شينحۋا اگەنتتىگىنىڭ 3 - ايدىڭ 31 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 31 - كۇنى اراب ەلدەرى وداعى باسشىلارى القالار كەڭەسى ءماجىلىسىنىڭ كەزەكتى ءتوراعاسى، تۋنيستىڭ زۇڭتۇڭى ەلسەبسيگە تەلەگرامما جولداپ، 30 - كەزەكتى اراب ەلدەرى وداعى باسشىلارى القالار كەڭەسى ءماجىلىسىنىڭ تۋنيس قالاسىندا اشىلعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: اراب ەلدەرى وداعى ورتا شىعىس رايونىنىڭ بەيبىتشىلىگىن، ورنىقتىلىعىن، دامۋىن ىلگەرىلەتۋگە كۇش سالىپ، قولامتالى ماسەلەلەردى ساياسي جولمەن شەشۋدى بەلسەنە دارىپتەپ، اراب دۇنيەسىنىڭ بىرلەسىپ ءوزىن الۋەتتەندىرۋىن جۇزەگە اسىرۋى ءۇشىن قاجىماي قۇلشىنىس جاسادى، مەن مۇنى القايمىن.
شي جينپيڭ بىلاي دەپ باسا دارىپتەدى: جۇڭگو مەن اراب ەلدەرىنىڭ تىعىز ءداستۇرلى دوستىعى بار. وتكەن جىلى 7 - ايدا جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى بەيجيڭدە ءساتتى اشىلىپ، جۇڭگو - اراب ەلدەرى جالپى بەتتىك سەلبەستىك جاساسقان، بىرگە دامىعان، بولاشاققا بەت العان ستراتەگيالىق سەرىكتەستىك قارىم - قاتىناس ورناتۋعا ءبىر اۋىزدان قوسىلدى. بۇل − جۇڭگو - اراب ەلدەرى دوستىق سەلبەستىگىنىڭ جاڭا تاريحي باستاماسى. جۇڭگو جاق اراب ەلدەرىمەن قول ۇستاسا قۇلشىنىپ، ستراتەگيالىق ءوزارا سەنىمدىلىكتى ارتتىرىپ، ناقتى ىستەر سەلبەستىگىن ىلگەرىلەتىپ، گۋمانيتارلىق اۋىس - ءتۇيىستى جيىلەتىپ، جۇڭگو - اراب ەلدەرىنىڭ سەلبەسە ”ءبىر بەلدەۋ، ءبىر جول“دى بىرگە قۇرۋ ارەكەت جارناماسىن تياناقتاندىرىپ، جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىنىڭ مۇنان دا كوركەم بولاشاعىن بىرگە اشىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋدى قالايدى.
