سىچۋان مۋليداعى ورمان ءورتىن سوندىرۋدە ەرلىكپەن قۇربان بولعان قۇرباندارعا ازا ءبىلدىرۋ قيمىلىن وتكىزدى
شي جينپيڭ، لي كىچياڭ، حان جىڭ گۇل شەڭبەر ۇسىندى
شينحۋا اگەنتتىگىنىڭ 4 - ايدىڭ 4 - كۇنى شيچاڭنان بەرگەن حابارى. لياڭشان جاس توگىپ، چيۇڭحاي قايعىعا شومدى. 4 - ايدىڭ 44 - كۇنى سىچۋان مۋلي ورمان ءورتىن سوندىرۋدە ەرلىكپەن قۇربان بولعان قۇرباندارعا ازا ءبىلدىرۋ قيمىلى شيچاڭ قالاسىندا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قاتارلى پارتيا مەن مەملەكەتتىڭ باسشىلارى 30 قۇربانعا گۇل شەڭبەر ۇسىندى. مەملەكەتتىك كەڭەستىڭ مۇشەسى ۋاڭ يۇڭ ازا ءبىلدىرۋ قيمىلىنا قاتىناسىپ، پارتيا ورتالىق كوميتەتى، مەملەكەتتىك كەڭەس اتىنان ءورت ءسوندىرۋ شايقاسىندا ەرلىكپەن قۇربان بولعان قۇرباندارعا قايعىلى ازا ءبىلدىردى. قۇربانداردىڭ تۋىس - تۋعاندارىنان ىقىلاسپەن حال سۇرادى. ءورت سوندىرۋگە قاتىناسقان بارلىق جولداسقا وسكەلەڭ قۇرمەت ءبىلدىردى.
ازا ءبىلدىرۋ قيمىل الاڭى ايبىندى دا ءۇنسىز بولدى، ازا مۋزيكاسى باسەڭ داۋىسپەن تولقىپ تۇردى. ءتوراعالار مىنبەسىنىڭ ءدال ورتاسىنا 30 قۇرباننىڭ سۋرەتى ءىلىنىپ، ەكى جاعىنا ءار دارەجەلى باسشىلار، قاتىستى تاراۋلار جانە ءار ۇلت بۇقاراسى ۇسىنعان گۇل شەڭبەرلەر، گۇل شارباقتار قويىلدى.
تۇستەن بۇرىن ساعات 10نان 40 مينۋت مولشەرىندە ازا ءبىلدىرۋ قيمىلى باستالدى. الاڭداعى بارلىق ادام قۇرباندارعا ءۇنسىز ازا ءبىلدىرىپ، قازا بولعان قاھارماندارعا شىنايى، تەرەڭ ساعىنىشىن ءبىلدىردى. سىچۋان مۋلي ورمان ءورتى اپاتىندا ورمان ءورتىن ءسوندىرۋ اترەتىنىڭ 27 مۇشەسى جانە جەرگىلىكتى ورىنداعى 3 كادر - بۇقارا قۇربان بولدى. شۇعىل جاعدايعا توتەپ بەرۋدى باسقارۋ مينيسترلىگىندەگى، سىچۋان ولكەلىك حالىق ۇكىمەتىندەگى قاتىستى جاۋاپتى جولداستار ىلگەرىندى - كەيىندى قۇربان دەپ تانۋ، ءبىرىنشى دارەجەلى ەڭبەك جازۋ، جۇڭگو كوممۋنيستىك پارتياسىنىڭ مۇشەسى دەپ تانۋ جونىندەگى بەكىتۋ مەن بۇيرىقتى وقىدى.
ۋاڭ يۇڭ بىلاي دەپ اتاپ كورسەتتى: كەۋدە كەرىپ وت كەشكەن ءومىر مەن ءولىم ارپالىسىندا ءورت ءسوندىرۋ شايقاسىنا قاتىناسقان بارلىق ادام اپات جاعدايىن بۇيرىق دەپ تانىپ، ورمان بايلىعىن قورعاۋدى، ەكولوگيانىڭ حاۋىپسىزدىگىن قورعاۋدى مىندەت ەتىپ، ”حاۋىپ - قاتەردەن تايىنباي، قۇربان بەرۋدەن قورىقپاي، حالىقتىڭ ءومىرى مەن مال - مۇلكىنىڭ حاۋىپسىزدىگىن قورعاۋعا، قوعام ورنىقتىلىعىن قورعاۋعا وزىندەگىنىڭ بارلىعىن ارناۋ“داي ايبىندى ۋادەنى ىستىق قان، قىمباتتى ومىرلەرى ارقىلى ادالدىقپەن ورىندادى. وسى جولى قۇربان بولعان قاھارماندار ۇلگىلى تيپتىك ۋاكىلدەر، جاڭا داۋىردەگى ۇيرەنۋ ۇلگىلەرى! قۇربانداردىڭ قاھارماندىق ىستەرى رەسپۋبليكا تاريحىنا ماڭگى جازىلادى! ءار دارەجەلى ءورت ءسوندىرۋ، قۇتقارۋ اترەتى باس شۋجي شي جينپيڭنىڭ ماڭىزدى ءتالىمىن قاشاندا ەستەن شىعارماي، پارتياعا ادال بولۋ، ءتارتىپتى قاتاڭ ساقتاۋ، وتتان، سۋدان تايىنباۋ، شىن ىقىلاسپەن حالىق ءۇشىن ىستەۋ سىندى ايبىندى ۋادەنى ورىنداپ، مۇرات - سەنىمدى بەكەمدەپ، قابىلەتتى شىڭداپ، پارتيا مەن مەملەكەتتىڭ باياندى تىنىشتىعىن قورعاۋعا، حالىقتىڭ تىنىش تىرشىلىك، شات - شادىمان ءومىر كەشۋىن قامتاماسىز ەتۋگە تاعى دا تىڭ ۇلەس قوسىپ، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالماي كۇرەس جۇرگىزۋىمىز كەرەك!
قوعامنىڭ ءار سالاسىنان 3000نان استام ادام ازا ءبىلدىرۋ قيمىلىنا قاتىناستى. شۇعىل جاعدايعا توتەپ بەرۋدى باسقارۋ مينيسترلىگى مينيسترلىك ورگانىندا ازا ءبىلدىرۋ زالىن ورنالاستىرىپ، ازا ءبىلدىرۋ قيمىلىن ءبىر مەزگىلدە ورىستەتتى.
