تيانشان تورابى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى، مەملەكەتتىك كەڭەس كەڭسەسى «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن زور كۇشپەن دامىتۋ جونىندەگى پىكىر»دى باسىپ تاراتتى

  شينحۋا اگەنتتىگىنىڭ 3 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ كەڭسەسى، مەملەكەتتىك كەڭەس كەڭسەسى «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن زور كۇشپەن دامىتۋ جونىندەگى پىكىر»دى باسىپ تاراتتى ءارى حابارلاندىرۋ شىعارىپ وڭىرلەردەن، تاراۋلاردان ءىس جۇزىندىكپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن زور كۇشپەن دامىتۋ جونىندەگى پىكىر»دىڭ تولىق مازمۇنى تومەندەگىدەي:

  2022 - جىلعى بەيجيڭ قىسقى وليمپياداسى ەلىمىزدىڭ ماڭىزدى تاريحي كەزەڭىندەگى كەلەلى نىشاندىق قيمىل. قىسقى وليمپيادانىڭ ءساتتى وتكىزىلۋى قار - مۇز سپورتىنىڭ قارىشتاپ دامۋىنان ايرىلا المايدى. جۋىرداعى جىلداردان بەرى، ەلىمىز قار - مۇز سپورتىن جالپىلاستىرۋ جاعىندا كوپتەگەن ناتيجەلەرگە قول جەتكىزدى، الايدا دۇنيە جۇزىندەگى قار - مۇز سپورتىنداعى قۋاتتى ەلدەرمەن سالىستىرعاندا ءالى دە باسەكەلىك دەڭگەيى جوعارى بولماۋ، بۇقارانىڭ ات سالىسۋ اياسى كەڭ بولماۋ، كاسىپتىڭ نەگىزى ءالسىز بولۋ سياقتى ماسەلەلەر ءومىر سۇرۋدە، دامىتۋ مىندەتى جاپالى دا اۋىر. بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتتەرىن جاقسى ىستەپ، قار - مۇز سپورتىن زور كۇشپەن دامىتۋ ءۇشىن، تومەندەگى پىكىر العا قويىلدى.

  ءبىرىنشى، جالپى تۇلعالىق تالاپتار

  (1) جەتەكشى يدەيا. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمدارىن بەرىك ورناتىپ، ءتۇزىلىس - مەحانيزمدە جاڭالىق اشىپ، دايىندىق مىندەتتەرىن ايقىنداپ، قار - مۇز سپورتىن جالپىلاستىرىپ، قار - مۇز كاسىبىن دامىتىپ، شارت - جاعدايدى قامتاماسىزداندىرۋدى تياناقتاندىرىپ، ەلىمىزدىڭ قار - مۇز سپورتىنىڭ شارىقتاپ دامۋىن قۇلشىنا جۇزەگە اسىرۋ.

  (2) نەگىزگى پرينسيپ

  − پارتيانىڭ باسشىلىعىنا تاباندى بولۋ. پارتيانىڭ جالپى جاعدايدى تەگىس يگەرەتىن، ءار جاقتاردى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيانىڭ قار - مۇز سپورتىن دامىتۋ قىزمەتىنە باسشىلىعىن جاپپاي كۇشەيتىپ، دامىتۋدىڭ دۇرىس بەتالىسىن مىقتاپ يگەرىپ، پارتيا قۇرىلىسىن قىزمەتتىڭ جالپى بارىسىنا ءسىڭىرۋ.

  − رەفورما جاساۋعا، جاڭالىق اشۋعا تاباندى بولۋ. رەفورمانىڭ اياق الىسىن جەدەلدەتىپ، دامۋ ۇستانىمىن جاڭالاپ، ۇكىمەت فۋنكتسياسىنا بۇرىلىس جاساپ، قىزمەت وتەۋ تاسىلىنە جاڭالىق ەنگىزىپ، تاماشا ورتا قالىپتاستىرىپ، جوعارى مەن تومەن ۇلاسقان، جان - جاقتى بايلانىس جاسايتىن، اينالىمى ۇتىمدى، تۇتاس قوعام بىرگە ات سالىساتىن قار - مۇز سپورتىن دامىتۋ جاعدايىن ورناتۋ.

  − ماسەلەنى باعدار ەتۋگە تاباندى بولۋ. كورنەكتى ماسەلەلەردى ءدال تاۋىپ، ءالسىز بۋىنداردى تولىقتاپ، كۇشەيتىپ، نىسانا - تالاپتى ايقىنداپ، قىزمەت ءتاسىلىن جاقسارتىپ، كۇشتى شوعىرلاندىرىپ قامال الىپ، ءبىر ءتۇر - ءبىر تۇردەن ناتيجە شىعارىپ، قار - مۇز سپورتىنىڭ دامۋىنا تۇساۋ بولاتىن كەدەرگىلەردى، قيىن ماسەلەلەردى ۇتىمدى شەشۋ.

  − ءبىر تۇتاس جوسپارلاپ ىلگەرىلەتۋگە تاباندى بولۋ. كوز الداعىعا ءمان بەرىپ، ۇزاق ۋاقىتتى قاتار ويلاستىرىپ، جەر جاعدايىنا قاراي ءىس ىستەپ، سايكەستىرۋدى ءبىر تۇتاس جوسپارلاپ، قار - مۇز سپورتىن دامىتۋ ورەسىن جاپپاي جوعارىلاتۋ.

  (3) باستى نىسانا. 2022 - جىلعا جەتكەندە، ەلىمىزدىڭ قار - مۇز سپورتىنىڭ جالپى تۇلعالىق دامۋىن اناعۇرلىم تەپە - تەڭ ەتىپ، جالپىلاسۋ دارەجەسىن كورنەكتى جوعارىلاتىپ، قاتىناساتىن ادام سانىن زور مولشەردە ارتتىرىپ، قار - مۇز سپورتىنىڭ ىقپال كۇشىن اناعۇرلىم كەڭەيتۋگە؛ قار - مۇز سپورتىنداعى باسەكەلىك دەڭگەيدى كورنەكتى جوعارىلاتىپ، 2022 - جىلعى بەيجيڭ قىسقى وليمپياداسىندا تۇتاس تۇرلەر بويىنشا جارىسقا قاتىناسۋدى جۇزەگە اسىرىپ، مۇزداعى جارىس تۇرلەرىنىڭ ورەسىن جوعارىلاتىپ، قارداعى جارىس تۇرلەرىندە ناتيجە شىعارىپ، ەلىمىزدىڭ قىسقى وليمپياداعا قاتىناسۋ تاريحىنداعى ەڭ جاقسى ناتيجەگە قول جەتكىزۋگە؛ قار - مۇز كاسىبىن قارىشتاتا دامىتىپ، كاسىپتىڭ كولەمىن كورنەكتى كەڭەيتىپ، قۇرىلىمدى ۇزدىكسىز ساپالىلاندىرىپ، كاسىپ تىزبەگىن بارعان سايىن كەمەلدەندىرۋگە كۇش سالۋ.

  ەكىنشى، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتتەرىن بار كۇشپەن ىلگەرىلەتۋ

  (4) دايىندىق ءتۇزىلىسى رەفورماسىن تەرەڭدەتۋ. بۇكىل ەل سيپاتىندىق جەكە تۇردەگى قار - مۇز سپورتى قوعامىنىڭ رەفورماسىن ىلگەرىلەتىپ، قوعامنىڭ رولىن ءتىپتى دە جاقسى ساۋلەلەندىرۋ. سالا اتتاپ، ءتۇر اتتاپ دارىندى تاڭداۋ جۇرگىزىپ، قار - مۇز سپورت تۇرلەرى مەن باسقا سپورت تۇرلەرىنىڭ زاپاس دارىندىلارىن جەتىلدىرۋ ارناسىن اشۋ. مەملەكەتتىك قۇرامانى الۋان تۇرمەن ۇيىمداستىرىپ قۇرۋ ۇلگىسىندە ىزدەنىس جاساپ، مەملەكەتتىك قۇرامانى جاتتىقتىرۋ جانە باسقارۋ ءتۇزىلىسى رەفورماسىن تەرەڭدەتىپ، تەگىس باسقارىپ، اشىق، جاريا، باسەكەلى، ءتارتىپتى ىرىكتەۋ جۇمىس ءتارتىبىن كەمەلدەندىرىپ، دايىندىق قىزمەتىنىڭ ونىمدىلىگىن جوعارىلاتۋ. قار - مۇز جارىس ىستەرىن باسقارۋ تۇزىلىسىنە رەفورما جاساپ، كەشەندى سپورت جينالىسىنىڭ باعدارلىق رولىن ويداعىداي ساۋلەلەندىرىپ، ارميا مەن جەرگىلىكتى ورىنداردى دايىندىققا ات سالىسۋداعى، قار - مۇز سپورتىن دامىتۋداعى بەلسەندىلىگىن جۇمىلدىرۋ.

  (5) دايىندىق قامتاماسىزدىعى قىزمەتىن كۇشەيتۋ. ”عىلىم - تەحنيكا قىسقى وليمپيادا“سىندا تۇيىننەن قامال الۋدى زور كۇشپەن ىلگەرىلەتىپ، بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ جاتتىعۋ، دايىندىق جابدىقتارىن جانە قۇرىلىس ينجەنەرياسىن ساتىپ الۋدىڭ ”جاسىل ارناسى“ن اشۋدى ىلگەرىلەتىپ، ساتىپ الۋ ءتارتىبىن ساپالىلاندىرىپ، ساتىپ الۋ ونىمدىلىگىن جوعارىلاتىپ، ەمدەۋ، ساۋىقتىرۋ، باسەكەلىك تاكتيكاعا جاتتىقتىرۋ، ماتەريال - جابدىق سياقتى جاقتارداعى دايىندىق ورەسىن جوعارىلاتۋ. شارت - جاعدايى بار جەرلەردىڭ جاتتىقتىرۋ قامتاماسىزدىق مىندەتىن ارقالاۋىنا قولداۋ كورسەتىپ، مەملەكەت قۇراماسىنىڭ جاتتىعۋ الاڭى قۇرىلعى قۇرىلىسىن كۇشەيتىپ، جان - جاقتى جاتتىعۋعا قامتاماسىزدىق ەتۋ قوسىنىن جەدەل قۇرۋ. مەملەكەت قۇراماسىنىڭ يدەيالىق - ساياسي قىزمەتىن ىشكەرىلەي، مۇقيات جاقسى ىستەپ، وتانشىلدىق، كوللەكتيۆشىلدىك، سوتسياليزم تاربيەسىن كۇشەيتىپ، قالىڭ سپورتشىلاردىڭ، جاتتىقتىرۋشىلاردىڭ بورىش سەزىمىن، جاۋاپكەرشىلىك سەزىمىن، داڭق سەزىمىن شىن مانىندە كۇشەيتۋ. ىنتالاندىرۋ مەحانيزمىن كەمەلدەندىرىپ، قار - مۇز سپورتىنىڭ ەرەكشەلىگىنە ۇيلەسەتىن سپورتشىلار مادەنيەت تاربيەسى جانە قوسىننان شەگىنگەندەردى ورنالاستىرۋ سياقتى جاقتارداعى ساياساتتاردى زەرتتەپ جاساپ، سپورتشىلاردىڭ، جاتتىقتىرۋشىلاردىڭ جانە قاتىستى قىزمەتكەرلەردىڭ مامىلەسىن قامتاماسىز ەتىپ، قالىڭ سپورتشىلاردىڭ، جاتتىقتىرۋشىلاردىڭ، سونداي - اق قاتىستى قىزمەتكەرلەردىڭ دايىندىق بەلسەندىلىگىن تولىق جۇمىلدىرىپ، ولاردى ۋايىمنان ارىلتۋ.

  (6) حالىقارالىق اۋىس - ءتۇيىستى، سەلبەستىكتى جيىلەتۋ. حالىقارالىق وليمپيادا كوميتەتىمەن، حالىقارالىق مۇگەدەكتەر وليمپيادا كوميتەتىمەن، قار - مۇز سپورتى حالىقارالىق ۇيىمدارىمەن، قار - مۇز سپورتىنداعى قۋاتتى ەلدەردىڭ دەنە تاربيە تاراۋلارىمەن سەلبەستىكتى، اۋىس - ءتۇيىستى كۇشەيتۋ. حالىقارالىق قار - مۇز سپورتى دامۋىنىڭ بەتالىسىن يگەرىپ، جارىس ىستەرى ەرەجەلەرى مەن بەلگىلەمەلەرىنە زەرتتەۋ جۇرگىزىپ، سپورتشىلاردى شەتەلدەگى جوعارى دەڭگەيلى قار - مۇز سپورتى بازالارىنا بارىپ جاتتىعۋعا جانە ءتۇرلى قار - مۇز سپورتتارىنىڭ جەكە تۇردەگى حالىقارالىق جارىستارىنا قاتىناسۋعا تارتىپپەن ۇيىمداستىرۋ، شەتەلدىك تاڭداۋلى سپورتشىلاردى، جاتتىقتىرۋشىلاردى جۇڭگوعا كەلىپ جارىسقا قاتىناسۋعا، جاتتىقتىرۋ جۇرگىزۋگە ۇسىنىس ەتۋ. قار - مۇز سپورتىنىڭ حالىقارالىق دارەجەدەگى تورەشىلەرى مەن تيجارات جۇرگىزۋدى باسقارۋى حالىقارالانعان دارىندىلاردى زور كۇشپەن جەتىلدىرۋ.

  (7) جارىس ستيلى، جارىس ءتارتىبى تالاپتارىن قاتايتۋ. ساياسي جاۋاپكەرشىلىكتى كۇشەيتىپ، ەڭ زور بەكىممەن، ەڭ قاتاڭ شارامەن جارىس ستيلىن، جارىس ءتارتىبىن جانە قوزدىرعىش دارىلەرگە قارسى تۇرۋ قىزمەت جاۋاپكەرشىلىگى ءتۇزىمىن باتىل تياناقتاندىرىپ، قوزدىرعىش دارىلەر ماسەلەسىنە نولدىك توزىمدىلىكتەن جازباي، بەيجيڭ قىسقى وليمپياداسىن، مۇگەدەكتەر قىسقى وليمپياداسىن قار - مۇز سياقتى كىرشىكسىز وتكىزۋ.

  ءۇشىنشى، بۇقارالىق قار - مۇز سپورتىن زور كۇشپەن جالپىلاستىرۋ

  (8) بۇقارالىق قار - مۇز ۇيىمدارىن اقاۋسىزداندىرۋ. ءار دارەجەلى دەنە تاربيە باس قوعامدارىنىڭ، قار - مۇز سپورتى قوعامدارىنىڭ جانە باسقا دا قوعامدىق ۇيىمداردىڭ رولىن تولىق ساۋلەلەندىرىپ، بۇقارانى قار - مۇز سپورتىنا قاتىناسۋعا ۇيىمداستىرۋ جانە جەتەكتەۋ. قار - مۇز سپورتىنداعى قوعامدىق دەنە تاربيە جەتەكشىلەرى قوسىنىن كەڭەيتىپ، قوعامدىق كۇشتەردىڭ قار - مۇز سپورتىنا باۋلۋ قۇرىلىمدارىن گۇلدەندىرۋىنە، قۇرۋىنا قولداۋ كورسەتۋ.

  (9) بۇقارالىق قار - مۇز سپورتى قۇرىلعىلارىن سالۋ. جەر - جەردىڭ جاراتىلىستىق ورتاسى، كليمات شارت - جاعدايى، قوعامدىق سۇرانىسى سياقتى فاكتورلارمەن ۇشتاستىرىپ، الەۋمەتتىك مۇزدا سىرعاناۋ سارايى، دالالىق مۇزدا سىرعاناۋ الاڭى، شاڭعى الاڭى، كەشەندى قار - مۇز سپورت ورتالىعى سياقتى الاڭ، ورىندار قۇرىلىسىن كۇشەيتۋىنە ءارى كەدەرگىسىزدىك قۇرىلعىلارىن سەپتەۋىنە قولداۋ كورسەتۋ. شارت - جاعدايى بار قالا باقشالارىندا نەمەسە باسقا دا قازىر بار قۇرىلعىلاردان، الاڭداردان پايدالانىپ قىس مەزگىلىندە دالالاردا ۋاقىتتىق بۇقارالىق قار - مۇز قۇرىلعىلارىن سالۋعا شابىتتاندىرۋ، حاۋىپسىزدىكتى قامتاماسىزداندىرۋدى تەڭ قاداممەن ويداعىداي ىستەۋ. قوعامدىق كۇشتەردىڭ قاتىستى ولشەمدەر مەن تالاپتارعا ساي ەرەكشەلىككە يە قار - مۇز سپورتى الاڭدارىن، سارايلارىن سالۋىنا قولداۋ كورسەتۋ.

  (10) بۇقارالىق قار - مۇز قيمىلدارىن بايىتۋ. قار - مۇز سپورتىن ورگاندارعا، مەكتەپتەرگە، قوسىندارعا، زاۆود - كەندەرگە، اۋىل - قىستاقتارعا، الەۋمەتتىك اۋماقتارعا، وتباسىلارىنا جەتكىزۋ سياقتى قيمىلداردى زور كۇشپەن ورىستەتىپ، جەرگىلىكتى ورىنداردى ءوز جەرىنىڭ تابيعاتى مەن گۋمانيتارلىق بايلىعىن سۇيەنىش ەتىپ، فورماسى ءار الۋان، بۇقارا ۇناتاتىن قار - مۇز دەنە شىنىقتىرۋ تۇرلەرىن دامىتۋعا، ۇلتتىق سالت - سانالىق قار - مۇز سپورتى تۇرلەرىن جالپىلاستىرۋعا شابىتتاندىرۋ. قوعامدىق كۇشتەردى كاسىپتەن سىرتقى قار - مۇز سپورتى جارىس تۇرلەرىن وتكىزۋگە بەلسەنە جەتەكتەپ، تاماشا بۇقارالىق قار - مۇز جارىس ىستەرىن كۇش سالا قالىپتاستىرۋعا كۇش سالۋ. قار - مۇز سپورتىن ”وڭتۇستىككە دامىتۋ، باتىسقا كەڭەيتۋ، شىعىسقا جەتكىزۋ“ ستراتەگياسىن ىشكەرىلەي جۇرگىزىپ، قار - مۇز سپورتىنىڭ ءتورت ماۋسىمعا كەڭەيۋىن ىلگەرىلەتىپ، 300 ميلليون ادامدى قار - مۇز سپورتىنا قاتىناسۋعا جەتەكتەۋ نىساناسىن قۇلشىنا جۇزەگە اسىرۋ.

  (11) قار - مۇز سپورتى ۇگىتىن كۇشەيتۋ. قار - مۇز سپورتى جونىندە ۇگىتتەۋدى، حابارلاۋدى بەلسەندىلىكپەن ورىستەتىپ، ءار دارەجەلى، ءار ءتۇرلى اقپارات قۇرالدارىنىڭ، اسىرەسە، جاڭا اقپارات قۇرالدارىنىڭ رولىن تولىق ساۋلەلەندىرىپ، قار - مۇز سپورتى باعدارلامالارى مەن ايدارلارىن جاقسى اشىپ، ءبىر توپ قار - مۇز سپورتى تاقىرىبىنداعى كينو - تەلەۆيزيا تۋىندىلارىن شىعارۋعا ۇيىمداستىرىپ، قار - مۇز سپورتى بىلىمدەرى، قار - مۇز جارىس ىستەرى قيمىلى جونىندەگى ۇگىتتى كۇشەيتىپ، قار - مۇز سپورتىنىڭ وڭ ەنەرگياسىن تاراتۋ.

  ءتورتىنشى، جاستار مەن ورەندەردىڭ قار - مۇز سپورتىن كەڭىنەن ورىستەتۋ

  (12) جاستار مەن ورەندەردىڭ قار - مۇز جارىستارىن وتكىزۋ. قار - مۇز سپورتىن تاقىرىپ ەتكەن قىستىق لاگەر قيمىلدارىن ورىستەتۋگە شابىتتاندىرىپ، قار - مۇز تۇرلەرىنىڭ U جەلىلەس جارىس ىستەرى جۇيەسىن ورناتىپ، اقاۋسىزداندىرىپ، بۇكىل ەلدىڭ جاستار مەن ورەندەر قار - مۇز جارىسىن ۇيىمداستىرۋ. جاستار مەن ورەندەردىڭ قار - مۇز سپورتىنا قاتىستى ۇيىمدىق قۇرىلىستى كۇشەيتىپ، جاستار مەن ورەندەردى قار - مۇز سپورتىنا قاتىناسۋعا اناعۇرلىم جاقسى باۋلۋ جانە ولارعا جەتەكشىلىك ەتۋ.

  (13) مەكتەپ قار - مۇز سپورتىن دامىتۋ. بۇكىل ەلدەگى ورتا، باستاۋىش مەكتەپتەردە قار - مۇز سپورتى بىلىمدەرى وقىتۋىن مەكتەپتەردىڭ دەنە تاربيە ساباعى وقىتۋىنىڭ مازمۇنىنا كىرگىزىپ، قار - مۇز سپورتى وقىتۋ جوسپارىن جاساۋ ءارى اتقارۋ. ورتا، باستاۋىش مەكتەپتەردى قولدانۋ حاۋىپسىزدىك كوەففيتسەنتى جوعارى، جاتتىقتىرۋ ونىمدىلىگى جاقسى جالپىلاستىرۋ سيپاتتى قار - مۇز جابدىقتارىن ساتىپ الىپ، قار - مۇز الاڭ - سارايلارىمەن جانە قار - مۇز كلۋبتارىمەن سەلبەستىك جاساپ، جاستار مەن ورەندەردىڭ قار - مۇز سپورتىن جالپىلاستىرۋعا، دامىتۋعا شابىتتاندىرۋ. جوعارى مەكتەپتەردى جوعارى ورەلى قار - مۇز سپورت قۇراماسىن قۇرۋعا شابىتتاندىرىپ، ”قار - مۇز سپورتىنداعى ەرەكشە مەكتەپ + قىسقى وليمپيادا تاربيەسىنەن ۇلگى كورسەتەتىن مەكتەپ + جوعارى مەكتەپتەردىڭ جوعارى ورەلى قار - مۇز سپورتى قۇراماسى + قار - مۇز سپورتىنىڭ سىناق ءتۇيىنى اۋدانى (رايون)“ سايكەستى ىلگەرىلەتىلەتىن مەكتەپ قار - مۇز سپورتىنىڭ جاڭا جاعدايىن قالىپتاستىرۋ. قار - مۇز سپورتىنىڭ زاپاس دارىندىلارىن جەتىلدىرۋ جوسپارىن جاساپ، مەكتەپتەردى، كاسىپورىنداردى، قوعامدىق ۇيىمداردى قار - مۇز سپورتى زاپاس دارىندىلارى قوسىنى قۇرىلىسىنا بىرگە ات سالىسۋعا بەلسەنە جەتەكتەپ، كوپ نەگىزدى باۋلۋ ۇلگىسىن قالىپتاستىرۋ.

  بەسىنشى، قار - مۇز كاسىپتەرىن جەدەل دامىتۋ

  (14) بازار تۇلعالارىن بەلسەنە جەتىلدىرۋ. ماركا ستراتەگياسىن اتقارىپ، كاسىپ كولەمى ءبىرشاما زور ءبىر توپ قار - مۇز كاسىپ شوعىرى رايونىن قۇرۋدى ىلگەرىلەتىپ، ءبىرشاما جوعارى تانىمالدىققا جانە ىقپال كۇشىنە يە، بازارداعى باسەكەلىك قۋاتى ءبىرشاما كۇشتى ءبىر توپ قار - مۇز كاسىبى كاسىپورىندارىن دامىتىپ، ءبىر توپ امبەباپ قار - مۇز ساياحاتى بازالارى مەن قار - مۇز سپورتى ورتالىقتارىن گۇلدەندىرۋ، سالۋ.

  (15) قار - مۇز كاسىپ قۇرىلىمىن جاقسارتۋ. قار - مۇز دەنە شىنىقتىرۋ، سەيىل - سەرۋەن كاسىبىن جەدەل دامىتىپ، قار - مۇز ساياحاتى كاسىبىنىڭ دامۋىن ىلگەرىلەتىپ، قار - مۇز كاسىبى مەن قاتىستى كاسىپتەردىڭ تەرەڭدەي توعىسۋىن جەبەپ، كوپ تۇرلىلەنگەن ونىممەن جانە قىزمەت وتەۋمەن قامتاماسىز ەتۋ. قار - مۇز جابدىقتارىن جاساۋ كاسىبىندە جاڭالىق اشىپ جانە ونى دامىتىپ، قار - مۇز جابدىقتارى، ماتەريالدارى كاسىبىن دامىتۋ ارەكەت جوسپارىن جاساپ، قار - مۇز جابدىقتارى، ماتەريالدارى كاسىبىن دامىتۋ تۇعىرىن ورناتىپ، كاسىپ تىزبەگىنىڭ جوعارى - تومەنگى سۇرانىسپەن ءتۇيىلىسۋىن، بايلىقتى بىرىكتىرۋدى جەبەۋ. كاسىپورىنداردىڭ عىلىم - تەحنيكالىق قۇرامى جوعارى، دەربەس ءبىلىم مەنشىگى ۇقىعىنا يە قار - مۇز سپورتى ونىمدەرىن اشۋىنا قولداۋ كورسەتۋ.

  (16) قار - مۇز جارىسى، ونەر كورسەتۋ بازارىن كەڭەيتۋ. قار - مۇز سپورتىنىڭ حالىقارالىق جوعارى دەڭگەيدەگى ماماندانعان جارىس ىستەرىن وتكىزۋدى تارتىپپەن ءوتىنىش ەتۋ جانە وتكىزۋ. مانەرلەپ سىرعاناۋ، شايبالى حوككەي، كەرلينگ، سنوۋبورد جانە قىسقا ارالىقتا تەز سىرعاناۋ سياقتى تاماشالاۋ سيپاتى كۇشتى قار - مۇز سپورتتارىن توڭىرەكتەي وتىرىپ، قوعامدىق كۇشتەردىڭ تاماشا جارىس ىستەرى مەن قيمىلدارىن قالىپتاستىرۋىنا قولداۋ كورسەتۋ. اسقىن جوعارى تۇنىقتىقتاعى كەسكىن، ۆيرتۋالدىق - رەالدىق سياقتى جاڭا تەحنيكا تاسىلدەرىنىڭ قار - مۇز جارىستارىن تىكە تاراتۋدا جانە جالعاپ تاراتۋدا قولدانىلۋىنا، قاتىستى كاسىپتەردىڭ دامۋىن، ۇلعايۋىن جەبەۋىنە قولداۋ كورسەتۋ.

  التىنشى، ۇيىمداستىرۋدى، اتقارۋدى كۇشەيتۋ

  (17) ۇيىمدىق باسشىلىقتى كۇشەيتۋ. ءار دارەجەلى پارتكومدار مەن ۇكىمەتتەر بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتتەرىنە وسكەلەڭ ءمان بەرىپ، دايىندىق جۇيەسىمەن ىرىقتى تۇردە توعىسىپ، بۇكىل ەل ءتۇزىلىسى مەن بازار مەحانيزمىن ۇشتاستىرۋعا تاباندى بولىپ، قىزمەت بىرىككەن كۇشىن قالىپتاستىرۋ. دايىندىق مىندەتى اۋىر وڭىرلەر ارنايى ۋاقىتتىق دايىندىق قىزمەت قۇرىلىمىن قۇرىپ، ارناۋلى قىزمەتكەرلەر سەپتەۋ كەرەك. شارت - جاعدايى بار جەرلەر قار - مۇز سپورتىن دامىتۋدى ءوز ءوڭىرىنىڭ ەكونوميكاسىن، قوعامىن دامىتۋداعى ماڭىزدى كەڭەستىك كۇن تارتىبىنە ەنگىزىپ، قار - مۇز سپورتى دارىندىلارىن جەتىلدىرۋ، الاڭ قۇرىلعى قۇرىلىسى، زاتتىق بايلىق قامتاماسىزدىعى، عىلىم - تەحنيكا ارقىلى دەم بەرۋ، دالادا جاتتىقتىرۋ، جارىسقا قاتىناسۋ، زاڭدىق قىزمەت وتەۋ سياقتى جاقتاردا دەنە تاربيە تاراۋلارىنىڭ، مۇگەدەكتەر بىرلەستىكتەرىنىڭ قىزمەت ورىستەتۋىنە ءتيىمدى شارت - جاعداي جاراتۋ.

  (18) تاراۋلاردىڭ بىرلەسىپ ارەكەت جاساۋىن كۇشەيتۋ. قاتىستى تاراۋلار ءبىر تۇتاس جوسپارلاپ سايكەستىرۋدى كۇشەيتىپ، جاعداي جونىندە دەر كەزىندە بايلانىس جاساپ، تىعىز سەلبەسۋ، سايكەسۋ كەرەك. دەنە تاربيە باس مەكەمەسى قاتىستى تاراۋلارمەن بىرگە وسى پىكىردى تياناقتاندىرۋ جاعدايىنا باقىلاۋ - تەكسەرۋ جانە سوڭىنا ءتۇسىپ تالداۋ جاساۋ جۇرگىزىپ، قار - مۇز سپورتىن دامىتۋداعى ءتۇرلى ساياسات - شارالاردى ۇزدىكسىز ىلگەرىلەتۋ جونىندە زەرتتەۋ جۇرگىزىپ، ەلەۋلى ىستەردى دەر كەزىندە پارتيا ورتالىق كوميتەتىنە، مەملەكەتتىك كەڭەسكە مالىمدەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى