تيانشان تورابى   ›   جاڭالىقتار   ›   ەل ءىشى حابارى

ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ 2 - كەزەكتى قۋزاۋ - جەتەكشىلىك ەتۋ قىزمەتى جاپپاي باستالدى

  شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى (ءتىلشى شيۇڭ فىڭ). ورتالىقتىڭ بەكىتۋىمەن 4 - ايدىڭ 1 - كۇنىنەن 10 - كۇنىنە دەيىن ورتالىقتىڭ قارا كۇشتەردى الاستاۋعا، سۇرقيا كۇشتەردى جويۋعا قۋزاۋ - جەتەكشىلىك ەتۋ گرۋپپالارى تيانجين، جيلين، جىجياڭ، انحۇي، جياڭشي، حۋنان، گۋاڭشي، حاينان، گۇيجوۋ، يۇننان، شينجياڭ قاتارلى 11 ولكەگە (رايون، قالا) جانە شينجياڭ ءوندىرىس - قۇرىلىس بيڭتۋانىنا كەلىپ جايعاسۋ قىزمەتىن ورىنداپ، ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 2 - كەزەكتى قۋزاۋ - جەتەكشىلىك ەتۋ قىزمەتىن جاپپاي باستادى.

  ورتالىقتىڭ ءارقايسى قۋزاۋ - جەتەكشىلىك ەتۋ گرۋپپالارى قۋزاۋ - جەتەكشىلىك ەتۋ جۇرگىزىلەتىن ولكەدە (رايون، قالا) جانە شينجياڭ ءوندىرىس - قۇرىلىس بيڭتۋانىندا قۋزاۋ - جەتەكشىلىك ەتۋگە اتتانىسقا كەلتىرۋ ءماجىلىسىن جەكە - جەكە اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋ جونىندەگى شەشىمدەرىن، ورنالاستىرۋلارىن جەتكىزدى، ۇيرەندى، ورتالىقتىڭ ءارقايسى قۋزاۋ - جەتەكشىلىك ەتۋ گرۋپپالارىنىڭ باستىقتارى ەندى ورىستەتىلەتىن قۋزاۋ - جەتەكشىلىك ەتۋ قىزمەتى جونىندە تالاپ قويدى، قۋزاۋ - جەتەكشىلىك ەتۋ جۇرگىزىلەتىن ولكەلەردىڭ (رايون، قالا) پارتكومدارىنداعى نەگىزگى جاۋاپتى جولداستار پوزيتسيا ءبىلدىرىپ، ءسوز سويلەدى.

  ورتالىقتىڭ ءارقايسى قۋزاۋ - جەتەكشىلىك ەتۋ گرۋپپالارى قۋزاۋ - جەتەكشىلىك ەتۋگە اتتانىسقا كەلتىرۋ ماجىلىسىندە مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“ دى بەكەمدەپ، ”ەكىنى قورعاۋ“دى باتىلدىقپەن ورىنداپ، ورتالىقتىڭ قۋزاۋ - جەتەكشىلىك ەتۋ ”الماس قىلىشى“نىڭ قۇدىرەتىن تولىق ساۋلەلەندىرىپ، زاڭ بويىنشا قاتاڭ سوققى بەرۋدى ءجىتى قاداعالاپ، ”باس قالقاسىن قيراتىپ، تورىن تالقانداۋ“دى ءجىتى قاداعالاپ، ”قارجى قاينارىن ءۇزۋ“دى ءجىتى قاداعالاپ، جاۋاپكەرشىلىك ارقالاۋدى ءجىتى قاداعالاپ، قارا كۇشتەردى الاستاۋدا، سۇرقيا كۇشتەردى جويۋدا تاعى ءبىر كەزەك قۇدىرەتتى شايقاس جۇرگىزۋدى ىلگەرىلەتۋ كەرەك.

  ورتالىقتىڭ ءارقايسى قۋزاۋ - جەتەكشىلىك ەتۋ گرۋپپالارى مىنالاردى العا قويدى: نازاردى ساياسي دەڭگەيگە شوعىرلاندىرىپ، جەر - جەردىڭ جاۋاپكەرشىلىك ارقالاۋىن، جاۋاپكەرشىلىكتى ناقتىلاندىرۋىن ىلگەرىلەتىپ، پارمەندى ارەكەت ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك؛ نازاردى دەلولاردى بىتىرۋگە شوعىرلاندىرىپ، جەر - جەردىڭ زاڭ - ساياساتتى قاتاڭ يگەرۋىن ىلگەرىلەتىپ، دەلولاردى زاڭ بويىنشا بىتىرۋدەن جازباي، ءبىر توپ ءىرى، ەلەۋلى دەلولاردى بارلاپ بىتىرۋدەن قامال الىپ، ”باس قالقالارىن“ تەرەڭدەي اشىپ، تۇبەگەيلى تەكسەرىپ، قارا - سۇرقيا كۇشتەردىڭ ەكونوميكالىق نەگىزىن باتىل جويۋ كەرەك؛ نازاردى كەشەندى شارا قولدانۋعا شوعىرلاندىرىپ، جەر - جەردىڭ كەشەندى جونگە سالۋدى، ءتۇپ قاينارىنان جونگە سالۋدى ماڭىزدى ورىنعا قويىپ يگەرۋىن ىلگەرىلەتىپ، قارا - سۇرقيا كۇشتەر ءوسىپ - ونەتىن توپىراقتى كۇش سالا جويۋ كەرەك؛ ارناۋلى كۇرەستى جەتەكشى ەتىپ، جەر - جەردىڭ، قاتىستى تاراۋلاردىڭ “ورنىقتىلىق“ سىندى جالپى جاعدايدى تياناق ەتۋىن ىلگەرىلەتىپ، سول جەردىڭ اماندىعىن، ورنىقتىلىعىن شىن مانىندە جاقسى قورعاۋ كەرەك.

  ۇعىسۋعا قاراعاندا، ورتالىقتىڭ قۋزاۋ - جەتەكشىلىك ەتۋ 11 گرۋپپاسىنىڭ باستىقتىق مىندەتىن ولكە، مينيستر دارەجەلى باسشى كادرلار ۇستىنە الاتىن، ورىنباسار باستىقتىق مىندەتىن مەملەكەتتىك قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپالارىنا مۇشە ورىندارداعى ورىنباسار ولكە، مينيستر دارەجەلى باسشى كادرلار ۇستىنە الاتىن، مۇشەلەرى قاتىستى ورىنداردان سەپتەلەتىن بولعان. قۋزاۋ - جەتەكشىلىك ەتۋ گرۋپپالارى قۋزاۋ - جەتەكشىلىك ەتۋ جۇرگىزىلەتىن ولكەدە (رايون، قالا) جانە شينجياڭ ءوندىرىس - قۇرىلىس بيڭتۋانىندا ءبىر اي قىزمەت ىستەيدى. وسىدان بۇرىن، مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كەڭسەسى اقپارات قۇرالدارى، ينتەرنەت ارقىلى ءارقايسى قۋزاۋ - جەتەكشىلىك ەتۋ گرۋپپالارىنىڭ اشكەرەلەۋ تەلەفونىن، پوچتا ساندىعىن جانە حات ساندىعىن جاريالاپ، وسى جەرلەردەگى قارا - سۇرقيا كۇشتەرگە قاتىستى جاقتارداعى ماسەلەلەر جونىندەگى اشكەرەلەۋدى جانە اڭىستى قابىلدايدى.

  2 -، 3 - كەزەكتى قۋزاۋ - جەتەكشىلىك ەتۋ قىزمەتتەرىن جاقسى ۇيىمداستىرىپ ورىستەتۋ ءۇشىن، 3 - ايدىڭ 27 - كۇنى ورتالىق قارا كۇشتەردى الاستاۋ، سۇرقيا كۇشتەردى جويۋ 2 -، 3 - كەزەكتى قۋزاۋ - جەتەكشىلىك ەتۋ قىزمەتىنىڭ كۋرسى بەيجيڭدە وتكىزىلدى، ورتالىق ساياسي - زاڭ كوميتەتىنىڭ جاۋاپتىسى جۇمىلدىرۋ جيىنىن وتكىزدى، مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كەڭسەسىنىڭ جاۋاپتىسى قۋزاۋ - جەتەكشىلىك ەتۋ قىزمەتىنە ناقتى ورنالاستىرۋ جاسادى. 1 - كەزەكتى قۋزاۋ - جەتەكشىلىك ەتۋگە قاتىناسقان 4 قۋزاۋ - جەتەكشىلىك ەتۋ گرۋپپاسىنىڭ باستىقتارى قۋزاۋ - جەتەكشىلىك ەتۋ تاجىريبەلەرىن تانىستىردى.

    ۇعىسۋعا قاراعاندا، ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 2 - كەزەكتى قۋزاۋ - جەتەكشىلىك ەتۋ قىزمەتى 4 - ايدا باستالعان، 3 - كەزەكتى قۋزاۋ - جەتەكشىلىك ەتۋ قىزمەتى 6 - ايدا باستالادى، 5 - ايدا 1 - كەزەكتى قۋزاۋ - جەتەكشىلىك ەتۋ جۇرگىزىلگەن ولكەلەردە (رايون، قالا) قايتا قاداعالاۋ جۇرگىزىلەدى ەكەن. 2019 - جىلدىڭ الدىڭعى جارتىسىندا ورتالىقتىڭ قارا كۇشتەردى الاستاۋعا، سۇرقيا كۇشتەردى جويۋعا قۋزاۋ - جەتەكشىلىك ەتۋ قىزمەتىمەن نەگىزىنەن جاپپاي قامتۋ جۇزەگە اسىرىلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى