تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ بيرما مەملەكەت قورعانىس ارمياسىنىڭ باس سىليڭى مين اڭلايمەن كەزدەستى

  شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى (ءتىلشى مەي شىشيۇڭ). مەملەكەت ءتوراعاسى شي جينپيڭ 4 - ايدىڭ 10 - كۇنى تۇستەن كەيىن حالىق سارايىندا جۇڭگوعا ساپارلاي كەلگەن بيرما مەملەكەت قورعانىس ارمياسىنىڭ باس سىليڭى مين اڭلايمەن كەزدەستى.

  شي جينپيڭ بىلاي دەدى: جۇڭگو مەن بيرمانىڭ ”تۋىسقاندىق“ دوستىق سۇيىسپەنشىلىگى ارىدان جالعاسقان. كەزەكتە جۇڭگو - بيرما قارىم - قاتىناسى جالپى تۇلعالىق جاقتان جاقسى بەتالىسپەن دامىپ كەلەدى، ءارقايسى سالالاردىڭ، ءارقايسى جىكتەگىلەردىڭ اۋىس - ءتۇيىسى، سەلبەستىگى ۇزدىكسىز كەڭەيىپ، ”ءبىر بەلدەۋ، ءبىر جول“ سەلبەستىگىندە تىڭ ىلگەرىلەۋشىلىككە قول جەتكىزدى. جۇڭگو جاق جۇڭگو - بيرما قارىم - قاتىناسىنا وسكەلەڭ ءمان بەرەدى، حالىقارالىق اۋقىم مەيلى قالاي وزگەرسە دە، بيرما جاقپەن بۇرىنعىداي ستراتەگيالىق بايلانىستى كۇشەيتىپ، ءوزارا تيىمدىلىك جەتكىزىپ، سەلبەستىك جاساۋدى تەرەڭدەتىپ، جۇڭگو مەن بيرمانىڭ جان - جاقتى ستراتەگيالىق سەلبەستىك، سەرىكتەستىك قارىم - قاتىناسىنىڭ ءمانىن ۇزدىكسىز بايىتىپ، ەكى ەل حالقىنا اناعۇرلىم مول ناقتى مۇددە جەتكىزىپ، ءوڭىردىڭ ورنىقتىلىعى مەن گۇلدەنىپ - كوركەيۋىنە بىرگە ۇلەس قوسۋدى قالايدى.

  شي جينپيڭ بىلاي دەدى: جۇڭگو - بيرما اسكەري ىستەر سەلبەستىگى ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ماڭىزدى قۇرامداس بولىگى. ەكى ارميا ناقتى اۋىس - ءتۇيىستى، سەلبەستىكتى تەرەڭدەتىپ، ءوزارا سەنىمدىلىكتى، ءوزارا پايدا جەتكىزۋدى تياناق ەتكەن ءارى ەكى ەلدىڭ ورتاق حاۋىپسىزدىگى مەن دامۋ مۇددەسىن قورعاۋعا كۇش سالاتىن ەكى ارميا قارىم - قاتىناسىن بىرگە تۇلعالاۋى كەرەك.

  شي جينپيڭ بىلاي دەدى: جۇڭگو جاق بيرمانىڭ ەل ءىشى بەيبىتشىلىك اياق الىسىن قولدايدى، بيرمانىڭ سولتۇستىگى جاعدايىنىڭ دامۋىنا نازار اۋدارادى، بيرما جاقتىڭ جۇڭگومەن ءبىر باعىتتا ارەكەتتەنىپ، شەكارانى باسقارۋدى ونان ارى كۇشەيتىپ، شەكارانىڭ حاۋىپسىزدىگىن، ورنىقتىلىعىن بىرگە قورعاۋىن ءۇمىت ەتەدى.

  مين اڭلاي ءتوراعا شي جينپيڭنىڭ ۋاقىت شىعارىپ كەزدەسكەنىنە شىنايى العىس ايتتى. ول بىلاي دەدى: بيرما مەن جۇڭگونىڭ ۇزاقتان جالعاسقان ءداستۇرلى دوستىعى بار، ەكى ەل، ەكى ارميا قارىم - قاتىناسى باستان - اياق تاماشا دامۋ قاتىناسىن ساقتادى. بيرما جاق جۇڭگو جاقتىڭ ۇزاق ۋاقىتتان بەرى بيرما مەملەكەتى مەن ارمياسىنىڭ دامۋ قۇرلىسىنا باعالى قولداۋ كورسەتكەندىگىنە العىس ايتادى، جۇڭگو جاقتىڭ بيرمانىڭ ەل ءىشىنىڭ بەيبىتشىلىك اياق الىسىن قولداعاندىعىنا العىس ايتادى. بيرما جاق ”ءبىر بەلدەۋ، ءبىر جول“ قۇرىلىسىن قارسى الادى، قولدايدى ءارى بەلسەنە ات سالىسۋدى قالايدى، جۇڭگو جاقپەن ءار سالاداعى ناقتى سەلبەستىكتى كۇشەيتىپ، ناقتى شارا قولدانىپ، بيرما - جۇڭگو شەكارا ءوڭىرىنىڭ ورنىقتىلىعىن قورعايدى.

    ورتالىق اسكەري ىستەر كوميتەتىنىڭ مۇشەسى، ورتالىق اسكەري ىستەر كوميتەتى بىرلەسكەن شتابىنىڭ باستىعى لي زوچىڭ كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.