تيانشان تورى
تيانشان تورى   ›   جاڭالىقتار   ›   ماڭىزدى حابارلار

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

  جۇڭگوشا سوتسياليزمگە تاباندى بولۋ جانە ونى دامىتۋ جونىندەگى بىرنەشە ماسەلە

  شينحۋا اگەنتتىگىنىڭ 3 - ايدىڭ 31 - كۇنى بەيجيڭنەن بەرگەن حابارى. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگوشا سوتسياليزمگە تاباندى بولۋ جانە ونى دامىتۋ جونىندەگى بىرنەشە ماسەلە» اتتى ماڭىزدى ماقالاسى جاريالانادى.

  ماقالادا مىنالار باسا دارىپتەلدى: جول ماسەلەسى پارتيا ىستەرىنىڭ گۇلدەنۋى مەن قۇلدىراۋىنا، جەڭىسى مەن جەڭىلىسىنە قاتىستى ءبىرىنشى ورىنداعى ماسەلە، جول − پارتيانىڭ جانى. جۇڭگوشا سوتسياليزم − عىلمي سوتسياليزم نازارياسى لوگيكاسى مەن جۇڭگونىڭ قوعامدىق دامۋ تاريحى لوگيكاسىنىڭ ديالەكتيكالىق بىرلىگى، جۇڭگو توپىراعىندا تەرەڭ تامىر تارتقان، جۇڭگو حالقىنىڭ تىلەگىن بەينەلەيتىن، جۇڭگونىڭ جانە ءداۋىردىڭ دامۋ، العا باسۋ تالابىنا ۇيلەسەتىن عىلمي سوتسياليزم، جاپپاي دوڭگەلەك داۋلەتتى قوعام ورناتۋدا، سوتسياليستىك وسىزامانداندىرۋدى جەدەل ىلگەرىلەتۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول.

  ماقالادا مىنالار اتاپ كورسەتىلدى: جۇڭگوشا سوتسياليزم − سوتسياليزم، ول باسقا پالەندەي يزم ەمەس، عىلمي سوتسياليزمنىڭ نەگىزگى پرينسيبىن جوعالتۋعا بولمايدى، ول جوعالسا سوتسياليزم بولمايدى. ءبىر مەملەكەتتىڭ نەندەي يزم اتقارۋىندا ءتۇيىندىسى وسى يزمنىڭ بۇل مەملەكەت ءدوپ كەلگەن تاريحي تاقىرىپتاردى شەشە الاتىن - المايتىندىعىنا قاراۋ كەرەك. تاريح پەن رەالدىق بىزگە تەك سوتسياليزمنىڭ عانا جۇڭگونى قۇتقارا الاتىندىعىن، تەك جۇڭگوشا سوتسياليزمنىڭ عانا جۇڭگونى دامىتا الاتىندىعىن ۇعىندىردى، بۇل تاريحتىڭ قورىتىندىسى، حالىقتىڭ تالعامى.

  ماقالادا مىنالار اتاپ كورسەتىلدى: پارتيامىز حالىققا باسشىلىق ەتىپ سوتسياليستىك قۇرىلىس جۇرگىزدى، مۇنىڭ رەفورما جاساۋدان، ەسىك اشۋدان بۇرىنعى جانە رەفورما جاساۋدان، ەسىك اشۋدان كەيىنگى ەكى تاريحي كەزەڭى بار، بۇل ءوزارا بايلانىستى ءارى زور پارقى بار ەكى كەزەڭ، الايدا ماندىك جاقتان العاندا ءبارى دە پارتيامىزدىڭ حالىققا باسشىلىق ەتىپ سوتسياليستىك قۇرىلىس جۇرگىزۋىنىڭ امالياتتىق ىزدەنىسى. جۇڭگوشا سوتسياليزم رەفورما جاساۋدىڭ، ەسىك اشۋدىڭ تاريحي جاڭا كەزەڭىندە بارلىققا كەلدى، دەسەدە جاڭا جۇڭگودا سوتسياليزم نەگىزگى ءتۇزىمى الدەقاشان ورناعان ءارى 20 نەشە جىل قۇرىلىس جۇرگىزگەن نەگىزدە بارلىققا كەلدى. وسى ەكى تاريحي كەزەڭنىڭ سوتسياليستىك قۇرىلىس جۇرگىزۋدەگى يدەيالىق جەتەكشىلىگىندە، باعىت - ساياساتتارىندا، ءىس جۇزىندىك قىزمەتتەرىندە ەرەكشە زور پارىق بولعانىمەن، الايدا ەكەۋى استە ءبىر - بىرىنەن بولەك ەمەس، ءتىپتى تۇبىرىنەن قاراما - قارسى دا ەمەس. رەفورما جاساۋدان، ەسىك اشۋدان كەيىنگى تاريحي كەزەڭ ارقىلى رەفورما جاساۋدان، ەسىك اشۋدان بۇرىنعى تاريحي كەزەڭدى تەرىستەۋگە بولمايدى، رەفورما جاساۋدان، ەسىك اشۋدان بۇرىنعى تاريحي كەزەڭ ارقىلى رەفورما جاساۋدان، ەسىك اشۋدان كەيىنگى تاريحي كەزەڭدى تەرىستەۋگە دە بولمايدى.

  ماقالادا مىنالار اتاپ كورسەتىلدى: ماركسيزم، ءسوزسىز، ءداۋىردىڭ، امالياتتىڭ جانە عىلىمنىڭ دامۋىنا ساي ۇزدىكسىز دامىپ وتىرادى، ءبىر قالىپتان وزگەرمەۋى مۇمكىن ەمەس، سوتسياليزم قاشاندا ءورىس اشۋ بارىسىندا العا ىلگەرىلەپ وتىرادى. ماركسيزمگە تاباندى بولۋدا، سوتسياليزمگە تاباندى بولۋدا، ءسوز جوق، دامۋ كوزقاراسى بولۋ كەرەك. بۇكىل پارتياداعى جولداستار، ەڭ الدىمەن ءار دارەجەلى باسشى كادرلار، ءسوزسىز، ماركسيزمنىڭ دامۋ كوزقاراسىنا تاباندى بولۋ، دۇنيە ءجۇزى جاعدايىنىڭ، مەملەكەت جاعدايىنىڭ، پارتيا جاعدايىنىڭ وزگەرگەن - وزگەرمەگەندىگىن ايقىن تانۋ، رەفورما جاساۋدى، ەسىك اشۋدى ۇزدىكسىز تەرەڭدەتۋ، نازاريالىق جاڭالىق اشۋدى، امالياتتىق جاڭالىق اشۋدى، تۇزىمدىك جاڭالىق اشۋدى ۇزدىكسىز ىلگەرىلەتۋ كەرەك.

  ماقالادا مىنالار باسا دارىپتەلدى: پارتيامىز باستان - اياق كوممۋنيزم ۇلى مۇراتىنان جازبايدى، كوممۋنيستىك پارتيا مۇشەلەرى، اسىرەسە، پارتيالى باسشى كادرلار كوممۋنيزم ۇلى مۇراتىنا جانە جۇڭگوشا سوتسياليزم ورتاق مۇراتىنا مىزعىماس سەنۋشى جانە ونى ادالدىقپەن امالياتتا ايگىلەۋشى بولۋ كەرەك. ءبىر كوممۋنيستىك پارتيا مۇشەسىنىڭ، ءبىر باسشى كادردىڭ كوممۋنيزم ۇلى مۇراتىن ورناتقان - ورناتپاعاندىعىن ولشەۋدىڭ وبيەكتيۆ ولشەمى بار، ەندەشە ونىڭ بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا تاباندى بولعان - بولماعاندىعىنا، جاپادا الدا، راقاتتا ارتتا بولعان - بولماعاندىعىنا، قاجىرلىلىقپەن قىزمەت ىستەگەن - ىستەمەگەندىگىنە، كىرشىكسىز دە كوپشىل بولعان - بولماعاندىعىنا، مۇراتى ءۇشىن باسىن ءباي تىگىپ شايقاسقان - شايقاسپاعاندىعىنا، كۇرەس جۇرگىزگەن - جۇرگىزبەگەندىگىنە، ءوزىنىڭ بارلىق زەيىن - زەردەسىن، اۋەلى، ءومىرىن ارناعان - ارناماعاندىعىنا قاراۋ كەرەك. داعدارىپ، ءارى - ءسارى بولاتىن كوزقاراس، ءساتى كەلسە سايران قۇراتىن يدەيا، جەكە مۇددەنى كوزدەيتىن ارەكەت، ەشتەڭە تىندىرا المايتىن ستيل اتاۋلىنىڭ ءبارى بۇعان ۇيلەسپەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.