تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

27 جىلدىق اكە-بالا سۇيىسپەنشىلىگى

ءتىلشى ليۋ يميڭ

  ءتۇستىڭ الدىنداعى قىزمەت اياقتاعاننان كەيىن، اۋات اۋدانى اۋات قالاشىعى ىنتىماق باستاۋش مەكتەبى پارتيا ياچەيكاسىنىڭ شۋجيى لو شياۋمەي كۇيەۋى چىن دىلياڭعا تەلەفون جالعاپ: ”بۇگىن ۇيگە ’اكەمىز‘گە امانداسا بارامىز، جەمىس الا كەلۋدى ۇمىتپا. ەكى قۇمىرا اراق تا ساتىپ الا كەل، ول ازداپ ۇرتتاپ قويۋدى ۇناتادى...“، - دەدى.

  4 - ايدىڭ 4 - كۇنى ”وتباسىنىڭ سالتى“ بويىنشا، مەرەكە، دەمالىس كۇندەرى لو شياۋمەي مەن كۇيەۋى ۇيلەرىنە ”اكە“لەرىنە امانداسا باردى. ەرلى - زايىپتى ەكەۋى ايتىپ وتىرعان ”اكە“ ولاردىڭ كەزىندەگى كورشىسى، ايتسە دە 27 جىل ارالاسۋ بارىسىندا جانە لو شياۋمەي مەن كۇيەۋىنىڭ دەن قويا قارايلاسۋىندا، وسى سۇيىسپەنشىلىك كۇشەيىپ، ەكى ءۇيلى جان ءبىر وتباسىنىڭ ادامدارىنا اينالدى.

  لو شياۋمەيدىڭ ”اكەسى“نىڭ اتى حۇرۇك يكىم، بيىل 74 جاستا، اۋات اۋدانى بەسارىق قالاشىعى كونشىسوڭ قىستاعىندا تۇرادى، 27 جىلدىڭ الدىندا قاريا لو شياۋمەي وتباسىمەن كورشى بولاتىن.

  حۇرۇكتىڭ بالا - شاعاسى جوق، جالعىز كۇن كورىپ كەلگەن ەدى. ”’اكەم‘ قىستاقتاعى بەستە قامتاماسىزداندىرىلاتىن وتباسى، نەگىزىنەن ەگىنشىلىككە جانە ۇكىمەتتىڭ قوسىمشا قاراجاتىنا سۇيەنىپ تۇرمىس كەشىرەتىن، ايتسە دە جانىندا قارايلاساتىن ادام جوق بولعاندىقتان ادامنىڭ جانى اشيدى“، - دەدى لو شياۋمەي.

  ”ونىڭ اسقازان اۋرۋى بار، اسقازانى اۋىرىپ، ماڭدايىن سۋىق تەر باسىپ كەتكەنىن كورگەندە جۇرەگىم اۋىرىپ كەتەدى“ لو شياۋمەي مەن كۇيەۋى اقىلداسقاننان كەيىن، بۇدان كەيىن حۇرۇكتىڭ ءۇش ۋاق تاماعىنا، كۇندەلىكتى تۇرمىسىنا جاۋاپتى بولۋدى ۇيعارادى.

  1992 - جىلدان باستاپ، حۇرۇك لو شياۋمەي وتباسىنداعىلارمەن ”ءبىر قازاننان تاماقتانىپ، ءبىر اۋلادا تۇردى“، سودان باستاپ، لو شياۋمەي مەن حۇرۇك ”اكەلى - بالاداي“ تۇرمىس وتكىزىپ كەلەدى.

  وسى جىلدارى حۇرۇكتىڭ باسى اۋىرىپ، بالتىرى سىزداسا بولعانى، لو شياۋمەي مەن كۇيەۋى وعان دەن قويا قارايلاستى، اۋەلى، ەندى عانا سالعان جاڭا ۇيلەرىن دە وعان بەردى.

  ”كۇيەۋىم ەكەۋىمىزدىڭ قىزمەتىمىز ەداۋىر قاربالاس، قىستا وشاققا وت جاعاتىن كەزدە،’ اكەم‘ وتىندى كۇنى بۇرىن جارىپ، ءبىز قايتىپ كەلگەنشە ءۇيدى جىلىتىپ قويادى“، - دەدى لو شياۋمەي.

  2016 - جىلى 9 - ايدا قىزمەتى اۋىسقاندىقتان، لو شياۋمەي وتباسىنداعىلار اۋات اۋدان قالاشىعىنا كوشتى.

  ”سول كەزدە حابارلاندىرۋدى العاندا، الدىمەن’ اكەم‘ قايتەدى دەپ ويلادىم“، - دەدى لو شياۋمەي. ايتسە دە حۇرۇك بۇل حاباردى ەستىگەننەن كەيىن، ”قىزى“ ءۇشىن قۋانىپ : بۇل”’ قىزىم ‘نىڭ قابىلەتتى ەكەندىگىن كورسەتەدى. الاڭسىز بارا بەر، مەن ءوزىمدى جاقسى كۇتەمىن“، - دەيدى.

  وسى جىلى 11 - ايدا لو شياۋمەي ناۋقاس سەبەبىنەن اقسۋ قالاسىنا ەمدەلۋگە باردى، مۇنى ەستىگەن حۇرۇك دەنساۋلىعى جار بەرمەگەندىكتەن بارا المادى، سونىمەن چىن دىلياڭعا بارىپ، ءوزى جيناعان 200 يۋان اقشانى وعان بەرىپ، ”وعان جەيتىن نارسە الىپ بەر، ونى جاقسى كۇت، سەندەردى ۇيدە كۇتەمىن“، - دەپ تاپسىردى، قولىنداعى ءبىر يۋاندىق، 5 يۋاندىق، 10 يۋاندىق ءبىر بۋدا اقشانى كورگەن چىن دىلياڭ تەبىرەنىسىن تىلمەن جەتكىزە المادى.

  حۇرۇكپەن قوشتاسقان كۇنى لو شياۋمەي مىناداي ”وتباسى سالتى“ن بەلگىلەدى: بۇدان كەيىن وتباسىمىزداعىلار مەيلى قانشا قاربالاس بولسا دا، اپتا سايىن ۇيگە قايتىپ، قارياعا سەرىك بولامىز.

  حۇرۇكتىڭ ەرمەك ەتۋى، سونىمەن قاتار قاريانىڭ كىرىسىن ارتتىرۋى ءۇشىن، لو شياۋمەي حۇرۇككە ءبىر قوي ساتىپ اپەردى، قازىر قويدىڭ سانى 13كە جەتتى.

  لو شياۋمەي بىلاي دەدى: ۇلدارىمنىڭ دا ەرەكشە وپالى بولعاندىعىنا قۋانامىن، ولار سىرتتا قىزمەت ىستەيدى، دەمالىستا قايتىپ كەلگەندە ولار ادەتتە الدىمەن قىستاققا بارىپ، ”اتالارىنا“ امانداسادى.

  قازىر 54 جاستاعى لو شياۋمەيدىڭ دە نەمەرە قىزى بار، ول نەمەرە قىزىن ەرتىپ، حۇرۇككە ۇنەمى امانداسا بارادى. ”ءتورت ۇرپاق بىرگە بولعاندا ەرەكشە باقىتتى سەزىنەمىز. بۇدان كەيىن مەيلى قالاي بولسىن، وتباسىمىزداعىلار’اكەمە‘ قارايلاسا بەرەدى“، - دەدى لو شياۋمەي.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى