تيانشان تورى   ›   ۇيرەنۋ   ›   ماڭىزدى حۇجاتتار

2019 - جىلعى شينجياڭنىڭ امانات - قارىز ساياساتى قىزمەتىن ويداعىداي ىستەيىك

 جۇڭگو حالىق بانكەسىنىڭ ءۇرىمجى ورتالىق تارماق بانكەسى «پىكىر» باسىپ تاراتتى

     ءتىلشى ۋاڭ يۇڭفي 4 - ايدىڭ 10 - كۇنى ۇرىمجىدەن حابارلايدى. جۋىقتا جۇڭگو حالىق بانكەسىنىڭ ءۇرىمجى ورتالىق تارماق بانكەسى «2019 - جىلعى شينجياڭنىڭ امانات - قارىز ساياساتى قىزمەتىن ويداعىداي ىستەۋ جونىندەگى پىكىر»دى باسىپ تاراتتى. «پىكىر»دە شينجياڭنىڭ بانكە سالاسىنداعى فينانس قۇرىلىمدارىنان اقشا ساياساتىنىڭ وتكىزگىشتىك مەحانيزمىن جاقسارتىپ، امانات - قارىز ساياساتى قۇرىلىمىن رەتتەۋ - مەڭگەرۋ رولىن ساۋلەلەندىرىپ، اۋەلگى تەگىنە قايتارىپ، حاۋىپ - قاتەردەن ساقتانىپ، ناقتى ەكونوميكاعا قىزمەت وتەۋ قابىلەتىن اناعۇرلىم كۇشەيتىپ، فينانس پەن ناقتى ەكونوميكانىڭ ۇتىمدى اينالىسىن قالىپتاستىرۋ تالاپ ەتىلدى.

  «پىكىر»دە اۋىل - قىستاقتى گۇلدەندىرۋ ستراتەگياسىنا فينانستىق قىزمەت وتەۋدى جاقسارتۋ، فينانس ارقىلى كەدەيلەردى دالمە - ءدال سۇيەمەلدەۋ قىزمەتىن تاباندىلىقپەن مىقتى يگەرۋ، حالىقتىق جانە شاعىن، ۇساق كاسىپورىنداردىڭ قارجى قۇراۋى قيىن بولۋىن، قارجى قۇراۋى قىمبات بولۋىن كۇش سالا شەشۋ، جاساۋ كاسىبىنىڭ جوعارى ساپالى دامۋىنا قولداۋ كورسەتۋ، حالىق تۇرمىسى سالاسىنا فينانستىق قولداۋدى ارتتىرۋ، تۇرعىن ۇيگە فينانستىق قىزمەت وتەۋدى جاقسارتۋ، فينانس حاۋىپ - قاتەرىنەن تارتىپپەن ساقتانۋ جانە ونى جويۋ سياقتى 8 جاقتا ناقتى اتقارۋ پىكىرى العا قويىلدى.

  «پىكىر»دە مىنالار تالاپ ەتىلدى: شينجياڭداعى ءار دارەجەلى حالىق بانكەلەرى حالىقتى وزەك ەتكەن دامۋ يدەياسىن ىشكەرىلەي دايەكتىلەندىرىپ، ”ءتورت ءتۇرلى بۇرىس ستيل“دى، اسىرەسە، فورماشىلدىقتى، تورەشىلدىكتى تاباندىلىقپەن تۇزەتىپ، ”ەمەۋرىنى كوپ، داۋىسى ءور بولۋ، ارەكەتى از، تياناقتاندىرۋى ناشار بولۋ“ ماسەلەسىن باتىل وڭاپ، قورا - جاي كاسىبى فينانسى، حالىقتىق جانە شاعىن، ۇساق كاسىپورىندار، فينانس ارقىلى كەدەيلەردى سۇيەمەلدەۋ، عىلىم - تەحنيكادا جاڭالىق اشۋ، جاسىل فينانس، جەرگىلىكتى ۇكىمەتتىك قارىز سياقتى سالالاردى ءتۇيىندى تۇردە ارقاۋ ەتىپ، تەكسەرىپ - زەرتتەۋدى جانە ماسەلەگە تۇجىرىم جاساۋدى كۇشەيتىپ، اۋىل شارۋاشىلىعىنا ساياتىن امانات - قارىز ساياساتى ونىمدىلىگىنىڭ بەتالىسىن باعالاۋدى، فينانس ارقىلى كەدەيلەردى دالمە - ءدال سۇيەمەلدەۋ ساياساتى ونىمدىلىگىنىڭ بەتالىسىن باعالاۋدى دەن قويا ورىستەتىپ، اۋىل - قىستاقتى گۇلدەندىرۋدى، حالىقتىق جانە شاعىن، ۇساق كاسىپورىنداردى تەكسەرۋ، باعالاۋ ولشەم جۇيەسىن ورناتۋ جونىندە ىزدەنىس جاساپ، باعالاۋ ناتيجەسىنىڭ پايدالانىلۋىن كۇشەيتىپ، ساياساتتىڭ وتكىزگىشتىك مەحانيزمىن جاقسارتىپ، حالىققا تيىمدىلىك جاساۋ شارالارىنىڭ تياناقتانىپ، ءونىم بەرۋىن ىلگەرىلەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.