تيانشان تورابى   ›   جاڭالىقتار   ›   ەل ءىشى حابارى

كۇرەس ىزدەرى

 شيبايپودا تۇيىندەپ تۇرۋدان بەرىلگەن مالىمەت

شينحۋا اگەنتتىگىنىڭ تىلشىلەرى

  ”رەداكتوردان“

  70 جىلدىڭ الدىندا، جۇڭگو كوممۋنيستىك پارتياسى شيبايپودان”بەيجيڭگە كەلىپ ەمتيحانعا قاتىناسۋ“دىڭ اياق الىسىن باستادى. شىت جاڭا جۇڭگو دۇنيە ءجۇزىن بەتكە الىپ قاسقايا قادام باستى!

  70 جىلدىق ەكپىندەي ىلگەرىلەۋدە جۇڭگونىڭ بايتاق دالاسىندا جويقىن وزگەرىستەر تۋىلدى. جۇڭگو كوممۋنيستەرىنىڭ جاۋاپناماسى 9 ميلليون 600 مىڭ شارشى كيلومەتر كەلەتىن دارقان دالاعا ايبىنمەن جازىلدى.

     وتاننىڭ تۋعان كۇنىن بىرگە قۇتتىقتاپ، كۇرەس جاساۋ اۋەلگى ماقساتىن ەستەن شىعارمايىق. ”ايبىندى 70 جىل . كۇرەسكە تولى جاڭا ءداۋىر“ زور كولەمدى تاقىرىپتىق تىلشىلىك ىستەۋ قيمىلى حىبەيداعى شيبايپودان باستالدى، بۇگىننەن باستاپ جەلىلەس حابارلاردى شوعىرلى ۇسىنىپ، 70 جىلدان بەرگى سوتسياليستىك قۇرىلىستىڭ ۇلى امالياتى مەن قىمباتتى تاجىريبەسىن تەرەڭ بەينەلەپ، جۇڭگو حالقىنىڭ قايىسپاس قايسار كۇرەس جاساۋ رۋحىن ايگىلەپ، قاراپايىم ادامداردىڭ جاڭا جۇڭگومەن بىرگە ەسەيگەن، تاعدىرلاس بولعان اسەرلى حيكايالارىن بايانداپ، كادرلار مەن بۇقارانىڭ پارتيانى ءسۇيۋ، مەملەكەتتى ءسۇيۋ، سوتسياليزمدى ءسۇيۋ شىنايى سۇيىسپەنشىلىگىن قاۋلاتىپ، جاڭا داۋىردە ءبىر نيەتپەن ىنتىماقتاسۋدىڭ، قاجىرلىلىقپەن كۇرەس جاساۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاسقىنداعان كۇشىن ۇيىستىرادى.

  كوكتەمنىڭ قوڭىر سامالى شيبايپودان ەسە باستادى، تاعى دا ءبىر كوكتەم كەلدى.

  70 جىلدىڭ الدىنداعى 3 - ايدا پارتيا ورتالىق كوميتەتى تايحاڭشان تاۋىنىڭ قويناۋىنداعى شاعىن قىستاقتان اتتانىپ بەيپيڭگە قاراي جولعا شىقتى. ماۋ زىدۇڭ جولداس تەرەڭ ماعىنادا ”بۇگىن بەيجيڭگە بارىپ ەمتيحانعا قاتىناساتىن كۇن“، ”بارلىعىمىز جاقسى ناتيجەگە يە بولۋدى ءۇمىت ەتەمىز“، - دەدى.

  70 جىلدان بەرى، جۇڭگو كوممۋنيستەرى ”ەمتيحان“عا قاتىناسۋ اياق الىسىن ەشقاشان توقتاتپادى. جۇڭگونىڭ بايتاق دالاسىندا، سان - ساناقسىز ايبىندى دامۋ سۋرەتتەرى سىزىلىپ، سان - ساناقسىز عالامات كۇرەس داستاندارى جازىلۋدا.

كۇرەس جاساپ، داڭقتى بورىشتى ادا ەتتى

  ءبىر قۋانىشتى حابار ادامدى شاتتاندىردى: 2018 - جىلى 9 - ايدا شيبايپو تۇرعان پيڭشان اۋدانى كەدەيلىكتەن ارىلىپ، 32 جىل كيگەن ”كەدەيلىك قالپاعى“ن الىپ تاستادى.

  70 جىلدىڭ الدىندا جۇڭگو كوممۋنيستىك پارتياسىنىڭ ورتالىق كوميتەتى قالاعا كىرۋ قارساڭىندا، شيبايپودا 7 - كەزەكتى ورتالىق كوميتەتتىڭ ەكىنشى جالپى ءماجىلىسىن اشىپ، جاڭا جۇڭگونىڭ ايبىندى جوباسىن سىزدى؛ ”ەكى بولسىن“ ۇندەۋى سان ۇرپاق كوممۋنيستەرگە ەسكەرتۋمەن بولدى.

  ”كەدەيلىكتەن ارىلتۋ جەتىستىكتەرىن بەكەمدەۋ، تيپ وزگەرتىپ، دارەجەسىن جوعارىلاتۋدى جەدەلدەتۋ، ەكولوگيانىڭ لاستانۋىن جونگە سالۋ قاتارلىلار تۇگەلدەي ءبىزدىڭ الدىمىزداعى قاتاڭ ەمتيحان سۇراۋى. اياق الىستى جەدەلدەتىپ، قۇلشىنا الدا ءجۇرۋىمىز كەرەك“، - دەدى پيڭشان اۋداندىق پارتكومنىڭ شۋجيى لي شۇيياڭ.

  2013 - جىلى 7 - ايدىڭ 11 - كۇنى باس شۋجي شي جينپيڭنىڭ شيبايپوعا كەلىپ، كادرلارمەن جانە بۇقارامەن اڭگىمە ءماجىلىس اشقان كەزدەگى كورىنىس لي شۇيياڭنىڭ ءالى ەسىندە −

  ”باس شۋجي ءار دارەجەلى باسشى كادرلاردان، اسىرەسە، پيڭشانداعى پارتيالى كادرلاردان ’ەكى بولسىن‘عا باستاماشىلدىقپەن تاباندى بولىپ، كىشى پەيىل، بايسالدى بولۋ، قاجىرلىلىقپەن كۇرەس جاساۋ، شىندىقتى ءىس جۇزىنەن ىزدەۋ، ءبىر نيەتپەن حالىق ءۇشىن قىزمەت ىستەۋ تالابىن مىندەت جاۋاپكەرشىلىكتى اتقارۋدىڭ ءار بۋىنىندا تياناقتاندىرىپ، ءىس جۇزىندىك ارەكەت ارقىلى حالىقتىڭ سەنىمىنە يە بولۋدى تالاپ ەتتى“.

  وسىناۋ قىزىل توپىراقتا، ”ەكى بولسىن“نىڭ كۋاگەرلەرىنەن اتقارۋشىلارىنا دەيىن، بايىرعى رايوننىڭ پارتيالى كادرلارى تىڭعىلىقتى ارەكەتتەرىمەن ۇلى رۋحقا جاندى دا جالىندى تۇسىنىكتەمەلەر جازدى.

  بيىل 51 جاستاعى چىن گوپيڭ ۇزاق ۋاقىت شيبايپو قالاشىعىنىڭ لياڭجياگوۋ قىستاعى پارتيا ياچەيكاسىنىڭ شۋجيى مىندەتىن وتەگەن.

  1996 - جىلى مىندەتكە وتىرعاننان باستاپ، سۇراپىل تاسقىن اپاتى الدىندا، چىن گوپيڭ باسشىلىق القاسىنىڭ مۇشەلەرى مەن قارىمدى ەڭبەككۇشتەردەن قۇرالعان ”قۇرىلىس اترەتى“ن باستاپ، 100 كۇننەن استام جاپالى جۇمىس ىستەپ، جولدى جوندەدى، جاڭادان 100 مۋلىق ەگىستىك جەر اشتى.

  2009 - جىلى لياڭجياگوۋ قىستاعىندا جاڭا تۇرعىندار تۇراعى قۇرىلىسى باستالدى، چىن گوپيڭ ءبىر بولەك ەڭ ناشار قورا - جاي ورنىن ىرىقتىلىقپەن تاڭداپ الدى. ساياحات جولىن سالۋ، قىزىل ساياحات شاعىن قالاشىعىن قۇرۋ، ۇيلەردى شاعۋ - كوشىرۋ قاجەت بولدى، چىن گوپيڭ مەن 3 قىستاق كادرى ءوز ۇيلەرىن الدىمەن شاقتى.

  شيبايپو قىستاعىنىڭ 51 جىلدىق پارتيا ستاجىنا يە ساقا ياچەيكا شۋجيى يان ۋىنجين تىلشىگە ”ەكى بولسىن“دى اپ - انىق جاتقا ايتىپ بەردى.

  ”كوممۋنيستىك پارتيا مۇشەسى ءىس ىستەپ، ناتيجە شىعاراتىن ادام، حالىق ءۇشىن قىزمەت ىستەيتىن ادام، ’ەكى بولسىن‘دى ەستە بەرىك ساقتاپ، ءوزىنىڭ ەمتيحان سۇراۋىنا جاقسى جاۋاپ بەرۋ كەرەك، شيبايپولىقتار جونىنەن ءتىپتى دە وسىلاي“.

  ءداۋىر كۇن سايىن جاڭارىپ، اي سايىن وزگەرەدى. كۇرەس جاساۋ ماڭگى تولاستامايدى.

  شيبايپو قالاشىعىنىڭ جان باسىندىق ەگىستىك جەرى از، ونىڭ ۇستىنە سۋ قاينارلارىن قورعاۋ كولەمىندە بولعاندىقتان، ەكولوگيانى قورعاۋ قىسىمى مەن جاۋاپكەرشىلىگى اۋىر بولاتىن، بۇگىنگىدەي دامۋعا يە بولۋى پارتيالى كادرلاردىڭ باستاماشىلىعىنىڭ ارقاسى.

  بىلتىر قىستاقتىڭ ”ەكى كوميتەتى“ كەزەك اۋىسقاندا، شيبايپو قالاشىعىنداعى 16 قىستاقتىڭ 11ى پارتيا ياچەيكا شۋجيىن اۋىستىرىپ، كادرلار قوسىنى اناعۇرلىم جاسارا ءتۇستى.

  ”قىستاق پارتيا ياچەيكا شۋجيلەرى بۇرىنعى ورتاشا جاسى 60تان جوعارى بولۋدان قازىرگى ورتاشا جاسى 48 جاس توڭىرەگىنە تومەندەدى، ەڭ جاس قىستاق پارتيا ياچەيكا شۋجيى 1987 - جىلى تۋعان. ءبىز جاقسى ناتيجە شىعارۋعا باتىل بولاتىن رۋحاني كۇيمەن العا ىلگەرىلەۋ جولىنداعى قيىنشىلىقتاردى جەڭۋىمىز كەرەك“، - دەدى شيبايپو قالاشىق پارتكومنىڭ شۋجيى چىن دۇڭلياڭ.

كۇرەس جاساۋ − ءتىپتى دە تاماشا تۇرمىس ءۇشىن

  بۇل − پيڭشان اۋدانى شياحۋاي قالاشىعى نانۋىندۋ قىستاعى: تاسپاداي ءتۇزۋ جول، كورىكتى مادەنيەت الاڭى، قاتار - قاتار تۇتاسقان بالىق كولشىكتەرى... بىرنەشە جىلدىڭ الدىندا بۇل ارادا قوقىر - قوقسىق قىستاقتى قورشاپ، لاس سۋ قاپتاپ، ءتىپتى، قىستاق تۇرعىندار كوميتەتى قاقپاسىنىڭ ءوزىن شوشقا قورا، دارەتحانا ”توسىپ“ تۇراتىن.

  وزگەرىس كەدەيلەردى سۇيەمەلدەۋ قىزمەت گرۋپپاسى كەلۋدەن باستالدى.

  قىستاقتا تۇرعان ءبىرىنشى شۋجي جاڭ دۋانشۋ تەكسەرۋ - زەرتتەۋ جۇرگىزگەننەن كەيىن، نانۋىندۋ قىستاعى شيبايپو كورىنىس رايونىنان 4 كيلومەترگە جەتپەيتىن ارالىقتا، تاۋعا سۇيەنىپ، وزەندى جاعالاعان، تابيعي جاعراپيالىق ابزالدىلىققا يە، زور كومەسكى كۇشى بار ەكەندىگىن بايقايدى.

  قىستاقتىڭ بەت - بەينەسىن رەتتەپ - جونگە سالىپ، وزەن ارناسىن وڭاپ، شامگۇل كولشىكتەرىن سالدى، ءجۇزىم، شيە ءوسىرىپ، اۋىل شارۋاشىلىق ەكولوگيالىق سەيىل - سەرۋەن باقشاسىن جاسادى... كەدەيلەردى سۇيەمەلدەۋ قىزمەت گرۋپپاسى قىستاق تۇرعىندارىمەن بىرگە تاۋلى قىستاقتى كوركەيتتى.

  جەردى اينالىسقا سالدى، باقشا رايوندارىندا جۇمىس ىستەدى، ”شارۋالار شاتتىعى ساياجايلارىن“ قۇردى... قىستاق تۇرعىندارىنىڭ تۇرمىسى بارعان سايىن ۇمىتكە تولدى.

  قىستاقتا تۇرۋ مەرزىمى تولعاننان كەيىن، قىستاق تۇرعىندارى جاڭ دۋانشۋدى جىبەرمەي الىپ قالدى. جاڭ دۋانشۋ: قىستاقتاعى ەڭ سوڭعى بولىپ كەدەيلىكتەن ارىلعان ادامنىڭ ”كوممۋنيستىك پارتيا جاقسى“ دەگەن ءبىر اۋىز ءسوزى ماڭگى ەسىمنەن كەتپەيدى، - دەدى.

  شيبايپو ەسكەرتكىش سارايىندا بىرنەشە رەڭسىز سۋرەتتە تاريح ەستەلىككە الىنعان.

  70 نەشە جىلدىڭ الدىندا جۇڭگو كوممۋنيستىك پارتياسى ورتالىق كوميتەتىنىڭ قىزمەت كوميتەتى شيبايپودا مەملەكەتتىك جەر قىزمەتى ءماجىلىسىن اشىپ، «جۇڭگو جەر زاڭى باعدارلاماسى»ن ماقۇلدادى. ”ەگىنشىنىڭ اتىزعا يە بولۋى“ جۇڭگو حالقىنىڭ ”ەڭسە كوتەرىپ، وتباسىن شالقىتۋ ىنتاسىنا دەم بەردى“.

  وتكەن عاسىردىڭ 50 - جىلدارىندا گاڭنان سۋ قويماسىنىڭ سالىنۋىمەن شيبايپولىقتار كۇرىش ەكى رەت ءونىم بەرەتىن ”استىقتى القاپتان“ قۇنارسىز ادىرعا كوشىپ باردى، جان باسىندىق ەگىستىك جەر كۇرت ازايىپ، تۇرمىس ءبىر مەزگىل قيىنشىلىقتا قالدى...

  74 جاستاعى ساقا پارتيا مۇشەسى يان چيڭحايدىڭ بويىنا شيبايپولىقتاردىڭ كۇرەس جاساپ، ناتيجە شىعارۋ تاريحىنىڭ شاعىن كورىنىسى جيناقتالعان: جاس كەزىندە ول تاسىمال كەمەسىن جۇرگىزگەن، قالاعا كىرىپ جۇمىس ىستەگەن، شيبايپوداعى العاشقى ”شارۋالار شاتتىعى ساياجايى“ن اشقان، قىستاقتاعى تۇڭعىش ”10 مىڭ يۋاندىق وتباسى“بولعان... يان چيڭحاي ەجەلدەن جاقسى تۇرمىسقا كۇرەس جاساۋ ارقىلى قول جەتەتىندىگىنە سەندى.

  ”بۇرىن پارتيا بايىرعى رايون حالقىن باستاپ ەڭسە كوتەرتتى، قازىر بايىرعى رايون حالقىن باستاپ كەدەيلىكتەن ارىلتتى. قاجىرلىلىقپەن كۇرەس جاساۋ رۋحىن قاي كەزدە دە جوعالتۋعا بولمايدى“، - دەدى يان چيڭحاي.

  شيبايپو قىستاعىنىڭ ساياحات كاسىبىندەگى كەلەشەگىن ءدال بايقاعان ”80 - جىلداردىڭ تۇلەگى“، ستۋدەنت يان ىرپىڭ 2005 - جىلى اۋىلىنا قايتىپ، ءۇيىنىڭ تۇسەلحانا ساۋداسىن وتكىزىپ الدى. تۇسەلحانا اشۋمەن بىرگە، ول ساياحات سايتىن قۇرىپ، ساياحات داياشىسىنىڭ تۇسىندىرمەسى سياقتى جۇمىستارمەن اينالىستى، ءار جىلعى پايداسى 400 − 500 مىڭ يۋانعا جەتتى.

  جاڭا ۇرپاق شيبايپولىق رەتىندە، يان ىرپىڭ ءوزىنىڭ قۇلشىنىسى ارقىلى قىزىل مادەنيەتتى اناعۇرلىم جاقسى ۇگىتتەپ تانىستىرۋدى ءۇمىت ەتەدى. ”شيبايپوعا كەلىپ ەكسكۋرسيالايتىن، ساياحاتتايتىن ادامدار بارعان سايىن كوبەيدى، ءتىپتى دە باعىتتامالى قىزمەت وتەپ، ەكسكۋرسيالاۋشىلارعا شيبايپونىڭ تاريحى مەن رۋحىن ءتىپتى دە جاقسى ءتۇسىندىرۋ كەرەك“.

كۇرەس جاساۋ دامۋدىڭ جاڭا پاراعىن جازدى

  پارتيا 18 - قۇرىلتايىنان بەرى، پيڭشان اۋدانى مەملەكەتتىڭ تۇتاس الاپتىق ساياحاتتان ۇلگى كورسەتۋ رايونىن قۇرۋدى وراي ەتىپ، ”ەكولوگيالىق اۋدان قۇرۋ، ساياحات ارقىلى اۋداندى گۇلدەندىرۋ“ ستراتەگياسىن زور كۇشپەن اتقارىپ، اۋدان ەكونوميكاسىنىڭ، قوعامنىڭ جوعارى ساپالى دامۋىن ىلگەرىلەتتى.

  2018 - جىلعا دەيىن پيڭشان اۋدانى 5A دارەجەلى كورىنىس رايونىنان ءبىرىن، 4A دارەجەلىدەن 10ىن قۇردى. 2018 - جىلى تۇتاس جىلدا قابىلداعان ساياحاتشى 17 ميلليون 100 مىڭ ادامعا (رەت) جەتىپ، سايكەس مەزگىلدەن %30 ارتتى؛ ساياحاتتان كىرگەن كىرىس 12 ميللياد 900 ميلليون يۋانعا جەتىپ، سايكەس مەزگىلدەن %35 ارتتى.

  ”كوك اسپان ، اقشا بۇلت، تازا اۋامەن تىنىستاعان قانداي راحات“. ”ورتانى قورعاۋدىڭ اتويشىسى“ فىڭ يانياننىڭ جاسىل دامۋدان العان اسەرى تەرەڭ.

  بۇرىن فىڭ يانيان زاۆود اشىپ، جوعارى تەمپەراتۋراعا شىدامدى كەرپىش وندىرەتىن. ”كۇنىنە ورتا ەسەپپەن نەشە توننا كومىر جانىپ، قويۋ ءتۇتىن بۋداقتاپ جاتاتىن. اقشا تاپقانىممەن، كۇندە ارىزدىڭ استىندا قالاتىنمىن“. مەملەكەتتىڭ ورتانى قورعاۋعا بارعان سايىن ءمان بەرۋىنە بايلانىستى فىڭ يانيان بۇل كاسىپتى ەندى بۇلاي ىستەۋگە بولمايتىنىن بايقادى.

  سودان ول ءوزىنىڭ كاسىپورنىنا ۇيلەسەتىن، ورتانى قورعايتىن جوعارى تەمپەراتۋرالى قۇمدان جابدىعىن زەرتتەۋدەن باستاپ، ىزدەنۋگە سۇيەنە وتىرىپ تاپقىرلاعان تەحنيكاسىنا مەملەكەتتىك تاپقىرلىق پاتەنت ۇقىعىن ءوتىنىش ەتىپ، ورتانى قورعاۋ سەرىكتەستىگىن قۇرۋعا دەيىن، ودان كەرپىش زاۆودىن جاۋىپ، ورتانى قورعاۋ سەرىكتەستىگىن دامۋدىڭ تەز جولىنا تۇسىرۋگە دەيىن، فىڭ يانيان كاسىپتىڭ تيبىن وزگەرتىپ دامىتۋدىڭ جاڭا جاعدايىن اشتى. ”بۇرىن وتقا شىدامدى كەرپىش ءوندىرىپ، جىل سايىنعى ءوندىرىس قۇنىن 10 ميلليون يۋان دەپ ەسەپتەيتىنبىز، قازىر ورتانى قورعاۋمەن اينالىسىپ، جىل سايىنعى ءوندىرىس قۇنىن 100 ميلليون يۋان دەپ ەسەپتەيتىن بولدىق، ەكەۋىن سالىستىرۋعا كەلمەيدى“.

  تيپ وزگەرتۋ جاڭا وراي جاراتتى

  2015 - جىلى 9 - ايدا پيڭشان اۋدانىنداعى حىبەي جينيە توبى جينيە قوسپا ماتەريال جاساۋ عىلىم - تەحنيكا شەكتى سەرىكتەستىگىن قۇرىپ، 3D باسىپ شىعارۋ نىسانىن دامىتادى. وسى ءىرى تۇرپاتتى حالىق مەنشىگىندەگى بولات - تەمىر كاسىپورنى قامداۋ جاعىنداعى قۇرىلىمدىق رەفورماسىندا ماڭىزدى ءبىر قادام باستى.

  ولار مەحانيكا عىلىمىن زەرتتەۋ باس مەكەمەسىندەگى عىلمي زەرتتەۋ ۇيىرمەسىمەن سەلبەستىك جاساپ، حالىقارادا وزىق ورەگە يە مايدا مەتال ۇنتاعىن قالىپتاۋ، جاساۋ جابدىق تەحنيكاسىن تاپقىرلاپ، ەلىمىز ىشىندە ەڭ الدىمەن مايدا مەتال ۇنتاعى ءوندىرىس جەلىسىن قۇردى.

  ”2 كيلوگرام مەتال ۇنتاعىن ءبىر توننا بولاتتىڭ باعاسىندا ساتامىز. 3D باسىپ شىعارۋ تەحنيكاسى مەتال ۇنتاعىن نازىك بولشەك، قالىپپەن جاسايتىن ءونىم ەتىپ جاساپ، ەنەرگيانىڭ جانە شيكى ماتەريالدىڭ جۇمسالۋىن زور دارەجەدە تومەندەتتى“، - دەدى جينيە توبىنىڭ ورىنباسار باس ديرەكتورى جاڭ جۋەليڭ.

  جاڭا باستاما، جاڭا نىسانا، جاڭا سايىس. ”كەدەيلىك قالپاعىن“ الىپ تاستاعان پيڭشان اۋدانى اناعۇرلىم زور ۇمىتكە يە بولدى − قالا ءوڭىرىنىڭ 2 - ورتالىعىن جاساپ، ەكولوگياسى جاقسى، باي، وركەنيەتتى، مادەنيەتتى، جاراسىمدى، ورتا دارەجەلى قالا قۇردى.

  ”جوعارى ساپالى دامۋ وزەكتى مىندەتىن ارقاۋ ەتە وتىرىپ، كەدەيلىكتەن ارىلتۋدىڭ ونىمدىلىگى، ورتا ساپاسى، حالىق تۇرمىسىن قامتاماسىز ەتۋ ورەسى قاتارلى ءۇش ورەنى جوعارىلاتۋ كەرەك“، - دەدى لي شۇيياڭ پيڭشان اۋدانىنىڭ ”جاۋاپ قايتارۋ ويىن“ قورىتىندىلاپ.

  ”نەشە مىڭ جىلدان بەرگى فەودالدىق ەزگىنى، 100 نەشە جىلدان بەرگى يمپەرياليزمنىڭ ەزگىسىن ءبىز كۇرەس ارقىلى تۇبەگەيلى اۋدارىپ تاستادىق“. 1949 - جىلعى جاڭا جىل قارساڭىندا، ماۋ زىدۇڭ جولداس شينحۋا اگەنتتىگىنە جازعان «توڭكەرىستى سوڭىنا دەيىن جۇرگىزەيىك» تاقىرىبىنداعى جاڭا جىلدى قۇتتىقتاۋ سوزىندە دۇنيەگە ايبىندى مالىمدەمە جاريالادى.

  ”ءوز كۇشىمىزگە سۇيەنىپ ءومىر سۇرۋگە، قاجىرلىلىقپەن كۇرەس جۇرگىزۋگە تاباندى بولىپ، قۇرىشتاي بەرىك سەنىممەن، ورشەلەنە العا ۇمتىلاتىن ارىنمەن، مويىماس قايسارلىقپەن بۇرىن ەشكىم ىستەمەگەن ۇلى ىستەردى نىق قاداممەن العا ىلگەرىلەتە بەرۋىمىز كەرەك“. باس شۋجي شي جينپيڭنىڭ 2019 - جىلعى جاڭا جىلدى قۇتتىقتاۋ ءسوزى ميللياردتاعان ادامدى شابىتتاندىردى، جىگەرلەندىردى.

  شيبايپودا تۇرىپ، جاڭا جۇڭگو ساپارعا شىققان جەردەن تاريح پەن بولمىستىڭ شارىقتاۋىن سەزىنىپ، كوڭىل كولدەي تولقىپ، ايبىندى جىگەر اسقاقتادى!

  (تىلشىلەر سۇن جيە، حۋاڭ شياۋشي، جاڭ تاۋ، يان چيلەي، فان شىحۇي)

  (شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى