فان حۇڭي
جاسىل قاراعايلار قاھارمان - قۇرباندارعا ازا تۇتتى، جايناعان گۇلدەر قايعىلى سەزىممەن قاھارمان - قۇربانداردى ساعىنا ەسكە الدى.
ءارقانداي ءبىر ۇلتتىڭ، ءارقانداي ءبىر مەملەكەتتىڭ ءوز قاھارمانى بولادى. باس شۋجي شي جينپيڭ تەرەڭ سەزىممەن بىلاي دەپ اتاپ كورسەتتى: ”مەملەكەت ءۇشىن، ۇلت ءۇشىن، بەيبىتشىلىك ءۇشىن قىمباتتى ءومىرىن قيعان بارلىق ادامداردى ءداۋىر قالاي وزگەرسە دە، ولاردىڭ بەرگەن قۇرباندىعى مەن قوسقان ۇلەسىن ماڭگى ەستە ساقتاۋىمىز كەرەك“.
چيڭميڭ كەزىندە ارداگەرلەردى ساعىنا ەسكە الىپ، قاھارمان - قۇربانداردى ەسكە تۇسىرگەنىمىزدە ولاردى قايعىرا ەسكە الىپ قانا قويماي، ودان دا ماڭىزدىسى، ادالدىقپەن جانە جاۋاپكەرشىلىكپەن وتان ءۇشىن، حالىق ءۇشىن قىمباتتى ومىرلەرىن قيعان قاھارماندارعا وسكەلەڭ قۇرمەت ءبىلدىرۋىمىز كەرەك.
جاسىل تاۋعا قاھارماننىڭ سۇيەگى جەرلەنگەن، ىستىق قانمەن ارداگەردىڭ رۋحى سومدالعان. ”ءبىز توڭكەرىس ءۇشىن ومىرگە كەلدىك، توڭكەرىس ءۇشىن جان پيدا ەتۋگە ءتىپتى رازىمىز“، بۇل فاڭ جىمين قۇرباننىڭ توڭكەرىستىك مۇراتقا دەگەن قاجىماس تالپىنىسى؛ ”جەڭىس ءۇشىن، ماعان وق جاۋدىر!“، مىنە بۇل ەرىكتىلەر ارمياسى جاۋىنگەرلەرىنىڭ وتاندى قورعاۋ جولىندا ەرلىكپەن قۇربان بولۋى؛ ”ولتىرسەڭ مەنى ءولتىر، ولاردى قويا بەر!“، بۇل لاڭكەستىككە قارسى تۇرۋدىڭ الدىڭعى شەبىندە كۇرەسكەن مامەتجان توحتىنيازدىڭ ءومىرىنىڭ سوڭعى ساتىندە بەرگەن سەرتى ... ءومىردىڭ اعىسىندا سانسىزداعان قاھارمان - قۇربان ءبىرىنىڭ ءىزىن ءبىرى باسىپ، ۇلت تاۋەلسىزدىگىنە قول جەتكىزۋ، مەملەكەتتىڭ قۇدىرەتتەنۋىن ىسكە اسىرۋ، قوعامنىڭ ورنىقتىلىعىن قورعاۋ جولىندا ەرلىكپەن جانىن قيدى. قاھارمان - قۇربانداردىڭ باتىلدىقپەن باسىن ءباي تىگىپ، ولىمنەن تايسالماۋى كوكەيلەرىندە بەرىك سەنىم بولعاندىعىنان، ول سەنىم پارتياعا جانە حالىققا دەگەن ادالدىق، مۇرات - سەنىمگە دەگەن ادالدىق، ولار ىستىق قانىمەن ارمان - مۇراتتارىن سومداپ، ومىرلەرىمەن سەنىمدەرىن قورعاپ، ماڭگى وشپەيتىن رۋحاني ەسكەرتكىش ورناتتى. بۇگىنگى كۇنى قاھارمان - قۇربانداردى ساعىنا ەسكە العانىمىزدا، قاھارمان - قۇربانداردىڭ پارتياعا، وتانعا ءوزىن ارناعاندىعىنان، پارتيانىڭ، وتاننىڭ ءۇمىتىن اقتاعاندىعىنان ۇيرەنىپ، ەرجۇرەك قاھارماندىق رۋحپەن جۇڭحۋا ۇلتىن ۇزدىكسىز العا باسۋعا جىگەرلەندىرۋىمىز كەرەك. ءبىز مۇرات - سەنىمدى بەكەمدەپ، پارتياعا شىنايى، تۇبەگەيلى، شارتسىز، ەش بۇكپەسىز ادالدىقتى قاي - قاشان دا ساقتاپ، ءار ۇلت حالقىنىڭ مۇددەسىن قاي - قاشان دا ءبىرىنشى ورىنعا قويىپ، قاھارمان - قۇربانداردىڭ قان مەن ءورت اراسىنان اشقان بەيبىتشىلىك جولىن، ورنىقتىلىق جولىن، باقىت جولىن بويلاپ ەرلىكپەن العا باسۋىمىز كەرەك.
سۋ ىشكەندە قاينارىن، باسىپ وتكەن جولىمىزدى ۇمىتپاۋىمىز كەرەك. ”جۇڭگونىڭ، ءسوزسىز، القاۋعا تاتيتىن جارقىن بولاشاعى بولاتىنىنا سەنەمىز“. ”سول كەزدە بارلىق جەر جاندى جاسامپازدىققا، كۇن سايىن جاڭالانعان العاباسارلىققا تولادى“... بۇگىنگى كۇنى توڭكەرىستىك قاھارمان - قۇربانداردىڭ كوكەيىندەگى تاماشا ارماندار الدەقاشان رەالدىققا اينالدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىز اناعۇرلىم بيىك نىسانالارعا قاراي قادام تاستاۋدامىز، قاھارمان - قۇربانداردىڭ رۋحى جاي تاپتى.
ءبىرءداۋىردىڭ وزىنە ءتان داۋىرلىك تاقىرىبى، ءبىر ءداۋىر ادامدارىنىڭ وزىنە ءتان بورىشى بولادى. مەيلى زامان قالاي وزگەرسە دە قاھارمان - قۇربانداردىڭ جەتپەگەن مۇراتتارى موينىمىزدا ارقالاعان تاريحي بورىش پەن داۋىرلىك ۇلكەن مىندەت بار ەكەنىن قاي - قاشان دا ەسىمىزگە تۇسىرەدى، ءبىزدى قىزىل گەنگە مۇراگەرلىك ەتىپ، قاھارماندىق رۋحتى ساۋلەلەندىرىپ، وتانشىلدىق سۇيىسپەنشىلىكتى، وتاننىڭ ءۇمىتىن اقتاۋ ەركىن ءىس جۇزىندىك ارەكەتىمىزگە اينالدىرىپ، قىزمەت ورنىمىزدى ءسۇيىپ، كاسىپتى قۇرمەتتەپ، جاۋاپكەرشىلىك ارقالاپ، ۇلەس قوسىپ، ىنتىماقتاسا كۇرەس جاساپ، جاڭا داۋىردە ءتيىستى ۇلەس قوسۋعا قامشىلايدى. جاۋاپكەرشىلىك ارقالاۋ ءىس تىندىرۋدىڭ ءتۇيىنى، جاۋاپكەرشىلىك ارقالاۋ ”جۇڭگوشا سوتسياليستىك شينجياڭ قۇرۋ“ جولىندا تىنباي كۇرەسۋ سانالادى. بۇل بىزدەن باس نىسانانى، ءسوز جوق، مىقتاپ يگەرۋدى، ”پارتيا مەن حالىق ءۇشىن قاي - قاشان دا ءبارىن كەشۋگە دايار“ ءوزىن ارناۋ قاسيەتى بولۋدى، ”كەدەيلىكتەن ارىلتۋدان قامال الۋ شايقاسىن باتىل تۇردە جەڭىستى جۇرگىزەتىن“ باتىلدىق پەن سەنىم بولۋدى، سونىمەن بىرگە كۇردەلى جاعدايدى مەڭگەرەتىن جۇرەكتىلىك پەن قابىلەت بولۋدى، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ارتتىرۋ بورىشىن كوكەيدە ساقتاۋدى، ارقالاۋدى، شىنايى تياناقتاندىرۋدى تالاپ ەتەدى.
كەزىندە ەلدى قۇرعان ەگەيلەردىڭ ەرلىگى جەر مەن كوكتە ساقتالادى. وتسە دە جىلدار جىلجىپ تالاي عاسىر، ەسىمى ەل جادىندا جاتتالادى. ءار رەت قاھارمان - قۇرباندارعا قۇرمەتپەن قاراۋ ءومىردىڭ ءمانى جونىندەگى ويانۋ سانالادى؛ ءار رەت قاھارمان - قۇربانداردى ساعىنىشپەن ەسكە الۋ جاۋاپكەرشىلىك پەن بورىشتى شىڭايتىن ايبىندى سەرت سانالادى. بولاشاققا اتتانعانىمىزدا ءاربىرىمىز قاھارمانداردىڭ رۋحىنا مۇراگەرلىك ەتۋىمىز، ادالدىقپەن جاۋاپكەرشىلىك ارقالايتىن جانە العان بەتىنەن قايتپايتىن كۇرەسكەرلىك بەينە ارقىلى جاڭا داۋىرگە شۇعىلالى شۋاق بولىپ شاشىلۋىمىز كەرەك، بۇل قاھارمان - قۇرباندارعا دەگەن ەڭ وسكەلەڭ قۇرمەت بولماق.