تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

سانالىلىقپەن ”تورتتە ونەگە“ بولامىن

   اقسۋ ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى

مامەت نامەت

  مەن ونسۋ اۋدانىندا قاراپايىم وتباسىندا دۇنيەگە كەلدىم، اكەم ارمياعا قاتىناسقان، ساقا پارتيا مۇشەسى، قارت كادر. اكەمنىڭ ىقپالىندا، مەن ورتا مەكتەپ تاۋىسقاننان كەيىن اسكەرگە بارۋدى تاڭدادىم. مەكتەپ تابالدىرىعىن اتتاعاننان اسكەرگە بارعانعا، ونان قىزمەتكە قاتىناسقانعا دەيىن مەن باستان - اياق ءار ۇلت ساباقتاستارىممەن، جاۋىنگەر سەرىكتەرىممەن جانە قىزمەتتەستەرىممەن ەتەنە ارالاسىپ، تاتۋ - ءتاتتى بىرگە تۇرىپ، ءوزارا كومەكتەسىپ، بىرگە العا باستىم. مەن وقىعان، قىزمەت ىستەگەن ءاربىر باسقىشتا وتان ۇلى شاڭىراعىنىڭ ىستىق مەيىرىن تەرەڭ سەزىندىم.

  رەفورما جاساعاننان، ەسىك اشقاننان بەرى، اسىرەسە، پارتيانىڭ 18 - قۇرىلتايىنان بەرى، شينجياڭنىڭ ەكونوميكالىق، قوعامدىق دامۋى وراسان زور ناتيجەگە قول جەتكىزدى، قاتىناس، سۋ يگىلىگى، ەنەرگيا، حابارلاسۋ سياقتى نەگىزدىك قۇرىلعىلار ۇزدىكسىز كەمەلدەندى؛ ەگىنشى - مالشىلار تۇرعىن ءۇي، ەگىن، مال شارۋاشىلىق ءوندىرىسى، ەمدەلۋ، وقۋ سياقتى كوپتەگەن جاقتاردا پارتيانىڭ حالىققا ءتيىمدى ساياساتىنان يگىلىكتەندى. اماليات جۇڭگو كوممۋنيستىك پارتياسىنىڭ باسشىلىعى بولماسا، شينجياڭنىڭ گۇلدەنىپ، دامۋى مەن ءار ۇلت حالقىنىڭ باقىتتى تۇرمىسى بولمايتىندىعىن دالەلدەدى. وسى ىرىستى توپىراقتا جاساپ جاتقان ءار ۇلت پەرزەنتتەرى ماڭگى پارتيانى قىزۋ سۇيەتىن، وتاندى قىزۋ سۇيەتىن شىنايى سۇيىسپەنشىلىكتە بولىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن تاباندىلىقپەن، باتىلدىقپەن قورعاۋى كەرەك.

  ءبىز مىنانى سەرگەكتىكپەن كورە ءبىلۋىمىز كەرەك: ”ءۇش ءتۇرلى كۇش“ تاريح اعىمىنا قارسى ارەكەتتەنىپ، شينجياڭ تاريحىن قۇتىرىنا بۇرمالاپ، ءدىني ۇشقارى يدەيانى جانە ءپانىسلاميزم، پانتۇركيزم يدەياسىن تاراتىپ، بولشەكتەۋ، ءبۇلدىرۋ ارەكەتىن جۇرگىزىپ، ءار ۇلت حالقىنىڭ تىنىش، جاراسىمدى تۇرمىسىن اۋىر دارەجەدە ءبۇلدىردى، قوعامنىڭ جاراسىمدىلىعىنا، ورنىقتىلىعىنا اۋىر دارەجەدە زيان جەتكىزدى. ءبىز جۇرتقا لاڭ سالعان وسى بۇزاقىلاردىڭ ءار ۇلت حالقىنىڭ باقىتتى تۇرمىسىن بۇلدىرۋىنە، جاراسىمدى، ورنىقتى اسا تاماشا جاعدايدى بۇلدىرۋىنە استە جول بەرمەيمىز. ”ءۇش ءتۇرلى كۇش“ الاستالمايىنشا، شينجياڭدا ماڭگى تىنىشتىق ورنامايدى. ءار ۇلت كادر - بۇقاراسى باتىلدىقپەن كەۋدە كەرىپ الدىعا شىعىپ، ىنتىماقتاسىپ، ارەكەتتەنىپ، ايقىن تۋ ۇستاي وتىرىپ ”ءۇش ءتۇرلى كۇش“كە قارسى سوعىس جاريالاپ، ولارمەن باتىلدىقپەن سوڭىنا دەيىن كۇرەس جۇرگىزۋى كەرەك.

  شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتى جونىندە ءبىرسىپىرا كەلەلى شەشىم، ورنالاستىرۋ جاساپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن تۇراقتاندىردى. كوممۋنيستىك پارتيانىڭ مۇشەسى رەتىندە، مەن قاي - قاشان دا باس نىسانانى جۇرەگىمە ۇيالاتىپ، ارقالاپ، سانالىلىقپەن ”تورتتە ونەگە“ بولامىن: ءبىرىنشى، ساياسيدا تاباندى بولۋدا ونەگە بولامىن، پارتياعا شارتسىز ادال بولىپ، باستان - اياق تۇرعىمدا بەرىك تۇرىپ، ساياسيدا تاباندى بولۋدان جازباي، ساياسيدا قاتاڭ بولاتىن، باتىلدىقپەن جاۋاپكەرشىلىك ارقالايتىن، سىن - سايىستارعا توتەپ بەرەتىن كادر بولامىن؛ ەكىنشى، باتىلدىقپەن كۇرەس جۇرگىزۋدە ونەگە بولامىن، پارتيا مەن حالىقتىڭ ماعان جاساعان بارلىق قامقورلىعىن ەسەلەپ قاستەرلەپ، شەشۋشى ساتتە اتويلاپ الدىعا شىعىپ، قيىن - قىستاۋ كەزەڭدە باسىمدى ءباي تىگىپ، بولشەكتەۋشىلىككە قارسى تۇرۋ كۇرەسىندە باستاماشى بولامىن؛ ءۇشىنشى، باس نىسانانى تياناقتاندىرۋدا ونەگە بولامىن، قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى ”كەشەندى شارالار“ىن باتىل تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋ شارالارىن ويداعىداي تياناقتاندىرامىن؛ ءتورتىنشى، ۇلتتار ىنتىماعىن قورعاۋدا ونەگە بولامىن، ۇلتتار ىنتىماعىن قورعاۋ جانە جەبەۋ قىزمەتىندە ونەگە بولىپ، ءوز باسىمنان باستاپ ىستەپ، كىشكەنە ىستەن باستاپ ىستەپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن بەلسەنە ۇيىمداستىرىپ جانە وعان ات سالىسىپ، ۇلتتار ىنتىماعىن كوز قاراشىعىمداي ايالاپ، ومىرىمدەي قاستەرلەيمىن. ءبىز ءاربىر پارتيالى كادر پارتيانىڭ ابزال ساياساتىن نەگىزگى ساتىداعى بۇقاراعا اناعۇرلىم بەلسەندىلىكپەن ۇگىتتەپ، ءار ۇلت بۇقاراسىن تىعىز ىنتىماقتاسۋعا باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋىمىز كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى