تيانشان تورابى   ›   جاڭالىقتار   ›   شۋجي ەستەلىگى

شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرەيىك

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ «ىزدەنۋ» جۋرنالىندا جاريالانعان جەلىلەس ماڭىزدى ماقالالارىن توپتىق ۇيرەندى  

شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرەيىك

چىن چۋانگو باسقاردى، شوكىرات زاكىر، شاۋكەت يمىن، نۇرلان ءابىلماجىن ۇلى قاتىناستى

  ءتىلشى  ياۋ تۇڭ 4 - ايدىڭ 2 - كۇنى ۇرىمجىدەن حابارلايدى. 4 - ايدىڭ 2 - كۇنى تۇستەن كەيىن، اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ ءماجىلىسىن اشىپ، باس شۋجي شي جينپيڭنىڭ «ىزدەنۋ» جۋرنالىندا جاريالانعان جەلىلەس ماڭىزدى ماقالالارىن ىشكەرىلەي ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  اۆتونوميالى رايوندىق پارتكوم وسى رەتكى توپتىق ۇيرەنۋگە باسا ءمان بەرىپ، ارناۋلى ورنالاستىرۋ جاسادى. ماجىلىستەن ىلگەرى، ماجىلىسكە قاتىناسقان جولداستار وزدىكتەرىنەن مۇقيات ۇيرەندى.

  ماجىلىستە چىن چۋانگو، شوكىرات زاكىر، شاۋكەت يمىن، نۇرلان ءابىلماجىن ۇلى ۇيرەنۋ اسەرلەرىن سويلەدى، سۇن جينلۇڭ، لي پىڭشين، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين جازباشا ءسوز سويلەدى.

  چىن چۋانگو ءسوز سويلەپ مىنانى اتاپ كورسەتتى: باس شۋجي شي جينپيڭنىڭ جەلىلەس ماڭىزدى ماقالالارىندا پارتيانىڭ ساياسي لۋشيانى، يدەيالىق - ساياسي قۇرىلىسى، كادرلار قوسىنى قۇرىلىسى، ەكولوگيالىق وركەنيەت قۇرىلىسى، زاڭمەن جونگە سالۋ قۇرىلىسى، باقىلاۋ - تەكسەرۋ ءتۇزىلىسى رەفورماسى، اقپارات قۇرالدارىنىڭ توعىسىپ دامۋى سياقتى جاقتار قامتىلعان، ماركسيزم اقيقاتى شۇعىلا شاشقان باعدارنامالىق حۇجات، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ”قوس 100 جىلدىق“ كۇرەس نىساناسىن جۇزەگە اسىرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قيمىل باعدارناماسى جانە ءتۇبىرلى بويسۇنۋ ولشەمى. ۇيرەنۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندەگى تۇسىنىكتى ونان ارى تەرەڭدەتىپ، باس شۋجي شي جينپيڭنىڭ جەلىلەس ماڭىزدى ماقالالارىنىڭ وزەكتى ءمانىن جەتە يگەرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ جەلىلەس ماڭىزدى ماقالالارىنىڭ رۋحىمەن باتىل بىرلىككە كەلتىرىپ، عىلمي نازاريامەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، قوعام ورنىقتىلىعى مەن باياندى تىنىشتىقتى تىڭعىلىقتى ىلگەرىلەتۋ كەرەك.

  ءبىرىنشى، دۇرىس بەتالىستان جازباي، جۇڭگوشا سوتسياليزم جولىمەن اۋىتقىماي ءجۇرۋ كەرەك. كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن بەرىك ورناتىپ، سەنىم نەگىزىن بەكەمدەپ، رۋح كالتسيىن تولىقتاپ، يدەيا رولىن ورنىقتى يگەرىپ، باستان - اياق شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ بۇلجىماي سەنۋشىسى جانە ادالدىقپەن امالياتتا ايگىلەۋشىسى بولۋ كەرەك.

  ەكىنشى، ۇيرەنگەندى جەتە يگەرۋدەن جازباي، ديالەكتيكالىق ماتەرياليزمنەن پايدالانىپ ماسەلەنى شەشۋگە، قىزمەتتى ىلگەرىلەتۋگە شەبەر بولۋ كەرەك. ماسەلەگە وي جۇگىرتكەندە، جۇمىس بىتىرگەندە، شەشىم جاساعاندا، قىزمەت ىستەگەندە بارلىعىندا وبيەكتيۆ ءىس جۇزىندىكتى شىعار ءتۇيىن ەتۋدەن، شينجياڭنىڭ تۇرعان تاريحي كەزەڭىن جانە ءدوپ كەلگەن جاعدايىن، مىندەتىن شىعار ءتۇيىن ەتۋدەن جازباي، قىزمەتتىڭ جۇيەلىك سيپاتىن، تۇلعالىق سيپاتىن، سايكەسىمدىلىك سيپاتىن كۇشەيتىپ، ورنىقتىلىقتى قورعاۋ، رەفورما، دامۋ، ۇلت، ءدىن سياقتى سالالارداعى قىزمەتتى ونان ارى دەن قويا، دالمە - ءدال جاقسى ىستەۋ كەرەك.

  ءۇشىنشى، جارامدىلاردى قىزمەتكە قويۋدان جازباي، ادال، پاك، جاۋاپكەرلىك ارقالايتىن جوعارى ساپالى كادرلار قوسىنىن كۇش سالا باۋلۋ كەرەك. جاڭا داۋىردەگى پارتيانىڭ ۇيىمدىق لۋشيانىن باتىل دايەكتىلەندىرىپ، اتقارىپ، جاقسى كادر ولشەمى مەن ۇلتتىق رايوندارداعى كادرلاردىڭ ساياسي ولشەمىنەن جازباي، ادام ىستەتۋدىڭ دۇرىس بەتالىسىن تىكتەپ، پارتيا مەن حالىق مۇقتاج بولعان ءار ۇلت جاقسى كادرلارىن دەن قويا باۋلىپ، دەر كەزىندە بايقاپ، ۇيلەسىمدى ىستەتۋ كەرەك. قاتاڭ باسقارۋ مەن شىنايى ىقىلاستى ۇشتاستىرۋدان، جىگەرلەندىرۋ مەن تەجەۋگە قاتار ءمان بەرۋدەن جازباي، كادرلاردى ءىس تىندىرۋعا، شارۋاشىلىق قۇرۋعا جىگەرلەندىرىپ، نەگىزگى ساتىنىڭ اۋىرتپالىعىن شىن مانىندە جەڭىلدەتۋ كەرەك.

  ءتورتىنشى، جاسىل دامۋدان جازباي، اسپانى اشىق، جەرى جاسىل، سۋى تۇنىق كوركەم شينجياڭدى قۇلشىنا قۇرۋ كەرەك. جاسىل تاۋ، تۇنىق سۋ − باعالى بايلىق، اق قار، كوك مۇز دا باعالى بايلىق دەيتىن ۇستانىمدى بەرىك ورناتىپ، ”ءۇش جوعارى“ نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا، كەن ونىمدەرى بايلىعىن اشۋدى اۆتونوميالى رايوندىق حالىق ۇكىمەتى ”ءبىر قالام“مەن تەكسەرىپ بەكىتۋ ءتۇزىمىن اتقارىپ، ەكولوگيانىڭ تومەنگى شەك قىزىل سىزىعىن ساقتاپ، اشىق اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، اسپانى اشىق، جەرى جاسىل، سۋى تۇنىق كوركەم شينجياڭدى قۇلشىنا قۇرۋ كەرەك.

  بەسىنشى، شينجياڭدى زاڭمەن جونگە سالۋدان جازباي، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى زاڭمەن جونگە سالۋ جاعىنان قامتاماسىز ەتۋ كەرەك. پارتيانىڭ شينجياڭدى جاپپاي زاڭمەن جونگە سالۋعا باسشىلىق ەتۋىن كۇشەيتىپ، شينجياڭدى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى قاتار ىلگەرىلەتۋدەن جازباي، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ىشكەرىلەي ىلگەرىلەتۋ كەرەك.

  التىنشى، پارتيانى قاتاڭ جونگە سالۋدان جازباي، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن ىشكەرىلەي ورىستەتۋ كەرەك. ەرەكشەلەنبەۋ يدەياسىن بەرىك ورناتىپ، ءبىر جاعىنان بولشەكتەۋشىلىككە قارسى تۇرۋ كۇرەسىن يگەرۋگە، ەندى ءبىر جاعىنان پارتيا ستيلى، پاكتىك قۇرىلىسىن جانە ءىرىپ - شىرۋگە قارسى تۇرۋ كۇرەسىن يگەرۋگە تاباندى بولىپ، ورتالىقتىڭ ”8 ءتۇرلى بەلگىلەمەسى“ مەن ونى اتقارۋدىڭ ەگجەي - تەگجەيلى ەرەجەسىنىڭ رۋحىن باتىل دايەكتىلەندىرىپ، تياناقتاندىرىپ، ”ءتورت تەرىس پيعىل“دى، ”ءتورت بۇرىس ستيل“دى تاباندىلىقپەن وڭاپ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، پارتيانى جاپپاي قاتاڭ جونگە سالۋدىڭ باسىمدىعىن ۇزدىكسىز جەتكىزىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

  جەتىنشى، توعىسپالى دامۋدان جازباي، جالپىلىق اقپارات قۇرالى داۋىرىندە قوعامدىق پىكىرگە جەتەكشىلىك ەتۋ قابىلەتىن ۇزدىكسىز جوعارىلاتۋ كەرەك. نەگىزگى قوعامدىق پىكىردى كولەمدەندىرىپ، كەمەلدەندىرىپ، جالپىلىق اقپارات قۇرالى ارقىلى تاراتۋ اۋقىمىن قۇلشىنا قالىپتاستىرىپ، اۆتونوميالى رايوننىڭ ءداستۇرلى اقپارات قۇرالدارى مەن جاڭادان كوركەيگەن اقپارات قۇرالدارىنىڭ توعىسىپ ىشكەرىلەي دامۋىن جەبەپ، شينجياڭ حيكايالارىن ىرىقتىلىقپەن جاقسى بايانداپ، يدەولوگيا سالاسىنىڭ حاۋىپسىزدىگىن باتىل قورعاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن ويداعىداي جازۋعا قوعامدىق پىكىر جاعىنان قولداۋ كورسەتۋ كەرەك.

  اۆتونوميالى رايوندىق حالىق قۇرىلتايىنىڭ، حالىق ۇكىمەتىنىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى جاۋاپتى جولداستار، اۆتونوميالى رايونعا (ورتالىققا) توتە قاراستى قاتىستى ورىندارداعى جاۋاپتى جولداستار ۇيرەنۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى