تيانشان تورابى   ›   جاڭالىقتار   ›   شۋجي ەستەلىگى

ءۇرىمجى مەن سانجىنىڭ شەكاراسىنداعى تاۋلى وڭىردە قار كوشكىنى ءتۇستى

  10 ”جاياۋ ساياحاتشى“ قامالىپ قالدى

  چىن چۋانگو، شوكىرات زاكىر دەر كەزىندە ورنالاستىرۋ جاساپ، قۇتقارۋ قىزمەتىن بار كۇشپەن ورىستەتىپ، قوسالقى اپاتتان قاداعالاي ساقتانۋدى تالاپ ەتتى

   4 - ايدىڭ 8 - كۇنى ساعات 11دەن 46 مينۋت وتكەندە، ءۇرىمجى قالالىق ءورت ءسوندىرۋ، ورتتەن ساقتانۋ، قۇتقارۋ تارماق اترەتىنىڭ قولباسشىلىق ورتالىعى 110نىڭ جالعاعان مالىمدەۋ تەلەفونىن قابىلدايدى، ءۇرىمجى اۋدانى سارداۋان اۋىلى مەن سانجى قالاسى مياۋىرگوۋ اۋىلىنىڭ شەكاراسىنداعى تاۋلى وڭىردە قار كوشكىنى ءتۇسىپ، 10 ”جاياۋ ساياحاتشى“ (8 ەر، 2 ايەل) قامالىپ قالعان، مۇنىڭ ىشىندە 2 ادام جارالانعان. مالىمەتتى قابىلداعان سوڭ، ءۇرىمجى قالالىق ءورت ءسوندىرۋ، ورتتەن ساقتانۋ، قۇتقارۋ تارماق اترەتى دەرەۋ قۇتقارۋشى كۇشتەردى شىعارىپ، سارداۋان اۋىلدىق ۇكىمەت تۇرعان جەرگە جىلدام جەتىپ، سول جەردەگى قۇتقارۋشى كۇشتەرمەن كەزدەسىپ، ۋاقيعا تۋىلعان جەرگە اتتاندىردى.

  ۇعىسۋعا قاراعاندا، سارداۋان اۋىلدىق ۇكىمەت قار كوشكىنى تۇسكەن جەردەن 100 نەشە كيلومەتر قاشىقتىقتا، باسىپ وتەتىن جولدىڭ 16 كيلومەترى تاۋ اڭعارىنداعى قار كوشكىنى وڭاي تۇسەتىن جەر بولىپ، اۆتوكولىك جۇرە المايتىندىقتان، قۇتقارۋشىلار جاياۋ جۇرۋگە تۋرا كەلەدى.

  ۋاقيعا تۋىلعاننان كەيىن، اۆتونوميالى رايوندىق پارتكوم مەن ۇكىمەت وسكەلەڭ ءمان بەردى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر دەر كەزىندە ورنالاستىرۋ جاساپ، تەز ارادا كۇش ۇيىمداستىرىپ، قۇتقارۋ قىزمەتىن بار كۇشپەن ورىستەتىپ، قوسالقى اپاتتان قاداعالاي ساقتانۋدى، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىنە كەپىلدىك ەتۋدى تالاپ ەتتى. اۆتونوميالى رايوندىق شۇعىل جاعدايعا توتەپ بەرۋدى باسقارۋ تاراۋى قىزمەت گرۋپپاسىن جىبەرىپ قۇتقارۋ قىزمەتىنە جەتەكشىلىك ەتتى، سونىمەن بىرگە، تاۋعا شىعۋ ماماندارىن قۇتقارۋ قىزمەتىنە ات سالىسۋعا سايكەستىردى.

  قازىر شينجياڭ اسكەري رايونى ۋاقيعا تۋىلعان جەرگە تىك ۇشاق جىبەرىپ قۇتقارۋ قىزمەتىنە ات سالىستى. كەشكى ساعات 10عا دەيىن، العاشقى توپتاعى جەر بەتىنەن قۇتقارۋشى كۇشتەر ۋاقيعا تۋىلعان جەرگە جەتۋگە 10 نەشە كيلومەتردەي تاياپ قالعان، سوڭىنان جىبەرگەن كومەك كۇشتەر جولعا شىققان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى