شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى (ءتىلشى شى جيڭنان). شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ ءۇشىن، جۇڭگو قوعامدىق عىلىمدار اكادەمياسى مامانداردى، وقىمىستىلاردى ۇيىمداستىرىپ ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جەلىلەس كىتابى“ن قۇراستىردى، تاياۋدا جۇڭگو قوعامدىق عىلىمدار باسپاسىندا باسپادان شىعىپ تاراتىلدى.
بۇل جەلىلەس كىتاپ 12 ارناۋلى تاقىرىپ بويىنشا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ كەلەلى ماڭىزىن، نەگىزگى كوزقاراستارىن، رۋحاني ءمانىن جەتە بايانداپ، وسى يدەيانىڭ ماركسيزمدى دامىتۋعا قوسقان جۇڭگونىڭ ءتول جاسامپازدىق ۇلەسىن اشالاي ءتۇسىندىرىپ، وسى يدەيادا قامتىلعان ماركسيزمدىك تۇرعىعا، كوزقاراسقا، ادىسكە تالداۋ جاساپ، ونىڭ وسى زامانعى جۇڭگو ماركسيزمىندەگى، 21 - عاسىر ماركسيزمىندەگى نازاريالىق فورماتسياسىن جانە ونىڭ ۇلى ءمانىن ايگىلەدى.
بۇل جەلىلەس كىتاپ نازاريانى تەرەڭدەتۋگە جانە امالياتقا اينالدىرۋعا كۇش سالۋعا باسا ءمان بەرىپ، ساياسي ايتىلىمدى عىلمي ايتىلىمعا اينالدىرۋعا دەن قويعان، پارتيا مۇشەلەرىن، كادرلاردى، بۇقارانى ماركسيزمنىڭ جۇڭگوشالانعان ەڭ جاڭا جەتىستىگىمەن وي - ساناسىن قارۋلاندىرۋعا جەتەكتەپ، ساياسي جاقتا، يدەيا جاقتا، نازاريا جاقتا، سۇيىسپەنشىلىك جاقتا شىنايى مويىنداۋدى ۇزدىكسىز كۇشەيتۋ جونىنەن ماڭىزدى ءمان الادى.
