شينحۋا اگەنتتىگىنىڭ 4 - ايدىڭ 1 - كۇنى بەيجيڭنەن بەرگەن حابارى. 2019 ”جۇڭگو − تىنىق مۇحيت ارال ەلدەرى ساياحات جىلى“ 4 - ايدىڭ 1 - كۇنى ساموانىڭ استاناسى اپيادا باستالدى، مەملەكەت ءتوراعاسى شي جينپيڭ اشىلۋ سالتىنا قۇتتىقتاۋ جولدادى.
شي جينپيڭ بىلاي دەپ اتاپ كورسەتتى: جۇڭگو حالقى مەن تىنىق مۇحيت ارال ەلدەرى حالقىنىڭ دوستىق بارىس - كەلىسى ارىدان جالعاسقان، شىنايى سيلاسقان، ءوزارا قۇرمەتتەسكەن جاقسى دوستار، دامۋدى بىرگە جوسپارلاپ، ءوزارا تيىمدىلىك جەتكىزىپ، تەڭ يگىلىككە كەنەلگەن جاقسى سەرىكتەر، ءبىرىن - ءبىرى تۇسىنەتىن، ەتەنە، ءوزارا ۇيرەنەتىن، ءوزارا ۇلگى العان جاقسى اعايىندار، مەملەكەتتەردىڭ ۇلكەن - كىشى دەپ بولىنبەۋىنىڭ بىردەي تەپە - تەڭدىگىنىڭ ۇلگىسى. 2018 - جىلى 11 - ايدا مەن تىنىق مۇحيت ارال ەلدەرىنىڭ باسشىلارىمەن پاپۋا - جاڭا گۆينەيادا توپتىق كەزدەسۋ وتكىزىپ، ەكى جاقتىڭ قارىم - قاتىناسىن ءوزارا قۇرمەتتەسەتىن، بىرگە داميتىن جان - جاقتى ستراتەگيالىق سەرىكتەستىك قاتىناس دەڭگەيىنە كوتەرۋگە ءبىر اۋىزدان قوسىلىپ، جۇڭگو مەن ارال ەلدەرى قارىم - قاتىناسىنىڭ جاڭا تاراۋلارىن اشتىق.
شي جينپيڭ بىلاي دەپ باسا دارىپتەدى: 2019 ”جۇڭگو − تىنىق مۇحيت ارال ەلدەرى ساياحات جىلى“ن وتكىزۋ − مەن جانە تىنىق مۇحيت ارال ەلدەرى باسشىلارىنىڭ پاپۋا - جاڭا گۆينەياداعى كەزدەسۋ كەزىندە قول جەتكىزگەن ماڭىزدى ورتاق تانىمىمىز. ەكى جاقتىڭ وسىنى وراي ەتىپ، گۋمانيتارلىق اۋىس - ءتۇيىستى جانە ادامداردىڭ بارىس - كەلىسىن كەڭەيتىپ، ناقتى سەلبەستىكتى جەبەپ، ءوزارا ءتۇسىنىسۋدى تەرەڭدەتىپ، ەكى جاقتىڭ جان - جاقتى ستراتەگيالىق سەرىكتەستىك قاتىناسىنىڭ حالىق تىلەگى نەگىزىن بەكەمدەپ، جۇڭگو حالقى مەن تىنىق مۇحيت ارال ەلدەرى حالىقتارىنا ءتىپتى دە مول قۇت - ىرىس اپەرۋىن ءۇمىت ەتەمىن.
