− ءتوراعا شي جينپيڭنىڭ بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باس شتابىندا لەكسيا جاساعاندىعىنىڭ 5 جىلدىعى بايلانىسىمەن
شينحۋا اگەنتتىگىنىڭ تىلشىلەرى باي جيە، يىڭ چياڭ، ۋاڭ بين، ۋاڭ جولۇن
كوكتەم سامالى ەسىپ، شوپتەر جايقالىپ، بار الاپ ماساتىداي تۇرلەنگەن مەزگىلدە مەملەكەت ءتوراعاسى شي جينپيڭ ەۆروپاداعى 3 ەلگە ساپارىن اياقتاتىپ، بەيجيڭگە قايتىپ كەلدى.
5 جىلدىڭ الدىنداعى ءدال وسى كوكتەمدە ءتوراعا شي جينپيڭ پاريجدەگى بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ باس شتابىندا لەكسيا جاساپ، وركەنيەتتىڭ الۋان ءتۇرلى، تەپە - تەڭ، سيىسىمدى بولاتىندىعىن سىندارلىلىقپەن اتاپ كورسەتىپ، دۇنيە جۇزىنە جۇڭگونىڭ وركەنيەت كوزقاراسىن تەرەڭدەي شەشىپ ءتۇسىندىردى −
”ءبىز تۇرلىشە وركەنيەتتىڭ ءوزارا قۇرمەتتەپ، جاراسىمدى بىرگە ءومىر ءسۇرۋىن ىلگەرىلەتىپ، وركەنيەتتىڭ اۋىس - ءتۇيىسىن، ءوزارا ۇلگى الۋىن ءار ەل حالقىنىڭ دوستىعىن نىعايتاتىن كوپىرگە، ادامزات قوعامىنىڭ العا باسۋىن ىلگەرىلەتەتىن قوزعاۋشى كۇشكە، دۇنيە ءجۇزىنىڭ بەيبىتشىلىگىن قورعايتىن دانەكەرگە اينالدىرۋىمىز كەرەك“.
5 جىلدان بەرى، جاڭا داۋىرگە وتكەن جۇڭگو جۇڭحۋا ۇلتىنىڭ 5000 نەشە جىلدىق وركەنيەت تاريحىنان ۇزدىكسىز اقىل - پاراسات جانە كۇش - قۋات الىپ، ۇلتتىڭ ۇلى گۇلدەنۋىن جۇزەگە اسىرۋ ساپارىندا تۇرلىشە وركەنيەتكە ۋاكىلدىك ەتەتىن دۇنيە جۇزىندەگى ءارقايسى ەلدەرمەن، ءارقايسى وڭىرلەرمەن تىزە قوسا ىلگەرىلەپ، ادامزاتتىڭ الۋان ءتۇستى، كورىكتى وركەنيەت كارتيناسىن بىرگە سالدى.
تاتۋ تۇرۋ، ءبىراق ءوز ەرەكشەلىگىن ساقتاپ، سەلبەسىپ تەڭ يگىلىككە كەنەلۋ − ”تاتۋ تۇرۋ، سەلبەسۋ“ ۇستانىمىنا تاباندى بولعان جۇڭگو بەيبىت دامۋ جولىنان جازباي، دۇنيە جۇزىندەگى ءار ەلمەن بىرگە ءوزارا پايدا جەتكىزىپ، تەڭ يگىلىككە كەنەلدى.
قۇشاعىن كەڭ جايىپ، باۋىرمال بولىپ، ءوزارا ۇلگى الۋ − وركەنيەت اۋىس - ءتۇيىس جولىن قاراستىرىپ، جۇرەكتەردى توعىستىرۋ كوپىرىن سالدى.
تاتۋ - ءتاتتى ءوتىپ، الەمنىڭ ۇلى بىرلىگىن ساقتاۋ − ادامزات وركەنيەتىنىڭ گۇلدەنۋ كارتيناسىن بىرگە سالىپ، ادامزاتتىڭ تاعدىرلاس ورتاق تۇلعاسىن ورناتۋ ۇلى ىستەرىن بىرگە تۇلعالادى.
بەيبىتشىلىك الاۋىن ۇرپاقتان - ۇرپاققا جالعاستىرايىق، دامۋدىڭ قوزعاۋشى كۇشىن ماڭگى سارقىلتپايىق، وركەنيەتتىڭ شۋاعىن ماڭگى توگەيىك. ءبىز ءار ەل حالقى تىزە قوسا كۇش سالاتىن، تىلەكتەس، مۇراتتاس بولسا، ءسوز جوق، ادامزات وركەنيەتىنىڭ اناعۇرلىم كوركەم بولاشاعىن اشاتىندىعىنا سەنەمىز!
(شينحۋا اگەنتتىگىنىڭ 3 - ايدىڭ 27 - كۇنى بەيجيڭنەن بەرگەن حابارى)
