تيانشان تورابى   ›   جاڭالىقتار   ›   شۋجي ەستەلىگى

نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا داۋىردەگى ۇگىت، مادەنيەت، وقۋ - اعارتۋ قىزمەتىن تىڭعىلىقتى، ويداعىداي ىستەيىك

چىن چۋانگو اۆتونوميالى رايوننىڭ ۇگىت، مادەنيەت، وقۋ - اعارتۋ قىزمەتى اڭگىمە ماجىلىسىندە مىنانى باسا دارىپتەدى

نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا داۋىردەگى ۇگىت، مادەنيەت، وقۋ - اعارتۋ قىزمەتىن تىڭعىلىقتى، ويداعىداي ىستەيىك

شوكىرات زاكىر، شاۋكەت يمىن، نۇرلان ءابىلماجىن ۇلى، لي پىڭشين قاتىناستى

  ءتىلشى ياۋ تۇڭ 4 - ايدىڭ 6 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوننىڭ ۇگىت، مادەنيەت، وقۋ - اعارتۋ قىزمەتى اڭگىمە ءماجىلىسىن باسقارىپ اشىپ، پارتيانىڭ ۇگىت، مادەنيەت، وقۋ - اعارتۋ باعىت - ساياساتتارىن ىشكەرىلەي ۇيرەنىپ، دايەكتىلەندىرىپ، رايونىمىزدىڭ ۇگىت، مادەنيەت، وقۋ - اعارتۋ قىزمەتىن اناعۇرلىم ويداعىداي ىستەۋ جونىندە ۇگىت، مادەنيەت، وقۋ - اعارتۋ شەبىندەگى مامانداردىڭ، وقىمىستىلاردىڭ جانە قاتىستى ورىندارداعى جاۋاپتى جولداستاردىڭ پىكىرىن، ۇسىنىسىن تىڭدادى.

  اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان ۇلى، جاڭ چۇنلين قاتارلىلار ماجىلىسكە قاتىناستى.

  اڭگىمە ماجىلىستەن بۇرىن چىن چۋانگو، شوكىرات زاكىر ماجىلىسكە قاتىناساتىن جولداستارمەن ىستىق ىقىلاسپەن قول الىسىپ، امانداستى.

  ماجىلىستە گاۋ فاشۇي، پارحات جالال، ۋاڭ شۋەلي، گۇلجاقان اسەن، زۇلايات سىمايىل، جىلىل حىلىل، ساي شىيان، جاڭ شينشىڭ، ديڭ شوۋچيڭ قاتارلى ۇگىت، مادەنيەت، وقۋ - اعارتۋ شەبىنىڭ ۋاكىلدەرى ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ، يدەيا - ساياسي نازاريا ساباعىن ويداعىداي يگەرۋ، شينجياڭنىڭ ادەبيەت - كوركەمونەر ىستەرىن گۇلدەندىرۋ، دامىتۋ، ۇگىت - يدەيا قىزمەتىن دۇرىس جولدان جازباي، جاڭالىق اشىپ ويداعىداي ىستەۋ، فيلوسوفيا، قوعامدىق عىلىمداردى تەرەڭ تامىر تارتقىزۋ، رۋحتى سومداۋ داڭقتى بورىشىن ورىنداۋ، شينجياڭ قىزمەتىنىڭ باس نىساناسىنا قىزمەت ەتۋ سياقتى تاقىرىپتاردى ارقاۋ ەتىپ، جەكە - جەكە ءسوز سويلەدى.

  كوپشىلىكتىڭ ءسوزىن دەن قويا تىڭداعاننان كەيىن چىن چۋانگو ءسوز سويلەدى. ول مىنانى اتاپ كورسەتتى: اماليات بۇكىل رايونىمىزداعى ۇگىت، مادەنيەت، وقۋ - اعارتۋ شەبىندەگى كادرلاردىڭ، جۇمىسشى - قىزمەتشىلەردىڭ جانە قالىڭ زيالىلاردىڭ پارتياعا ادال ەكەندىگىن، وتانعا ادال ەكەندىگىن، حالىققا ادال ەكەندىگىن، بۇكىلدەي سەنىمدى ەكەندىگىن دالەلدەدى، مەن اۆتونوميالى رايوندىق پارتكوم مەن ۇكىمەت اتىنان جولداستارعا شىن جۇرەكتەن العىس ايتامىن، شىنايى قۇرمەت بىلدىرەمىن.

  چىن چۋانگو مىنانى اتاپ كورسەتتى: ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى دامىتۋ، وبرازدى ايگىلەۋ بورىشىن، مىندەتىن سانالى ارقالاپ، يدەيانى بىرلىككە كەلتىرىپ، كۇش ۇيىستىرىپ، جاڭا جاعدايداعى ۇگىت - يدەيا قىزمەتىن شىن مانىندە ويداعىداي ىستەۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى تاباندىلىقپەن ىلگەرىلەتىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا اناعۇرلىم كۇش سالۋ كەرەك. دۇرىس ساياسي بەتالىس پەن قوعامدىق پىكىر بەتالىسىنا تاباندى بولىپ، نەگىزگى اۋەندى اسقاقتاتىپ، وڭ ەنەرگيانى كۇشەيتىپ، نەگىزگى اعىمدىق يدەيالىق قوعامدىق پىكىردى بەكەمدەۋ، كۇشەيتۋ كەرەك. جۇڭگوشا سوتسياليزم جانە جۇڭگو ارمانى ۇگىت - تاربيەسىن تەرەڭدەتىپ، سوتسياليستىك وزەكتى قۇن كوزقاراسىن زور كۇشپەن جەتىلدىرىپ جانە امالياتتا ايگىلەپ، جۇڭگوشا سوتسياليزم مادەنيەتىن دامىتۋ جولىنا تاباندى بولىپ، حالىقارالىق تاراتۋ قابىلەتى قۇرىلىسىن كۇشەيتىپ، بۇكىل رايونىمىزداعى ءار ۇلت حالقىنىڭ مۇرات - سەنىم، قۇن ۇستانىمى، ءمورالدىق كوزقاراس جاقتارىندا تىعىز ىنتىماقتاسۋىن جەبەپ، جۇرەكتەردى توعىستىرىپ، كۇشتەردى ۇيىستىرىپ، باس نىسانانى جۇزەگە اسىرۋ، جۇڭگوشا سوتسياليستىك شينجياڭ قۇرۋ ءۇشىن اناعۇرلىم زور ۇلەس قوسۋ كەرەك.

  چىن چۋانگو بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتى − جۇڭحۋا ۇلتىنىڭ مادەنيەت تامىرى، شينجياڭداعى ءار ۇلتتىڭ مادەنيەتى باستان - اياق جۇڭحۋا وركەنيەتىنىڭ قۇنارلى توپىراعىنا تامىر تارتقان، جۇڭحۋا مادەنيەتىنىڭ ايىرىلماس ءبىر بولىگى. از ۇلتتاردىڭ تاڭداۋلى ءداستۇرلى مادەنيەتىنە قۇرمەت ەتىپ، مۇراگەرلىك ەتىپ جانە ساۋلەلەندىرىپ، ءار ۇلت بۇقاراسىنىڭ سەنىمىن، ماقتانىش سەزىمىن جانە شينجياڭدى قىزۋ سۇيەتىن تاماشا سۇيىسپەنشىلىگىن كۇشەيتۋ؛ از ۇلتتاردىڭ ادەبيەت - كوركەمونەر تۋىندىلارىن، شىعارمالارىن جاراتۋدى كۇشەيتىپ، ءار ۇلت بۇقاراسىنىڭ رۋحاني مادەنيەت قاجەتىن ۇزبەي قاناعاتتاندىرۋ؛ از ۇلتتاردىڭ تاڭداۋلى مادەنيەت مۇرالارىن قورعاۋ سەرپىنىن ارتتىرىپ، ماڭىزدى مادەني ەسكەرتكىشتەردى قورعاۋ ينجەنەرياسىن جاقسى اتقارۋ؛ ءتۇيىندى مادەنيەت بويىنشا حالىققا يگىلىك جەتكىزۋ ينجەنەرياسىن ىشكەرىلەي ىلگەرىلەتىپ، قالالار مەن اۋىلداردى قامتىعان الەۋمەتتىك مادەنيەت قىزمەت وتەۋ جۇيەسىن ورناتۋ، كەمەلدەندىرۋ؛ مادەنيەت ءتۇزىلىسى رەفورماسىن تەرەڭدەتۋ كەرەك.

  چىن چۋانگو بىلاي دەپ اتاپ كورسەتتى: پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءاربىر بالانى ءادىل ءارى ساپالى وقۋ - اعارتۋدان يگىلىكتەندىرۋگە قۇلشىنۋ كەرەك. قوس ءتىل وقۋ - اعارتۋىن تاباندىلىقپەن زاڭ بويىنشا ىلگەرىلەتىپ، قوس ءتىل ۇيرەنۋ مەحانيزمىن كەمەلدەندىرىپ، جاقسارتىپ، ىلگەرىلەتىپ، مەكتەپكە دەيىنگى تاربيەنى بەلسەنە ىلگەرىلەتىپ، مىندەتتى وقۋ - اعارتۋدى بەكەمدەپ، دامىتىپ، جۇمىستاندىرۋدى بەتالىس ەتە وتىرىپ كاسىپتىك اعارتۋدى بارىنشا دامىتىپ، ورتا مەكتەپ ساتىسىنداعى وقۋ - اعارتۋدى جەدەل جالپىلاستىرىپ، رايون ىشىندەگى جوعارى دارەجەلى مەكتەپتەر قۇرىلىسىن بەلسەنە ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى تولىسقان سوتسياليزمنىڭ قۇرىلىسشىلارى مەن ءىزباسارلارىن قۇلشىنا جەتىلدىرۋ كەرەك.

  چىن چۋانگو بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر پارتيانىڭ زيالىلار جونىندەگى ساياساتىن مۇقيات دايەكتىلەندىرىپ، ساياسيدا تولىق سەنىم ارتىپ، يدەيادا ىرىقتىلىقپەن جەتەكشىلىك ەتىپ، قىزمەتتە شارت - جاعداي جاراتىپ، تۇرمىستا قامقورلىق جاساپ، كوڭىل ءبولىپ، ولار ءۇشىن كوپتەپ ناقتى ىستەر تىندىرىپ، يگى ىستەر ىستەپ، قيىنشىلىقتارىن شەشىپ، تۇتاس قوعامدا بىلىمگە قۇرمەت ەتەتىن، دارىندىلارعا قۇرمەت ەتەتىن تاماشا ورتا قالىپتاستىرۋ كەرەك. ءار دارەجەلى باسشى كادرلار زيالىلارمەن قارىم - قاتىناستى كۇشەيتىپ، ولاردىڭ ناعىز دوسى، سىرلاسى بولۋ كەرەك. دارىندىلاردى دامىتۋ ءتۇزىلىسى رەفورماسىن تەرەڭدەتىپ، زيالىلاردىڭ ءىس تىندىرىپ، ناتيجە جاراتۋىنا ءتيىمدى ءتۇزىلىس پەن مەحانيزمدى جەدەل قالىپتاستىرىپ، قالىڭ زيالىلاردى دارىنى مەن قارىمىن باتىلدىقپەن تولىق ساۋلەلەندىرۋىنە مۇمكىندىك جاساۋ كەرەك. قالىڭ زيالىلاردىڭ مەملەكەتتى بارىنەن جوعارى قويۋعا، ۇلتتى بارىنەن جوعارى قويۋعا، حالىقتى بارىنەن جوعارى قويۋعا تاباندى بولىپ، جالپى جاعدايدى كوكەيدە ساقتاپ، جۇرتشىلىقتى جادىنان شىعارماي، باستان - اياق تۋرا جولدان اۋىتقىماي، اقيقاتقا تالپىنىپ، سانالى تۇردە سوتسياليستىك وزەكتى قۇن كوزقاراسىن ايگىلەيتىن ۇلگىلەردەن بولۋىن ءۇمىت ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى