رايونىمىز ”ءتورت ءبىر تۇلعالانعان“ قامسىزداندىرۋ بويىنشا كەدەيلەردى سۇيەمەلدەۋ ۇلگىسىن اتقاردى
كەدەيلەردى سۇيەمەلدەۋدى قامتاماسىزداندىرۋ تورىن نىعايتىپ، بۇقارانىڭ تابىس سەزىمىن جوعارىلاتتى
ءتىلشى ۋاڭ يۇڭفي 4 - ايدىڭ 9 - كۇنى ۇرىمجىدەن حابارلايدى. ”قازىر پارتيانىڭ ساياساتى، شىنىندا، جاقسى، وسى رەت شيپاحاناعا جاتقانىمدا، جيىنى 10 مىڭ يۋاننان استام اقشا جۇمسادىم، ءوزىم سونىڭ وتە از عانا بولىگىن تولەدىم“، - دەيدى 4 - ايدىڭ 8 - كۇنى گۇما اۋدانى باشلاڭگار اۋىلى توعىرا كورىك قىستاعىنداعى كەدەي شارۋا توحتىحان مۇساق قۋانا. 3 - ايدىڭ سوڭىندا ول ناۋقاس سەبەپتى شيپاحاناعا جاتقان كەزىندە تۇرعىنداردىڭ نەگىزدىك ەمدەلۋ قامسىزداندىرۋى، سالماقتى اۋرۋلار قامسىزداندىرۋى، حالىق ىستەرى تاراۋلارىنىڭ قۇتقارۋ قاراجاتى جانە اۋىر كەدەي وڭىرلەردەگى كەدەيلەردىڭ تولىقتاما ەمدەلۋ قامسىزداندىرۋى سىندى 4 ۇلكەن قامتاماسىزداندىرۋدان يگىلىكتەندى.
توحتىحان مۇساق يگىلىكتەنگەن اۋىر كەدەي وڭىرلەردەگى كەدەيلەردىڭ تولىقتاما ەمدەلۋ قامسىزداندىرۋى ءدال اۆتونوميالى رايوننىڭ قامسىزداندىرۋ ارقىلى كەدەيلەردى سۇيەمەلدەۋ مەحانيزمىن كەمەلدەندىرۋىندەگى جاڭا شاراسى. بىلتىر 1 - ايدىڭ 1 - كۇنىنەن باستاپ، اۆتونوميالى رايوندىق قازىنا 300 ميلليون يۋان قارجى شىعارىپ، وڭتۇستىك شينجياڭداعى 4 ايماق - وبلىستا اۋىر كەدەي وڭىرلەردەگى كەدەيلەردىڭ تولىقتاما ەمدەلۋ قامسىزداندىرۋىن جولعا قويدى، جۇڭگو حالىق مال - مۇلىك قامسىزداندىرۋ شەكتى جارنا سەرىكتەستىگىنىڭ شينجياڭ بولىمشەسى بۇل قامسىزداندىرۋدى جۇرگىزۋدى ۇستىنە الدى. بيىل 3 - ايدىڭ 31 - كۇنىنە دەيىن، اۋىر كەدەي وڭىرلەردەگى كەدەيلەردىڭ تولىقتاما ەمدەلۋ قامسىزداندىرۋىنان تولەم العاندار 350 مىڭ ادام - رەتكە جەتىپ، جالپى تولەم سوماسى 285 ميلليون يۋان بولعان. ”نەگىزدىك ەمدەلۋ قامسىزداندىرۋى، سالماقتى اۋرۋلار قامسىزداندىرۋى، ەمدەلۋ قۇتقارۋ قاراجاتى نەگىزىندە، اۋىر كەدەيلەردىڭ تولىقتاما ەمدەلۋ قامسىزداندىرۋى قامسىزداندىرۋعا قاتىناسقان اۋرۋلاردىڭ ەمدەلۋ قاراجاتىنىڭ جالپىلاما ەسەپتەن كوتەرىلۋ سالىستىرماسىن 22 پايىزعا جۋىق كوتەردى“، - دەپ تانىستىردى جۇڭگو حالىق مال - مۇلىك قامسىزداندىرۋ شەكتى جارنا سەرىكتەستىگى شينجياڭ بولىمشەسى قوعامدىق ەمدەلۋ قامسىزداندىرۋ ىستەرى ءبولىمىنىڭ باس ديرەكتورى ما جيان.
جاقىنعى جىلداردان بەرى ىزدەنىستەر ارقىلى شينجياڭنىڭ قامسىزداندىرۋ سالاسى اۋىل شارۋاشىلىعى قامسىزداندىرۋى، سالاماتتىق قامسىزداندىرۋى، حالىق تۇرمىسى قامسىزداندىرۋى، قامسىزداندىرۋ قارجىسى ارقىلى كەدەيلەردى سۇيەمەلدەۋ سىندى ”ءتورت ءبىر تۇلعالانعان“ قامسىزداندىرۋ بويىنشا كەدەيلەردى سۇيەمەلدەۋ ۇلگىسىن قالىپتاستىرىپ، ساياساتتى تياناقتاندىرۋدى جانە تولەپ بەرۋ بويىنشا قىزمەت وتەۋدى باقىلاۋ تەبىنىن كۇشەيتىپ، كەدەي وتباسىلارىنا ەڭ جوعارى مولشەردە پايدا جەتكىزىپ، قامسىزداندىرۋدىڭ ەڭ تومەنگى شەكتەن تۇسىرمەي قامتاماسىزداندىرۋ رولىن ساۋلەلەندىرۋ ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە كۇش قوستى.
كاسىپ سالاسى بويىنشا كەدەيلەردى سۇيەمەلدەۋدە، شينجياڭنىڭ قامسىزداندىرۋ سالاسى اۋىل شارۋاشىلىعى، اۋىل - قىستاق، شارۋالار بويىنشا قىزمەت وتەۋ تۇيىنىنەن 1300دەن استامىن قۇرۋدى ىلگەرىلەتتى، اۋىل - قالاشىقتارداعى تۇيىندەردىڭ قامتۋ مولشەرى %85كە جەتتى؛ اۋىل شارۋاشىلىعى قامسىزداندىرۋىنىڭ كولەمىن ۇلعايتىپ، ولشەمىن جوعارىلاتۋ قىزمەتىن ىلگەرىلەتىپ، جەر - جەردىڭ كەدەيلىكتەن ارىلۋ ءىس جۇزىندىگىنە ۇيلەسەتىن ەرەكشە جەمىس ورمانى كاسىبى قامسىزداندىرۋىن جانە مال شارۋاشىلىعى قامسىزداندىرۋىن بەلسەنە دامىتىپ، 2018 - جىلى جيىنى 770 مىڭ 800 كەدەي بۇقاراعا حاۋىپ - قاتەر قامسىزداندىرۋ سوماسىنان 6 ميلليارد 480 ميلليون يۋان ازىرلەدى. جۇڭگو حالىق مال - مۇلىك قامسىزداندىرۋ شەكتى جارنا سەرىكتەستىگىنىڭ شينجياڭ بولىمشەسى شينجياڭنىڭ اۋىل شارۋاشىلىعى قامسىزداندىرۋىن ۇستىنە الىپ جۇرگىزەتىن نەگىزگى سەرىكتەستىكتەردىڭ ءبىرى. ”بىلتىر ءبىز 527 مىڭ 200 كەدەي وتباسى ءۇشىن حاۋىپ - قاتەر قامسىزداندىرۋ سوماسىنان 4 ميلليارد 432 ميلليون يۋان ازىرلەپ، 81 مىڭ 500 كەدەي وتباسىنا 75 ميلليون 710 مىڭ يۋان تولەم تولەپ، كەدەي وتباسىلارىنىڭ كاسىپتى دامىتۋ ارقىلى كەدەيلىكتەن ارىلىپ بايۋىنداعى الاڭىن جويدىق“، - دەيدى جۇڭگو حالىق مال - مۇلىك قامسىزداندىرۋ شەكتى جارنا سەرىكتەستىگى شينجياڭ بولىمشە سەرىكتەستىگى اۋىل - قىستاق قامسىزداندىرۋ ىستەرى ءبولىمىنىڭ باس ديرەكتورى ياڭ جۇن.
سالاماتتىق قامسىزداندىرۋىندا، شينجياڭنىڭ قامسىزداندىرۋ سالاسى ارحيۆ تۇرعىزىلىپ، كارتچكا بەرىلگەن كەدەي وتباسىلارىنا سالماقتى اۋرۋلار قامسىزداندىرۋىندا بەيىمدەلۋ ساياساتىن بەلسەنە تياناقتاندىرىپ، 10 مىڭ 700 ادامنىڭ ەمدەلۋ قاراجاتىنان 37 ميلليون 183 مىڭ 100 يۋاندى ەسەپتەن كوتەردى. حالىق تۇرمىسى قامسىزداندىرۋىندا، شينجياڭنىڭ قامسىزداندىرۋ سالاسى جالپى حالىقتىڭ جازاتايىم زاقىمدالۋ قامسىزداندىرۋى قىزمەتىن جاقسى ىستەپ، 2018 - جىلى 130 مىڭ 500 كەدەي بۇقاراعا جازاتايىم زاقىمدالۋ قامسىزداندىرۋ قاراجاتى ءۇشىن 57 ميلليون 252 مىڭ 700 يۋان تولەم تولەپ، كەدەي وتباسىلارىنىڭ جازاتايىم زاقىمدالۋدان كەدەيلەسۋ ماسەلەسىن ءبىرشاما جاقسى شەشتى.
ۇعىسۋعا قاراعاندا، بيىل شينجياڭنىڭ قامسىزداندىرۋ سالاسى قامسىزداندىرۋ قاراجاتىن كەدەيلەردى سۇيەمەلدەۋمەن قاتىستى شاعىن، ۇساق كاسىپورىندارعا جانە جاڭا تيپتەگى تيجارات تۇلعاسىنا تىكە باعىتتاي قوسۋدى تۇيىندە سىناق ەتۋ قىزمەتىن ورىستەتەدى؛ قامسىزداندىرۋ مەحانيزمىن كەدەيلەردى سۇيەمەلدەۋ شاعىن مولشەردەگى قارىز اقشا حاۋىپ - قاتەرىنە تولەم بەرۋ مەحانيزمى قۇرىلىسىنا ەنگىزۋ جونىنەن ىزدەنىس جاساپ، اۆتونوميالى رايوننىڭ كەدەيلەردى سۇيەمەلدەۋدەگى ەكىنى كەشىرەتىن قارىز اقشا مولشەرىنىڭ شەگىنەن جوعارى بولعان قارىز اقشاعا قاراتا قامسىزداندىرۋ مەحانيزمىن ەنگىزىپ، كەلىسىمگە قيعاشتىق جاساۋ حاۋىپ - قاتەرىن بىرگە ارقالاپ، بانكەنى كاسىپ سالاسى بويىنشا كەدەيلىكتەن ارىلتۋدى قولداۋ بارىسىنداعى الاڭداۋشىلىقتان ارىلتادى.
