىڭ ساۋساقتارى قىزارىپ ويىلىپ كەتتى، ءبىراق بۇعان بولا ول شەگىنگەن جوق، قايتكەندە قاقپاقىلدى جاقسى قاعۋعا بار زەيىنىن سالدى.
”ۇستازىم جايشىلىقتا ەرەكشە جايدارى جۇرەدى، بىزگە جەتەكشىلىك ەتكەندە توتەنشە مۇقياتتىلىق تانىتادى، ءبىراق قاتاڭ بولعان كەزدە، ءبىز قاتتى قورقامىز“. نايلانىڭ كوڭىلىندە ۇستازىنىڭ كوپ ءتۇرلى بەينەسى بار.
”نايلا سۇيكىمدى، داۋىسى اشىق، ساحناداعى بەينەلەۋ ونەرى جاقسى“. مو شيڭۋي شاكىرتىن ماقتانىشپەن تىلگە الدى.
ۇيرەنۋ ۋاقىتىنىڭ كوبەيۋىنە بايلانىستى، نايلانىڭ تاقپاق ايتۋ ورەسى دە بىرتىندەپ جوعارىلاي ءتۇستى، تالاي رەت ءۇرىمجى تەلەۆيزياسىنىڭ، شينجياڭ تەلەۆيزياسىنىڭ ادەبيەت - كوركەمونەر ساۋىق كەشتەرىنە قاتىناستى، سونداي - اق ورتالىق تەلەۆيزياسىنىڭ بالالار ارناسىنىڭ ”ۇلكەن قول كىشكەنتاي قولدى جەتەكتەيدى“ اتتى باعدارلاماسىندا ونەر كورسەتتى.
2018 - جىلى 10 - ايدىڭ 30 - كۇنى نايلا ءوزىنىڭ ونەردەگى 10 نەشە ساباقتاسىمەن بىرگە مو شيڭۋيدى رەسمي ۇستاز تۇتتى. ۇستاز تۇتۋ سالتىندا، نايلا ۇستازىنا ءوزى دەن قويىپ تاڭداپ العان كىتاپ بولمەسىنە قوياتىن بۇيىمدى ۇسىندى، سونداي - اق ۇستازى سيلاعان تارتۋ − ءوزىنىڭ اتى ويىلعان بامبۇك تاقتايشانى، يۋانياڭباندى جانە ءان - كۇي كىتابىن، نۇرتاباعىن تاپسىرىپ الدى.
”تيان - انمىن الاڭى ايبىندى، شىعىس پەن باتىسقا سوزىلعان چاڭ - ان كوشەسى ...“. سول قولىمەن كىشكەنە تاقتايشانى، وڭ قولىمەن ۇلكەن تاياقشانى ۇستاعان نايلا ”تيان - انمىن الاڭىندا تۋ شىعارۋدى كورۋ“ اتتى تاقپاقتى وزگەشە ۇلگىدە ورىندادى. تاقپاق اياقتالعاندا، مو شيڭۋيدىڭ ءسوزىن توسپاستان، نايلا: ”تاياۋدان بەرى وسى بولىككە جاتتىقپاعان ەدىم، توسىرقاپ قالىپپىن“، - دەدى ىڭعايسىزدانا.
جاتتىعۋدان شارشاعان نايلا شاي ۇستەلدىڭ الدىنا وتىرا قالىپ، ۇستازى ەكەۋىنە شاي دايىندادى.
”مەن ءان - كۇيگە ەرەكشە قىزىعامىن، ءان - كۇي باسقالارعا كوڭىلدىلىك سيلايدى ءارى ءوزىڭنىڭ ونەرىڭدى تولىقتايدى، ءان - كۇيدى ۇيرەنگەننەن كەيىن، مەنىڭ مەملەكەتتە ءبىر تۇتاس قولدانىلاتىن ءتىل - جازۋ ورەم مەن جازۋشىلىق ورەم جوعارىلادى، وقۋلىقتا جوق بىلىمدەردى دە ۇيرەندىم. سونىمەن قاتار، مەنىڭ سەنىمىم اناعۇرلىم كۇشەيدى، ساحنالىق تاجىريبەم اناعۇرلىم مولايدى، بۇكىل ەلىمىزدىڭ جەر - جەرىندەگى دوستارمەن تانىستىم، مىنەزىم دە اناعۇرلىم اشىق - جارقىن بولا ءتۇستى. مەن تاقپاق ايتۋ ارقىلى اسا كورىكتى شينجياڭدى ءتىپتى دە كوپ ادامعا تانىستىرۋدى ءۇمىت ەتەمىن“، - دەدى نايلا.
تاقپاق ۇيرەنگەن مەزگىلدە، نايلانىڭ وتباسىنداعىلار مو شيڭۋيمەن تەرەڭ سۇيىسپەنشىلىك ورناتتى، كوپشىلىك ۇنەمى بىرگە اڭگىمەلەسىپ، بىرگە تاماقتانادى. نايلانىڭ شەشەسى حۇرشيدا ياسىن بىلاي دەدى: ”نايلا مو شيڭۋي مۇعالىمعا وتە جاقىن، ول ادەتتە اكەسىنە ونشا ەركەلەمەيتىن، الايدا مو شيڭۋي مۇعالىمعا ەركەلەيدى، بۇرتيا قالادى، ولار اكەلى - بالاداي وتە جاقىن“. وسى سەبەپتى ەكى وتباسىنداعىلار دا جاقىن تۋىستارداي بولىپ كەتتى.
ءبىر جولى، حۇرشيدا مو شيڭۋي مۇعالىمعا: ”ە، مو شيڭۋي مۇعالىم، ءبىز قازىر تۋىس بولىپ كەتتىك، قاي كەزدە ءبىزدىڭ ۇيىمىزگە كەلەسىزدەر؟“، - دەگەندە، مو شيڭۋي مۇعالىم بىلاي دەپ جاۋاپ بەردى: ”ءبىز قازىر تەك جاقىن تۋىستىق قاتىناستامىز با؟ ءبىز ناعىز تۋىسپىز! بالالار دەمالىسقا تاراعاندا، سىزدەر ءبىزدىڭ ۇيگە كەلىپ، ءدام تاتىپ، اۋناپ - قۋناپ قايتىڭىزدار“.
