تيانشان تورابى   ›   جاڭالىقتار   ›   سپورت الەمى

رايونىمىز قار - مۇز سپورتىنىڭ تىڭ بەلەسىنە كوتەرىلدى

مول بايلىق + ابزال ساياسات جانە وراي

ءتىلشى ياۋ گاڭ

  اشىق اسپان، اقشا بۇلت استىندا سپورتشىلار ءبىرىن - ءبىرى قۋالاي جارىسىپ، قارلى دالادا زىمىرادى... 4 - ايدىڭ 1 - كۇنى التاي تاۋى كوكتوعاي حالىقارالىق شاڭعى الاڭىندا 4 ادام ءبىرىن - ءبىرى قۋا شاڭعى تەبۋ جارىسى بەيجيڭنەن، سىچۋاننان، يىنچۋاننان جانە شينجياڭنىڭ جەر - جەرىنەن كەلگەن 48 سپورتشىنى باۋرادى. ”قار شاڭعى الاڭىنىڭ قازىرگى شارت - جاعدايىنا نەگىزدەلگەندە، ءبىز 4 - ايدىڭ 20 - كۇنىنە دەيىن شاڭعى تەبۋگە بولادى دەپ مەجەلەپ وتىرمىز“، - دەدى كوكتوعاي حالىقارالىق قار شاڭعى الاڭىنىڭ جوسپارلاۋ - ساتۋ باس باقىلاۋشىسى جاۋ ۋينان، - 2018 - جىلى 11 - ايدىڭ 27 - كۇنى شاڭعى الاڭى جۇمىس باستاعاننان بەرى وسىندا شاڭعى تەبەتىن ساياحاتشىلاردىڭ تەڭ جارتىسى ىشكى ولكەدەن كەلدى.

  بۇگىندەرى 4 ادام ءبىرىن - ءبىرى قۋا شاڭعى تەبۋ جارىسى سىندى وسىنداي قار - مۇز سپورتى رايونىمىزدا ۇدايى ورىستەتىلىپ كەلەدى. مول قار - مۇز بايلىعىنا قوسا، ابزال ساياسات پەن ورايدىڭ ارقاسىندا، تاياۋ جىلداردان بەرى رايونىمىزدىڭ قار - مۇز سپورتى قارىشتاپ دامىپ، قار - مۇز سپورتىنىڭ تىڭ بەلەسىنە كوتەرىلىپ، ءتىپتى دە كوپ ادامدى قار - مۇز سپورتىنا ات سالىسۋعا باۋرادى، قار - مۇز سپورتىنىڭ جالپىلاسۋ دەڭگەيى كورنەكتى جوعارىلاپ، ىقپالى اناعۇرلىم كەڭەيدى. 2016 - جىلى رايونىمىز 13 - كەزەكتى مەملەكەتتىك قىسقى سپورت جارىسىن تابىستى وتكىزدى. 2018 - جىلى مەملەكەتتىك دەنە تاربيە باس مەكەمەسىنىڭ قىسقى سپورت ورتالىعى مەن اۆتونوميالى رايوندىق دەنە تاربيە مەكەمەسى «مەملەكەتتىك تاۋ شاڭعى اترەتىنىڭ شينجياڭ گرۋپپاسىن ۇيىمداستىرۋ سەلبەستىك كەلىسىمى»نە قول قويدى ءارى التاي گەنەرال تاۋى قار شاڭعى الاڭىنا ”مەملەكەتتىك تاۋ قار شاڭعى اترەتىن جاتتىقتىرۋ بازاسى“ اتاعىن بەردى. مەملەكەتتىك تاۋ قار شاڭعى اترەتى شينجياڭ گرۋپپاسىنىڭ قۇرىلۋى قىسقى وليمپيادا دايىندىعىنا جەرگىلىكتى ورىن مەن قوعامنىڭ كەڭ كولەمدە ات سالىسۋىن ىلگەرىلەتۋدە بەلسەندى رول اتقاردى.

  2018 - جىلى قىستا التاي قالاسى، كوكتوعاي اۋدانى ورتا، باستاۋىش مەكتەپتەردىڭ دەنە تاربيە ساباعىن قار شاڭعى الاڭىنا ورنالاستىردى. التاي ايماعى «ورتا، باستاۋىش مەكتەپتەردىڭ دەنە تاربيە جالپىلىق امالياتتىق قيمىلىن ورنالاستىرۋ پىكىرى»ن شىعارىپ، ورتا، باستاۋىش مەكتەپتەردى ءتۇيىن، قار - مۇز سپورت ءتۇرىن ەرەكشەلىك ەتىپ، تۇرلىشە جاس قۇرامىنداعىلارعا مەڭزەس تۇرلىشە ساباق ورنالاستىردى. دەنە تاربيە امالياتتىق قيمىلىنىڭ كۇش سالا ورىستەتىلۋى ورتا، باستاۋىش مەكتەپ وقۋشىلارىنا قار - مۇز سپورتى اكەلگەن شاتتىقتى سەزىندىردى.

  3 - ايدىڭ 1 - كۇنى بەيجيڭ نياۋچاۋىندا وتكىزىلگەن حالىقارالىق قار - مۇز بىرلەستىگى جۇڭگو بەيجيڭ دالالىق قار شاڭعى ءنومىر جيناۋ سيلىقتى جارىس (وليمپيادا قۇتتىقتاۋ الاڭى پۋنكتى) باسەكەسىندە جۇڭگو دالالىق قار شاڭعى شوعىرلى جاتتىقتىرۋ اترەتى شينجياڭ گرۋپپاسىنىڭ ايەل سپورتشىسى دىلنيگار يىلھامجان مەن بايان جالىن قىزى تاريحي سيپاتتى شەشۋشى جارىسقا كىردى. بۇنىڭ ىشىندە دىلنيگار يىلھامجان جۇلدەگەرلىكتى ەنشىلەپ، جۇڭگو سپورتشىلارىنىڭ وسىنداي حالىقارالىق جوعارى ورەدەگى دالالىق قار شاڭعى جارىسى تاريحىنداعى ەڭ جاقسى ناتيجەسىن جاراتتى.

  جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن بار كۇشپەن دامىتۋ جونىندەگى پىكىرى»ن باسىپ تاراتتى، بۇل «پىكىر»دىڭ شىعارىلۋى رايونىمىزدىڭ قار - مۇز سپورتىن، سونداي - اق قاتىستى كاسىپ سالالارىن ۇلعايتۋى، كۇشەيتۋى ءۇشىن تاعى ءبىر رەت ساياساتتىق ارتىقشىلىعىن ازىرلەدى، رايونىمىز بەلسەنە ارەكەتكە كەلىپ، «پىكىر»دەگى تالاپتاردى ىشكەرىلەي دايەكتىلەندىرىپ، تياناقتاندىرىپ، قار - مۇز سپورتىنىڭ اناعۇرلىم زور دامۋدى جۇزەگە اسىرۋىنا دەم بەرەدى.

  ”بەيجيڭ قىسقى وليمپياداسى ەسىگىمىزدىڭ الدىندا وتكىزىلەدى، وتانعا داڭق اپەرۋ − بۇكىل ەلدەگى دەنە تاربيە جۇيەسىنىڭ باس تارتۋعا بولمايتىن جاۋاپكەرشىلىگى. ءبىز، ءسوز جوق، جاۋاپكەرشىلىكتى ارقالاپ، باسەكەلىك قۋاتتى جەدەل جوعارىلاتۋىمىز كەرەك“، - دەدى اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن، - 2022 - جىلعى بەيجيڭ قىسقى وليمپياداسىنا ەكى قىس ماۋسىمى عانا قالدى، بارلىق تۇرگە قاتىناسۋ تۇرعىسىنان العاندا، شينجياڭ سپورتشىلارى مۇزداعى، الدە قارداعى تۇردە بولسىن، جارىسقا قاتىناسۋ كولەمى، ادام سانى جانە ورەسى جاعىنان الدىڭعى كەزەكتەگىدەن جوعارى بولادى، الايدا، ۇزدىك ناتيجەلەر مەن وتانعا داڭق اپەرۋ نىساناسىنان ءالى دە بەلگىلى الشاقتىق بار. جارىسقا دايىندالۋ جوسپارى جانە كەزەكتەگى ناتيجە بويىنشا قاراعاندا، مۇزدا جىلدام سىرعاناۋ، قىسقا ارالىقتا جىلدام سىرعاناۋ، دالالىق قار شاڭعى، ءبىر تاقتالى U فورمالى الاڭ قاتارلى تۇرلەردەن ناتيجە جاراتۋدان ءۇمىت بار. بۇدان تىس، مەملەكەتتىك جارىسقا دايىندالۋ قىزمەتىنىڭ قاجەتىنە ساي، شينجياڭ ادام تاڭداۋ قىزمەتىن بەلسەنە ويداعىداي ىستەپ، قار - مۇز تۇرىنەن ۇلگى كورسەتەتىن مەكتەپ قۇرىلىسىن اناعۇرلىم مىقتى يگەرىپ، ”300 ميلليون ادامدى قار - مۇز سپورتىنا قاتىناسۋعا باستاۋ“ ستراتەگياسىن ويداعىداي اتقارادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى