ەرىكتى تىلشىلەر گاۋ ليجۋان، لين حايميڭ 4 - ايدىڭ 6 - كۇنى شونجىدان حابارلايدى. ساۋدا مينيسترلىگىنىڭ قاتىستى ساندى مالىمەتىندە كورسەتىلۋىنشە، 2018 - جىلى شونجى اۋدانىنىڭ جەلىدە بولشەك ساتۋ سوماسىنىڭ ارتۋ مولشەرى %62.344كە جەتىپ، بۇكىل مەملەكەتتىڭ %23.9تىك ورتاشا ارتۋ مولشەرىنەن 2.6 ەسە جوعارى بولىپ، بۇكىل مەملەكەتتەگى اۋداندار كولەمىندە ارتۋ مولشەرى جاعىندا الدىڭعى ورىندى يەلەگەن. ”شونجى ۇنى“ استىق - ماي باعالى تۇرمىستىق ءونىم رەتىندە، جوعارى ساپامەن، تاماشا ماركامەن جەلىدە ساتىلۋدا 4 ميلليون 300 مىڭ يۋان قۇن جاراتىپ، استىق - مايدىڭ جەلىدە ساتىلۋىندا قوماقتى پايدا تۇسىرەتىن ونىمگە اينالىپ، جەرگىلىكتى ءداستۇرلى كاسىپ سالاسىنىڭ تيبىن جاڭالاپ، دەڭگەيىن جوعارىلاتۋدى پارمەندى ىلگەرىلەتتى.
3 - ايدىڭ 30 - كۇنى مەملەكەتتىك ەلەكتروندى ساۋداداعى تيپتىك اۋدانداردىڭ جاۋاپ بەرۋ - ايتىسۋ جيىنى بەيجيڭدە ءوتتى، شونجى اۋدانى شينجياڭ كورسەتكەن ەلەكتروندى ساۋداداعى بىردەن - ءبىر تيپتىك اۋدان رەتىندە وسى رەتكى جاۋاپ بەرۋ - ايتىسۋ جيىنىنا قاتىناستى.
جاۋاپ بەرۋ - ايتىسۋ جيىنىندا ماماندار: شينجياڭنىڭ شونجىسىندا ەلەكتروندى ساۋدانىڭ دامۋىندا ەرەكشەلىگى كورنەكتى بولۋمەن بىرگە، ارتۋ قارقىنى ءبىرشاما تەز بولىپ، شينجياڭنىڭ كەدەيلەردى دالمە - ءدال سۇيەمەلدەۋ، كاسىپ سالاسى ارقىلى شينجياڭعا كومەكتەسۋ سياقتى جاقتاردا بەلسەندى ۇلەس قوستى، - دەپ قارادى، سونداي - اق ماركالاندىرۋ قۇرىلىسى جانە ەلەكتروندى ساۋدا ارقىلى شينجياڭعا كومەكتەسۋ ءتاسىلى جاعىنداعى ءىشىنارا تاسىلدەرىنەن ۇلگى الۋعا جانە جالپىلاستىرۋعا بولاتىندىعىن ءبىلدىرىستى.
ۇعىسۋعا قاراعاندا، ساۋدا مينيسترلىگىنىڭ، قازىنا مينيسترلىگىنىڭ ”اۋىل شارۋاشىلىق ونىمدەرى اينالىمىن وسىزامانداندىرۋ، اۋىل - قىستاق ەلەكتروندى ساۋداسىن بەلسەنە دامىتۋ جانە ءوندىرۋ مەن ساتۋدى ءتۇيىلىستىرۋ قىزمەتىن ىلگەرىلەتۋدى باقىلاۋ، شابىتتاندىرۋ شاراسىن اتقارۋ ءادىسى“نىڭ قاتىستى رۋحىن جاپپاي دايەكتىلەندىرۋىنە، تياناقتاندىرۋىنا ساي، بۇكىل ەلدەگى ءارقايسى ولكە، اۆتونوميالى رايون، قالا ءبىر اۋداندى، قالانى بيىلعى مەملەكەتتىك ەلەكتروندى ساۋداداعى تيپتىك اۋداندار جاۋاپ بەرۋ - ايتىسۋ جينالىسىنا قاتىناسۋعا كورسەتۋىنە بولادى ەكەن. وسى رەت ساۋدا مينيسترلىگى مەن قازىنا مينيسترلىگىنىڭ سارالاۋىنان ءوتىپ، ەڭ سوڭىندا بۇكىل ەلدەگى 20 تيپتىك اۋدان - قالا بەيجيڭدەگى جاۋاپ بەرۋ - ايتىسۋ جىينىندا سايىسقا ءتۇستى.
جۋىق جىلداردان بەرى، شونجى اۋدانى ”ايگىلى ماركالارعا جەتەكشىلىك ەتۋ جانە كوپ ماركانى بازارعا شىعارۋ“ ستراتەگياسىن اتقارىپ، مەملەكەتتىك جەر بەلگىسى ونىمدەرىن جاراتۋ ۇلگىسى بولعان ”شونجى ۇنى“ جەر بەلگىسى كاسىپ سالاسى الەۋمەتتىك ماركاسىن، ”شونجى تارتۋى“ وڭىرلىك الەۋمەتتىك قىزمەت وتەۋ ماركاسىن، ”مايچيانجين“ كاسىپورىن دەمەۋ - جەتىلدىرۋ ماركاسىن ءساتتى جاراتتى؛ اۋەجايلاردىڭ شارۋاشىلىق ۇلگىسىن زەرتتەپ، اۆياتسيانى ازىق - تۇلىكپەن قامداۋ جولىن اشتى، ”جەلىدە، جەلى سىرتىندا“ بىرلەسىپ قيمىلداپ، اۋىل شارۋاشىلىق ونىمدەرىنىڭ اسقىن نارقىن جۇزەگە اسىردى، وسى سياقتى كوپ ءتۇرلى جارقىن تۇيىندەر قىزمەتى حالىق سايتى، ورتالىق راديو سايتى سياقتى اقپارات قۇرالدارى جاعىنان حابارلاندى. ”شونجى ۇنى“ تاعى جۇڭگونىڭ ساپالى اۋىل شارۋاشىلىق ونىمدەرىنە ۋاكىلدىك ەتىپ، 3 - كەزەكتى جۇڭگو − ورتا، شىعىس ەۆروپا ەلدەرى اۋىل شارۋاشىلىق مينيسترلەرى كەڭەسىنىڭ جارمەڭكەسىنە قاتىناستى.
