شي جينپيڭ حالىق ىستەرى قىزمەتى جونىندە ماڭىزدى نۇسقاۋ بەردى

نازاردى كەدەيلىكتەن ارىلتۋدان قامال الۋعا شوعىرلاندىرىپ، نازاردى ەرەكشە قاۋىمعا شوعىرلاندىرىپ، نازاردى بۇقارا كوڭىل اۋدارىپ وتىرعان ىستەرگە شوعىرلاندىرىپ، نەگىزگى حالىق تۇرمىسىن قامتاماسىز ەتۋ، نەگىزگى ساتى قوعامىن جونگە سالۋ، نەگىزگى قوعامدىق قىزمەت وتەۋ سياقتى مىندەت جاۋاپكەرشىلىگىن اناعۇرلىم ويداعىداي اتقارۋ كەرەكتىگىن باسا دارىپتەدى

لي كىچياڭ مەملەكەتتىك حالىق ىستەرى ءماجىلىسىنىڭ ۋاكىلدەرىمەن كەزدەستى　

　　شينحۋا اگەنتتىگىنىڭ 4 - ايدىڭ 2 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق ىستەرى قىزمەتى جونىندە ماڭىزدى نۇسقاۋ بەردى. شي جينپيڭ بىلاي دەپ باسا دارىپتەدى: تاياۋ جىلداردان بەرى حالىق ىستەرى جۇيەسى ورتالىقتىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، كونەنى جويىپ، جاڭانى ورناتىپ، قيىندىقتان قامال الىپ، ءتۇرلى ىستەردە جاڭا ىلگەرىلەۋشىلىككە قول جەتكىزىپ، رەفورما، دامۋ، ورنىقتىلىق جالپى جاعدايىنا پارمەندى قىزمەت وتەدى.

　　شي جينپيڭ بىلاي دەپ اتاپ كورسەتتى: حالىق ىستەرى قىزمەتى حالىق تۇرمىسىنا قاتىستى، حالىق تىلەگىمەن بايلانىسىپ جاتادى، ول قوعامدىق قۇرىلىستاعى تومەنگى شەكتى قامتاماسىز ەتەتىن نەگىزدىك قىزمەت. ءار دارەجەلى پارتكومدار مەن ۇكىمەتتەر حالىقتى وزەك ەتۋدەن جازباي، حالىق ىستەرى قىزمەتىنە باسشىلىقتى كۇشەيتىپ، نەگىزگى ساتى حالىق ىستەرىنىڭ قىزمەت وتەۋ قابىلەتىن كۇشەيتىپ، حالىق ىستەرى كاسىبىنىڭ باياندى، اقاۋسىز دامۋىن ىلگەرىلەتۋ كەرەك. ءار دارەجەلى حالىق ىستەرى تاراۋلارى پارتيا قۇرىلىسىن كۇشەيتىپ، رەفورما جاساۋعا، جاڭالىق اشۋعا تاباندى بولىپ، نازاردى كەدەيلىكتەن ارىلتۋدان قامال الۋعا شوعىرلاندىرىپ، نازاردى ەرەكشە قاۋىمعا شوعىرلاندىرىپ، نازاردى بۇقارا كوڭىل اۋدارىپ وتىرعان ىستەرگە شوعىرلاندىرىپ، نەگىزگى حالىق تۇرمىسىن قامتاماسىز ەتۋ، نەگىزگى ساتى قوعامىن جونگە سالۋ، نەگىزگى قوعامدىق قىزمەت وتەۋ سياقتى مىندەت جاۋاپكەرشىلىگىن اناعۇرلىم ويداعىداي اتقارىپ، جاپپاي دوڭگەلەك داۋلەتتى قوعام ورناتۋعا، جاپپاي سوتسياليستىك وسىزاماندانعان مەملەكەت قۇرۋعا تىڭ ۇلەس قوسۋ كەرەك.

　　14 - رەتكى مەملەكەتتىك حالىق ىستەرى ءماجىلىسى 4 - ايدىڭ 2 - كۇنى بەيجيڭدە اشىلدى. ءماجىلىس شي جينپيڭنىڭ ماڭىزدى نۇسقاۋىن جەتكىزدى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماجىلىسكە قاتىناسقان ۋاكىلدەرمەن كەزدەستى ءارى ءسوز سويلەپ، نەگىزگى ساتىنىڭ ءبىرىنشى شەبىندە ءۇن - ءتۇنسىز ەڭبەكتەنىپ جاتقان، قيىنشىلىعى بار بۇقاراعا قىزمەت وتەۋگە بار پەيىلىن سالىپ، كۇش - قۋاتىن ارناعان مەملەكەتتىك حالىق ىستەرى جۇيەسىندەگى قالىڭ كادرلارعا، جۇمىسشى - قىزمەتكەرلەرگە شىنايى سالەم جولدادى، جاقىنعى جىلداردان بەرى حالىق ىستەرى قىزمەتىندە قول جەتكەن ناتيجەلەردى تولىق تۇراقتاندىردى. ول بىلاي دەدى: حالىق ىستەرى قىزمەتى حالىق بۇقاراسىمەن تىكە بايلانىسىپ جاتادى، ول قوعامدىق جونگە سالۋدىڭ جانە قوعامدىق قىزمەت وتەۋدىڭ ماڭىزدى قۇرامداس بولىگى، قىسىلعانداردى سۇيەمەلدەپ، قيىنشىلىعى بارلارعا كومەكتەسەتىن ءادىل ساياسات، يگى شارا. كەزەكتە ەلىمىز جاپپاي دوڭگەلەك داۋلەتتى قوعام ورناتۋدىڭ شەشۋشى كەزەڭىندە تۇر، حالىقتىڭ تاماشا تۇرمىسقا تالپىنۋ تىلەگى ەرەكشە كۇشتى، حالىق ىستەرى قىزمەتىنىڭ مىندەتى جاپالى دا اۋىر. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، نەگىزگى تومەنگى شەكتى قامتاماسىز ەتۋگە كۇش سالىپ، حالىق تۇرمىسىن قامتاماسىز ەتۋ ”حاۋىپسىزدىك تورى“ن بەرىك قۇرۋ كەرەك. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قىزمەت ەتىپ، ەڭ تومەنگى تۇرمىسى قامتاماسىز ەتىلەتىندەردىڭ جانە تۇرمىسىندا قيىنشىلىعى بار قارتتار، اۋىر دارەجەدەگى مۇگەدەكتەر، سالماقتى ناۋقاستار، قيىن جاعدايعا قالعان بالالار سياقتىلاردى قامتىعان ەرەكشە قيىنشىلىعى بارلاردىڭ نەگىزگى تۇرمىسىن قامتاماسىز ەتۋ قىزمەتىن ويداعىداي ىستەۋ كەرەك. نەگىزگى قوعامدىق قىزمەت وتەۋدى كۇش سالا دامىتىپ، بۇقارا كوڭىل اۋدارىپ وتىرعان ”قيىن ىستەر“دى ويداعىداي شەشۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بۇقارانىڭ جۇمىس بىتىرۋىنە اناعۇرلىم قولايلىلىق تۋدىرىپ، قوعامدىق كۇشتەردىڭ رولىن ونان ارى جاقسى ساۋلەلەندىرىپ، قاجەتكە ۇيلەسەتىن الەۋمەتتىك اۋماقتىڭ قارتتاردى كۇتىمدەۋ، بالا اماناتتاۋ سياقتى قىزمەت وتەۋىن بەلسەنە دامىتىپ، تۇرمىسقا قىزمەت وتەۋ قامداۋىن مولايتىپ، جۇمىستاندىرۋدى جانە ۇتىمدى ىشكى سۇرانىستى كەڭەيتۋگە دەم بەرۋ كەرەك. قوعامدىق قىزمەت پەن قايىرىمدىلىق ىستەرىن كۇش سالا دامىتىپ، ەرىكتى قىزمەت وتەۋ رۋحىن ساۋلەلەندىرىپ، بارلىق ادام ات سالىسىپ، بارلىق ادام كۇش شىعارىپ، قوعامدىق ۇلكەن شاڭىراقتى اناعۇرلىم مەيىرلى، جاراسىمدى ەتۋ كەرەك. ءار دارەجەلى ۇكىمەتتەر حالىقتى وزەك ەتكەن دامۋ يدەياسىن دايەكتىلەندىرىپ، حالىق ىستەرىنە كوڭىل ءبولىپ، حالىق ىستەرىن قولداپ، قىسىلعاندا قارايلاساتىن، حالىقتىڭ ىرىسىن ارتتىراتىن ىستەردى كوبىرەك ىستەپ، ەكونوميكانىڭ باياندى، اقاۋسىز دامۋىن جانە قوعامنىڭ جاراسىمدىلىعىن، ورنىقتىلىعىن جەبەۋ كەرەك.

　　مەملەكەتتىك كەڭەستىڭ مۇشەسى ۋاڭ يۇڭ كەزدەسۋگە قاتىناستى ءارى ءسوز سويلەپ، بىلاي دەپ اتاپ كورسەتتى: باس شۋجي شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋى مەن نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي كىچياڭ زۇڭليدىڭ سوزىندەگى تالاپتارىن مۇقيات تياناقتاندىرىپ، حالىقتى وزەك ەتكەن دامۋ يدەياسىن مىقتاپ ورناتىپ، كەدەيلىكتەن ارىلتۋدان قامال الۋداعى تومەنگى شەكتى قامتاماسىز ەتۋ مىندەتىن جالپى بەتتىك تىڭعىلىقتى ورىنداپ، قيىنشىلىعى بار ءتۇرلى قاۋىمنىڭ نەگىزگى تۇرمىسىن قامتاماسىز ەتۋدى كۇشەيتىپ جانە كەمەلدەندىرىپ، نەگىزگى ساتىنىڭ قوعامدىق جونگە سالۋ جانە قوعامدىق نەگىزگى قىزمەت وتەۋ ورەسىن ۇزدىكسىز جوعارىلاتىپ، حالىق ىستەرىنىڭ رەفورما جاساۋدا، دامۋدا تىڭ ساتىعا كوتەرىلۋىن قۇلشىنا ىلگەرىلەتۋ كەرەك.

　　شياۋ جيە، حى ليفىڭ كەزدەسۋگە قاتىناستى.

　　14 - رەتكى مەملەكەتتىك حالىق ىستەرى ءماجىلىسىنىڭ مىندەتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، پارتيا 18 - قۇرىلتايىنان بەرگى حالىق ىستەرىنىڭ رەفورما جاساۋدا، دامۋدا قول جەتكىزگەن ناتيجەلەرىن قورىتىندىلاپ، الداعى ءبىر مەزگىلدەگى حالىق ىستەرى قىزمەتىن اقىلداسىپ ورنالاستىرۋ.

　　ولكەلەردىڭ، اۆتونوميالى رايونداردىڭ، قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتىلارى، مەملەكەتتىك حالىق ىستەرى جۇيەسىندەگى وزات كوللەكتيۆتەردىڭ، وزات قىزمەتكەرلەردىڭ جانە ەڭبەك ەرلەرىنىڭ، ”رۋزىنيۋ سيلىعى“ يەگەرلەرىنىڭ ۋاكىلدەرى، ت. ب ماجىلىسكە قاتىناستى.