ورتالىقتىڭ شارلاۋدان اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋدى مۇقيات ويداعىداي يگەرىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا ورىندالۋىنا كەپىلدىك ەتۋ كەرەك
ەرىكتى ءتىلشى بي يۇيجۇڭ 3 - ايدىڭ 28 - كۇنى قاراقاشتان حابارلايدى. اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ 3 - ايدىڭ 26 - كۇنى كەدەيلەردى سۇيەمەلدەۋ ءتۇيىنى بولعان قاراقاش اۋدانىنا بارىپ، كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى، جەتەكشىلىك ەتتى. ول مىنالاردى باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، ورتالىقتىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋدان اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋ قىزمەتىن مۇقيات ويداعىداي يگەرىپ، كەدەيلىكتەن ارىلتۋدان قامال الۋ مىندەتىنىڭ ۋاعىندا ورىندالۋىنا كەپىلدىك ەتۋ كەرەك.
تەكسەرۋ - زەرتتەۋ بارىسىندا سۇن جينلۇڭ ىلگەرىندى - كەيىندى زاۋا قالاشىعىنا، بۇرشاقشى اۋىلىنا، قاراساي قالاشىعىنا، كۇيا قالاشىعىنا بارىپ، اسىل تۇقىمدى كەپتەر، ەتتى كەپتەر جەتىلدىرۋ، ەتتى قويان باعىمشىلىعى، اسىل تۇقىمدى قوي جەتىلدىرۋ، جەمىس ونىمدەرىن وڭدەۋ سياقتى كەدەيلەردى سۇيەمەلدەۋ نىساندارىن تەكسەرىپ، ءبىر ءبولىم كەدەي وتباسىلارىنان حال سۇرادى، بىرىككەن ءماجىلىستى باسقارىپ اشىپ، نەگىزگى ساتىنىڭ جاعدايىن ىشكەرىلەي ۇعىسىپ، ءار جاقتىڭ پىكىر - ۇسىنىستارىن مۇقيات تىڭداپ، ورتالىقتىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋ جۇرگىزۋدەن اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋعا قۋزاۋ سالىپ، قاراقاش اۋدانىنىڭ كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە قول جەتكىزۋ ساتىسىنداعى قىزمەتتەرىن ىلگەرىلەتۋدى اقىلداستى.
بىرىككەن ماجىلىستە قاراقاش اۋداندىق پارتكومنىڭ نەگىزگى جاۋاپتى جولداستارى كەدەيلىكتەن ارىلتۋدان قامال الۋعا قاتىستى قىزمەت جاعدايىنان مالىمەت بەردى. اۆتونوميالى رايوننىڭ جانە بيڭتۋاننىڭ قاراقاش اۋدانىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ جاۋاپتى جولداستارى، بەيجيڭ قالاسىنىڭ شينجياڭعا باعىتتامالى كومەكتەسۋ قىزمەتىنىڭ الدىڭعى شەپ قولباسشىلىق شتابىنىڭ جاۋاپتى جولداستارى، سونداي - اق حوتان ايماقتىق پارتكومنىڭ قاتىستى جاۋاپتى جولداستارى ىلگەرىندى - كەيىندى ءسوز سويلەدى.
سۇن جينلۇڭ بىلاي دەپ اتاپ كورسەتتى: قاراقاش اۋدانىنداعى ءار دارەجەلى پارتيا ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ كەدەيلەردى سۇيەمدەلدەۋ قىزمەتى جونىندەگى ماڭىزدى بايىمداۋىن اناعۇرلىم ىشكەرىلەي ۇيرەنىپ، ءتۇسىنىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي، ورتالىقتىڭ شارلاۋدان اڭىس ەتكەن پىكىرلەرى بويىنشا رەتتەۋ - تۇزەتۋدى تياناقتاندىرۋدى باتىلدىقپەن، تاباندىلىقپەن، قاز - قالپىندا مىقتاپ يگەرۋ كەرەك.
سۇن جينلۇڭ مىنالاردى باسا دارىپتەدى: رەتتەۋ - تۇزەتۋ قىزمەتىن جوعارى ساپامەن ويداعىداي ىستەپ، ورتالىقتىڭ شارلاۋدان اڭىس ەتكەن پىكىرلەرىنىڭ بارلىعىنىڭ تياناق تابۋىنا، اربىرىنەن جاۋاپ قايتارىلۋىنا كەپىلدىك ەتۋ كەرەك. شارلاۋدى، رەتتەۋ - تۇزەتۋدى كەدەيلىكتەن ارىلتۋدان قامال الۋمەن ورگانيكالى ۇشتاستىرۋدى مىقتاپ يگەرىپ، شارلاۋ، رەتتەۋ - تۇزەتۋ ارقىلى كەدەيلىكتەن دالمە - ءدال ارىلتۋدان قامال الۋ شايقاسىندا جەڭىسكە جەتۋدى ىلگەرىلەتۋ كەرەك. نىسانادان كوز جازباي، ”ەكىدەن تارىقتىرماۋ، ۇشتە قامتاماسىز ەتۋ“ ولشەمىنە تاباندى بولىپ، ءتۇرلى قىزمەتتى تىڭعىلىقتى ويداعىداي ىستەپ، كەدەيلىكتەن ارىلتۋدىڭ ساپاسىنا كەپىلدىك ەتۋ كەرەك. دالمە - ءدال كۇش سالىپ، ”قوس باۋلۋ، قوس قامتۋ، قوس قامسىزداندىرۋ“ سىندى ءتۇيىندى قىزمەتتەردى كۇش سالا ىلگەرىلەتىپ، جەمىس ورمانى، باعىمشىلىق، ەرەكشە ەگىمشىلىك ”ءۇش كاسىپ قاتار وركەندەۋ“دى جۇزەگە اسىرۋ كەرەك. شينجياڭ ءىشى - سىرتىنداعى جۇمىستاندىرۋ بازارىن كەڭەيتىپ، ”ءبىر وتباسىنان ءبىر ادامدى جۇمىستاندىرۋ“ سياقتى حالىق تۇرمىسى ينجەنەريالارىن ويداعىداي اتقارۋ كەرەك. كەدەيلەردى جىگەر - قايرات جاعىنان سۇيەمەلدەۋگە، اقىل - پاراسات جاعىنان سۇيەمدەلدەۋگە تاباندى بولىپ، كەدەيلىكتەن ورنىقتى ارىلۋدىڭ ۇزاق ۋاقىتتىق مەحانيزمىن ورناتىپ، اقاۋسىزداندىرىپ، كەدەي بۇقارانىڭ وزىندىك دامۋ ىشكى قوزعاۋشى كۇشىن ۇزدىكسىز جوعارىلاتۋ كەرەك. ستيلدى بەكەمدەپ، پارتيانى جاپپاي قاتاڭ جونگە سالۋدى كەدەيلىكتەن ارىلتۋدان قامال الۋدىڭ تۇتاس بارىسىمەن ساباقتاستىرىپ، كەدەيلەردى سۇيەمەلدەۋ قىزمەتىنىڭ شىنايى، كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ ناتيجەسىنىڭ شىنايى بولۋىن ورىنداۋ كەرەك. كەدەيلىكتەن ارىلتۋدان قامال الۋ مەن ورنىقتىلىقتى قورعاۋ قىزمەتىن ءبىر تۇتاس جوسپارلاپ ويداعىداي يگەرىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، كەدەيلىكتەن ارىلتۋدان قامال الۋعا ورنىقتى ورتا ازىرلەۋ كەرەك. باسشىلىق ءتۇزىلىسى مەن قىزمەت مەحانيزمىن كۇشەيتىپ، كەدەيلەردى سۇيەمەلدەۋدىڭ ۇلكەن ارناسىنا تاباندى بولىپ، ءار جاقتىڭ كۇشىن اتتانىسقا كەلتىرىپ، ءتۇرلى بايلىقتى بىرىكتىرىپ، كەدەيلىكتەن ارىلتۋدان قامال الۋدىڭ قۇدىرەتتى بىرىككەن كۇشىن قالىپتاستىرۋ كەرەك. بيڭتۋان مەن جەرگىلىكتى ورىننىڭ توعىسا دامۋىن كۇش سالا ىلگەرىلەتىپ، بيڭتۋاننىڭ قاتىستى تاراۋلارى، مەكتەپتەر جانە 14 - شىنىڭ كۇنيۇي قالاسى كومەكتەسۋ - سۇيەمەلدەۋ قىزمەتىن ىشكەرىلەي قورىتىندىلاپ، دەڭگەيىن جوعارىلاتىپ، جۇمىستاندىرۋ، كاسىپ سالاسى، عىلىم - تەحنيكا، وقۋ - اعارتۋ، ەمدەۋ، كادر دارىندى سياقتى جاقتاردان قاراقاش اۋدانىنىڭ كەدەيلىكتەن ارىلتۋدان قامال الۋ قىزمەتىن ۇزدىكسىز بار كۇشپەن قولداۋ كەرەك.
