تيانشان تورابى   ›   جاڭالىقتار   ›   ماڭىزدى حابارلار

جۇڭحۋا ۇلتىنىڭ اعاشتى ايالايتىن، اعاش ەگەتىن، اعاشتى قورعايتىن تاماشا ءداستۇرىن ساۋلەلەندىرىپ، مەملەكەت جەرىن جاسىلداندىرۋدا ۇزدىكسىز ناقتى ناتيجەگە قول جەتكىزۋدى ىلگەرىلەتۋ كەرەك

  شي جينپيڭ استاناداعى مىندەتتى اعاش ەگۋ قيمىلىنا قاتىناسقاندا بىلاي دەپ باسا دارىپتەدى

  جۇڭحۋا ۇلتىنىڭ اعاشتى ايالايتىن، اعاش ەگەتىن، اعاشتى قورعايتىن تاماشا ءداستۇرىن ساۋلەلەندىرىپ، مەملەكەت جەرىن جاسىلداندىرۋدا ۇزدىكسىز ناقتى ناتيجەگە قول جەتكىزۋدى ىلگەرىلەتۋ كەرەك

  لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

  4 - ايدىڭ 8 - كۇنى پارتيا مەن مەملەكەت باسشىلارىنان شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ قالاسى تۇڭجوۋ رايونى يۇڭشۇن قالاشىعىنا كەلىپ، استاناداعى مىندەتتى اعاش ەگۋ قيمىلىنا قاتىناستى. سۋرەتتە: شي جينپيڭ كوپشىلىكپەن بىرگە اعاش ەگۋدە. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، مەملەكەت جەرىن جاسىلداندىرۋدىڭ جوعارى ساپالى دامۋىن ىلگەرىلەتىپ، تاۋ، سۋ، ورمان، اتىز، كول، جايلىم جۇيەسىن جونگە سالۋدى ءبىر تۇتاس جوسپارلاپ، مەملەكەت جەرىن جاسىلداندىرۋدىڭ زور كولەمدى ارەكەتىن جەر جاعدايىنا قاراي ىشكەرىلەي ىلگەرىلەتىپ، ورماندى قالا، ورماندى اۋىل - قىستاق قۇرىلىسىن ۇزدىكسىز ىلگەرىلەتىپ، قونىس ورتاسىن كۇش سالا جاقسارتىپ، ءتورت ماۋسىمدا گۇلدەر قۇلپىرىپ، جايقالىپ تۇرۋدى جۇزەگە اسىرىپ، جاسىل ەكونوميكانى دامىتىپ، ورماندى باسقارۋدى - قورعاۋدى كۇشەيتىپ، مەملەكەت جەرىن جاسىلداندىرۋدا ۇزدىكسىز ناقتى ناتيجەگە قول جەتكىزۋدى ىلگەرىلەتۋ كەرەك.

  شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لين حۇي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 8 - كۇنى تۇستەن بۇرىن استاناداعى مىندەتتى اعاش ەگۋ قيمىلىنا قاتىناسقاندا بىلاي دەپ باسا دارىپتەدى: جۇڭحۋا ۇلتىنىڭ اعاشتى ايالايتىن، اعاش ەگەتىن، اعاشتى قورعايتىن تاماشا ءداستۇرىن ساۋلەلەندىرىپ، بۇكىل ەل اتتانىسقا كەلىپ، جالپى حالىق جابال كىرىسىپ، تۇتاس قوعام بىرگە ات سالىسىپ، مەملەكەت جەرىن جاسىلداندىرۋدىڭ زور كولەمدى ارەكەتىن ىشكەرىلەي ىلگەرىلەتىپ، مەملەكەت جەرىن جاسىلداندىرۋدا ۇزدىكسىز ناقتى ناتيجەگە قول جەتكىزۋدى ىلگەرىلەتۋ كەرەك.

  كوكتەم بايتاق دالاعا ءنار بەرىپ، تىڭ تىرشىلىك قاۋلادى. تۇستەن بۇرىن ساعات 10نان 30 مينۋت شاماسىندا پارتيا مەن مەملەكەت باسشىلارىنان شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار اۆتوكولىككە توپتىق وتىرىپ، بەيجيڭ قالاسى تۇڭجوۋ رايونى يۇڭشۇن قالاشىعىنا كەلىپ، استانا جۇرتشىلىعىمەن بىرگە مىندەتتى اعاش ەگۋ قيمىلىنا قاتىناستى.

  اعاش ەگۋ ورنى بەيجيڭ قالاسىنىڭ قوسالقى ورتالىعى لۇيشين قالا ورمانى باقشاسىندا بولدى، اۋدانى شامامەن 500 مۋ. بۇل جەرگە اسىلىندە حيميا - ونەركاسىپ زاۆودى سياقتى قۇرىلعىلار سالىنعان بولاتىن، شاعىپ كوشىرىپ، جەر بوساتقاننان كەيىن جاسىلداندىرۋ قۇرىلىسىنا پايدالانىلعان، كەلەشەكتە بۇقارانىڭ بوي جازىپ، سەيىل - سەرۋەن قۇراتىن قيمىل ورنىنا اينالادى.

  اۆتوكولىكتەن تۇسىسىمەن شي جينپيڭ كۇرەكتى يىعىنا كوتەرىپ، اعاش ەگەتىن جەرگە بەتتەدى. بۇل جەردە اعاش ەگىپ جاتقان كادر - بۇقارا باس شۋجيدىڭ كەلگەندىگىن كورىپ، باس شۋجيمەن جابال امانداستى. شي جينپيڭ كوپشىلىككە قول بۇلعاپ سالەمدەستى، سونان كەيىن بەيجيڭ قالاسىنداعى، مەملەكەتتىك ورمان شارۋاشىلىعى جانە جايلىم مەكەمەسىندەگى جاۋاپتى جولداستارمەن، سونداي - اق استاناداعى كادر - بۇقارامەن، پيونەرلەرمەن بىرگە توپىراق كۇرەپ، قىر جاساپ، كوشەت سۋارىپ، قاربالاس ىسكە كىرىستى.

  ماي قاراعاي، اق ۇيەڭكى، بوز ارشا، ماگنوليا اعاشى، حۇڭرۇيمۋ، اسەم شاپتۋل... شي جينپيڭ ىركەس - تىركەس 7 ءتۇپ قالامشا ەكتى. ول ەڭبەك ىستەي ءجۇرىپ جانىنداعى پيونەرلەردەن ۇيرەنۋ، تۇرمىس جانە دەنە شىنىقتىرۋ جاعدايلارىن سۇراپ، ولارعا كىشكەنتايىنان تابيعاتتى ايالاۋ، قورشاعان ورتانى قورعاۋ تانىمىن جەتىلدىرىپ، وزدەرىنىڭ قوس قولدارىنا سۇيەنىپ وتاندى اناعۇرلىم كورىكتى ەتىپ قۇرىپ شىعۋدى تاپسىردى، ولاردىڭ بەينە قالامشا سياقتى قاۋلاي ءوسۋىن تىلەدى.

  اعاش ەگۋ جۇمىس باسى دىر - دۋماندى بولدى. ەڭبەككە قاتىناسقان باسشى جولداستار كوپشىلىكپەن بىرگە كوشەت سۇيەپ، توپىراق سالىپ، شەلەكپەن سۋ اكەلىپ كوشەت سۋاردى، ءالسىن - ءالى جانىنداعى كادر - بۇقارامەن ەكولوگيانى قورعاۋدى كۇشەيتۋ، جاسىل دامۋعا تاباندى بولۋ جونىندە پىكىر اۋىستىردى.

  اعاش ەگۋ ارەدىگىندە، شي جينپيڭ سونداعى كادر - بۇقارامەن ىقىلاستى اڭگىمەلەستى. ول بىلاي دەپ اتاپ كورسەتتى: بيىل − جاڭا جۇڭگونىڭ اعاش ەگۋ مەرەكەسىن بەلگىلەگەندىگىنىڭ 40 جىلدىعى. 40 جىلدان بەرى، ەلىمىزدىڭ ورمان اۋدانى، ورمان قورى جەكە - جەكە ءبىر ەسە توڭىرەگىندە ارتىپ، ەكپە ورماننىڭ اۋدانى دۇنيە ءجۇزى بويىنشا ءبىرىنشى ورىندى يەلەدى، ەلىمىزدىڭ دۇنيە ءجۇزىنىڭ وسىمدىك جامىلعىسىنىڭ ارتۋىنا قوسقان ۇلەس سالىستىرماسى دۇنيە جۇزىندە ماڭداي الدى ورىندا تۇرادى. سونىمەن بىرگە، ەلىمىزدىڭ ەكولوگياداعى وتەيتىن بورىشى ءالى دە زور، ورمان تاپشى، جاسىلداندىرۋ كەمشىل، ەكولوگيانىڭ السىزدىگى ءالى دە كوپ كۇش شىعارىپ شەشۋدى قاجەت ەتەتىن ماسەلە بولىپ وتىر.

  شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ەجەلدەن اعاشتى ايالايتىن، اعاش ەگەتىن، اعاشتى قورعايتىن تاماشا ءداستۇرى بار. كوپ بولىپ تەرگەن وتىننىڭ جالىنى لاۋلايدى، كوپ بولىپ ەككەن كوشەت ورمان بولىپ جايقالادى. بۇكىل ەل اتتانىسقا كەلىپ، جالپى حالىق جابال كىرىسىپ، تۇتاس قوعام بىرگە ات سالىسىپ، ءار دارەجەلى باسشى كادرلار باستاماشىلدىقپەن ۇلگى كورسەتىپ، مىندەتتى اعاش ەگۋدى تاباندىلىقپەن ورىستەتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، مەملەكەت جەرىن جاسىلداندىرۋدىڭ جوعارى ساپالى دامۋىن ىلگەرىلەتىپ، تاۋ، سۋ، ورمان، اتىز، كول، جايلىم جۇيەسىن جونگە سالۋدى ءبىر تۇتاس جوسپارلاپ، مەملەكەت جەرىن جاسىلداندىرۋدىڭ زور كولەمدى ارەكەتىن جەر جاعدايىنا قاراي ىشكەرىلەي ىلگەرىلەتىپ، ورماندى قالا، ورماندى اۋىل - قىستاق قۇرىلىسىن ۇزدىكسىز ىلگەرىلەتىپ، قونىس ورتاسىن كۇش سالا جاقسارتىپ، ءتورت ماۋسىمدا گۇلدەر قۇلپىرىپ، جايقالىپ تۇرۋدى جۇزەگە اسىرىپ، جاسىل ەكونوميكانى دامىتىپ، ورماندى باسقارۋدى - قورعاۋدى كۇشەيتىپ، مەملەكەت جەرىن جاسىلداندىرۋدا ۇزدىكسىز ناقتى ناتيجەگە قول جەتكىزۋدى ىلگەرىلەتۋ كەرەك.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى، ت. ب اعاش ەگۋ قيمىلىنا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى