تيانشان تورابى   ›   بىلگەنگە مارجان   ›   بال داۋرەن

مي سالدانعان بالالاردىڭ «پەرىشتە اتايى»

حىنان ولكەسى رۋجوۋ قالالىق جينگىڭ شپياحاناسىندا شياگەر سۇڭ جاۋپۋ شينجياڭنان كەلگەن ميى سالدانعان بالاعا قالپىنا كەلتىرۋ ەمىن جاساۋدا. (سۋرەت 2019-جىلى 3-ايدىڭ 19-كۇنى تۇسىرىلگەن)

  حىنان ولكەسى رۋجوۋ قالالىق جينگىڭ شيپاحاناسىنىڭ 6 ـ قاباتىنداعى سەسترالار بولمەسىنىڭ الدىندا، ٴبىر شيپاگەردى ٴبىر توپ بالا قورشاپ الىپ، تالاسا قۇشاقتاپ: « اتاي! »،-دەپ شاقىرۋدا. ولاردىڭ «اتاي» دەپ شاقىرعانى ٴدال وسى شيپاحانانىڭ باستىعى سۇڭ جاۋپۋ. 1992 - جىلى، سۇڭ جاۋپۋ شيپاگەرلىك ىستەۋ بارىسىندا ەرەكشە ناۋقاس توبى — ميى سالدانعان بالالارعا نازارى تۇسەدى ٴارى ٴوزى ۇيرەنگەن جۇڭگوشا ەمدەۋ بىلىمدەرمەن ولاردى ەمدەۋدى سىناپ كورۋدى ءجون كورەدى. 2015-جىلى 6-ايدا، سۇڭ جاۋپۋ ۇسىنىس بويىنشا شينجياڭنىڭ حوتان ايماعىنا ميى سالدانعان ناۋقاستاردىڭ ەمدەلۋ جاعدايىن تەكسەرۋگە كەلەدى. جەرگىلكتىڭ ەمدەۋ، دەنساۋلىق ساقتاۋ شارت - جاعدايى ناشار بولعاندىقتان، بۇل اراداعى ميى سالدانعان ناۋقاستاردى ەمدەۋ ۇلكەن ماسەلەگە اينالعان ەدى. «جەرگىلىكتى ورىندا مي سالدانعان ناۋقاستاردى ەمدەيتىن كاسىپتىك شيپاحانا بولماعاندىقتان، ولارعا شيپاگەر، ٴدارى جەتكىزىپ بەرۋمەن بىرگە، ەڭ ماڭىزدىسى كاسىپتىك شيپاحانا سالىپ بەرۋ كەرەك»،- دەدى سۇڭ جاۋپۋ. ول جانە: « ناۋقاس ساعان قاراپ تۇرمايدى، ەڭ تاماشا ەمدەۋ مەزگىلىندە ناۋقاستى دەر كەزىندە ەمدەۋ كەرەك»،-دەدى. سونىمەن، 2015 ـ جىلى ٴبىرىنشى توپتاعى ۇيعۇر ۇلتىنان 10 مي سالدانعان ناۋقاس حىناننىڭ رۋجوۋ قالاسىنا تەگىن ەمدەۋگە اپارىلدى.

  ءۇش جىلدان استام ۋاقىتتان بەرى، سۇڭ جاۋپۋ ىلگەرىندى - كەيندى 12 رەت شينجياڭعا كەلىپ، ميى سالدانعان بالالاردى ەمدەدى ٴارى سول ورىنداعى ۇكىمەت جانە شيپاحانامەن سەلبەسىپ، ەمدەۋ قىزمەتكەرىن تاربيەلەپ، ىلگەرىندى - كەيىندى قاراقاش اۋدانى، حوتان قالاسى، لوپ اۋدانى، قاشقار قالاسىندا مي سالدانعان ناۋقاستاردى ساۋىقتىرۋ ەمدەۋ قۇرىلىمدارى سالدىرىپ، 4 شيپاحانادا جيىنى 2800 دەن ارتىق ميى سالدانعان بالالاردى ەمدەۋگە جاردەمدەستى .

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس