تيانشان تورابى   ›   جاڭالىقتار   ›   شۋجي ەستەلىگى

نازاردى اۋىر كەدەيلىككە شوعىرلاندىرىپ، دالمە - ءدال بولۋ جالپى جوباسىنا تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك

  چىن چۋانگو حوتان ايماعىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

  نازاردى اۋىر كەدەيلىككە شوعىرلاندىرىپ، دالمە - ءدال بولۋ جالپى جوباسىنا تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك

  4 - ايدىڭ 6 - كۇنىنەن 7 - كۇنىنە دەيىن، اۆتونوميالى رايوندىق پارتكومنىڭ شۋجيى چىن چۋانگو كوپ جول سەرىك ەرتپەي، حوتان ايماعىنىڭ نەگىزگى ساتى ءبىرىنشى شەبىنە بارىپ، كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى. سۋرەتتە: چىن چۋانگو شەريا اۋدانى شياۋكاڭ جاڭا رايونى قونىس جاڭالاپ كەدەيلەردى سۇيەمەلدەۋ بويىنشا كوشىرىلگەن وتباسى گۇلچىمان نۇردىڭ ۇيىندە ءبىر ءۇيلى جاننىڭ كوشىپ كەلگەننەن كەيىنگى ءوندىرىس، تۇرمىسى، اۋرۋ كورسەتۋ - ەمدەلۋ جانە بالالارىنىڭ وقۋعا ءتۇسۋى سياقتى جاعدايلارىن ۇعىستى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 4 - ايدىڭ 7 - كۇنى حوتاننان حابارلايدى. 4 - ايدىڭ 6 - كۇنىنەن 7 - كۇنىنە دەيىن، اۆتونوميالى رايوندىق پارتكومنىڭ شۋجيى چىن چۋانگو كوپ جول سەرىك ەرتپەي، حوتان ايماعى حوتان قالاسىنىڭ، حوتان اۋدانىنىڭ، قاراقاش اۋدانىنىڭ، شەريا اۋدانىنىڭ، لوپ اۋدانىنىڭ، گۇما اۋدانىنىڭ نەگىزگى ساتى ءبىرىنشى شەبىنە بارىپ، كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، نازاردى اۋىر كەدەيلىككە شوعىرلاندىرىپ، كۇشتەردى شوعىرلاندىرا قامال الىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا تاباندى بولىپ، نىسانانى بوساڭسىماي قاداعالاپ، بىلەك سىبانا قايراتتانا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك.

  چىن چۋانگو حوتان اۋدانى ەكونوميكالىق جاڭا رايونى اياق كيىم كاسىپ سالاسى باقشاسىنا، قاراقاش اۋدانى بۇرشاقشى اۋىلى تيانجياڭ شارۋاشىلىق سەرىكتەستىگى ەتتى قويان باعىمشىلىق بازاسىنا، لوپ اۋدانى شاش اشەكەيى كاسىپ سالاسى باقشاسىنا بارىپ، كاسىپورىنداردىڭ ءوندىرىس تيجاراتى جانە كەدەيلەردى جۇمىسقا ورنالاستىرىپ كەدەيلىكتەن ارىلۋعا جەتەكشىلىك ەتۋ جاعدايىن تاپتىشتەي ۇعىستى. چىن چۋانگو بىلاي دەدى: كاسىپ سالاسى − جۇمىستاندىرۋدىڭ تىرەگى. ءتيىمدى ساياساتتاردى تياناقتاندىرىپ، شارۋاشىلىق - ساۋدا ورتاسىن ساپالىلاندىرىپ، اناعۇرلىم كوپ كاسىپورىنداردى وڭتۇستىك شينجياڭعا قارجى قوسىپ شارۋاشىلىعىن گۇلدەندىرۋگە باۋراپ، اناعۇرلىم كوپ كەدەي بۇقارانى جاقىن ماڭدا، ءوز جەرىندە جۇمىستانۋعا جەتەكتەۋ كەرەك. حوتان اۋدانى باقچي قالاشىعىنىڭ جاڭعاق ساۋدا بازارىندا جانە گۇما اۋدانى پييالما اۋىلى لاڭگاركول قىستاعىنىڭ انار ساپالى ونىمدەر باقشاسىندا چىن چۋانگو ەرەكشە اۋىل شارۋاشىلىعى ونىمدەرىن ەگۋ، ساتۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: سەرىكتەستىك + بازا + شارۋا وتباسى ۇلگىسىن بارىنشا دامىتىپ، ماركانى ايگىلەپ، جەلىنى ۇزارتىپ، ارنانى كەڭەيتىپ، شينجياڭنىڭ ەرەكشە اۋىل شارۋاشىلىعى ونىمدەرىن اناعۇرلىم ۇزاققا، اناعۇرلىم جاقسى ساتۋعا مۇمكىندىك جاساۋ كەرەك.

  چىن چۋانگو تاعى كەدەي بۇقاراعا امانداسا بارىپ، ولاردان حال سۇراپ، ولاردىڭ ءوندىرىس، تۇرمىسى، ناۋقاسىن كورسەتىپ ەمدەلۋى، بالالارىنىڭ وقۋعا ءتۇسۋى سياقتى جاعدايلارىن ەگجەي - تەگجەيلى ۇعىستى. شەريا اۋدانى شياۋكاڭ جاڭا رايونى قونىس جاڭالاپ كەدەيلەردى سۇيەمەلدەۋ بويىنشا كوشىرىلگەن وتباسى گۇلچىمان نۇردىڭ ۇيىندە چىن چۋانگو ەرلى - زايىپتى ەكەۋىمەن كىرىستەرى تۋرالى اڭگىمەلەسىپ، سىر شەرتىستى، ەرلى - زايىپتى ەكەۋىنىڭ ءۇيىنىڭ ماڭىندا جۇمىسقا ورنالاسقانىن، ايلىق كىرىسىنىڭ 7000 يۋاننان اساتىنىن، 2 بالاسىنىڭ قىستاقتاعى بالاباقشادا، باستاۋىش مەكتەپتە وقىپ جاتقانىن، وتباسىنىڭ بىلتىر داڭقپەن كەدەيلىكتەن ارىلعانىن بىلگەندە، چىن چۋانگو قۋانىشتى بەينەدە ولاردى بەلسەندىلىكپەن ءوندىرىستى دامىتۋعا، قاجىرلى ەڭبەگىنە سۇيەنىپ، تۇرمىستارىن كۇن سايىن جاقسارتۋعا شابىتتاندىردى. شياۋكاڭ جاڭا رايونى بالاباقشاسىنا كىرگەندە بالالاردىڭ بالاۋسا ءۇنى ەستىلدى. چىن چۋانگو بالالاردىڭ ۇيرەنۋىن، ازىق - تۇلىگىن جانە وقىتۋشىلاردىڭ ەڭبەكاقى مامىلەسى احۋالىن مۇقيات سۇراپ ۇعىستى. ول وقىتۋشىلارعا بالالار وتاننىڭ بولاشاعى، جۇڭگوشا سوتسياليزم ىستەرىنىڭ قۇرىلىسشىلارى مەن ءىزباسارلارىن قۇلشىنا جاقسى تاربيەلەۋدى تاپسىردى.

  چىن چۋانگو تاعى حوتان كاسىپتىك تەحنيكالىق شۋەيۋانىنا جانە لوپ اۋداندىق جوعارى دارەجەلى تەحنيكا مەكتەبىنە بارىپ، كەدەي بۇقارانى تەحنيكاعا تاربيەلەۋ جاعدايىن ەگجەي - تەگجەيلى ۇعىستى. چىن چۋانگو بىلاي دەپ اتاپ كورسەتتى: كەدەيلەردى سۇيەمەلدەۋدى ەرىك - جىگەر جانە اقىل - پاراسات جاعىنان سۇيەمەلدەۋمەن ۇشتاستىرۋعا تاباندى بولىپ، كەدەيلەردى تەحنيكاعا تاربيەلەۋدى كۇشەيتىپ، ولاردىڭ جۇمىسقا ورنالاسىپ اۋقاتتانۋ قابىلەتىن ارتتىرۋعا قۇلشىنۋ كەرەك.

  تەكسەرۋ - زەرتتەۋدە چىن چۋانگو حوتان ايماعىنىڭ كەدەيلىكتەن ارىلتۋدان قامال الۋ قىزمەتىن تولىق تۇراقتاندىردى. ول بىلاي دەپ باسا دارىپتەدى: كەدەيلىكتەن ارىلتۋ قىزمەتى قامال الۋ مەزگىلىنە ءوتتى، ءدال وسىنداي ەڭ قينالاتىن كەزدە قوعام ورنىقتىلىعى مەن كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتىپ، اسقاق جىگەرمەن، تولىق ىنتامەن، تاسقىنداعان تەبىنمەن دالمە - ءدال كۇش سالىپ، شوعىرلى قامال الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك. بىرىنشىدەن، يدەيالىق جاقتان اناعۇرلىم ءمان بەرۋ كەرەك. كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋدىڭ كەلەلى ءمانىن تولىق تانىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جەڭبەي تىنبايتىن سەنىمدى جانە قايراتتانا تۇسەتىن بەكىمدى نىعايتىپ، شايقاسقا ەكپىندەي اتتانىپ، قيىندىقتاردان تايسالماي، تولىق جەڭىسكە جەتپەيىنشە استە بەل شەشپەي، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا كەپىلدىك ەتۋ كەرەك. ەكىنشىدەن، نازاردى ولشەمگە اناعۇرلىم شوعىرلاندىرۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“دى مىقتاپ ارقاۋ ەتىپ، كەدەيلىكتەن ارىلتۋدان قامال الۋدىڭ دۇرىس بەتالىسىن يگەرىپ، نازاردى وڭتۇستىك شينجياڭنىڭ 4 ايماق - وبلىسىنداعى اۋىر كەدەيلىككە شوعىرلاندىرىپ، ءارى ءىس جۇزىندىك جاعدايدان اۋىتقىماۋ، ولشەمدى وسىرمەۋ، اراندى اشا بەرمەۋ، ءارى كەدەيلىكتەن ارىلتۋدا جالعاندىق ىستەمەۋ، ولشەمدى تومەندەتپەۋ، ساپاعا ىقپال جاساماۋ، نىسانانى وزگەرتپەۋگە، نىسانادان اۋىتقىماۋعا كەپىلدىك ەتۋ كەرەك. ۇشىنشىدەن، شارا جاعىندا اناعۇرلىم دالمە - ءدال بولۋ كەرەك. ”التى ءدالمە - ءدال“گە تاباندى بولىپ، ”جەتى ءبىر توپ“تى اناعۇرلىم ىلگەرىلەتىپ، ”ۇشتە سەرپىندى ارتتىرىپ“، ”توعىزدى ايقىنداۋ“دى شىنايى جۇزەگە اسىرىپ، قوعامداعى كۇشتەردى كەدەيلىكتەن ارىلتۋدان قامال الۋعا جابال ات سالىسۋعا بەلسەنە جەتەكتەپ، كەدەيلىكتەن ارىلتۋدان قامال الۋ ساندى مالىمەتىن قاداعالاي باقىلاۋدى كۇشەيتىپ، دالمە - ءدال شارا قولدانىپ، دالمە - ءدال ورنالاستىرىپ، بىردە - ءبىر قىستاقتى، بىردە - ءبىر ادامدى قاعىس قالدىرماۋعا شىنايى كەپىلدىك ەتۋ كەرەك. تورتىنشىدەن، ستيل جاعىندا اناعۇرلىم بەرىك بولۋ كەرەك. پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى تەرەڭدەتىپ، ”جالعان ۇلگى“دەگى كەدەيلىكتەن ارىلتۋدى، ”ەسەپ جاساۋ ۇلگىسى“ندەگى كەدەيلىكتەن ارىلتۋدى، ”كورسەتكىش ۇلگىسى“ندەگى كەدەيلىكتەن ارىلتۋدى، ”تۇراقسىز ۇلگىسى“ندەگى كەدەيلىكتەن ارىلتۋدى باتىل جويىپ، ستيل قۇرىلىسىن كۇشەيتىپ، شىندىقتى ءىس جۇزىنەن ىزدەۋگە، شىنايى يگەرىپ، ناقتى ىستەۋگە، ناقتى ونىمدىلىككە تالپىنۋعا تاباندى بولۋ كەرەك. بەسىنشىدەن، جاۋاپكەرشىلىك جاعىندا اناعۇرلىم تياناقتاندىرۋ كەرەك. اۆتونوميالى رايون باس جاۋاپكەرشىلىكتى ارقالاۋعا، قالا، اۋداندار تياناقتاندىرۋدى يگەرۋگە، بەس دارەجەلى شۋجيلەر بىرگە يگەرۋگە تاباندى بولىپ، كەدەيلىكتەن ارىلتۋدان قامال الۋدىڭ جاۋاپكەرشىلىك جۇيەسىن، ساياساتتىق جۇيەسىن، ۇسىنىلىم جۇيەسىن، اتتانىسقا كەلتىرۋ جۇيەسىن، باقىلاۋ جۇيەسىن، تەكسەرىپ - باعالاۋ جۇيەسىن كەمەلدەندىرىپ، كەدەيلىك قالپاعىن الىپ تاستاعانىمەن جاۋاپكەرشىلىكتى ساقتاۋ، كەدەيلىك قالپاعىن الىپ تاستاعانىمەن ساياساتتى ساقتاۋ، كەدەيلىك قالپاعىن الىپ تاستاعانىمەن كومەكتەسۋ - سۇيەمەلدەۋدى ساقتاۋ، كەدەيلىك قالپاعىن الىپ تاستاعانىمەن باقىلاۋ - باسقارۋدى ساقتاۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى