تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”ءتورت امالدى“ شەبەرلىكپەن قولدانىپ، حالىق تۇرمىسىنا بار كۇشپەن تيىمدىلىك جەتكىزدى

  − التاي ايماقتىق وقۋ - اعارتۋ مەكەمەسىنىڭ التاي قالاسى قاراعاش قىستاعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جونىندە

  ءتىلشى جاڭ تيڭ، ەرىكتى ءتىلشى ليۋ شىحى

  اۆتوكولىك التاي قالاسىنان شىعىپ، كوپ ۇزاماي - اق التاي قالاسى بالباعاي اۋىلى قاراعاش قىستاعىنا جەتتى. تىرشىلىك تىنىسى جالىن اتقان وسى وڭىردە، التاي ايماقتىق وقۋ - اعارتۋ مەكەمەسىنىڭ قاراعاش قىستاعىندا تۇرعان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ بەلسەندىلىكپەن ىزدەنىس جاساپ، ”الۋ، قوسۋ، كوبەيتۋ، ءبولۋ امالدارى“ن شەبەرلىكپەن قولدانىپ، حالىق تۇرمىسىنا بار كۇشپەن تيىمدىلىك جەتكىزىپ، حالىق تۇرمىسىندا بۇقارا رازى بولعان جاۋاپناما تاپسىردى.

  حالىققا قىزمەت وتەۋدە ”قوسۋ امالى“ن قولداندى

  ”بۇرىن قىستاقتىڭ جولى توپىراق جول ەدى، اۋىل شارۋاشىلىق ماشينالارى وتسە شاڭ كوتەرىلىپ، جاڭبىر جاۋسا باتپاق بولاتىن. قازىر اسفالت جول ەسىك الدىنا دەيىن جەتىپ، تازارىپ قالدىق“، - دەدى 3 - ايدىڭ 25 - كۇنى تاڭەرتەڭ جايشىلىقتاعىداي ەسىك الدىنداعى جولدى سىپىرىپ جاتقان قىستاق تۇرعىنى گۇلجاي مىرزابەك قىزى.

  گۇلجايدى رازى ەتكەنى قاتىناس شارت - جاعدايىنىڭ جاقسارۋى عانا ەمەس. قاراعاش قىستاعى اۆتونوميالى رايون دارەجەلى كەدەي قىستاق، 2017 - جىلى قىستاقتا تۇرعان قىزمەت اترەتى ءتۇرلى نىسان قولداۋلارىنا قول جەتكىزىپ، نەگىزدىك قۇرىلعى قۇرىلىسىنىڭ تەبىنىن ارتتىرىپ، جولدى قاتتىلاندىرىپ، داۋالداردى اكتەپ، كۇن ەنەرگيالى جول شىراقتارىن ورناتتى... قىستاقتىڭ بەت - بەينەسىن شىت جاڭا تۇرگە ەنگىزدى.

  قاراعاش قىستاعى 3 شاعىن اۋماقتان قۇرالعان، مۇنىڭ ىشىندەگى 2 شاعىن اۋماق قىستاق كوميتەتىنەن 5 كيلومەتر شالعايدا، بۇقارا بىتىراندى وتىرادى. قىستاقتا تۇرعان قىزمەت اترەتى ”حالىقتىڭ ءۇنىن تىڭداۋ، حالىقتى ۋايىمنان ارىلتۋ“دى نەگىزگى تاقىرىپ ەتىپ، ساياسات جەتكىزۋ، قىزمەت ورنىن جەتكىزۋ، ينفورماتسيا جەتكىزۋ، قىزمەت وتەۋدى جەتكىزۋ، مەيىر جەتكىزۋ سىندى ”بەستى جەتكىزۋ“ قيمىلىن ورىستەتتى؛ قىستاقتا تۇرعان قىزمەت اترەتىنەن، قىستاق كادرلارىنان، پارتيا مۇشەلەرىنەن، پارتياعا كىرۋگە ءوتىنىش بەرگەن بەلسەندىلەردەن جانە قىستاق تۇرعىندارى گرۋپپاسى باستىقتارىنان ۇيىمداسقان حالىققا قولايلى ەرىكتى قىزمەت وتەۋ اترەتىن ارناۋلى قۇرىپ، قىستاقتى جاسىلداندىرۋ، قورشاعان ورتانى قورعاۋ، تازالىقتى رەتتەۋ - جونگە سالۋ جۇمىستارىن ورىستەتىپ، جالعىز باستى، جەتىم - جەسىر قارتتارعا جانە ەڭبەككۇشى كەمشىل وتباسىلارىنا ۇدايىلىق كومەك كورسەتتى. قىستاقتا ارناۋلى ادامدار حالىققا قولايلى قىزمەت وتەۋ QQ توبى مەن ۋيچات توبىن كەزەكپەن قاداعالاپ، جۇمىسقا ورنالاستىرۋ ينفورماتسيالارىن مەرزىم بويىنشا جاريالاپ، بۇقارانىڭ سۇراعاندارىنا جەلىدە جاۋاپ بەرىپ، قىستاق تۇرعىندارىنا جەلىدە جانە جەلىدەن تىس شىنايى قىزمەت وتەدى.

   ماسەلەنى شەشۋدە ”الۋ امالى“ن قولداندى

  ”وسى بىرنەشە كۇندە كۇندىز بەن ءتۇننىڭ تەمپەراتۋرا پارقى زور بولدى، كۇندىز ەرىگەن قاردىڭ سۋى جولعا جايىلسا، تۇندە تەمپەراتۋرا تومەندەگەندە جولعا مۇز قاتتى، كوپشىلىك قىستاق تۇرعىندارىنا جىعىلىپ جارالانىپ قالۋدان جانە اۆتوكولىكتەردىڭ تايعاناقتاپ وقىس جاعداي تۋدىرۋىنان ساقتانۋدى ەسكەرتسىن“، - دەدى 3 - ايدىڭ 17 - كۇنى قاراعاش قىستاعىنىڭ ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ليۋ چيۋشىڭ تاڭەرتەڭگى جيىندا قاداعالاپ.

  قىستاقتا تۇرعان قىزمەت اترەتى قاينارىنان ساقتانۋعا كۇش سالۋدان جازباي، تۇتاس قىستاقتاعى سىڭايلىق، نىسايلىق ماسەلەلەردى اداقتاپ تەكسەرىپ، تالداۋ جاساپ، تىزىمدىك ەستەلىگىن جاساپ، ساقتانۋ جانە جويۋ قىزمەتتەرىن باعىتتامالى ورىستەتىپ، حاۋىپسىزدىك وقيعالارىنىڭ، قايشىلىقتاردىڭ، داۋ - شارلاردىڭ تۋىلۋىن شىن مانىندە ازايتتى. سونىمەن بىرگە، حالىق جاعدايى ەستەلىگىن جاساپ، بۇقارانىڭ تىلەگىن زەر سالا تىڭداپ، قيىن ماسەلەلەردى شىن نيەتپەن شەشتى.

  قىستاقتاعى باستاۋىش مەكتەپتە وقيتىن 51 وقۋشى ۇيلەرى مەكتەپتەن ءبىرشاما الىستا بولعاندىقتان ۇيلەرىنە قايتا المايتىن، ولاردىڭ تۇسكى تاماعى مەن حاۋىپسىزدىك ماسەلەسى اتا - انالاردى الاڭداتىپ كەلگەن ەدى.

  وسى جاعىندا قىستاقتا تۇرعان قىزمەت اترەتى ارناۋلى تاقىرىپتىق جيىن اشىپ، جوسپار جاساپ، مەجە ەسەپ بەلگىلەپ، وزدەرىن جىبەرگەن ورىنعا مالىمەت بەرىپ، قاتىستى تاراۋلاردى ىزدەپ قارجى دايىندادى، سونىمەن بىرگە قىستاق ”ەكى كوميتەت“ القاسىمەن، مەكتەپتىڭ جاۋاپتىسىمەن اقىلداستى. سايكەستىرۋ ارقىلى 2017 - جىلى 3 - ايدا وسى 51 وقۋشىنى جاتاقتى مەكتەپ ءتۇزىمىنىڭ جاردەماقى ساياساتى كولەمىنە ەنگىزىپ، ارناۋلى تۇسكى اس جانە توسەك دايىنداتتى.

  كىرىستى ارتتىرۋعا دەم بەرۋدە ”كوبەيتۋ امالى“ن قولداندى

  ”ءار جىلدا ءبىر وزگەرىس، 3 جىلدا ۇلكەن وزگەرىس تۋدىرامىز“، بۇل قىستاقتا تۇراتىن قىزمەت اترەتىنىڭ ۋادەسى.

  قاراعاش قىستاعى سيىر، جىلقى باعىمشىلىعىمەن شۇعىلداناتىن قىستاق، قاۋىرت مەزگىلدە ءار كۇنى ءسۇت ءونىمى 6 تونناعا تايايدى، الايدا ساقتاۋ قۇرىلعىلارى كەمشىل بولعاندىقتان سيىر ءسۇتىن بۇزباي ساقتاۋعا مۇمكىندىك بولماي كەلگەن ەدى.

  قىستاقتا تۇراتىن قىزمەت اترەتى توڭىرەگىندەگى سۇتشىلىك ءوندىرىس كاسىپورىندارىنىڭ بەلسەنە قولداۋىنا يە بولدى. 2017 - جىلدىڭ سوڭىندا ءسۇتتى تۇيىندە ساتىپ الۋ پۋنكتى قاراعاش قىستاعىندا قۇرىلىپ، قىستاق تۇرعىندارىنىڭ ءسۇت ساتۋداعى قيىنشىلىعى شەشىلدى.

  ”اۋلا شارۋاشىلىعىنا قوسىلاتىن قارجى از، پايداسى جوعارى“. ليۋ چيۋشىڭنىڭ ايتۋىنشا، 2018 - جىلدان بەرى قاراعاش قىستاعى ”3 وركەن ينجەنەرياسى“ن نەگىز ەتكەن اۋلا شارۋاشىلىعىن كۇش سالا دامىتتى، قىستاقتا تۇراتىن قىزمەت اترەتى قىستاق تۇرعىندارىنىڭ 1000 نەشە ءتۇپ جەمىس ورمانى اعاشىن وتىرعىزۋىنا، 20 مۋدان استام جەرگە ماۋسىمدىق كوكونىس ەگۋىنە، 3000 نەشە ءۇي قۇسىن باعۋىنا كومەكتەستى.

  قاراعاش قىستاعى التاي پويەز ۆوكزالىنا جاقىن، 2 جىلعا تاياۋ ۋاقىتتا قىستاقتا تۇراتىن قىزمەت اترەتى ساياحاتتىق قىزمەت وتەۋ، اسپازدىق جانە تازالىق ساقتاۋ سياقتىلار بويىنشا جالپى 34 كۋرس اشىپ، قىستاق تۇرعىندارىنان 2300 نەشە ادام - رەت باۋلىدى. باۋلۋدىڭ ارقاسىندا 58 ادام تۇراقتى جۇمىستاندى، 30 نەشە ادام تابىستى تۇردە شارۋاشىلىق قۇردى.

  ”پارتيانىڭ ابزال ساياساتىنىڭ ارقاسىندا ءبىز تاماشا تۇرمىسقا كەنەلدىك“، - دەدى قىستاق تۇرعىنى ليۋ زۇڭفۋ اسەرلى سەزىممەن.

   قىزمەت وتەۋدى ساپالىلاندىرۋدا ”ءبولۋ امالى“ن قولداندى

  ”بۇرىن قارىز اقشانى ءوتىنىش ەتۋدەن بەكىتۋگە دەيىن، اۋىلعا تالاي رەت بارۋشى ەدىم، قازىر قىستاق كوميتەتىنىڭ وزىندە راسميات بىتىرە الاتىن بولدىق“. 3 - ايدىڭ 27 - كۇنى قىستاق تۇرعىنى جاقان قانجارقان ۇلى ءسۇتتى سيىر ساتىپ الۋ ءۇشىن 50 مىڭ يۋان قارىز اقشا الۋعا ءوتىنىش ەتۋ راسمياتتارىن قىستاق كوميتەتىندە ءساتتى ءبىتىردى.

  قىستاق تۇرعىندارىنىڭ ءىس بىتىرۋىنە اناعۇرلىم قولايلىلىق جاساۋ ءۇشىن، قىستاقتا تۇراتىن قىزمەت اترەتى كوپ تاراۋلارمەن ۇشتاسىپ، سايكەسىپ، اۋىل شارۋاشىلىعىنا قاتىستى تاراۋلاردىڭ فۋنكتسياسىن تومەنگە ويىستىرۋدى، فينانستىق قىزمەت وتەۋدى قىستاقتارعا كەڭەيتۋدى ءوتىنىش ەتىپ، قىستاق دارەجەلى شەپتە ”شوعىرلى قىزمەت وتەۋ“دى قالىپتاستىرىپ، ”جاي ىستەردى دەرەۋ ءبىتىرۋ، كەلەلى ىستەردى سوڭىنان ءتۇسىپ ءبىتىرۋ، قيىن ىستەردى ءبىر تۇتاس ءبىتىرۋ“ پرينسيبى بويىنشا بۇقارانىڭ ”ەڭ كوپ بولعاندا ءبىر رەت بارۋىنا“ مۇمكىندىك جاسادى. مۇنان سىرت، قىستاقتا تۇراتىن قىزمەت اترەتى قىستاق ”ەكى كوميتەتى“مەن بىرلەسىپ جۇمىس جۇرگىزۋ جانە ۋاكىلەتتى ءبىتىرۋ ءتۇزىمىن كەمەلدەندىرىپ، ءتۇرلى كاسىپتىك جۇمىستاردى ءبىتىرۋ ءتارتىبى، سونداي - اق ناقتى جاۋاپتى ادامداردىڭ بايلانىس تەلەفون ءنومىرى سياقتىلاردى تۇتاس قىستاق تۇرعىندارىنا تاراتىپ بەردى.

   قازىرگى تاڭدا، قىستاق تۇرعىندارى قىستاقتان اتتاپ شىقپاي - اق اۋىل شارۋاشىلىعىنا قاتىستى قارىز اقشا الۋ، اۋىل شارۋاشىلىق قامسىزداندىرۋىن ءبىتىرۋ، شارۋالارعا تيىمدىلىك جاساۋ قوسىمشا قاراجاتىن الۋ، سونداي - اق قيىنشىلىعى بارلارعا كومەكتەسۋ، ەمدەۋ - قۇتقارۋ جانە سالماقتى ناۋقاستارعا كومەكتەسۋ بويىنشا ءوتىنىش بەرۋ سياقتى 20 نەشە كاسىپتى بىتىرە الاتىن بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى