217 - مەملەكەت تاس جولى ساياحات كورىنىس داڭعىلىنىڭ قۇرىلىسىن جۇرگىزۋ نىسانى جۇمىس باستادى
3 - ايدىڭ 29 - كۇنى كۇشاردىڭ جەر - جەرىندە ورىك گۇلى جاپپاي شەشەك اتىپ، ساياحاتشىلاردى كوكتەمگى سەيىلگە باۋرادى.
ءتىلشى لي لي 3 - ايدىڭ 29 - كۇنى كۇشاردان حابارلايدى. 3 - ايدىڭ 29 - كۇنى تۇستەن بۇرىن كۇشار اۋدانىنىڭ تۇڭعىش كەزەكتى ورىك گۇلى مەرەكەسىنىڭ باستالۋ سالتى جانە 217 - مەملەكەت تاس جولى ساياحات كورىنىس داڭعىلى قۇرىلىسىن جۇرگىزۋ نىسانىنىڭ جۇمىس باستاۋ سالتى كۇشار اۋدانىنىڭ كۇسان نۇيىرگو مادەنيەت ساياحات ساۋدا شاعىن قالاشىعىندا وتكىزىلدى.
وڭتۇستىك شينجياڭعا كوكتەم كەلىسىمەن بۇكىل ەلدەگى ساياحات كاسىبىمەن شۇعىلدانۋشى ۇيىرمەلەر دە كۇشارعا جەتىپ كەلدى. 200گە تاياۋ ساياحات كاسىبىمەن شۇعىلدانۋشى اشىلۋ سالتىنا قاتىناستى. كوپشىلىك قولدارىنداعى بەس جۇلدىزدى قىزىل تۋلارىن بۇلعاپ، ”مەن جانە مەنىڭ وتانىم“ ءانىن شىرقاپ، اشىلۋ سالتى الاڭىنا كىردى.
وسى رەتكى ورىك گۇلى مەرەكەسى سۋرەتكە ءتۇسىرۋ، اسەمونەر كورمەسى، ۇلتتىق سالت - سانا ويىنى، وزگەشە ەرەكشەلىكتەگى ءدامدى تاعامدار سياقتىلاردى باستى مازمۇن ەتكەن. ”ءبىز ورىك گۇلى مەرەكەسىنىڭ ۇلگى كورسەتۋ ىقپالىن بەلسەنە ساۋلەلەندىرىپ، كۇشاردىڭ وزگەشە ساياحات كورىنىستەرى مەن وزىندىك ەرەكشەلىكتەگى ۇلتتىق سالت - سانا مادەنيەتىنە سۇيەنىپ، جاڭاشا، باۋراۋ قۋاتى زور، ات سالىسۋ سيپاتى كۇشتى جەلىلەس مادەنيەت ساياحات قيمىلدارىن ورىستەتىپ، ’بايىرعى كۇسان جىبەك جولىنداعى كۇشار‘ مادەنيەت ماركاسىن قالىپتاستىرۋعا ومىرشەڭدىك كۇش قوسامىز“، - دەدى كۇشار اۋداندىق پارتكومنىڭ ورىنباسار شۋجيى، نيڭبو قالاسىنىڭ شينجياڭعا كومەكتەسۋ ىستەرىنە قولباسشىلىق ەتۋ شتابىنىڭ قولباسشىسى جاڭ شيڭبو.
كۇشار اۋدانى مايتاۋ - كۇشار تاس جولىنىڭ وڭتۇستىك بولىگىنىڭ اياقتالار تۇسىندا. وسى وزگەشە جاعراپيالىق ارتىقشىلىقتان پايدالانىپ، شاڭحاي بويا فاڭلۋە توبى شەكتى سەرىكتەستىگى كورىنىس تۇيىندەرىن تاماشالاۋدى وزەك ەتكەن ءداستۇرلى ساياحات ۇلگىسىن وزگەرتىپ، دەمالۋ، ەكسپەديتسيالاۋ، شاتتانۋ ءبىر تۇلعالانعان ”جول بويى ساياحاتى“ سىندى جاڭاشا ساياحاتتاۋ ۇلگىسىن قالىپتاستىردى. ”ءبىز 217 - مەملەكەت تاس جولىنىڭ كۇشار بولىگىن نەگىزگى تۇلعا ەتىپ، باتىس ءوڭىر مۋزيكاسى، ءان - ءبيى، تاس ۇڭگىر قابىرعا سۋرەتتەرى، ياردان جەر بەدەرى سياقتى فاكتورلاردى تاس جولمەن توعىستىرىپ، ۇلكەن، كىشكەنە لۇڭچى ەكولوگيالىق ساياحاتى، تيانشان ءتىلسىم ۇلكەن اڭعارى ساياحاتى، كۇسان مادەنيەتى ساياحاتى سىندى 3 ۇلكەن تۇردەگى ەرەكشە ساياحات ونىمدەرىن قالىپتاستىرىپ، تيانشان ەكولوگياسىن ساياحاتتاۋ، اڭعاردا اۋىل سۇيىسپەنشىلىگىن سەزىنۋ، قۇبا تۇزدە ەكسپەديتسيا جاساۋ، زەرتتەۋ - ۇيرەنۋ، كۇسان سالت - سانا، سەيىل - سەرۋەن سىندى ساياحاتتىڭ 4 ۇلكەن كۇي تاراۋىن شىعانداتىپ، جۇڭگوداعى ەڭ كوركەم، ەڭ كوڭىلدى باتىس ءوڭىر جەكە اۆتوكولىكپەن ساياحاتتاۋ جولىن اشپاقشىمىز. ەڭ سوڭىندا كۇشاردى ءتۇيىن ەتكەن كولەمدى مادەنيەت ساياحاتى كاسىپ شوعىرىن، مەملەكەتتىك A5 دارەجەلى ساياحات كورىنىس ءوڭىرىن، ساياحات + قاتىناستى توعىستىرا دامىتۋدان ۇلگى كورسەتۋ ءوڭىرىن قالىپتاستىرماقشىمىز“، -دەدى شاڭحاي بويا فاڭلۋە توبى شەكتى سەرىكتەستىگىنىڭ مەڭگەرۋشىسى چىن يە.
217 - مەملەكەت تاس جولى ساياحات كورىنىس داڭعىلى قۇرىلىسى مەجەمەن 2020 - جىلدىڭ سوڭىندا جاپپاي اياقتاپ، كۇشار كۇسان اۆياتسيا توبى شەكتى سەرىكتەستىگىنىڭ چىڭدۋدان كۇشارعا توتە ۇشاتىن اۋە جەلىسىن اشقاندىعىن وراي ەتىپ، ”ساياحاتتاۋ“ دىڭ سىرتىندا ”زات ساتىپ الۋ، كوڭىل اشۋ، تاماقتانۋ، جاتۋ، ارالاۋ، ۇيرەنۋ، سەيىل - سەرۋەن جاساۋ، ماحابباتتاسۋ، عاجايىپتاردى سەزىنۋ“ سياقتى تەرەڭدەي ساياحاتتاۋ فاكتورى بازارىن كەمەلدەندىرەدى. باستى قۇرىلىس نىساندارى مىنالار: ساياحاتشىلارعا جالپىلىق قىزمەت وتەۋ ورتالىعى، تۇسەلحانا، قۇراستىرىلمالى قوناقجاي، شينجياڭنىڭ ەرەكشە ونىمدەرىن ساتۋ، باتىس ءوڭىر اسحاناسى، ۇيشە اۆتوكولىك لاگەرى، دالا اۆتوكولىگى كلۋبى، تاس ورمان ەكسپەديتسياسى سياقتى نىساندار ىسكە قوسىلىپ جۇمىس جۇرگىزگەننەن كەيىن، جىلدىق ساياحاتشى قابىلداۋ قۋاتى ءبىر ميلليون ادام - رەتتەن اسادى.
كۇشار ”ورىك گۇلى ارۋلارى“ كۇسان نۇيىرگو مادەنيەت، ساياحات، ساۋدا شاعىن قالاشىعىندا كوشەلەردى ارالاپ ويىن قويدى.
جەرگىلىكتى ورىنداعى بۇقارا ورىك گۇلى مەرەكەسىنىڭ اشىلۋ سالتىنا قاتىناستى. سۋرەتتەردى ۋاڭ حوۋيۇن تۇسىرگەن
