تيانشان تورابى   ›   جاڭالىقتار   ›   شۋجي ەستەلىگى

چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى

  چىن چۋانگو اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ماجىلىسىندە ۇلتتاردىڭ اناردىڭ دانىندەي تىعىز ۇيىسىپ، ءبىر ءۇيلى جانداي ىنتىماقتاسىپ، ءبىر نيەتپەن جۇڭگو ارمانىن جۇزەگە اسىرۋى كەرەكتىگىن باسا دارىپتەدى

  شوكىرات زاكىر، شاۋكەت يمىن، نۇرلان ءابىلماجىن ۇلى قاتىناستى

  4 - ايدىڭ 2 - كۇنى اۆتونوميالى رايون ۇلتتار ىنتىماعىن بەكەمدەۋ، دامىتۋ اڭگىمە ءماجىلىسىن اشتى. سۋرەتتە: اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار ماجىلىسكە قاتىناسقان ۋاكىلدەرمەن ىقىلاستى قول الىسىپ، شىنايى اڭگىمەلەستى. سۋرەتتى ءتىلشىمىز سۇي جىجيان تۇسىرگەن

  ءتىلشى ياۋ تۇڭ 4 - ايدىڭ 3 - كۇنى ۇرىمجىدەن حابارلايدى. 4 - ايدىڭ 2 - كۇنى تۇستەن بۇرىن اۆتونوميالى رايوننىڭ ۇلتتار ىنتىماعىن بەكەمدەۋ، دامىتۋ اڭگىمە ءماجىلىسى ۇرىمجىدە اشىلدى، پارتيانىڭ ۇلت نازارياسى مەن باعىت - ساياساتتارىن ىشكەرىلەي ۇيرەنىپ، دايەكتىلەندىرىپ، ۇلت قىزمەتىن ويداعىداي ىستەۋدى، ۇلتتار ىنتىماعىن بەكەمدەۋدى، دامىتۋدى ارقاۋ ەتە وتىرىپ، اۆتونوميالى رايونىمىزداعى ءار ۇلت، ءار سالا قايراتكەرلەرىنىڭ ۇسىنىس - پىكىرىن تىڭدادى. اۆتونوميالى رايوندىق پارتكومنىڭ شۋجيى چىن چۋانگو اڭگىمە ءماجىلىستى باسقاردى ءارى ءسوز سويلەدى.

  اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، شۇي حايرۇڭ، ەركىن تۇنياز، ۋاڭ جۇنجىڭ، جي جىڭ، سارقىت اقان ۇلى، ياڭ شين، جاڭ چۇنلين قاتارلىلار اڭگىمە ماجىلىسكە قاتىناستى.

  اڭگىمە ماجىلىستەن ىلگەرى چىن چۋانگو، شوكىرات زاكىر قاتارلى باسشىلار رايونىمىزدىڭ جەر - جەرىنەن كەلگەن ءارقايسى ۇلتتان جانە ءارقايسى قىزمەت ورنىنان كەلگەن ءار ۇلت، ءار سالا ۋاكىلدەرىمەن ىقىلاستى قول الىسىپ، شىنايى اڭگىمەلەستى.

  اڭگىمە ءماجىلىسى مەرەيلى بەينەدە ءوتتى، ماجىلىسكە قاتىناسقاندار وزدەرىنىڭ قىزمەت جانە تۇرمىس ءىس جۇزىندىگىنە ۇشتاستىرا وتىرىپ، وزگەرىستەردى اڭگىمەلەپ، سەزىنگەندەرىن تىلگە تيەك ەتىپ، ۇسىنىس قويىپ، كوكەيىندەگىسىن اقتارىلا، كوسىلە ايتتى. وبۇلقاسىم ءماتتۇرسىن، الىمجان، ليۋ جيانگو، جۇماتاي قاجىباي ۇلى، فىڭ يۇڭشيۋ، سۇپتا، ايپاري اسقار، فاتيما ماحمۇت قاتارلى ءار ۇلت، ءار سالا ۋاكىلدەرى جەكە - جەكە ءسوز سويلەدى. كوپشىلىك مىنانى ءبىلدىردى: قازىر شينجياڭدا قوعام ورنىقتى بولدى، ەكونوميكا دامىدى، ۇلتتار ىنتىماعى بەكەمدەلدى، ءدىن جاراسىمدىلىعى كۇشەيدى، حالىق تۇرمىسى جاقساردى. ءار دارەجەلى پارتكوم مەن ۇكىمەت پارتيانىڭ ۇلت ساياساتىن مۇقيات دايەكتىلەندىرىپ، ۇلتتار ىنتىماعى كۇن سايىن قويۋلاپ، ءار ۇلت كادر - جۇرتشىلىعى اناردىڭ دانىندەي تىعىز ۇيىسىپ، تابىس سەزىمى، باقىت سەزىمى، حاۋىپسىزدىك سەزىمى بارعان سايىن كۇشەيدى، ءبىز شينجياڭنىڭ ەرتەڭىنىڭ، ءتىپتى دە كوركەم، ۇلتتار ىنتىماعى گۇلىنىڭ، ءسوز جوق، ۇزاق ۋاقىتقا دەيىن قۇلپىرا بەرەتىندىگىنە كامىل سەنەمىز.

  چىن چۋانگو ۋاكىلدەردىڭ ءسوزىن مۇقيات تىڭدادى، ارا - تۇرا ءسوز قوسىپ، كوپشىلىكپەن ىشكەرىلەي سىرلاسىپ، تالقىلاپ، نەگىزگى ساتىداعى ۇلتتار ىنتىماعى، جۇرتشىلىقتىڭ تۇرمىسى سىندى جاعدايلاردى ەگجەي - تەگجەيلى ۇعىستى.

  چىن چۋانگو بىلاي دەپ باسا دارىپتەدى: ۇلتتار ىنتىماعى − ءار ۇلت حالقىنىڭ جانى. پارتيانىڭ ۇلت ساياساتىن جاپپاي دايەكتىلەندىرىپ، ءار ۇلت ۇلتتار ىنتىماعىنىڭ ۇلى تۋىن بيىك ۇستاپ، ءار ۇلت حالقىنىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا توعىستىرىپ، ءبىر نيەت، ءبىر تىلەكپەن شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاساۋ كەرەك.

  ءبىرىنشى، شينجياڭنىڭ ۇلت قاتىناسىن دۇرىس تانۋ جانە يگەرۋ كەرەك. شينجياڭ ەجەلدەن بەرى جۇڭگو تەرريتورياسىنىڭ ايرىلماس ءبىر بولىگى، كوپ ۇلت شوعىرلى قونىستانعان ءوڭىر، شينجياڭداعى ءار ۇلت حالقى جۇڭحۋا ۇلتىنىڭ تامىرلاس وتباسى مۇشەسى، بۇكىل ەلدەگى ءار ۇلت حالقىمەن بىرگە وتانىمىزدىڭ كوركەم تاۋ - وزەنىن بىرگە اشتى، شۇعىلالى جۇڭحۋا مادەنيەتىن بىرگە جاراتتى، وتاننىڭ گۇلدەنۋ، دامۋ تابىسىنان بىرگە يگىلىكتەندى.

  ەكىنشى، ۇلت ماسەلەسىن شەشۋدىڭ جۇڭگوشا دۇرىس جولىنان جازباۋ كەرەك. جۇڭگو كوممۋنيستىك پارتياسىنىڭ باسشىلىعىندا، جۇڭگوشا سوتسياليزم جولىنا تاباندى بولىپ، وتاننىڭ تۇتاستىعىن قورعاۋعا تاباندى بولىپ، بارلىق ۇلتتىڭ تەپە - تەڭدىگىنە تاباندى بولىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ءار ۇلتتىڭ بىرگە ىنتىماقتاسا كۇرەس جاساۋىنا، بىرگە گۇلدەنۋىنە، دامۋىنا تاباندى بولىپ، جۇڭحۋا ۇلتى ورتاق تۇلعاسىنىڭ يدەيالىق نەگىزىن بەرىك ورناتۋعا تاباندى بولىپ، مەملەكەتتى زاڭمەن جونگە سالۋعا تاباندى بولىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن جەبەپ، تەڭ، ىنتىماقتى، قارايلاسىمدى، جاراسىمدى سوتسياليستىك ۇلتتار قاتىناسىن بەكەمدەپ جانە دامىتىپ، جۇڭحۋا ۇلتىنىڭ ۇلى گۇلدەنۋىن بىرگە جۇزەگە اسىرۋدان جازباۋ كەرەك.

  ءۇشىنشى، پارتيانىڭ ۇلت ساياساتىن جالپى بەتتىك دايەكتىلەندىرۋ كەرەك. ۇلتتىق وڭىرلىك اۆتونوميا ءتۇزىمىن مۇقيات اتقارىپ، ۇلتتىق وڭىرلىك اۆتونوميا زاڭىن دايەكتىلەندىرىپ، بارلىق ۇلتتىڭ تەپە - تەڭدىگىنە تاباندى بولىپ، ءار ۇلت حالقىنىڭ مەملەكەت ىستەرىن باسقارۋعا تەرەزەسى تەڭ تۇرعىدا ات سالىسۋ ۇقىعىن قامتاماسىزداندىرىپ، ءار ۇلتتىڭ ءوز ءتىل - جازۋىن قولدانۋ جانە دامىتۋ ۇقىعىن قامتاماسىزداندىرىپ، از ۇلت بۇقاراسىنىڭ سالت - ساناسىن، عۇرىپ - ادەتىن قورعاپ جانە وعان قۇرمەت ەتىپ، از ۇلت بۇقاراسىن قوراشسىناتىن نەمەسە ءتۇسىن وزگەرتىپ قوراشسىناتىن، ۇلتتار سۇيىسپەنشىلىگىنە زيان سالاتىن ءسوز - ارەكەتتەردى باتىل تۇزەتۋ جانە اۋىزدىقتاۋ كەرەك. وقۋ - اعارتۋ ارقىلى حالىققا تيىمدىلىك جاساۋ، جۇمىستاندىرۋ، شارۋاشىلىق قۇرۋ، كەدەيلىكتەن ارىلتۋدان قامال الۋ، قوعامدىق قامتاماسىزداندىرۋ، ەمدەۋ - دەنساۋلىق ساقتاۋ، ەكولوگيالىق ورتا، ۇلت مادەنيەتىن قورعاۋ سياقتى حالىققا تيىمدىلىك جاساۋ، حالىققا پايدا جەتكىزۋ ساياساتتارىن ىشكەرىلەي تياناقتاندىرىپ، پارتيانىڭ ءدىني سەنىم ەركىندىگى ساياساتىن دايەكتىلەندىرىپ، از ۇلت زيالىلارىن باۋلىپ، ايالاپ، ادال، پاك، جاۋاپكەرشىلىك ارقالايتىن از ۇلت كادرلارىن كۇش سالا باۋلۋ، تاڭداپ ءوسىرۋ، ىستەتۋ كەرەك.

  ءتورتىنشى، ۇلتتار ىنتىماعى قىزمەتىن تىڭعىلىقتى ويداعىداي ىستەۋ كەرەك. تۇتاس قوعام بويىنشا سۇيىسپەنشىلىك توعىستىرۋ، سۇيىسپەنشىلىكتى جەتىلدىرۋ، كوڭىل توعىستىرۋ قىزمەتىن سەلبەسە ىستەپ، ءار ۇلت كادر - بۇقاراسىن ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتۋعا، ”بەستى شىنايى مويىنداۋ“دى كۇشەيتۋگە تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن بەكەمدەپ، ۇلتتار ىنتىماعىن كوز قاراشىعىمىزدى قورعاعانداي قورعاپ، ۇلتتار ىنتىماعىن ومىرىمىزدى قاستەرلەگەندەي قاستەرلەپ، اناردىڭ دانىندەي تىعىز ۇيىسۋ كەرەك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ءۇرتىس ىشكەرىلەي ورىستەتىپ، ۇلتتار ىنتىماعى ۇگىت - تاربيەسىن جانە ۇلتتار ىنتىماعى العاباسارلىعىنداعى وزات ورىن قۇرۋ قيمىلىن كەڭ كولەمدە ورىستەتىپ، ءار ۇلت كادرلارىنىڭ ارالاسۋىن، ىشتەسۋىن، توعىسۋىن جەبەپ، ءوزارا ءتۇسىنىسىپ، ءوزارا قۇرمەت ەتىپ، ءوزارا كەشىرىمشىل بولىپ، ءوزارا ۇلگى الىپ، ءوزارا ۇيرەنىپ، ءوزارا كومەكتەسىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ىنتىماقتاسا كۇرەس جاساۋ كەرەك.

  اۆتونوميالى رايوننىڭ قاتىستى تاراۋلارىنداعى جاۋاپتى جولداستار جانە ءار ۇلت، ءار سالا ۋاكىلدەرى اڭگىمە ماجىلىسىنە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى