ءتىلشى جاۋ شييا
”بالام، تاۋىرلەنىپ قالدىڭ با؟ قايناعان سۋدى كوبىرەك ءىش، دارىلەرىڭدى ۋاعىندا ىشە عوي!“ 3 - ايدىڭ 29 - كۇنى ساعات 21 بولعاندا، ءبىر كۇندىك وقىتۋ قىزمەتىنىڭ قاربالاستىعىن تامامداعان شينجياڭ جەڭىل ونەركاسىپ كاسىپتىك تەحنيكا شۋەيۋانىنىڭ وقىتۋشىسى گۇلگينا 322 - ءنومىرلى ۇلدار جاتاعىنا بارىپ، تۇماۋراتىپ جاتقان وقۋشىسى جاڭ رۇيدىڭ كوڭىلىن سۇراپ، وعان دەنساۋلىعىنا كوڭىل ءبولۋدى قاداعالادى.
”گۇلگينا مۇعالىمنىڭ ءۇيى مەكتەپتەن نەداۋىر الىس، ءوز بالالارىنا دا قارايلاسۋى قاجەت، ءبىراق ول ۇنەمى بىزگە كوڭىل ءبولۋدى ۇمىتپايدى، بەينە شەشەمىز سياقتى“، - دەدى وسى شۋەيۋاننىڭ حيميا ونەركاسىپ كاسىبى 1 - جىلدىعىندا وقيتىن جاڭ رۇي تىلشىگە. بىلتىر 9 - ايدا مەكتەپتە ورىستەتىلگەن ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىلىندا گۇلگينا ونىمەن تۋىستىق قاتىناس ورناتقان بولاتىن.
”مۇعالىم ەرەكشە جايدارمان، ءبىرىنشى رەت جۇزدەسكەندە ونى جاقىنىمداي سەزىندىم“. جاڭ رۇي بىلاي دەيدى: ”جايشىلىقتا ۇيرەنۋدە، تۇرمىستا قيىنشىلىققا جولىقسام، مەن مۇعالىمدى ىزدەپ بارىپ سىرلاسامىن“. جۋىردا عانا جاڭ رۇي تۋعان كۇنىن وتكىزدى، گۇلگينا ءۇنحاتتان ونىڭ تۋعان كۇنىنە قىزىل قالتا جىبەردى، كەشكى پىسىقتاۋ كەزىندە گۇلگينا تاعى كلاسقا كەلىپ ونىڭ تۋعان كۇنىن قۇتتىقتادى، جاڭ رۇي ەرەكشە مەيىرگە بولەندى.
جاڭ رۇي گۇلگينانىڭ 10 بالاسىنىڭ بىرەۋى عانا. 2016 - جىلدان بەرى، گۇلگينا ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىلىندا ىلگەرىندى - كەيىندى ۇلتى ۇقسامايتىن 8 وقۋشىمەن تۋىستىق بايلانىس ورناتىپ، ولارمەن بولعان بولىمسىز بارىس - كەلىستە تەرەڭ سۇيىسپەنشىلىك ورناتتى.
”ءوزىمنىڭ 2 قىزىم بار، وعان مىنا 8 بالانى قوسقاندا، جيىنى 10 بالا بولدى، ءوزىمدى اسا باقىتتى سەزىنەمىن!“. بالالاردى تىلگە العاندا گۇلگينانىڭ داۋىسى ەرەكشە مەيىرىمدى سەزىلەدى. گۇلگينانىڭ جۇپ قۇراپ، تۋىس بولعان وقۋشىلارىنىڭ دەنى ورتالاۋ مەكتەپ بىتىرگەننەن كەيىن شينجياڭ جەڭىل ونەركاسىپ كاسىپتىك تەحنيكا شۋەيۋانىنا ەمتيحان تاپسىرىپ كىرگەن، كوپ ساندى وقۋشىنىڭ ءۇيى ۇرىمجىدە ەمەس، ونىڭ ۇستىنە جاستارى كىشكەنە. وقۋشىلاردىڭ كوڭىلىندە گۇلگينا ولاردىڭ ۇيلەرىنەن شالعايدا جۇرگەندەگى ەڭ جاقىن ادامى سانالادى.
جۇپ قۇراپ، تۋىستاسقان وقۋشىلارىنىڭ اراسىنداعى ءبىر ۇل وقۋشى جەتىم بالا، ناعاشى اپاسى باعىپ ەسەيتكەن. گۇلگينا مۇنى بىلگەننەن كەيىن، ونىڭ تۇرمىسىنا، ۇيرەنۋىنە بارىنشا كوڭىل ءبولىپ، وعان مەكتەپ اسحاناسىنان وقي ءجۇرىپ ىستەيتىن جۇمىس تاۋىپ بەردى، قىس كىرگەننەن كەيىن وعان تاعى قىستىق كيىم الىپ بەردى. 2018 - جىلى 12 - ايدىڭ 7 - كۇنى وسى ۇل بالانىڭ 16 جاسقا تولعان تۋعان كۇنى بولاتىن، گۇلگينا داستارقان جايىپ، مول كەشكى اس ازىرلەپ، جۇپ قۇراپ، تۋىستاسقان بارلىق وقۋشىنى وتباسىنا شاقىرىپ وعان تۋعان كۇن وتكىزىپ بەرەدى.
سول كۇنى تۇندە گۇلگينا بۇل وقۋشىسىنان: ”بۇدان كەيىن ءسىزدى شەشە دەپ شاقىرسام بولا ما؟ شەشە، مەن ءسىزدى سۇيەمىن!“، - دەگەن كەلتە حات تاپسىرىپ الادى. ”سول ساتتە ءوزىمدى ەرەكشە باقىتتى سەزىندىم!“، - دەدى سول كەزدەگى كورىنىستى ەسىنە العان گۇلگينانىڭ جانارىنا جاس ىركىلىپ.
بىرگە تاماقتانعان، بىرگە اڭگىمە - دۇكەن قۇرعان، بىرگە ۇيرەنگەن ساتتەر... گۇلگينانىڭ قول تەلەفونىندا جۇپ قۇراپ، تۋىستاسقان وقۋشىلارىمەن وتكەن كوپتەگەن باقىتتى ساتتەردىڭ ەستەلىكتەرى ساقتاۋلى، وقۋشىلارى دا ونىڭ قامقورلىعىندا اقاۋسىز ءوسىپ كەلەدى. مەكتەپكە العاشكىرگەن كەزدە، وقۋشى گاڭ تىڭفيدىڭ جاتاق تازالىعى ناشارلاۋ بولدى، گۇلگينانىڭ قۋزاۋىمەن جاقساردى؛ وقۋشى ابدۇسابىر احىمەت بۇيىعى بولاتىن، ونىڭ شابىتتاندىرۋىندا مەكتەپ ۇيىمداستىرعان قيمىلدارعا قاتىناسا باستادى؛ ول تاعى وقۋشىلارعا كاسىپتىك جوسپار جاساپ بەردى، وقۋشى لي حايجيان بىلتىر ۇزدىك ناتيجەمەن جوعارى تەحنيكۋمعا قابىلداندى.
”بۇل بالالاردىڭ ءبارى مەنىڭ التىندارىم“. گۇلگينانىڭ ۇلكەن قىزى تولىق ورتا مەكتەپتە، كىشى قىزى باستاۋىش مەكتەپتە وقيدى، ولار دا ونىڭ كوڭىل بولۋىنە مۇقتاج، ءبىراق بۇل ونىڭ جۇپ قۇراپ، تۋىستاسقان وقۋشىلارىنا دەگەن قامقورلىعىن كەمىتە المادى. ”وقۋشىلارىمنىڭ اقاۋسىز ءوسىپ كەلە جاتقانىن كورىپ، جاپا تارتسام دا ءوزىمدى توتەنشە باقىتتى سەزىنەمىن“. گۇلگينا بىلاي دەيدى: وقۋشىلارىم رياسىز پەيىلمەن ءوزىمدى قۇشاقتاعاندا، ىستىق ىقىلاسپەن سالەمدەسكەندە، العىستى بەينەمەن كۇلىمدەگەندە، ءوزىمنىڭ شارشاپ - شالدىققانىم تۇگەلدەي ءلاززات پەن جۇبانىشقا اينالادى.
”وقۋشىلارىممەن بولاشاقتا ولار قىزمەتكە شىققاندا، ۇيلەنگەندە تۇگەلدەي ماعان حابارلايتىن بولىپ ۋادەلەستىم. بالالارىمنىڭ ءاربىر باقىتتى ءساتىنىڭ بارلىعىنا كۋا بولعىم كەلەدى“، - دەيدى گۇلگينا تەبىرەنە.
