تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىر»دى باسىپ تاراتتى

  شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىر»دى باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جونىندەگى پىكىر»دىڭ تولىعى تومەندەگىدەي.

  ورتالىق پەن مەملەكەت ورگاندارى پارتيا مەن مەملەكەتتىڭ جونگە سالۋ جۇيەسىندە ەرەكشە ماڭىزدى ورىندا تۇرادى، ولار پارتيا ورتالىق كوميتەتىنىڭ ەل باسقارۋداعى، پارتيانى باسقارۋداعى، پارتيانى جونگە سالۋداعى شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن ىلگەرىلەتەتىن باسشىلىق ورگاندار. ورتالىق پەن مەملەكەت ورگاندارىنىڭ پارتيا قۇرىلىسى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا سايادى، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىنە، تياناقتانۋىنا سايادى، قالىڭ حالىقتىڭ ءتۇبىرلى مۇددەسىن جۇزەگە اسىرۋعا سايادى. جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىلگەرىلەتۋدە ورتالىق پەن مەملەكەت ورگاندارى، ءسوز جوق، الدا ءجۇرۋى، ۇلگى بولۋى كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ، جاڭا داۋىردەگى پارتيا قۇرىلىسىنىڭ جالپى تالاپتارى مەن پارتيانىڭ ۇيىمدىق لۋشيانىن مۇقيات تياناقتاندىرۋ، ورتالىق پەن مەملەكەت ورگاندارىنىڭ پارتيانى جاپپاي قاتاڭ جونگە سالۋىنىڭ تەرەڭدەي دامۋىن ىلگەرىلەتۋ ءۇشىن، تومەندەگى پىكىر العا قويىلدى.

  ءبىرىنشى، جالپى تالاپ جانە نەگىزگى پرينسيپ 

  (1) جالپى تالاپ. ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، باستاماشىلىقپەن ”ەكىنى قورعاۋ“دى ورىنداپ، پارتيانىڭ ساياسي قۇرىلىسىن باسشىلىققا الىپ، نازاريامەن قارۋلانۋدى كۇش سالا تەرەڭدەتىپ، نەگىزگى ساتىنىڭ نەگىزىن كۇش سالا بەكەمدەپ، ستيلدى دۇرىستاپ، ءتارتىپتى قاتايتۋدى كۇش سالا ىلگەرىلەتىپ، ”شامنىڭ ءتۇبى قاراڭعى“ ماسەلەسىن كۇش سالا شەشىپ جانە ونى تەجەپ، ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە شىن مانىندە ۇلگى بولىپ، باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا ۇلگى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋدە، تياناقتاندىرۋدا ۇلگى بولىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان قۇرىپ، ورتالىق پەن مەملەكەت ورگاندارىنىڭ ىستەرىنىڭ دامۋىن ىلگەرىلەتۋگە پارمەندى كەپىلدىك ازىرلەۋ.

  (2) نەگىزگى پرينسيپ. پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولۋ؛ وزەكتى ارقاۋ ەتۋگە، قوسىن قۇرىلىسىنا، بۇقاراعا قىزمەت وتەۋگە تاباندى بولىپ، ورگانداردىڭ پارتيا قۇرىلىسى مەن كاسىپتىك قىزمەتىنىڭ تەرەڭدەي توعىسۋىن، ءبىرىن - ءبىرى جەبەۋىن ىلگەرىلەتۋ؛ جوعارى تومەنگە ۇلگى بولۋعا، ورگان ارقىلى جۇيەنى جەتەكتەۋگە تاباندى بولىپ، باسشىلىق ورگاندارى مەن باسشى كادرلاردىڭ ۇلگى كورسەتۋ، جەتەكتەۋ رولىن تولىق ساۋلەلەندىرۋ؛ ماسەلەنى باعدار ەتۋگە تاباندى بولىپ، تۇرگە ءبولىپ جەتەكشىلىك ەتۋدى كۇشەيتۋ، دالمە - ءدال شارا قولدانۋعا باسا ءمان بەرۋ؛ شىندىقتى ءىس جۇزىنەن ىزدەۋگە، رەفورما جاساۋعا، جاڭالىق اشۋعا تاباندى بولىپ، ەرەكشەلىكتى، زاڭدىلىقتى يگەرىپ، ورگانداردىڭ پارتيا قۇرىلىسى قىزمەتىنىڭ باعىتتامالىلىعىن، ناقتى ونىمدىلىگىن شىن مانىندە كۇشەيتۋ.

  ەكىنشى، پارتيانىڭ ساياسي قۇرىلىسىن ماڭداي الدى ورىنعا قويۋ 

  (3) باستاماشىلىقپەن ”ەكىنى قورعاۋ“دى ورىنداۋ. ورتالىق پەن مەملەكەت ورگاندارى، ەڭ اۋەلى، ساياسي ورگاندار، ءسوز جوق، تۋى ايقىن تۇردە ساياسيدى دارىپتەۋ، بۇلجىماستان پارتيا ورتالىق كوميتەتىنە قاراپ قاتار تۇزەۋ، پارتيانىڭ نازارياسىنا جانە لۋشيان، باعىت - ساياساتتارىنا قاراپ قاتار تۇزەۋ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا قاراپ قاتار تۇزەۋ، ساياسي بەتالىستى ءدال يگەرىپ، مۇقياتتىلىقپەن ولشەممەن، ۇلگىلەرمەن تۋرالانۋ، اۋىتقۋشىلىقتى دەر كەزىندە تۇزەتۋ، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. تاراۋلاردىڭ پارتيا باسشىلىق گرۋپپالارى (پارتكومدار، پارتيا باسشىلىق گرۋپپالارى، پارتكوم قۇرىلماعان تاراۋلاردىڭ باسشىلىق القالارىن قامتيدى، تومەندە وسىمەن بىردەي) ءىس جۇزىندىكپەن ۇشتاستىرىپ، پارتيا ورتالىق كوميتەتىنىڭ پارتيانىڭ ساياسي قۇرىلىسىن كۇشەيتۋ جونىندەگى ورنالاستىرۋلارىن، تالاپتارىن ەگجەي - تەگجەيلى ناقتى شاراعا اينالدىرىپ، ورگاننىڭ پارتيا قۇرىلىسىنىڭ تۇتاس بارىسى مەن ىستەردى دامىتۋدىڭ ءار جاقتارىندا دايەكتىلەندىرۋ كەرەك. پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ سول تاراۋ، سول سالا جونىندەگى ماڭىزدى نۇسقاۋىنىڭ، بەكىتۋىنىڭ رۋحىن باتىل تياناقتاندىرىپ، قاز - قالپىندا ورىنداۋ، بۇيرىقتى بۇلجىتپاي اتقارۋ كەرەك. ەلەۋلى ىستەردە پارتيا ورتالىق كوميتەتىنەن نۇسقاۋ سۇراۋ، مالىمدەۋ ءتۇزىمىن قاتاڭ اتقارۋ كەرەك. ”پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان“ قۇرۋ قىزمەتىن ورىستەتۋ كەرەك.

  (4) پارتيانىڭ ساياسي ءتارتىبى مەن ساياسي قاعيداسىن قاتايتۋ. پارتيا ۋستاۆىن ۇيرەنۋدى جانە وعان بويسۇنۋدى نەگىزدىك، ۇدايىلىق قىزمەت ەتىپ ۇستاپ، ىشكەرىلەي ۇيرەنۋدى، مۇقيات سالىستىرۋدى، شىنايى اتقارۋدى ورىنداۋ كەرەك. ورتالىق پەن مەملەكەت ورگاندارىنداعى قالىڭ پارتيا مۇشەلەرى، كادرلار، ءسوز جوق، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋدا ۇلگى بولىپ، ءوزىن تەجەۋدى كۇشەيتۋ، اسىرەسە، سانالى تۇردە قىزمەت ۋاقىتىنان سىرت كەزدەگى ساياسي ءسوز - ارەكەتىن جۇيەگە ءتۇسىرۋ كەرەك، پارتيانىڭ نازارياسىنا جانە لۋشيان، باعىت - ساياساتتارىنا قايشى كەلەتىن ءسوز تاراتۋعا جول بەرىلمەيدى، ورتالىقتى سان - ساققا جۇگىرتۋگە جول بەرىلمەيدى، ساياسي وسەك - اياڭ جانە پارتيا مەن مەملەكەتتىڭ وبرازىن ۇنامسىز ەتىپ كورسەتەتىن ءسوز شىعارۋعا، تاراتۋعا جول بەرىلمەيدى، توپ قۇرۋعا، توپشىلدىق ىستەۋگە جول بەرىلمەيدى، ەكىبەتكەي توپ بولۋعا، ەكىبەتكەيلىك ىستەۋگە جول بەرىلمەيدى. ءار دارەجەلى پارتيا ۇيىمدارى تاربيەلەپ ساقتاندىرۋدى كۇشەيتىپ، پارتيا مۇشەلەرىن، كادرلاردى باستان - اياق ساياسيدا اڭعارلى ادام بولۋعا، شىنايى ادام بولۋعا جەتەكتەۋ كەرەك. پارتيانىڭ ساياسي ءتارتىبى مەن ساياسي قاعيداسىنا قايشى كەلەتىن ءسوز - ارەكەتتەردى باتىل سىن تەزىنە الىپ تيداۋ سالۋ، ماسەلەسى اۋىرلارىن قاتاڭ ءبىر جاقتى ەتۋ كەرەك. پارتيانىڭ ساياسي قۇرىلىسىن ىلگەرىلەتۋ، اسىرەسە، پارتيانىڭ ساياسي ءتارتىبى مەن ساياسي قاعيداسىنا بويسۇنۋ جاعدايىنا باقىلاۋ، تەكسەرۋ جۇرگىزۋ كەرەك.

   (5) پارتيانىڭ ىشكى ساياسي تۇرمىسىن قاتايتۋ. جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى ۇنەمى ۇيرەنىپ، قاتاڭ اتقارىپ، دەموكراتيالىق تۇرمىس جيىنىنىڭ، ۇيىمدىق تۇرمىس جيىنىنىڭ ساپاسىن شىن مانىندە جوعارىلاتۋ، پارتيا مۇشەلەرى، كادرلار جيىندا بۇقارانىڭ اڭىسىن، شارلاپ تەكسەرۋ اڭىسىن، ۇيىمنىڭ الدىن الا كەڭەسۋىن، حات ارقىلى سۇراۋىن، جەكە باسىنداعى مالىمدەۋگە ءتيىستى ەلەۋلى ىستەردى جانە قاتىستى ماسەلەلەردى انىق ايتۋ كەرەك. دەموكراتيالىق ورتالىقتاندىرۋ ءتۇزىمىن دايەكتىلەندىرىپ، كوللەكتيۆ باسشىلىق پەن جەكەنىڭ جۇمىس ءبولىسىپ جاۋاپتى بولۋىن ءوزارا ۇشتاستىرۋعا تاباندى بولۋ، ءار دارەجەلى پارتيا ۇيىمدارىنىڭ نەگىزگى جاۋاپتىلارى باستاماشىلدىقپەن دەموكراتيانى ساۋلەلەندىرۋ، ورتالىقتاندىرۋعا شەبەر بولۋ، جاۋاپتى بولۋعا باتىل بولۋ كەرەك. ورتالىق پەن مەملەكەت ورگاندارىنىڭ پارتيانىڭ ۇيىمدىق تۇرمىس ءتۇزىمىن قاتايتۋداعى بەلگىلەمەلەرىن جاساۋ كەرەك. جوعارى دارەجەلى باسشىلار قوس ۇيىمدىق تۇرمىستى باستاماشىلدىقپەن جاقسى وتكىزۋ ءارى ماڭايىنداعى قىزمەتكەرلەردى ءوزى تۇرعان پارتيا ۇيىمىنىڭ ساياسي ۇيرەنۋى مەن ۇيىمدىق تۇرمىسىنا قاتىناسۋعا قۋزاۋ كەرەك. پارتيالى باسشى كادرلار پارتيا ساباعىن ءوتۋ تۇزىمىنە تاباندى بولۋ كەرەك. پارتياعا كىرۋ سەرتىن، پارتياعا كىرۋ ءوتىنىشىن قايتا ەسكە الۋ جانە پارتيا مۇشەلەرىنىڭ ”ساياسي تۋعان كۇنى“ن وتكىزۋ سياقتى ساياسي سالتتاردى كەمەلدەندىرۋ كەرەك.

  (6) پارتيانىڭ بەلسەندى، اقاۋسىز ىشكى ساياسي مادەنيەتىن جەتىلدىرۋ. ورتالىق پەن مەملەكەت ورگاندارىنىڭ داڭقتى تاريحى مەن قىزىل بايلىعىنان تولىق پايدالانىپ، قىزىل گەنگە مۇراگەرلىك ەتىپ جانە جالعاستىرىپ، پارتيالىلىق شىنىعۋدى كۇشەيتىپ، پارتياعا ادال بولۋ تاربيەسىن تىڭعىلىقتى ىلگەرىلەتىپ، تاڭداۋلى ءداستۇرلى ستيل تاربيەسىن ىشكەرىلەي ورىستەتۋ كەرەك. ماڭايداعى ۇلگىلەردىڭ ونەگە كورسەتۋ، باستاماشىلدىق ەتۋ رولىن ساۋلەلەندىرۋگە باسا ءمان بەرىپ، پارتيا ورتالىق كوميتەتىنىڭ تالاپتارىنا دا ۇيلەسەتىن، بۇقارامەن دە ەتەنە جاقىن قۇن ۇستانىمى، كاسىپتىك قۇلىق سياقتىلاردا ىزدەنىس جاساپ، قورىتىندىلاپ، تاراۋلاردىڭ ەرەكشەلىگىن ايگىلەيتىن پارتيانىڭ ىشكى ساياسي مادەنيەت ماركاسىن قالىپتاستىرىپ، ستيلى پاك، سالتى دۇرىس ورگان ساياسي ەكولوگياسىن قۇنارلاندىرۋ كەرەك.

  (7) پارتيا مۇشەلەرىنىڭ، كادرلاردىڭ ساياسي قابىلەتىن جوعارىلاتۋ. پارتيا مۇشەلەرىن، كادرلاردى ماسەلەلەردى ساياسي جاقتان تانۋعا جانە ءبىر جاقتى ەتۋگە شەبەر بولۋعا، سانالى تۇردە پارتيا مەن مەملەكەت قىزمەتىنىڭ جالپى جاعدايى تۇرعىسىندا ماسەلەلەرگە وي جۇگىرتۋگە، قىزمەت ىستەۋگە تاربيەلەپ، جەتەكتەپ، ساياسي دۇرىس پەن بۇرىستى اجىراتۋ، ساياسي تاباندىلىقتى ساقتاۋ، ساياسي حاۋىپ - قاتەردەن ساقتانۋ قابىلەتىن شىن مانىندە جوعارىلاتۋ كەرەك. پارتيالى باسشى كادرلاردىڭ ساياسي قابىلەت ارناۋلى تاقىرىپتىق كۋرسىن بەلسەندىلىكپەن ۇيىمداستىرۋ كەرەك. ساياسي شىنىعۋدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ، ەلەۋلى كۇرەستەر مەن شۇعىل ۋاقيعالارعا توتەپ بەرۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا ساياسي قابىلەتتى جوعارىلاتۋعا ءمان بەرۋ كەرەك. اركىم ءوز جاۋاپكەرشىلىگىن بىلۋگە، اركىم ءوز جاۋاپكەرشىلىگىن ادا ەتۋگە تاباندى بولىپ، ساياسي حاۋىپ - قاتەردى دەر كەزىندە بايقاۋ، ودان ۇتىمدى ساقتانۋ جانە ونى تىزگىندەۋ، باتىل ءبىرجاقتى ەتۋ كەرەك.

  ءۇشىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن ىشكەرىلەي ۇيرەنۋدىڭ، دايەكتىلەندىرۋدىڭ ۇلگىسى بولۋ 

  (8) نازاريامەن قارۋلانۋدى تاباندىلىقپەن بۇلجىماي ىلگەرىلەتۋ. ماركسيزم نازارياسىن جۇيەلى يگەرۋدى ەرەكشە ونەر ەتۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋ كەرەك. قاۋىرت ۇيرەنۋدى، قاۋىرت باۋلۋدى ۇزدىكسىز ورىستەتىپ، جەتە ۇيرەنۋ، جەتە يگەرۋ، شىنايى تياناقتاندىرۋ جاعىندا كۇش سالىپ، ۇيرەنۋ مەن قولدانۋدى ۇشتاستىرۋدى ىلگەرىلەتىپ، قالىڭ پارتيا مۇشەلەرىن، كادرلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە تاربيەلەۋ، جەتەكتەۋ كەرەك. تاراۋدىڭ، قىزمەت ورنىنىڭ قىزمەت جاۋاپكەرشىلىگىمەن، مىندەتىمەن تىعىز ۇشتاستىرىپ، باس شۋجي شي جينپيڭنىڭ سول تاراۋدىڭ، سول سالانىڭ قىزمەتى جونىندەگى ماڭىزدى بايىمداۋىن ويداعىداي ۇيرەنۋ، ويداعىداي قولدانۋ كەرەك. ”ەكىنى ۇيرەنۋ، بىردە تولىمدى بولۋ“ ۇيرەنۋ - تاربيەسىنىڭ ۇدايىلانۋىن، تۇزىمدەنۋىن ىلگەرىلەتۋ كەرەك. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، پارتيانىڭ ىشكى كوللەكتيۆ ۇيرەنۋ - تاربيەسىن تىڭعىلىقتى ورىستەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جەلىلەس پىسىقتاۋلارىن، لەكسيالارىن جاقسى جۇرگىزىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، قولدانۋ تاجىريبەسى اۋىس - ءتۇيىسىن ورىستەۋ كەرەك. تاراۋلاردىڭ پارتيا باسشىلىق گرۋپپاسىنىڭ (پارتكوم) نازاريا ۇيرەنۋ وزەكتى گرۋپپاسىنىڭ ۇيرەنۋ ساپاسىن، ونىمدىلىگىن جوعارىلاتىپ، ۇيرەنۋگە باستاماشى بولۋ، ۇيرەنۋدى جەبەۋ رولىن تولىق ساۋلەلەندىرۋ كەرەك. جاستاردىڭ نازاريا ۇيرەنۋ دەڭگەيىن جوعارىلاتۋ ينجەنەرياسىن اتقارىپ، ارناۋلى تاقىرىپتىق باۋلۋدى كۇشەيتىپ، جاستاردىڭ نازاريا ۇيرەنۋ گرۋپپاسىن قۇرىپ، جاس ۇيرەنۋ ۇلگىلەرىن باعالاپ شىعۋ كەرەك. ورتالىق پەن مەملەكەت ورگاندارىنىڭ ءار دارەجەلى پارتيا مەكتەپتەرىنىڭ شەپتىك رولىن تولىق ساۋلەلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وقۋلىقتارعا ەنگىزۋدى، ساباقحانالارعا ەنگىزۋدى، وي - ساناعا ۇيالاتۋدى ىلگەرىلەتۋ كەرەك.

  (9) مۇرات - سەنىم تاربيەسىن تەرەڭدەتۋ. جۇڭگوشا سوتسياليزم جانە جۇڭگو ارمانى ۇگىت - تاربيەسىن كۇشەيتۋ. پارتيا تاريحى، مەملەكەت تاريحى، رەفورما جاساۋ، ەسىك اشۋ تاريحى جانە سوتسياليزمنىڭ دامۋ تاريحى تاربيەسىن ورىستەتۋ. ساياساتتى ۇگىتتەۋ، جەتىستىكتەردى ۇگىتتەۋ جانە جاعداي تاربيەسىنىڭ تەبىنىن ارتتىرۋ. ورتالىقتاعى باسشى جولداستاردىڭ، تاراۋلاردىڭ پارتيا باسشىلىق گرۋپپالارىنىڭ (پارتكوم) جاۋاپتىلارىنىڭ مەرزىم بويىنشا ورتالىق پەن مەملەكەت ورگاندارىنداعى پارتيا مۇشەلەرىنە، كادرلارعا جاعدايدان بايانداما جاساۋ ءتۇزىمىن ورناتۋ كەرەك. سوتسياليستىك وزەكتى قۇن كوزقاراسىن اسقاقتاتىپ جانە امالياتتا ايگىلەپ، ورگاننىڭ رۋحاني وركەنيەتتى ورىن قۇرۋ قيمىلىن ورىستەتۋ. نەگىزگى زاڭ جانە زاڭمەن جونگە سالۋ جونىندەگى ۇگىت - تاربيەنى كۇشەيتىپ، پارتيا مۇشەلەرىن، كادرلاردى زاڭدى قۇرمەتتەۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولۋعا جەتەكتەۋ. ءمورال قۇرىلىسىن كۇشەيتىپ، ورتالىق پەن مەملەكەت ورگاندارىنىڭ ءمورال ۇلگىلەرىن سايلاۋ، جەتىلدىرۋ.

  (10) يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرۋ. تاراۋلاردىڭ پارتيا باسشىلىق گرۋپپالارى (پارتكوم) يدەولوگيا قىزمەتىنە باسشىلىقتى كۇشەيتىپ، اۋقىمدى دەر كەزىندە ءتۇسىنىپ، يگەرىپ، قوعامدىق پىكىر جاعدايىنا تۇجىرىم جاساۋدى كۇشەيتىپ، باتىل ءۇن قاتىپ، ايقىن پوزيتسيا بىلدىرۋگە باتىل بولىپ، پارتيا مۇشەلەرىن، كادرلاردى دۇرىس پەن بۇرىستى ايقىن اجىراتۋعا، كۇڭگىرت تانىمدى ايقىنداۋعا جەتەكتەپ، ءتۇرلى قاتە يدەيالىق اعىمدار مەن كەرەعار سوزدەرگە باتىل قارسى تۇرۋ جانە ولاردى تيۋ كەرەك. نەگىزگى باسقارۋشىنىڭ باس بولىپ ءىس ءبىتىرۋ جاۋاپكەرشىلىگىن تياناقتاندىرىپ، تاراۋلاردىڭ، سالالاردىڭ يدەولوگيا شەبى قۇرىلىسىن جانە ونى باسقارۋدى كۇشەيتىپ، ەلەۋلى شۇعىل ۋاقيعالار جانە قولامتالى، سەزىمتال ماسەلەلەر جونىندەگى قوعامدىق پىكىرگە جەتەكشىلىك ەتۋدى بەلسەندىلىكپەن، بايىپتى ىستەۋ كەرەك.

  (11) يدەيالىق - ساياسي قىزمەتتى كۇشەيتۋ جانە جاقسارتۋ. يدەيالىق - ساياسي قىزمەتكە مەرزىم بويىنشا تالداۋ جاساۋ، مالىمدەۋ ءتۇزىمىن مۇقيات تياناقتاندىرىپ، كادر - قىزمەتكەرلەردىڭ يدەيالىق احۋالىنا باعىتتاپ، دەر كەزىندە ۇتىمدى جەتەكشىلىك ەتۋ. ەلەۋلى جاعدايلاردى پارتيا ىشىندە حابارلاندىرۋ ءتۇزىمىن ورناتۋ، كەمەلدەندىرۋ. سىرلاسۋ، اڭگىمەلەسۋ تۇزىمىنە تاباندى بولىپ ءارى ونى كەمەلدەندىرىپ، باسشىلىق القا مۇشەلەرى اراسىندا، القا مۇشەلەرى اراسىندا جانە كادر - قىزمەتكەرلەر اراسىندا ۇنەمى سىرلاسۋدى، اڭگىمەلەسۋدى ورىستەتۋ. نەگىزگى ساتى ۇيىمدارىنىڭ جاۋاپتىلارى كادر - قىزمەتكەرلەرمەن ۇنەمى، ىرىقتى تۇردە سىرلاسۋ، اڭگىمەلەسۋ. ماڭىزدى تۇيىندەردەن پايدالانىپ سىرلاسۋدى، اڭگىمەلەسۋدى ورىستەتۋگە شەبەر بولىپ، قىزمەت ورنىندا وزگەرىس بولعاندا، ءسوز جوق، اڭگىمەلەسۋدى، ۇيىمدىق جاقتان ءبىر جاقتى ەتكەندە، ءسوز جوق، اڭگىمەلەسۋدى، وتباسىندا وزگەرىس تۋىلعاندا، ءسوز جوق، اڭگىمەلەسۋدى، سىڭايلىق ماسەلەلەر بايقالعاندا، ءسوز جوق، اڭگىمەلەسۋدى ورىنداۋ. يدەيالىق - ساياسي قىزمەت ورەسىن ۇزدىكسىز جوعارىلاتىپ، بىرگە ءبىر جۇرگىزىلەتىن يدەيالىق ساياسي قىزمەتتىڭ ورنىن جاي عانا ساياسي ۇيرەنۋمەن جانە كوللەكتيۆ اڭگىمەلەسۋمەن باستىرۋدان ساقتانۋ.

  ءتورتىنشى، نەگىزگى ساتى پارتيا ۇيىمدارىنىڭ جالپى بەتتىك العا باسۋىن، جالپى بەتتىك شىڭدالۋىن ىلگەرىلەتۋ 

  (12) نەگىزگى ساتى پارتيا ۇيىمدارىنىڭ يقۋاتىن كۇشەيتۋ. ۇيىمداستىرۋ قۋاتىن جوعارىلاتۋدى ءتۇيىن ەتىپ، ساياسي يقۋاتتى كورنەكتىلەندىرىپ، نەگىزگى ساتى پارتيا ۇيىمدارىنىڭ تىرشىلىك تىنىسىن، ومىرشەڭدىك كۇشىن جالپى بەتتىك قاۋلاتۋ. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى تىعىز ارقاۋ ەتىپ، نەگىزگى ساتى پارتيا قۇرىلىسى قىزمەتىن ىلگەرىلەتىپ، ءوز تاراۋىنىڭ وزەكتى مىندەتىن ورىنداۋعا پارمەندى كەپىلدىك ازىرلەۋ. نەگىزگى ساتىنىڭ پارتيا ۇيىمىن اقاۋسىزداندىرىپ، نەگىزگى ساتى پارتيا ۇيىمىنىڭ قۇرىلۋىن ساپالىلاندىرۋ. تاراۋلارعا قاراستى ءىسورىندارى، كاسىپورىندار سياقتى نەگىزگى ساتى پارتيا ۇيىمى قۇرىلىسىن كۇشەيتۋگە تۇرلەر بويىنشا جەتەكشىلىك ەتۋ پىكىرىن جاساۋ. قوعامدىق ۇيىمداردا پارتيا ۇيىمىنىڭ جانە پارتيا قىزمەتىنىڭ جاپپاي قامتىلۋىن بەكەمدەپ جانە تەرەڭدەتىپ، پارتيا ءىسى قىزمەت كۇشتەرىن نىعايتىپ، پارتيا ۇيىمدارىنىڭ جانە پارتيا مۇشەلەرىنىڭ رولىن ساۋلەلەندىرۋ جولىن كەڭەيتۋ. نەگىزگى ساتى پارتيا ۇيىمى دەر كەزىندە كەزەك اۋىستىرۋ بەلگىلەمەسىن قاتاڭ اتقارۋ. ىزدەنىس جاساۋعا، جاڭالىق اشۋعا باسا ءمان بەرىپ، ورگانداردىڭ پارتيا قۇرىلىسىن ينفورماتسيالاندىرۋ قۇرىلىسىن بەلسەنە ىلگەرىلەتۋ.

  (13) پارتيا ياچەيكاسىن كۇشەيتىپ قۇرۋ، شىنايى يگەرۋ. پارتيا ياچەيكاسىنىڭ قىزمەت ەرەجەسىن تياناقتاندىرۋدى تۇتقا ەتىپ، ورتالىق پەن مەملەكەت ورگاندارىنىڭ ەرەكشەلىگىن كورنەكتىلەندىرىپ، پارتيا ياچەيكاسىن ولشەمدەندىرۋ، جۇيەلىلەندىرۋ قۇرىلىسىن تىڭعىلىقتى ىلگەرىلەتۋ. ”3 جيىن، ءبىر ساباق“سياقتى تۇزىمدەردى قاتاڭ اتقارىپ، ساپا مەن ونىمدىلىككە شىنايى كەپىلدىك ەتۋ. پارتيا ياچەيكاسىنىڭ قيمىل تاسىلىندە جاڭالىق اشۋدى بەلسەنە ىلگەرىلەتۋ. ءمالىم مىندەتتى اتقارۋ ءۇشىن ۋاقىتشا قۇرىلعان قۇرىلىمداردا پارتيا مۇشەلەرىنىڭ ۇيىمدىق بايلانىسى اۋىستىرىلماسا، جوعارى دارەجەلى پارتيا ۇيىمدارىنىڭ بەكىتۋى ارقىلى ۋاقىتتىق پارتيا ياچەيكاسىن قۇرۋ كەرەك. پارتيا ياچەيكالارىنىڭ شۋجيلەرىن، مۇشەلەرىن ويداعىداي تاڭداۋ، مىقتىلاردى سەپتەۋ كەرەك، پارتيا ياچەيكاسىنىڭ شۋجي مىندەتىن پرينسيپتىك جاقتان ءوز تاراۋىنداعى، ءوز ورنىنداعى پارتيالى نەگىزگى جاۋاپتى ادام وتەپ، ءبىرىنشى جاۋاپتى ادامنىڭ قىزمەت جاۋاپكەرشىلىگىن اتقارادى. پارتيا ياچەيكاسى مۇشەلەرىن مىندەت وتەۋ بويىنشا باۋلۋ ءتۇزىمىن ورناتۋ، جاڭادان مىندەتكە تاعايىندالعان پارتيا ياچەيكاسىنىڭ شۋجيى مىندەت وتەگەن 6 اي ىشىندە شوعىرلى باۋلۋعا قاتىناسۋ كەرەك. پارتيا ياچەيكاسىنىڭ ادام تاڭداۋ، ادام ىستەتۋ بارىسىنداعى باقىلاۋ رولىن تولىق ساۋلەلەندىرىپ، پارتيا مۇشەلەرىن، كادرلاردى تاڭداپ وسىرۋدە، مىندەتكە قويۋدا، ۇزدىكتەردى، وزاتتاردى باعالاۋدا ءوزى تۇرعان پارتيا ياچەيكاسىنىڭ پىكىرىن تىڭداۋ كەرەك. وزات پارتيا ياچەيكاسىنىڭ جانە تاڭداۋلى پارتيا ياچەيكاسى شۋجيىنىڭ ۇلگىسىن تاڭداپ، ورناتىپ، وزاتتار ارقىلى ورتاداعىلاردى جەتەكتەۋگە، ارتتا قالعانداردى قۋزاۋعا تاباندى بولىپ، 3 جىل اينالاسىندا ءىشىنارا نەگىزگى ساتى پارتيا ۇيىمدارىنىڭ السىرەۋ، سولعىنداۋ، شەتكەرىلەنۋ ماسەلەسىن ءونىمدى شەشۋ. ورتالىق پەن مەملەكەت ورگاندارى پارتگرۋپپالارىنىڭ قىزمەت ەرەجەسىن جاساپ، پارتگرۋپپالارىنىڭ رولىن شىنايى ساۋلەلەندىرۋ.

  (14) پارتيا مۇشەلەرىن تاربيەلەۋدى، باسقارۋدى، باقىلاۋدى كۇشەيتۋ. پارتيا مۇشەلەرىن تاربيەلەۋدى، باۋلۋدى جانە امالياتتا شىنىقتىرۋدى كۇشەيتىپ، جوعارى ساپالى پارتيا مۇشەلەرى قوسىنىن كۇش سالا سومداۋ. پارتيا مۇشەسى زناگىن تاعۋ، پارتيا جارناسىن شوعىرلى تاپسىرۋ كۇنىن بەلگىلەۋ، پارتيا مۇشەلەرىنىڭ ۇزدىك قىزمەت ورنىن قۇرۋ، پارتيا مۇشەلەرىن دەموكراتيالىق باعالاۋ سياقتى شارالار ارقىلى پارتيا مۇشەلەرىن پارتيا مۇشەسى تانىمىن كۇشەيتۋگە، تۇلعالىق رولىن ساۋلەلەندىرۋگە جەتەكتەۋ. قاتاڭ باسقارۋ مەن ايالاۋدى ۇشتاستىرۋعا تاباندى بولىپ، پارتيا ىشىندەگى شابىتتاندىرۋ، قامقورلىق جاساۋ، كومەكتەسۋ - سۇيەمەلدەۋ ءتۇزىمىن تياناقتاندىرۋ. پارتيا مۇشەلەرىنىڭ ساپاسىن جوعارىلاتىپ، تولىمسىز پارتيا مۇشەلەرىن لايىقتى ءبىر جاقتى ەتۋ. جاس پارتيا مۇشەلەرىن، شەتەلدەردەگى (شەكارا سىرتى) قۇرىلىمدارعا قىزمەت ىستەۋگە جىبەرىلگەن پارتيا مۇشەلەرىن، دەمالىسقا، زەينەتكە شىققان كادر، جۇمىسشى - قىزمەتكەر اراسىنداعى پارتيا مۇشەلەرىن، جىلجىمالى پارتيا مۇشەلەرىن تۇرگە ايىرىپ باسقارۋدى باعىتتامالى تۇردە كۇشەيتۋ. نەگىزگى ساتى پارتيا ۇيىمدارىنىڭ پارتيا مۇشەلەرىن كۇندەلىكتى باقىلاۋ - باسقارۋىن كۇشەيتىپ، پارتيا مۇشەلەرىنىڭ ۇزدىك، ونەگەلىلىك رولىن ساۋلەلەندىرەتىن ۇتىمدى مەحانيزم جونىندە ىزدەنىس جاساۋ.

  بەسىنشى، ستيلدى دۇرىستاۋدى، ءتارتىپتى قاتايتۋدى تاباندىلىقپەن كۇشەيتۋ 

  (15) ”ءتورت ءتۇرلى بۇرىس ستيل“ماسەلەسىن ۇزدىكسىز رەتتەۋ - وڭاۋ. باستاماشىلدىقپەن ستيلگە بۇرىلىس جاساۋ، ”ءتورت ءتۇرلى بۇرىس ستيل“دى تۇزەتۋ، راقاتقۇرمارلىق جانە استا - توك ىسىراپشىلدىق نىسايىنىڭ قايتا باس كوتەرۋىن تىزگىندەپ، فورماشىلدىق، تورەشىلدىك، اسىرەسە، پوزيتسيا ءبىلدىرۋى كوپ، ءۇنى زور، ارەكەتى از، تياناقتاندىرۋى ناشار بولۋ سياقتى كورنەكتى ماسەلەلەردى باتىل رەتتەپ - وڭاپ، جازۋ ستيلىن، ءماجىلىس ستيلىن جاقسارتىپ، ءىس تىندىرماۋ، سوزبۇيدالىققا سالىنۋ سياقتى ورگاننىڭ ناشار سالتىن اۋىزدىقتاۋ جانە تۇزەتۋ. ەرەكشە بيلىك يدەياسىنا جانە ەرەكشە بيلىك جايتىنە باتىل قارسى تۇرىپ، ورتالىق پەن مەملەكەت ورگاندارىنىڭ بيلىگى مەن ىقپال كۇشىنەن پايدالانىپ جەكە مۇددەسىن كوزدەۋگە تيىم سالۋ. ورتالىقتىڭ «8 ءتۇرلى بەلگىلەمەسى» مەن ونى اتقارۋدىڭ ەگجەي - تەگجەيلى ەرەجەسىنىڭ رۋحىن دايەكتىلەندىرۋ، اتقارۋ جاعدايىنا باقىلاۋ، تەكسەرۋ جۇرگىزۋ.

  (16) بۇقارامەن ەتەنە بايلانىس ورناتۋ. پارتيا مۇشەلەرىنىڭ، كادرلاردىڭ بۇقارامەن تىكە بايلانىس ورناتۋ ءتۇزىمىن كەمەلدەندىرۋ جانە تياناقتاندىرۋ. نەگىزگى ساتى پارتيا ۇيىمدارىن جۇپ قۇراپ كومەكتەسۋ - سۇيەمەلدەۋ، بىرگە ۇيرەنۋ، بىرگە قۇرۋ سياقتى قيمىلداردى ورىستەتۋگە شابىتتاندىرۋ. پارتيالى باسشى كادرلاردىڭ ارىز - ارمان ايتا كەلگەن بۇقارانى مەرزىم سايىن قابىلداۋ ءتۇزىمىن مۇقيات تياناقتاندىرۋ. كەلەلى شەشىم جاساۋدا الدىمەن تەكسەرۋ - زەرتتەۋ جۇرگىزۋگە تاباندى بولىپ، بۇقارانىڭ پىكىرىن كەڭىنەن تىڭداپ، تۇيىندە تۇرىپ تەكسەرۋ - زەرتتەۋ جۇرگىزۋدى، ”تورعاي بورشالاۋ“دى دارىپتەۋ. پارتيا مۇشەلەرىن، كادرلاردى الەۋمەتتىك اۋماق، اۋىل - قىستاق، كاسىپورىن، مەكتەپ سياقتىلارعا بارىپ، الۋان فورمالى ەرىكتى قىزمەت وتەۋگە شابىتتاندىرۋ. كەدەيلەردى ارناۋلى سۇيەمەلدەۋ ساياسي جاۋاپكەرشىلىگىن مۇقيات تياناقتاندىرىپ، كەدەيلىكتەن ارىلتۋدان قامال الۋعا كۇش ۇستەۋ.

  (17) پارتيانىڭ ءتۇرلى تارتىپتەرىن قاتايتۋ. پارتيا قاعيداسىن، پارتيا ءتارتىبىن نازاريا ۇيرەنۋ وزەكتى گرۋپپاسىنىڭ ۇيرەنۋدەگى، پارتيا ياچەيكاسىنىڭ ۇيرەنۋدەگى جانە كادرلاردى تاربيەلەۋدەگى، باۋلۋداعى ماڭىزدى مازمۇنى ەتۋ. جاڭادان قىزمەتكە قاتىناسقان پارتيا مۇشەلەرىنە، كادرلارعا ءتارتىپ جانە پاكتىك تاربيەسىن دەر كەزىندە جۇرگىزىپ، جاڭادان مىندەتكە تاعايىندالعان پارتيالى باسشى كادرلارمەن پاكتىك جونىندە سويلەسۋ. ءتارتىپ اتقارۋدا، ءسوزسىز، قاتاڭ بولۋعا، تارتىپكە قايشىلىق جاساسا، ءسوزسىز، قۋزاستىرۋعا تاباندى بولىپ، باقىلاۋدىڭ، ءتارتىپ اتقارۋدىڭ ”ءتورت ءتۇرلى فورماتسيا“سىن ىشكەرىلەي قولدانىپ، ەرتە باستان، كىشكەنەدەن يگەرۋگە، قىلپى بىلىنگەن زامان قىرقىپ وتىرۋعا باسا ءمان بەرۋ. ءتارتىپتىڭ اتقارىلۋىن تەكسەرۋ قىزمەتىنىڭ جاعدايىن تەكسەرۋدى، باعالاۋدى مەرزىم سايىن ورىستەتۋ. ساياسي ءتارتىپ پەن ۇيىمدىق ءتارتىپتى ءتۇيىندى كۇشەيتىپ، پاكتىك ءتارتىبىن، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن قاتايتۋعا جەتەكشىلىك ەتىپ، بولاتتاي ءتارتىپتى قالىڭ پارتيا مۇشەلەرىنىڭ، كادرلاردىڭ كۇندەلىكتى ادەتىنە جانە سانالى بويسۇنۋ ولشەمىنە اينالدىرۋ.

  (18) شىرىكتەسۋگە قارسى تۇرۋ كۇرەسىن ىشكەرىلەي ورىستەتۋ. ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋدى تەرەڭدەتىپ، شىرىكتەسۋگە باتىلدىق ەتە المايتىن سەستى كۇشەيتىپ، شىرىكتەسۋگە مۇمكىندىك بولمايتىن قاپاستى بەرىكتەپ، شىرىكتەسۋدى ويىنا الماۋ سانالىلىعىن كۇشەيتىپ، ستيلى پاك، سالتى دۇرىس ساياسي ورگان قۇرۋ. پاكتىك حاۋىپ - قاتەرىن، كومەسكى قاتەرىن مۇقيات ءبىر - بىرلەپ تەكسەرىپ، ساقتانۋ - تىزگىندەۋ مەحانيزمىن اقاۋسىزداندىرىپ، پارتيالى كادرلاردىڭ پاكتىك ارحيۆىن ورناتۋ. بيلىك بايلىعى شوعىرلانعان، پاكتىك حاۋىپ - قاتەرى ءبىرشاما جوعارى ءتۇيىندى تاراۋلار، نەگىزگى قىزمەت ورىندارى سياقتىلاردى ءجىتى قاداعالاپ، ىشكى شارلاۋ جۇرگىزىپ، باقىلاۋ - باسقارۋ شاراسىن كۇشەيتۋ. ۇقساس ءبىر تاراۋدا، ۇقساس ءبىر قىزمەت ورنىندا مىندەت وتەگەن ۋاقىتى ءبىرشاما ۇزاق كادرلاردىڭ اۋىس - ءتۇيىس جاساۋ، قىزمەت ورنىن اۋىستىرۋ تەبىنىن ارتتىرۋ. تارتىپكە اۋىر قايشىلىق جاساۋ ماسەلەسى تۋىلعان تاراۋلارعا قاراتا ”ءبىر دەلونى قوس تەكسەرۋ“گە تاباندى بولىپ، تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن قاتاڭ قۋزاستىرۋ. ساقتاندىرۋ تاربيەسىن كۇشەيتىپ، مەرزىم سايىن ساقتاندىرۋ تاربيەسى جينالىسىن اشۋ. تارتىپكە، زاڭعا اۋىر قايشىلىق جاساۋ دەلوسى تەكسەرىلىپ، ءبىر جاقتى ەتىلسە، ءسوز جوق، ءوز تاراۋىندا ساقتاندىرۋ تاربيەسىن ۇيىمداستىرىپ ورىستەتۋ كەرەك. باسشى كادرلار وتباسىنا، وتباسى تاربيەسىنە، وتباسى سالتىنا باسا ءمان بەرىپ، تۋىستارىن پارتيانىڭ ۇنىنە باتىل قۇلاق اسىپ، پارتياعا باتىل ىلەسىپ، مورالمەن ءوزىن تاربيەلەۋگە، تارتىپكە، زاڭعا بويسۇنۋعا، پاك جۇمىس جۇرگىزۋگە تاربيەلەۋ، جەتەكتەۋ.

  التىنشى، پارتيانىڭ بۇقارالىق ۇيىمدار قىزمەتى ورەسىن ۇزدىكسىز جوعارىلاتۋ 

  (19) بۇقارالىق ۇيىمداردىڭ كوپىرلىك، دانەكەرلىك رولىن تولىق ساۋلەلەندىرۋ. تاراۋلاردىڭ پارتيا باسشىلىق گرۋپپاسى (پارتكومدار) بۇقارالىق ۇيىمدار قىزمەتىن مەرزىم سايىن اقىلداسىپ ورنالاستىرۋ كەرەك. ورگان پارتكومى تاراۋلاردىڭ پارتيا باسشىلىق گرۋپپاسىمەن (پارتكوم) سايكەسىپ، ورگاننىڭ جۇمىسشى ۇيىمى، كوممۋنيستىك جاستار وداعى، ايەلدەر ۇيىمى سياقتى بۇقارالىق ۇيىمدارعا باسشىلىعىن كۇشەيتىپ، پارتيا قۇرىلىسى ارقىلى بۇقارالىق قۇرىلىستى جەتەكتەۋ ءتۇزىمى مەحانيزمىن كەمەلدەندىرىپ، بۇقارالىق ۇيىمداردىڭ زاڭ، ەرەجە بويىنشا قىزمەت ورىستەتۋىن، رولىن ساۋلەلەندىرۋىن ىلگەرىلەتۋ كەرەك. بۇقارالىق ۇيىمدار رەفورماسىن تەرەڭدەتىپ، ورگاننىڭ بۇقارالىق ۇيىم قىزمەتى تاسىلىندە، ادىسىندە جاڭالىق اشىپ، بۇقارالىق ۇيىمداردىڭ ساياسي سيپاتىن، العاباسارلىق سيپاتىن، بۇقارالىق سيپاتىن كۇشەيتۋ. ءوز قىزمەتىن تياناق ەتىپ، قىزمەت ورنىندا ەسە قوسۋ، شەبەرلىك بويىنشا باسەكەلەسۋ، جەلەكتىلەردىڭ ەسە قوسۋى سياقتى قيمىلداردى ورىستەتۋ. تۇرمىسىندا قيىنشىلىعى بار كادرلارعا، جۇمىسشى - قىزمەتشىلەرگە كومەكتەسۋ - سۇيەمەلدەۋ مەحانيزمىن كەمەلدەندىرۋ. كادرلادىڭ، جۇمىسشى - قىزمەتكەرلەردىڭ دەن ساۋلىعى مەن جان ساۋلىعىنا كوڭىل ءبولىپ، باي مازمۇندى مادەنيەت، دەنە تاربيە قيمىلدارىن ورىستەتىپ، ىنتىماقتى، جاراسىمدى، قاتاڭ دا جالىندى، بەلسەنە العا باسقان ورگان بەينەسىن قالىپتاستىرۋ.

  (20) ورگانداعى جاس كادرلاردى تولىسۋعا، دارىندى بولۋعا تاربيەلەۋ، جەتەكتەۋ. ساياسي جەتەكشىلىكتى كۇشەيتىپ، جاس كادرلاردىڭ مۇرات - سەنىمىن بەكەمدەۋىن، وتباسى، وتان سۇيىسپەنشىلىگىن جەتىلدىرۋىن ىلگەرىلەتۋ. كونەلەر ارقىلى جاڭالاردى جەتەكتەۋگە تاباندى بولىپ، ۇيرەتۋ، كومەكتەسۋ، جەتەكتەۋ قىزمەتىن جاقسى ىستەپ، جاس كادرلاردىڭ اقاۋسىز ەسەيىپ - ەرجەتۋىنە بەلسەنە جول سىلتەۋ، كوپىر سالۋ، ولاردى قام - قايعىدان ارىلتۋ. شارت - جاعداي جاساپ، جاس كادرلاردىڭ نەگىزگى ساتىنىڭ الدىڭعى شەبىنە بارىپ، قىزمەت ورنىندا توسەلىپ، جاپالى وڭىرلەردە شىڭدالۋىن ىلگەرىلەتۋ. ورتالىق پەن مەملەكەت ورگاندارىنداعى جاستاردىڭ وقۋ - اعارتۋعا كومەكتەسۋ ارقىلى كەدەيلەردى سۇيەمەلدەۋ، ”نەگىزگى ساتىعا تامىر تارتىپ“ تەكسەرۋ - زەرتتەۋ جۇرگىزۋ سياقتى الۋان تاسىلدەگى امالياتتىق شىڭدالۋ قيمىلىن ۇزدىكسىز ويداعىداي يگەرۋ.

  جەتىنشى، ورتالىق پەن مەملەكەت ورگاندارىنىڭ پارتيا قۇرىلىسىنا باسشىلىقتى كۇشەيتۋ 

  (21) باسشىلىق ءتۇزىلىسىن، مەحانيزمىن اقاۋسىزداندىرۋ. پارتيا ورتالىق كوميتەتى ورتالىق پەن مەملەكەت ورگاندارىنىڭ پارتيا قۇرىلىسىنا شوعىرلى ءبىر تۇتاس باسشىلىق ەتەدى. ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ورتالىق پەن مەملەكەت ورگاندارىنىڭ پارتيا قۇرىلىسى قىزمەتىنە جەتەكشىلىكتى كۇشەيتىپ، قىزمەت جاعدايى جونىندە مەرزىم سايىن مالىمەت تىڭداپ، كەلەلى ماسەلەلەردى دەر كەزىندە اقىلداسىپ شەشۋ. ورتالىق پەن مەملەكەت ورگاندارى قىزمەت كوميتەتى مىندەتىن مۇقيات اتقارىپ، جاۋاپكەرشىلىگىن ادا ەتىپ، تاراۋلاردىڭ پارتيا باسشلىق گرۋپپاسىنىڭ (پارتكوم) ورگان پارتيا قۇرىلىسىنىڭ تۇلعالىق جاۋاپكەرشىلىگىن اتقارۋىنا، قاتىستى تارۋالارمەن ءجيى سەلبەسۋىنە جەتەكشىلىك ەتىپ، قۋزاۋ سالىپ، ورگاننىڭ پارتيا قۇرىلىسىن يگەرەتىن قۇدىرەتتى بىرىككەن كۇشىنىڭ قالىپتاسۋىن ىلگەرىلەتۋ.

  (22) ورگاننىڭ پارتيا قۇرىلىسى قىزمەت جاۋاپكەرشىلىك ءتۇزىمىن تياناقتاندىرۋ. تاراۋلاردىڭ پارتيا باسشلىق گرۋپپاسى (پارتكوم) پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن مۇقيات اتقارىپ، ورگاننىڭ پارتيا قۇرىلىسى قىزمەتىن ۇنەمى اقىلداسىپ، ورگاننىڭ پارتيا قۇرىلىسى قىزمەتىن جانە وزەكتى قىزمەتىن بىرگە جوسپارلاۋدى، بىرگە ورنالاستىرۋدى، بىرگە تەكسەرۋدى، بىرگە باعالاۋدى ورىنداپ، پارتيا ورتالىق كوميتەتىنە جاۋاپكەرشىلىكتى اتقارۋ جاعدايىن مەرزىم سايىن مالىمدەۋ. ءىس جۇزىندىككە ۇشتاستىرىپ، پارتيا قۇرىلىسى قىزمەتىنە باسشىلىق ەتۋ گرۋپپاسى سياقتى ۇتىمدى مەحانيزمدى ورناتۋ، اقاۋسىزداندىرۋ. ورگاننىڭ پارتيا قۇرىلىسى قىزمەتى جاۋاپكەرشىلىك تىزىمدىگىن اقىلداسىپ جاساۋ. تاراۋلاردىڭ پارتيا باسشلىق گرۋپپاسىنىڭ (پارتكوم) نەگىزگى جاۋاپتىلارى ورگاننىڭ پارتيا قۇرىلىسىن يگەرەتىن ءبىرىنشى جاۋاپتىسى بولۋ مىندەت جاۋاپكەرشىلىگىن سانالى تۇردە ارقالاۋ، باسقا باسشىلىق القاسىنىڭ مۇشەلەرى ”ءبىر قىزمەت ورنىندا قوس جاۋاپكەرشىلىك ارقالاۋ“دى تياناقتاندىرىپ، مىندەت جاۋاپكەرشىلىگى كولەمىندە پارتيا قۇرىلىسى قىزمەتىن ويداعىداي يگەرۋ. ورگان پارتكومى تاراۋلاردىڭ، ورگانداردىڭ پارتيا قۇرىلىسى قىزمەتىنە ارناۋلى جاۋاپتى قۇرىلىم رەتىندە، ورتالىق پەن مەملەكەت ورگاندارى قىزمەت كوميتەتىنىڭ، تاراۋلاردىڭ پارتيا باسشلىق گرۋپپاسىنىڭ (پارتكوم) باسشىلىعىندا، ءوز تاراۋىنىڭ، ورگانىنىڭ پارتيا قۇرىلىسىن ىلگەرىلەتۋ مىندەتىن تياناقتاندىرۋعا جاۋاپتى بولادى. ورگان پارتكومىنىڭ شۋجيى نازاردى ورگان پارتيا قۇرىلىسىنىڭ نەگىزگى جاۋاپكەرشىلىگىنە، نەگىزگى جۇمىسىنا شوعىرلاندىرىپ، شىنايى جاۋاپكەرشىلىك ارقالاپ، ىسكەرلىك كورسەتۋ، ”قۇر اتاعى بار شۋجي“ بولماۋ كەرەك. دارەجە بويىنشا يگەرۋگە، سوڭىنا دەيىن قاتاڭ بولۋعا تاباندى بولىپ، ورگان پارتيا قۇرىلىسىنىڭ تۇلعالىق جاۋاپكەرشىلىگىن ساتىلار بويىنشا ناقتىلاندىرۋ.

  (23) ورگان پارتيا قۇرىلىسى قىزمەتىنىڭ تياناقتانۋىنا قۋزاۋ سالۋ، ونى ىلگەرىلەتۋ مەحانيزمىن كەمەلدەندىرۋ. ورتالىق پەن مەملەكەت ورگاندارى قىزمەت كوميتەتى تاراۋلاردىڭ پارتيا باسشلىق گرۋپپاسىنىڭ (پارتكوم) ورگان پارتيا قۇرىلىسىنداعى تۇلعالىق جاۋاپكەرشىلىگىن اتقارۋ، ورگان پارتيا قۇرىلىسىنىڭ ءتۇيىندى قىزمەتتەرىن جانە ماڭىزدى ءتۇزىم جاعدايىن تياناقتاندىرۋ جاعدايىنا مەرزىم سايىن باقىلاۋ - تەكسەرۋ جۇرگىزىپ، ماڭىزدى جاعدايلاردى پارتيا ورتالىق كوميتەتىنە دەر كەزىندە مالىمدەۋ. ورتالىقتىڭ شارلاۋىمەن ۇشتاستىرىپ، شارلانعان تاراۋلاردىڭ ورگان پارتيا قۇرىلىسىنداعى كورنەكتى ماسەلەلەرىن رەتتەۋ - وزگەرتۋىن ىلگەرىلەتۋ. تاراۋلاردىڭ ورگان پارتيا قۇرىلىسى قىزمەتى جونىندەگى باعالاۋىن بەلسەنە، ۇتىمدى ورىستەتۋ. تاراۋلاردىڭ پارتيا باسشىلىق گرۋپپاسى (پارتكوم) ءار جىلى ءوز تاراۋىندا ورگان پارتيا قۇرىلىسى قىزمەتىن يگەرۋ جاعدايىن بەلگىلى كولەمدە حابارلاندىرىپ، باعالاۋدى قابىلداۋ. ورگان پارتكومىنىڭ شۋجيى ءار جىلى ورتالىق پەن مەملەكەت ورگاندارى قىزمەت كوميتەتىنە، تاراۋلاردىڭ پارتيا باسشلىق گرۋپپاسىنا (پارتكوم) قىزمەتىنەن ەسەپ بەرۋ. نەگىزگى ساتى پارتيا ۇيىمدارىنىڭ شۋجيلەرى ءبىر دارەجە جوعارى پارتيا ۇيىمدارىنا قىزمەتىنەن ەسەپ بەرۋ ءارى باعالاۋدى، تەكسەرۋدى قابىلداۋ. تاراۋلار باسشىلىق القاسىن جانە باسشى كادرلاردى جىلدىق باعالاۋدا پارتيا قۇرىلىسى قىزمەتىن يگەرۋ جونىندەگى ساراپتاۋىن كۇشەيتىپ، پارتيا ۇيىمى جاۋاپتىسىنىڭ پارتيا قۇرىلىسى جاۋاپكەرشىلىگىن اتقارۋ جاعدايى جونىندە باعالاۋ پىكىرىن قالىپتاستىرۋدى باعالاۋ دارەجەسىن تۇراقتاندىرۋدىڭ ماڭىزدى نەگىزى ەتۋ. قىزمەت ناتيجەسىنە باعالاۋ جۇرگىزەتىن تاراۋلار پارتيا قۇرىلىسى قىزمەت جاعدايىن باعالاۋدىڭ ماڭىزدى مازمۇنىنا ەنگىزۋ كەرەك.

  (24) پارتيا ىستەرى كادرلارى قوسىنى قۇرىلىسىن كۇشەيتۋ. ءارقايسى تاراۋلار پارتيانى جاپپاي قاتاڭ جونگە سالۋدىڭ ءىس جۇزىندىك قاجەتىنە ساي، ورگانداعى ارناۋلى مىندەتتەگى پارتيا ىستەرى قىزمەتكەرلەرىنە شىنايى تۇردە ىسكەرلەردى سەپتەۋ. ورگان پارتيا قۇرىلىسى مىندەتى ءبىرشاما اۋىر، قىزمەت كۇشى جەتىسپەگەندەرگە قازىرگى نەگىزدە ۇيلەسىمدى قىزمەتكەر تولىقتاۋ. ورگان پارتكومى شۋجيى مىندەتىن ساياسيدا ىسىلعان، پارتيا ىستەرى قىزمەتىنە قانىق تاراۋلاردىڭ پارتيا باسشلىق گرۋپپاسىنىڭ (پارتكوم) مۇشەسى وتەۋ كەرەك. ورگان پارتكومىنىڭ ۇنەملىك ىستەرگە جاۋاپتى ورىنباسار شۋجيىن ءوز تاراۋىنىڭ ىشكى قۇرىلىمى بويىنشا ءبىرىنشى باسشىلىق قىزمەتتەگى كادرلاردان سەپتەۋ، ورگان پارتكومىنىڭ ورىنباسار شۋجيىن، ورگان ءتارتىپ تەكسەرۋ كوميتەتىنىڭ شۋجيىن ءىس جۇزىندىك جاعدايعا ساي، ءوز تاراۋىنىڭ ىشكى قۇرىلىمى بويىنشا، ءبىرىنشى باسشىلىق قىزمەتتەگى نەمەسە ورىنباسار باسشىلىق قىزمەتتەگى كادرلاردان سەپتەۋ. جاڭادان مىندەتكە تاعايىندالعان ورگان پارتكومى، ورگان ءتارتىپ تەكسەرۋ كوميتەتى جاۋاپتىلارىنىڭ جاسى ادەتتە ءبىر كەزەك مىندەت وتەۋگە تولۋ كەرەك، ءۇرتىس مىندەت اتقاراتىندار ادەتتە 2 كەزەكتەن اسپاۋ كەرەك. ورگان پارتكومى، ورگان ءتارتىپ تەكسەرۋ كوميتەتى جاۋاپتىلارىنىڭ ورنى كەمىپ قالسا، 6 اي ىشىندە تولىقتاۋ كەرەك. جاڭادان مىندەتكە تاعايىندالعان پارتيا ۇيىمدارىنىڭ شۋجيلەرىنە مىندەت وتەۋ جونىنەن اڭگىمەلەسۋ ءتۇزىمىن ورناتۋ. ورگان پارتكومىنىڭ ۇنەمىلىك ىستەرگە جاۋاپتى ورىنباسار شۋجيلەرى تاراۋلاردىڭ پارتيا باسشىلىق گرۋپپاسىنىڭ (پارتكوم) دەموكراتيالىق تۇرمىس جيىنى، نازاريا ۇيرەنۋ وزەكتى گرۋپپاسىنىڭ ۇيرەنۋ جيىنى سياقتى قاتىستى جيىندارعا سىرتتاي قاتىناسۋ. ارناۋلى جانە قوسىمشا مىندەتتەگى پارتيا ىستەرى كادرلارىن تاربيەلەۋدى، باۋلۋدى كۇشەيتۋ جانە جاقسارتۋ. پارتيا ىستەرى كادرلارى مەن اكىمشىلىك، كاسىپتىك كادرلار اراسىنداعى اۋىس - ءتۇيىستى جوسپارلى تۇردە ورنالاستىرۋ. ارناۋلى جانە قوسىمشا مىندەتتەگى پارتيا ىستەرى قىزمەتى كەشىرمەسىن كادرلاردىڭ ءومىر بايانىنا ەنگىزۋ. پارتيا ىستەرى كادرلارىنىڭ كىرۋ وتكەلىن قاتاڭ يگەرىپ، ساياسيدا بەرىك، جالپىلىق ساپاسى جوعارى تاڭداۋلى كادرلاردى پارتيا ىستەرى قىزمەتى ورنىندا تاربيەلەپ، شىنىقتىرىپ، قىزمەت ناتيجەسى كورنەكتىلەرىن تاڭداپ وسىرۋگە، ىستەتۋگە ءمان بەرۋ.

  (25) پارتيا قۇرىلىسى قىزمەتىن قامتاماسىز ەتۋدى كۇشەيتۋ. پارتيانى ەرەجە بويىنشا جونگە سالۋعا تاباندى بولىپ، پارتيانى جاپپاي قاتاڭ جونگە سالۋدىڭ زاڭ ەرەجەسىن، ءتۇزىمىن دايەكتىلەندىرۋدى، اتقارۋدى كۇش سالا ىلگەرىلەتىپ، ناقتى كادەگە جارايتىن، ورتالىق پەن مەملەكەت ورگاندارىنىڭ ەرەكشەلىگىنە ۇيلەسەتىن پارتيا قۇرىلىسى قىزمەت ءتۇزىمى جۇيەسىن ورناتۋ. ورگاننىڭ پارتيا قۇرىلىسى قىزمەتى قاراجاتىن بەلگىلەمە بويىنشا قاتاڭ قامتاماسىز ەتۋ. ورتالىق پەن مەملەكەت ورگاندارىنىڭ جەرگىلىكتى ورگاندارمەن پارتيا قۇرىلىسى قىزمەتى جونىندە اۋىس - ءتۇيىسىن ىلگەرىلەتىپ، ورگان پارتيا قۇرىلىسىنىڭ نازاريالىق زەرتتەۋىن كۇشەيتۋ.

   ورتالىق پەن مەملەكەت ورگاندارىنداعى ءارقايسى تاراۋلار وسى پىكىرگە ساي، ءىس جۇزىندىككە ۇشتاستىرىپ، اتقارۋ شاراسىن جاساپ، دايەكتىلەندىرۋ، تياناقتاندىرۋ جاعدايىن پارتيا ورتالىق كوميتەتىنە دەر كەزىندە مالىمدەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.