تيانشان تورابى   ›   جاڭالىقتار   ›   شۋجي ەستەلىگى

چىن چۋانگو اۆتونوميالى رايوننىڭ ءدىن سالاسىنداعى وتانشىل قايراتكەرلەردىڭ اڭگىمە ماجىلىسىندە مىنانى باسا دارىپتەدى

  پارتيانىڭ ءدىن قىزمەتى نەگىزگى باعىتىن مىقتاپ يگەرىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك

  شوكىرات زاكىر، شاۋكەت يمىن، نۇرلان ءابىلماجىن ۇلى، لي پىڭشين قاتىناستى

  3 - ايدىڭ 31 - كۇنى اۆتونوميالى رايون ءدىن سالاسىنداعى وتانشىل قايراتكەرلەردىڭ اڭگىمە ءماجىلىسىن اشتى. اۆتونوميالى رايوندىق پارتكومنىڭ شۋجيى چىن چۋانگو ماجىلىسىكە قاتىناستى ءارى ءسوز سويلەدى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 4 - ايدىڭ 1 - كۇنى ۇرىمجىدەن حابارلايدى. 3 - ايدىڭ 31 - كۇنى تۇستەن كەيىن اۆتونوميالى رايون ءدىن سالاسىنداعى وتانشىل قايراتكەرلەردىڭ اڭگىمە ءماجىلىسىن اشىپ، پارتيانىڭ ءدىن قىزمەتى باعىت - ساياساتتارىن ىشكەرىلەي ۇيرەنىپ، دايەكتىلەندىرىپ، ءدىن قىزمەتىن دەن قويا ويداعىداي ىستەۋدى، دىندەردىڭ بەرەكەلى، جاراسىمدى بولۋىن جەبەۋدى ارقاۋ ەتىپ، ءدىن سالاسىنداعى وتانشىل قايراتكەرلەردىڭ پىكىرىن، ۇسىنىسىن تىڭدادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى ءارى ءسوز سويلەدى.

  اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين ماجىلىسكە قاتىناستى.

  اڭگىمە ءماجىلىس باستالۋدان بۇرىن، چىن چۋانگو، شوكىرات زاكىر قاتارلى باسشىلار ءدىن سالاسىنداعى وتانشىل قايراتكەرلەردىڭ ۋاكىلدەرىمەن ءبىر - بىردەن قول الىسىپ امانداستى.

  اڭگىمە ءماجىلىس مەرەيلى بەينەدە ءوتتى، ماجىلىسكە قاتىناسقاندار بۇكپەسىز سويلەدى. ابدۇرىقىپ ءتومۇرنياز، ابدۇشكۇر راحىمتۇللا، ياڭ جيە، ءازىرجان قادر، اسبيدۇن سامەت، مامەت جۇما، ابدىرەيىم ابلەت، وبۇلاسەن تۇرسۇننياز قاتارلى ءدىن سالاسىنداعى وتانشىل قايراتكەرلەردىڭ ۋاكىلدەرى جەكە - جەكە ءسوز سويلەدى. كوپشىلىك بىلاي دەدى: اۆتونوميالى رايوندىق پارتكوم مەن ۇكىمەت پارتيانىڭ ءدىن ساياساتىن مۇقيات دايەكتىلەندىرىپ، ءدىني قايراتكەرلەرگە جانە دىنگە سەنەتىن بۇقاراعا كوڭىل ءبولدى، قامقورلىق جاسادى، ءدىني قيمىل ورىندارىنىڭ شارت - جاعدايىن كۇش سالا جاقسارتتى، ءدىني قايراتكەرلەردىڭ جانە دىنگە سەنەتىن بۇقارانىڭ قالىپتى ءدىني قيمىلدارىن تولىق قامتاماسىز ەتتى، قالىڭ وتانشىل ءدىني قايراتكەرلەر مەن دىنگە سەنەتىن بۇقارا پارتيا مەن ۇكىمەتتىڭ ابزال ساياساتىنا شىن جۇرەكتەن العىس ايتادى. كوپشىلىك ءدىن قىزمەتىن اناعۇرلىم جاقسى ىستەۋ جونىندە پىكىر - ۇسىنىس بەردى.

  چىن چۋانگو تىڭداي وتىرىپ ەستەلىك الدى، اڭگىمە ماجىلىسكە قاتىناسقان ءدىني قايراتكەرلەرمەن ىقىلاستى اڭگىمەلەستى، ىشكەرىلەي پىكىر اۋىستىرىپ، تالقى جۇرگىزدى ءارى اۆتونوميالى رايوننىڭ قاتىستى تاراۋلارىن كوپشىلىك العا قويعان پىكىرلەردى، ۇسىنىستاردى مۇقيات اقىلداسىپ، ورىندىلارىن بەلسەنە قابىلداۋعا ورنالاستىردى.

  ۋاكىلدەردىڭ ءسوزىن مۇقيات تىڭداعاننان كەيىن، چىن چۋانگو مىنانى اتاپ كورسەتتى: سوڭعى جىلدارى، ءدىن سالاسىنداعى قالىڭ قايراتكەرلەر وتاندى ءسۇيۋ، ءدىندى ءسۇيۋ سىندى اسىل ءداستۇردى زور كۇشپەن اسقاقتاتىپ، وتاننىڭ تۇتاستىعىن، قوعام ورنىقتىلىعىن، ۇلتتار ىنتىماعىن، دىندەردىڭ بەرەكەلى بولۋىن قورعاۋعا بەلسەندى ۇلەس قوستى. مەن اۆتونوميالى رايوندىق پارتكوم مەن ۇكىمەت اتىنان بۇكىل رايونداعى ءدىن سالاسىنداعى وتانشىل قايراتكەرلەرگە شىن جۇرەكتەن العىس ايتامىن.

  چىن چۋانگو بىلاي دەپ باسا دارىپتەدى: پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءدىن سالاسىنداعى قالىڭ قايراتكەرلەردى جانە دىنگە سەنەتىن بۇقارانى اناعۇرلىم ويداعىداي ىنتىماقتاستىرىپ جانە ۇيىستىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ ۇلەس قوسۋ كەرەك.

  ءبىرىنشى، پارتيانىڭ ءدىن قىزمەتى نەگىزگى باعىتىن مىقتاپ يگەرۋ كەرەك. پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن ىستەرىن زاڭ بويىنشا باسقارىپ، زاڭدىلارىن قورعاۋ، زاڭسىزدارىن شەكتەۋ، ۇشقارىلىقتى تەجەۋ، سىنالاپ كىرۋگە قارسى تۇرۋ، قىلمىسقا سوققى بەرۋ، دەربەس تۇرۋ، ءوز ىسىنە ءوزى يە بولۋ، ءوزى باسقارۋ پرينسيبىنە تاباندى بولۋ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.

  ەكىنشى، قالىپتى ءدىني قيمىلداردى زاڭ بويىنشا قورعاۋ كەرەك. ءدىني توپتاردىڭ، ءدىني مەكتەپتەردىڭ، ءدىني قيمىل ورىندارىنىڭ، ءدىني قايراتكەرلەردىڭ جانە دىنگە سەنەتىن بۇقارانىڭ زاڭدى ۇقىق - مۇددەسىن زاڭ بويىنشا، ەرەجە بويىنشا قورعاۋ، ازاماتتاردىڭ ءدىني سەنىم ەركىندىگى ۇقىعىنا قۇرمەت ەتۋ جانە ونى قورعاۋ، ءار ۇلتتىڭ سالت - ساناسىنا تولىق قۇرمەت ەتۋ، قالىپتى دىنگە سەنۋ مەن ءدىني ۇشقارىلىقتىڭ شەك - شەكاراسىن دۇرىس يگەرۋ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىل ورىستەتۋىن زاڭ بويىنشا قامتاماسىز ەتۋ كەرەك.

  ءۇشىنشى، ءدىني قيمىل ورىندارىنداعى الەۋمەتتىك قىزمەت وتەۋدى ۇزدىكسىز جاقسارتۋ كەرەك. ”جەتىنى كىرگىزۋ، ەكى بولۋ“، ”توعىزبەن جابدىقتاۋ“دى ۇزدىكسىز ىلگەرىلەتىپ، نەگىزدىك قۇرىلعى، قوعامدىق قامتاماسىز ەتۋ سياقتى الەۋمەتتىك قىزمەت وتەۋدىڭ ءدىني قيمىل ورىندارىن، ءدىني وقىتۋشى - قىزمەتكەرلەردى قامتۋىنا شىنايى مۇمكىندىك جاساپ، ءدىني قيمىل ورىندارى مەن ءدىني قيمىلداردىڭ شارت - جاعدايىن ۇزدىكسىز جاقسارتىپ، ءدىني قايراتكەرلەرگە، دىنگە سەنەتىن قالىڭ بۇقاراعا پارتيا مەن ۇكىمەتتىڭ قامقورلىعى مەن مەيىرىن شىنايى سەزىندىرۋ كەرەك.

  ءتورتىنشى، وتانشىل ءدىني قايراتكەرلەردى تاربيەلەۋدى، قورعاۋدى، ولارعا قامقورلىق جاساۋدى كۇشەيتۋ كەرەك. وتانشىل ءدىني قايراتكەرلەردى تۋىسىنا، دوسىنا بالاۋعا تاباندى بولىپ، قورعاۋ، قامقورلىق جاساۋ مەحانيزمىن اقاۋسىزداندىرىپ، قىزمەت وتەۋدى اناعۇرلىم كەمەلدەندىرۋ، ءار دارەجەلى باسشى كادرلار تۇگەل وتانشىل ءدىني قايراتكەرلەرمەن بەلسەندى تۇردە ىرىقتىلىقپەن ىنتىماقتاسۋ، ولارعا قامقورلىق جاساۋ، وتانشىل ءدىني قايراتكەرلەرمەن تۋىس بولۋ، دوستاسۋ، كوپ ارالاسۋ، كوپ سىرلاسۋ، ولارعا كوپ كومەكتەسۋ، ولاردىڭ ءىس جۇزىندىك قيىنشىلىقتارى مەن ماسەلەلەرىن شەشۋىنە شىن پەيىلىمەن كومەكتەسۋ؛ باۋلۋ، تاربيەلەۋ سەرپىنىن كۇشەيتىپ، ءدىني قايراتكەرلەردىڭ ساياسي ساپاسىن، زاڭ تانىمىن، ءدىني بىلىكتىلىگىن ۇزدىكسىز ءوسىرىپ، ساياسيدا سەنىمدى، ءدىن جاعىندا بىلىكتى، ءمورال جاعىندا بۇقارانى يلاندىراتىن، شەشۋشى ساتتە رول اتقارا الاتىن وتانشىل ءدىني قايراتكەرلەر قوسىنىن قۇلشىنا قۇرۋ كەرەك.

  بەسىنشى، وتانشىل ءدىني قايراتكەرلەردىڭ بەلسەندى رولىن تولىق ساۋلەلەندىرۋ كەرەك. ءدىن سالاسىنداعى قايراتكەرلەردىڭ ءدىن شاريعاتتارىن، تاپسىرلەرىن ءتۇسىندىرۋ قىزمەتىن ويداعىداي ىستەۋىن بەلسەنە قولداپ، ءدىني قاعيدا - جوسىندارعا زامانىمىزداعى جۇڭگونىڭ دامۋىنا، العا باسۋىنا ۇيلەسەتىن تالاپ قويۋ، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاساۋ، دىنگە سەنەتىن قالىڭ بۇقارانى دۇرىس سەنىم ورناتۋعا، ۇشقارىلىققا قارسى تۇرۋعا ىنتىماقتاستىرا جەتەكتەپ، جۇڭگوشا سوتسياليستىك شينجياڭدى قۇرۋ ءۇشىن بىرگە قۇلشىنا كۇرەس جۇرگىزۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى