ءتىلشى ما ينيڭ 3 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋعا قاراعاندا، شاعىن، ۇساق كاسىپورىنداردىڭ قارجى قۇراۋىنا قىزمەت وتەيتىن كەپىل بولۋشى قۇرىلىمداردىڭ باياندى دامۋىن جەبەۋ ءۇشىن، اۆتونوميالى رايون شاعىن، ۇساق كاسىپورىنداردىڭ قارجى قۇراۋىنا كەپىل بولۋ كاسىبىنە مەڭزەس، اقىنى تومەندەتىپ، سيلىق - قوسىمشا قاراجات بەرۋدى اتقارعان.
«قازىنا مينيسترلىگىنىڭ 2018 - جىلعى ورتا، شاعىن كاسىپورىنداردىڭ دامۋى تۋرالى ارناۋلى قارجى مەجە ەسەبىن ءتۇسىرۋ (2 - توپتاعى) جونىندەگى حابارلاندىرۋى» جانە «قازىنا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ شاعىن، ۇساق كاسىپورىنداردىڭ قارجى قۇراۋىنا كەپىل بولۋ كاسىبىندە اقىنى تومەندەتۋ، سيلىق - قوسىمشا قاراجاتىن بەرۋ ساياساتىن اتقارۋ جونىندەگى حابارلاندىرۋى»نىڭ تالابى بويىنشا، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اۆتونوميالى رايوندىق قازىنا مەڭگەرمەسىمەن بىرگە «مەملەكەتتىك ورتا، شاعىن كاسىپورىنداردىڭ دامۋى تۋرالى ارناۋلى قارجىنى (ەكىنشى توپتاعى) ۇلەستىرۋ جوباسىن» دايىنداپ، ساياساتتىق جەتەكتەۋ سيپاتى ەداۋىر كۇشتى، ونىمدىلىگى ەداۋىر جاقسى 46 كەپىل بولۋشى قۇرىلىمدى ءتۇيىندى تۇردە قولداپ، جيىنى 59 ميلليون 870 مىڭ يۋان سيلىق - قوسىمشا قاراجات بەرگەن.
قارجى قۇراۋدىڭ قيىن بولۋى، قارجى قۇراۋدىڭ قىمبات بولۋى ەجەلدەن رايونىمىزداعى شاعىن، ۇساق كاسىپورىنداردىڭ دامۋىنا، زورايۋىنا تۇساۋ بولعان سەبەپتەردىڭ ءبىرى. كەپىل بولۋ − كەپىل زاتى تاپشى، سەنىمدىلىگى جەتپەگەن شاعىن، ۇساق كاسىپورىنداردىڭ تۇڭعىش رەت قارىز اقشا الۋ شارتىن ازىرلەۋىنە، قارىز اقشا الۋدا ماسەلە بار - جوقتىعىن ءبىر جايلى ەتۋىنە كومەكتەسۋدەگى ماڭىزدى ءبىر بۋىن، شاعىن، ۇساق كاسىپورىنداردىڭ سەنىمدىلىگىن كۇشەيتۋ، شاعىن، ۇساق كاسىپورىنداردىڭ قارجى قۇراۋ ورايىن كەڭەيتۋ جونىنەن كەلەلى ماڭىزعا يە، شاعىن، ۇساق كاسىپورىنداردىڭ قارجى قۇراۋىنا قىزمەت ەتۋ جۇيەسىنىڭ ماڭىزدى قۇرامداس بولىگى.
وسى رەتكى سيلىق - قوسىمشا قاراجاتى شاعىن، ۇساق كاسىپورىندارعا تىكەلەي قىزمەت ەتەتىن ءارى الاتىن اقىسى تومەن كەپىل بولۋشى قۇرىلىمداردى سيلاۋ سەرپىنىن ارناۋلى كۇشەيتكەن، ماسەلەن، ءۇرىمجى جوعارى جاڭا تەحنيكالىق قارجى قۇراۋعا كەپىل بولۋ شەكتى سەرىكتەستىگى 5 ميلليون 130 مىڭ يۋان سيلىق - قوسىمشا قاراجاتىنا يە بولعان، مۇندا قوسىمشا قاراجات 3 ميلليون 860 مىڭ يۋان، سيلىق قاراجات ءبىر ميلليون 270 مىڭ يۋان.
ساندى مالىمەت مىنالاردى ايگىلەدى: 2018 - جىلى شينجياڭدا جاڭادان 19 مىڭ ورتا، شاعىن كاسىپورىن قوسىلعان، جاڭادان 170 مىڭ ادام جۇمىسقا ورنالاسقان. شينجياڭدا 23 فينانس قۇرىلىمى 8 باقشا رايونمەن سەلبەستىك كەلىسىمىن جاساسىپ، كاسىپورىنداردىڭ قارجى قيىنشىلىعىن ءونىمدى تۇردە شەشكەن.
