تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەستىڭ اقپارات كەڭسەسى «ۇلى شارىقتاۋ: شيزاڭنىڭ دەموكراتيالىق رەفورماسىنا 60 جىل» اق تىستى كىتابىن جاريالادى

  شينحۋا اگەنتتىگىنىڭ 3 - ايدىڭ 27 - كۇنى بەيجيڭنەن بەرگەن حابارى (تىلشىلەر جۋ جيچاي، فۋ شۋاڭچي). مەملەكەتتىك كەڭەستىڭ اقپارات كەڭسەسى 3 - ايدىڭ 27 - كۇنى «ۇلى شارىقتاۋ: شيزاڭنىڭ دەموكراتيالىق رەفورماسىنا 60 جىل» اق تىستى كىتابىن جاريالادى.

  اق تىستى كىتاپ العى ءسوز، قاراتۇنەك فەودالدىق باسىبايلى شارۋا ءتۇزىمى، بوگەۋ بەرمەس تاريحي اعىن، فەودالدىق باسىبايلى شارۋا ءتۇزىمىن تۇبەگەيلى جويۋ، حالىقتىڭ ءوز - وزىنە قوجايىن بولۋىن جۇزەگە اسىردى، وندىرگىش كۇشتى ازات ەتتى جانە دامىتتى، ىستەردىڭ دامۋىن ىلگەرىلەتتى، ەكولوگيالىق وركەنيەت قۇرىلىسىن كۇشەيتتى، ءدىني سەنىم ەركىندىگىن قامتاماسىز ەتتى، ۇلتتاردىڭ تەڭدىگىن، ىنتىماعىن جەبەدى، شيزاڭنىڭ دامۋى جاڭا داۋىرگە ءوتتى، سوڭعى ءسوز سياقتى بولىكتەردەن قۇرالعان.

  اق تىستى كىتاپتا بىلاي دەلىندى: 2019 - جىل − شيزاڭنىڭ دەموكراتيالىق رەفورماسىنىڭ 60 جىلدىعى. دەموكراتيالىق رەفورما − شيزاڭ تاريحىنداعى ەڭ ۇلى، ەڭ تەرەڭ قوعامدىق وزگەرىس. شيزاڭدا وسىدان باستاپ قاراتۇنەك فەودالدىق باسىبايلى شارۋا ءتۇزىمى جويىلىپ، شىت جاڭا قوعامدىق ءتۇزىم ورناتىلىپ، حالىقتىڭ ەڭسە كوتەرۋى، ازات بولۋى جۇزەگە اسىپ، مەملەكەت پەن قوعامنىڭ قوجايىنىنا اينالىپ، ۇقىقتارى تولىق قامتاماسىز ەتىلدى.

  اق تىستى كىتاپتا بىلاي دەپ اتاپ كورسەتىلدى: 60 جىلدا تاماشا تابىستار جاراتىلدى. دەموكراتيالىق رەفورما شيزاڭنىڭ جارقىن دامۋ كەلەشەگىن اشتى. ورتالىق ۇكىمەت پەن بۇكىل ەل حالقىنىڭ زور كۇشپەن قولداۋىندا، شيزاڭداعى ءار ۇلت حالقى ەرلىكپەن قۇلشىنىپ، قايسارلىلىقپەن كۇرەس جاساپ، كورىكتى مەكەن قۇرىپ، كەدەي، مەشەۋ كونە شيزاڭدى ەكونوميكاسى گۇلدەنىپ دامىعان، قوعامى جاپپاي العا باسقان، ەكولوگيالىق ورتاسى تاماشا، حالىق تۇرمىسى باقىتتى جاڭا شيزاڭ ەتىپ قۇرىپ شىقتى.

  اق تىستى كىتاپتا سونىمەن بىرگە بىلاي دەپ اتاپ كورسەتىلدى: 60 جىلدا ىنتىماقتاسىپ ەكپىندەي ىلگەرىلەدى. دەموكراتيالىق رەفورما ارقىلى شيزاڭداعى ءار ۇلت حالقى بۇكىل ەل حالقىمەن بىرگە ءبىر نيەت، ءبىر تىلەكپەن جۇمىلىپ، ءبىر جاعادان باس، ءبىر جەڭىنەن قول شىعارىپ، تەرەزەسى تەڭ، ىنتىماقتى، قارايلاسىمدى، جاراسىمدى ۇلت قاتىناسىن ورناتتى. مەملەكەتتىڭ تۇتاستىعىن قورعاۋ، بولشەكتەۋشىلىككە قارسى تۇرۋ كۇرەسىندە، شيزاڭداعى ءار ۇلت حالقى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ءتۇرلى قيىنشىلىقتار مەن حاۋىپ - قاتەرلەردىڭ سىنىنان ءوتىپ، جۇڭحۋا ۇلتى ورتاق تۇلعا تانىمىن مىقتاپ ورناتتى.

  اق تىستى كىتاپتا بىلاي دەلىندى: قازىر شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شيزاڭداعى ءار ۇلت حالقى بۇكىل ەل حالقىمەن بىرگە، ءتىپتى دە باقىتتى تاماشا تۇرمىس جاراتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جاساۋدا. جاڭا ءداۋىر جۇڭگوشا سوتسياليزم قۇرىلىسى جەلكەن جايىپ، الىس ساپارعا جول الدى، شيزاڭنىڭ كەلەشەگى اناعۇرلىم شۇعىلالى بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.