ۋاڭ ياڭ شينجياڭدا تەكسەرۋ - زەرتتەۋ جۇرگىزگەندە مىنانى باسا دارىپتەدى
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ تاياۋدا شينجياڭدا تەكسەرۋ - زەرتتەۋ جۇرگىزدى. 3 - ايدىڭ 22 - كۇنى ۋاڭ ياڭ شينجياڭ ءوندىرىس - قۇرىلىس بيڭتۋانى 3 - شىسى تۇمشۇق قالاسى 44 - تۋان ورتا مەكتەبىندە تەكسەرۋ - زەرتتەۋ جۇرگىزۋدە. سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن
شينحۋا اگەنتتىگىنىڭ 3 - ايدىڭ 25 - كۇنى ۇرىمجىدەن بەرگەن حابارى (ءتىلشى لين حۇي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ تاياۋدا شينجياڭدا تەكسەرۋ - زەرتتەۋ جۇرگىزدى. ول مىنانى باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىنىڭ رۋحاني ءمانىن جاپپاي يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعام ورنىقتىلىعىن قورعاۋ قىزمەتتەرىن تىڭعىلىقتى ويداعىداي ىستەپ، باياندى تىنىشتىققا ىقپال جاسايتىن نەگىزدىك سيپات، ءتۇبىرلى سيپات الاتىن ماسەلەلەردى شەشۋگە ءمان بەرىپ، ۇزاق بولاشاقتىق جوبا جاساپ، نەگىزدى بەكەمدەۋ شاراسىن قولدانىپ، باياندى تىنىشتىق اۋقىمىن ساقتاپ، باياندى تىنىشتىق ىستەرىن ىسكە اسىرۋ كەرەك.
اۆتونوميالى رايوندىق پارتكومنىڭ شۋجيى چىن چۋانگو بىرگە تەكسەرۋ - زەرتتەۋ جۇرگىزدى.
3 - ايدىڭ 20 - كۇنىنەن 25 - كۇنىنە دەيىن، ۋاڭ ياڭ ىلگەرىندى - كەيىندى قاشقار، تۇمشۇق، ىلە، ءۇرىمجى سياقتى جەرلەردى ارالاپ، نەگىزگى ساتىعا جانە ءبىرىنشى شەپكە ىشكەرىلەي بارىپ تەكسەرۋ - زەرتتەۋ جۇرگىزدى ءارى كوپ رەت اڭگىمە ءماجىلىستى باسقارىپ اشىپ، قاتىستى جاقتاردىڭ پىكىرىن، ۇسىنىسىن تىڭدادى. ول مىنانى اتاپ كورسەتتى: اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، قىرۋار قىزمەت ىستەپ، كەلەلى كەزەڭدىك تابىستارعا قول جەتكىزدى، شينجياڭنىڭ جالپى جاعدايى ءۇرتىس ورنىقتى بولىپ، اۋقىم ءۇرتىس جاقساردى، ءار ۇلت جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، شينجياڭ قىزمەتىنىڭ باس نىساناسىن جۇزەگە اسىرۋ ءۇشىن بەرىك نەگىز قالادى، بۇكىل ەلدىڭ جالپى جاعدايىنىڭ ورنىقتىلىعىن ساقتاۋعا بەلسەندى ۇلەس قوستى.
ۋاڭ ياڭ مىنانى باسا دارىپتەدى: حالىق تىلەگى ەڭ ۇلكەن ساياسي. شينجياڭ قىزمەتىنىڭ باس نىساناسىن جۇزەگە اسىرۋدىڭ نەگىزى حالىق تىلەگىن ۇيىستىرۋدا. ورنىقتىلىقتى قورعاۋ شارالارىن كەمەلدەندىرىپ، ”ءۇش ءتۇرلى كۇش“كە قاراتا تەگەۋرىندى كۇيدى ساقتاپ، ەكونوميكانىڭ، قوعامنىڭ دامۋىنا جانە ءار ۇلت جۇرتشىلىعىنىڭ وندىرىسىنە، تۇرمىسىنا تاماشا ورتا ازىرلەۋ كەرەك. پارتيانىڭ ۇلت ساياساتىن دۇرىس اتقارىپ، ۇلتتىق بولشەكتەۋشى كۇشتەرگە باتىل قارسى تۇرۋ جانە سوققى بەرۋ، سونىمەن قاتار ءار ۇلتتىڭ ۇقساس ۇقىقتان، بورىشتان يگىلىكتەنۋىن زاڭ بويىنشا قامتاماسىز ەتىپ، از ۇلتتاردىڭ تاڭداۋلى ءداستۇرلى مادەنيەتىن قورعاۋعا ءمان بەرىپ، ۇلتتار ىنتىماعىن ۇزدىكسىز بەكەمدەۋ، دامىتۋ كەرەك. پارتيانىڭ ءدىن قىزمەتى نەگىزگى باعىتىنا تاباندى بولىپ، ءدىني ۇشقارى يدەياعا باتىل قارسى تۇرۋ جانە سوققى بەرۋ، سونىمەن قاتار دىنگە سەنەتىن بۇقارانىڭ قالىپتى ءدىني قاجەتىن زاڭ بويىنشا قامتاماسىز ەتىپ، دىنگە سەنەتىن بۇقارانىڭ ادەت - عۇرپىنا قۇرمەت ەتۋ كەرەك. تۇرلىشە سيپاتتاعى قايشىلىقتار مەن ماسەلەلەردى دۇرىس ءبىر جايلى ەتىپ، ”ىنتىماق − سىن − ىنتىماق“ تاسىلىمەن حالىق ىشىندەگى قايشىلىقتى ويداعىداي ءبىر جايلى ەتۋگە تاباندى بولۋ كەرەك.
ۋاڭ ياڭ بىلاي دەپ اتاپ كورسەتتى: شينجياڭنىڭ كەدەيلىكتەن ارىلتۋدان قامال الۋى قوعام ورنىقتىلىعى مەن ۇلتتار ىنتىماعىنا سايادى. نىساناعا، ولشەمگە تاباندى بولىپ، ”ەكىدەن تارىقتىرماۋ، ۇشتە قامتاماسىز ەتۋ“ قىزمەتىن تىڭعىلىقتى، ويداعىداي ىستەپ، كەدەيلىكتەن ارىلتۋ ساپاسىنا كەپىلدىك ەتۋ كەرەك. كاسىپ سالاسى ارقىلى كەدەيلەردى سۇيەمەلدەۋ مەن تۇتىنۋ ارقىلى كەدەيلەردى سۇيەمەلدەۋدى تاباندىلىقپەن جاقسى يگەرىپ، جەمىس ورمان شارۋاشىلىعىنىڭ، ساياحات كاسىبىنىڭ، ەڭبەككۇش شوعىرلانعان كاسىپ سالاسىنىڭ دامۋىن كۇش سالا جەبەپ، ءتىپتى كوپ كەدەيلەردىڭ كەدەيلىكتەن ورنىقتى ارىلۋىن ىسكە اسىرۋعا جەتەكشىلىك ەتۋ كەرەك. كەدەيلەردى سۇيەمەلدەۋدى ەرىك - جىگەر، اقىل - پاراسات جاعىندا سۇيەمەلدەۋمەن ۇشتاستىرۋعا تاباندى بولىپ، كەدەيلەردىڭ كەدەيلىكتەن ارىلۋداعى ىشكى قوزعاۋشى كۇشىن تۋىنداتۋ كەرەك.
ۋاڭ ياڭ بىلاي دەپ باسا دارىپتەدى: بيڭتۋان − شينجياڭنىڭ ورنىقتىلىعىنا كەپىلدىك ەتۋدەگى ”ورنىقتىرعىش“. جاعداي مەن مىندەتتىڭ دامۋ وزگەرىسى الا كەلگەن تىڭ سايىستاردى جەتە تانىپ، پارتيا ورتالىق كوميتەتىنىڭ بيڭتۋان رەفورماسى جانە وڭتۇستىككە قاراي دامۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ماڭىزدى سالالارداعى رەفورمانى قاجىماي - تالماي تەرەڭدەتىپ، بيڭتۋاننىڭ وڭتۇستىككە قاراي دامۋىن كۇش سالا ىلگەرىلەتىپ، ستراتەگيالىق ورنالاستىرۋدى ساپالىلاندىرىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، ساياساتتىق دەمەۋدى كۇشەيتىپ، ورنىقتىلىقتى قورعاۋ، شەكارانى كۇزەتۋ نەگىزگى فۋنكتسياسىن اناعۇرلىم جاقسى اتقارىپ، شينجياڭ قىزمەتىنىڭ باس نىساناسىنا اناعۇرلىم جاقسى قىزمەت ەتۋ كەرەك.
تەكسەرۋ - زەرتتەۋ كەزىندە ۋاڭ ياڭ تاعى شينجياڭداعى مەملەكەتتىك ساياسي كەڭەستىڭ ءىشىنارا مۇشەلەرىمەن اڭگىمە ءماجىلىسىن اشىپ، اۆتونوميالى رايوننىڭ قاتىستى قالالىق، وبلىستىق، اۋداندىق ساياسي كەڭەس ورگاندارىنا بارىپ، جەرگىلىكتى ساياسي كەڭەس قىزمەتىنە تەكسەرۋ - زەرتتەۋ جۇرگىزدى.
مەملەكەتتىك ساياسي كەڭەستىڭ ورىنباسار باس حاتشىسى پان ليگاڭ، ورتالىق كوميتەت بىرلىكساپ ءبولىمىنىڭ ورىنباسار باستىعى، ورتالىقتىڭ شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى جۇن، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى لو ۋىن، قازىنا مينيسترلىگىنىڭ ورىنباسار مينيسترى چىڭ ليحۋا، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ تەكسەرۋ - زەرتتەۋگە نەمەسە قاتىستى قيمىلدارعا قاتىناستى. اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين قاتارلىلار قاتىستى تەكسەرۋ - زەرتتەۋ قيمىلدارىنا نەمەسە اڭگىمە ماجىلىسكە قاتىناستى.
