تيانجين قالاسىنان شينجياڭعا باعىتتامالى كومەكتەسۋگە كەلگەن تاڭداۋلى كادر شي شىميڭدى ەسكە العاندا
ءتىلشى لي داۋجۇڭ، ەرىكتى ءتىلشى چىن يۇيجۇن
4 - ايدىڭ 3 - كۇنى حوتانداعى تيانجين قالاسىنان شينجياڭعا باعىتتامالى كومەككە كەلگەن بارلىق كادرلار قۇربان تۇلىم اتايدىڭ اتا مەكەنى كەريا اۋدانىنا جينالدى. بيىلعى چيڭميڭدەگى ارناۋلى تاقىرىپتاعى پارتيا كۇنى قيمىلىندا وتكەن جىلعى سياقتى قۇربان تۇلىمنىڭ ەسكەرتكىش سارايىن ەكسكۋرسيالاۋدان، قۇربان اتايدىڭ ۇرپاقتارىنا امانداسا بارۋدان سىرت، تيانجين قالاسىنان شينجياڭعا باعىتتامالى كومەكتەسۋگە كەلگەن كادرلار جەرگىلىكتى بۇقارامەن بىرگە حوتاندا ماڭگىلىككە كوز جۇمعان جاقسى جاۋىنگەر سەرىكتەرى − تيانجين قالاسى جينحاي رايونىنان شينجياڭعا باعىتتامالى كومەككە كەلگەن كادر شي شىميڭدى ساعىنا ەسكە الدى.
اۋرۋدان كوز جۇمىپ قابىرعانى قايىستىردى
شي شىميڭ تيانجين قالاسىنان 9 - توپتا شينجياڭعا باعىتتامالى كومەككە كەلگەن كادر، كەريا اۋداندىق ساۋداگەر شاقىرۋ مەكەمەسىنىڭ ورىنباسار باستىعى ەدى. 2019 - جىلى 1 - ايدىڭ 6 - كۇنى شي شىميڭ ءبىر كۇندىك قىزمەتىن اياقتاتا بەرە، وتكىر مي قان تامىرى اۋرۋى قوزعالادى، تيانجين، شاڭحاي، شينجياڭ ءۇش جەردەن كەلگەن قۇزىرلى ماماندار بار كۇشپەن قۇتقارسا دا، اۋرۋى اسقىنىپ 1 - ايدىڭ 14 - كۇنى نە بارى 43 جاسىندا قايتىس بولادى.
شينجياڭعا باعىتتامالى كومەككە كەلگەن سوڭ، ول كەرياداعى 100دەن ارتىق قىستاقتارعا بارىپ ءىز قالدىردى؛ تۇرمىس بارىسىندا، ول كەرياداعى تيانجيننەن شينجياڭعا باعىتتامالى كومەكتەسەتىن قىزمەت گرۋپپاسىنداعى كوپشىلىكتىڭ تۇرمىسىنا قارايلاساتىن ”ۇلكەن باسقارۋشى“؛ جەرگىلىكتى ۇيعۇر بۇقاراسى ءۇشىن الىپ ايتقاندا، شىنايى كومەك قولىن سوزىپ، مەيىرىن توككەن حانزۋ باۋىرلاس بولدى. ول ناۋقاسقا شالدىعىپ قايتىس بولعان ارالىققا دەيىن، 1000نان استام جەرگىلىكتى بۇقارا وزدىكتەرىنەن شيپاحاناعا بارىپ كوڭىلىن سۇرادى نەمەسە ءتۇرلى فورمادا تيانجيننەن شينجياڭعا باعىتتامالى كومەكتەسەتىن قىزمەت گرۋپپاسىنداعى كادرلار ارقىلى، حال سۇراپ، اق تىلەكتەرىن ءبىلدىردى، 20 نەشە ۇيعۇر بۇقارا تىلشىلەردىڭ سۇحباتىن قابىلداعاندا ەرىكسىز كوز جاستارىن كولدەتتى...
شينجياڭعا كەلىپ قىزمەت ىستەگەن 581 كۇندە ونىڭ دەنە سالماعى 16 جىڭ تۇسسەدە، قىزمەتىن شوگەلدىكپەن ىستەپ، ەشقانداي ارتىق ءسوز ايتپايدى. قايتىس بولعان كەزدە، ارتىندا 82 جاستاعى قارت اكە - شەشەسى، 11 جاستاعى جالعىز بالاسى قالدى. تاياۋدا، تيانجين قالالىق پارتكوم شي شىميڭ جولداسقا ”تيانجين قالالىق تاڭداۋلى كومپارتيا مۇشەسى“ جانە ”تيانجين قالالىق ۇلگىلى ۇكىمەت قىزمەتكەرى“ اتاعىن بەرۋدى ۇيعاردى. ول قايتىس بولار الدىندا قالدىرعان اسەرلى كورىنىستەر بەينە تولقىعان ىستىق اعىن سەكىلدى تيانجين مەن كەرياداعى ءار ۇلت بۇقاراسىنىڭ جۇرەگىندە تۋلادى.
جانارعا جاس ۇيالاتاتىن سۋىق كۇرىش كوجە
شي شىميڭ اۋىرعان كەزدە، جەرگىلىكتى ۋاقىت ساعات 21دەن 54 مينۋت وتكەن بولاتىن، ول قىزمەت اترەتىندەگى شينجياڭعا باعىتتامالى كومەكتەسۋگە كەلگەن شيپاگەر لۋ يۇيشياڭعا ءۇنحاتتا حات جولداپ، كومەك سۇرايدى. ”مەن بارعان كەزدە قولىنا كەسەسىن كوتەرىپ الىپتى، ول ءوزىنىڭ كومپيۋتەردە ءبىر نارسە جازىپ جاتقاندىعىن، قارنى اشقاندا بارىپ، كەشكى اسىن ءالى ىشپەگەنى ەسىنە ءتۇسىپ، اسحانا ۇيدەن كۇرىش كوجە قۇيىپ ءىشۋدى ويلاعانىن ايتتى... بۇل كۇرىش كوجەنى ول 2 كۇننىڭ الدىندا قايناتىپتى“، - دەدى لۋ يۇيشياڭ سول كەزدى ەسكە الىپ.
ۋاقيعادان كەيىن، قىزمەت گرۋپپاسىنداعى كادرلار توپتىق ەسكە ءتۇسىرۋ ارقىلى، شي شىميڭنىڭ اپتا سوڭىنداعى ىستەرىنىڭ ۇزىن ىرعاسىن شىعاردى:
1 - ايدىڭ 5 - كۇنى سەنبى تاڭەرتەڭ، ول حاڭجوۋ فۋياڭباڭني اشەكەي بۇيىم شەكتى سەرىكتەستىگىنىڭ باس ديرەكتورى جاۋ گاڭمەن بىرگە جۇمىسكەر قابىلداۋ ىسىمەن ءبىر كۇن قاربالاس بولادى، كەشتە تيانجينگە قايتۋدى جوسپارلاعان قىزمەتتەستەرىنىڭ ەرەكشە ونىمدەردەن الا قايتۋىنا كومەكتەسىپ، قىزمەتتەستەرىنە تيانجينگە بارعان سوڭ كەدەي وتباسىلارىنىڭ اۋىل شارۋاشىلىق ونىمدەرىن ساتۋ جولىن قاراستىرۋدى تاپسىرادى.
1 - ايدىڭ 6 - كۇنى تاڭ سارىدە جولعا شىعىپ، سۇيحۋا قالاسىنان كەلگەن ءبىر كاسىپورىننىڭ جاۋاپتىسىنا سەرىك بولىپ، تەكسەرۋ جۇرگىزەدى؛ تۇستە قايتىپ كەلە سالا قاجەتتى 2 جازباشا ماتەريالدى دايىنداماقشى بولادى، اياق استىنان شينجياڭعا باعىتتامالى كومەكتەسەتىن كاسىپورىن − دوشينجۋاڭيۋان اۋىل شارۋاشىلىعى عىلىم - تەحنيكا اشۋ شەكتى سەرىكتەستىگىنىڭ ورىنباسار ديرەكتورى سۇن جيانگۋاڭنىڭ تەلەفونىن قابىلداعان سوڭ، دەرەۋ 30 توننا اۋىل شارۋاشىلىعى ونىمدەرىن تيەگەن اۆتوموبيل ءجۇرۋ ورنىنا بارىپ كومەكتەسەدى...
”وتكەن جولى قارجى قوسۋعا كەلگەنىمدە، ول مەنىمەن بىرگە 13 اۋىلدى ارالاپ شىقتى. بۇل رەت كوبىرەك ادام قابىلداپ قولونەر بۇيىمدارىن جاساتپاق بولاتىنمىن. ونىڭ جەرگىلىكتى كادر - بۇقارامەن سۇيىسپەنشىلىگى تەرەڭ، وسى رەت مەنىمەن بىرگە 3 قىستاققا باردى، ءسويتىپ ءبىر كۇندە تابىسىمىز ەرەكشە جاقسى بولدى...“، - دەدى حوتانعا قارجى قوسۋعا كەلگەن جاۋ گاڭ، شي شىميڭ ءبىر ”ءتىرى قاريتا“ بولاتىن. وسى ”قاريتا“نىڭ بەتىندە جول جەلىسى، ءار قىستاقتىڭ نەگىزگى جاعدايى، كاسىپ قۇرىلىمى، ەڭبەككۇش جاعدايى، كەدەي وتباسىلارىنىڭ نەگىزگى جاعدايى قاتارلىلار دا بار. وسىنىڭ بارىنە شي شىميڭ شينجياڭعا كومەككە كەلگەننەن كەيىن جۇرەك قانىن ارناعان.
ساعىندىرعان حانزۋ اعاي
شي شىميڭنىڭ تۇراعىندا ونىڭ كىشكەنتاي ۇيعۇر قىز بالانى كوتەرىپ تۇسكەن سۋرەتى ىلىنگەن، سۋرەتتەگى قىز بالا 2 جاسقا تولماعان، ەركەلەتكەن اتى ”كىشكەنتاي انار“ ەدى.
”كىشكەنتاي انار“دى تىلگە العاندا، اۋىزعا ءبىر حيكايا ورالادى. 2017 - جىلى 4 - ايدا لۋ يۇيشياڭ كەريا اۋداندىق حالىق شيپاحاناسىنىڭ تۋىت بولىمىندە اۋىر قان ازدىق اۋرۋىنا شالدىققان جۇكتى ايەل مايمۇنحان ابۇقادىرمەن تانىسىپ قالادى. سول كەزدە مايمۇنحاننىڭ ۇيىندە ەمدەلەتىن قاراجاتى بولماي شيپاحانادان شىققالى جاتقان ەدى. لۋ يۇيشياڭ ءوز اقشاسىن الىپ شىعىپ، ونىڭ بالنيتسا اقىسىن تولەيدى ءارى ونى قارىنداسىم دەپ تۋىس بولادى. شي شىميڭ بۇل ىستەن حابار تاپقاننان كەيىن، قىزمەت گرۋپپاسىندا جىلۋ جيناۋدى ۇيىمداستىرادى، ءسويتىپ 5 - ايدا ءسابي دۇنيەگە كەلگەن سوڭ وعان ”كىشكەنتاي انار“ دەپ ەركەلەتىپ ات قويادى. سودان باستاپ، ”كىشكەنتاي انار“ تيانجيننەن شينجياڭعا كومەكتەسۋگە كەلگەن كەرياداعى قىزمەت گرۋپپاسىنىڭ اياۋلى قىزىنا اينالادى.
اۋرۋى قوزعالعان كۇنى كەشتە، ءوزىنىڭ اۋرۋ جاعدايىنىڭ ەرەكشە اۋىر ەكەندىگىن بىلمەيتىن شي شىميڭ ”كىشكەنتاي انار“دى تىلگە الىپ، كوكتەم مەرەكەسىندە تيانجينگە قايتۋدان بۇرىن ءوزىنىڭ ونى كورۋگە باراتىندىعىن ايتىپ ەدى.
”شي اعامدار ۇيىمدەگى قيىنشىلىقتى بىلەتىن، ولار شينجياڭعا كومەكتەسەتىن كاسىپورىننان ماعان تازالىق ىستەيتىن قىزمەت تاۋىپ بەرىپ، مەنىڭ ۇيىمە جاردەمدەسۋىمە قولايلىلىق جاراتتى...“، - دەپ شي شىميڭدى اۋزىنا العان مايمۇنحان ءسوزىن اياقتاي الماي جىلاپ جىبەردى.
مايمۇنحاننىڭ ءجۇزىن جۋعان جاس شي شىميڭمەن بىرگە قىزمەت ىستەگەن بارلىق قىزمەتتەستەرىنىڭ جۇرەگىندە، ونى سۇيەتىندەر مەن ول سۇيەتىن جانداردىڭ جۇرەگىندە اعىپ جاتىر.
