كوكتەم — ەگىن ەگەتىن ماۋسىم، ال، التاي ايماعى كوكتوعاي اۋدانى قاراتوڭكە قالاشىعى قىزىلقۇدىق قىستاعى مول ءونىم ماۋسىمىن قارسى الدى.
4-ايدىڭ 9-كۇنى، اۆتور قىستاق تۇرعىنى لي اينيڭنىڭ كوكونىس جىلىجايىنا كەلدى، جىلىجايدا پاميدور، بۇرىش، باكلاجان، قيار، اسقاباق سىندى كوكونىستەر بار. كوزالدا، قيار سىندى كوكونىستەر ارت-ارتىنان بازارعا سالىندى. «وسى كەزەكتى كوكونىستەر بازارعا سالىنادى، قيار ساتىلا باستادى، ءار كيلوگرامىنىڭ توپ ساتۋ باعاسى 6 يۋان، پارشا ساتقاندا 8 يۋانعا ساتۋعا بولادى، بيىلعى مول ءونىمىنىڭ باستاماسى»،-دەدى لي اينيڭ كوڭىلدى بەينەمەن.
ۇعىسۋعا قاراعاندا، كوكتوعاي اۋداندىق ۇكىمەت كەڭسەسىنىڭ قىزمەت اترەتى قىستاققا كەلىپ تۇرعاننان بەرى، جەرگىلىكتى قستاق تۇرعىندارىنىڭ جەرگىلىكتى جاعدايعا قاراي ءىس كورىپ، جىلىجاي شارۋاشىلىعىن، اۋلا ەكونوميكاسىن بار كۇشپەن دامىتۋعا جەتەكشىلىك ەتتى، ءارى قىستاق تۇرعىندارىنىڭ جاقىن ماڭنان كاسىپتەنۋ ماسەلەسىن شەشىم ەتتى جانە قىستاق تۇرعىندارىنىڭ كاسىپ جاراتىپ كىرىستەرىن ارتتىرۋعا باستادى.
قىزىلقۇدىق قىستاعىندا 41 كوكونىس جىلىجايى بار، جىلىجايدا قيار، پاميدور، بۇرىش سىندى 10 تۇرلىدەن استام كوكونىس ەگىلەدى. قازىر، ءبىر جىلىجايدان ءبىر وتباسىنىڭ كىرىسى 15 مىڭ ارتتى، ەڭ جوعارى بولعاندا 20 مىڭ يۋان بولادى، جىلىجاي — قىزىلقۇدىق قىستاعىنداعى تۇرعىنداردىڭ «اۋقاتتانۋ ۇياسىنا» اينالدى.
قىستاقتا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى شۇي شۋانتاۋ: «قىستاعىمىزدىڭ شياۋبايساي سىندى جاسىل جاپىراقتى كوكونىستەرى 3-ايدا بازارعا سالىندى، مەجەمەن 4-ايدىڭ سوڭىندا پاميدور بازارعا سالىنادى، بۇل كوكونىستەردىڭ مەرزىمنەن بۇرىن بازارعا سالىنۋى قىستاق تۇرعىندارىنىڭ كىرىسىن ۇزدىكسىز ارتتىردى»،-دەدى.
