«شينجياڭ ۇيعۇر اۆتونوميالى رايونىنىڭ پوچتا ەرەجەسى»نە وزگەرىس ەنگىزۋ جونىندەگى اقپار جاريالاۋ ءماجىلىسى ءوتتى
قابىلداۋ - جونەلتۋ ءتۇزىمىن قاتايتىپ، جەتكىزۋ حاۋىپسىزدىگىن قامتاماسىز ەتەيىك
ءتىلشى ميھىرگۇل عوپۇر 4 - ايدىڭ 11 - كۇنى ۇرىمجىدەن حابارلايدى. 4 - ايدىڭ 11 - كۇنى وتكىزىلگەن «شينجياڭ ۇيعۇر اۆتونوميالى رايونىنىڭ پوچتا ەرەجەسى»نە وزگەرىس ەنگىزۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايونىنىڭ پوچتا ەرەجەسى» (تومەندە قىسقارتىلىپ «ەرەجە» دەلىنەدى) 2019 - جىلى 1 - ايدىڭ 1 - كۇنىنەن باستاپ رەسمي اتقارىلعان. «ەرەجە» جيىنى 8 تاراۋ، 61 تارماق، جوبا جانە قۇرىلىس، پوچتالىق قىزمەت وتەۋ، جەدەل جەتكىزۋ بويىنشا قىزمەت وتەۋ، باقىلاۋ - باسقارۋ، زاڭدىق جاۋاپكەرشىلىك سياقتى مازمۇنداردى قامتيدى، 2011 - جىلى 7 - ايدىڭ 1 - كۇنىنەن باستاپ اتقارىلعان اۋەلگى «ەرەجە»مەن سالىستىرعاندا، وسى رەت جاڭادان 11 مازمۇن قوسىلعان.
جەتكىزۋ حاۋىپسىزدىگىن قامتاماسىز ەتۋ − وسى رەتكى «ەرەجە»گە وزگەرىس ەنگىزىلگەن ماڭىزدى ءتۇيىن، «ەرەجە»دە ولكەدەن تومەن دارەجەلى پوچتا باسقارۋ قۇرىلىمدارىنىڭ قىزمەت ۇقىعىنىڭ زاڭدا بەلگىلەنۋ ماسەلەسى، سونداي - اق جوعارى دەڭگەيلى زاڭمەن سايكەسۋ ماسەلەسى اناعۇرلىم ايقىندالدى. وسى رەت وزگەرىس ەنگىزىلگەندە ايماقتاردىڭ (وبلىس، قالا)، سونداي - اق مەملەكەتتىك كەڭەستىڭ بەلگىلەمەسى بويىنشا قۇرىلعان اۋدانداردىڭ (قالا) پوچتا باسقارۋ قۇرىلىمدارىنىڭ باستى مىندەت جاۋاپكەرشىلىگى قوسىلىپ، ءوز قاراستىلىعىنداعى ءوڭىردىڭ پوچتا ىستەرىنىڭ دامۋ جوباسىنا، پوچتانىڭ جالپىلىق قىزمەت وتەۋىنە جانە پوچتا بازارىن باقىلاۋ - باسقارۋ قىزمەتىنە جاۋاپتى بولادى. سونىمەن قاتار دامۋ جانە رەفورما، تۇرعىن ءۇي جانە قالا، اۋىل قۇرىلىسى، جاراتىلىستىق بايلىق، قاتىناس - تاسىمال، كەدەن جانە توراپ ينفورماتسياسى سياقتى قاتىستى باستى جاۋاپتى تاراۋلاردىڭ مىندەت جاۋاپكەرشىلىك ءبولىسى بويىنشا پوچتا كاسىبىنىڭ دامۋىن جەبەۋگە قاتىستى قىزمەتتەردى ويداعىداي ىستەۋ كەرەكتىگى دە ايقىندالدى.
«ەرەجە»دە پوچتالىق قىزمەت وتەۋ جانە جەدەل جەتكىزۋ كاسىبىن دامىتۋ مەن حاۋىپسىزدىكتى باسقارۋ، ياعني قابىلداۋدى، جونەلتۋدى تەكسەرۋ ءتۇزىمى، قابىلداۋدا، جونەلتۋدە شىن اتى - جونىمەن تىزىمگە الۋ ءتۇزىمى جانە قابىلدايتىن، جونەلتەتىن زاتتاردى ماشينادان وتكىزىپ حاۋىپسىزدىگىن تەكسەرۋ ءتۇزىمى جونىندە بەلگىلەمە جاسالدى، قابىلداۋدا، جونەلتۋدە شىن اتى - ءجونىن قولدانۋ ءتۇزىمى، قابىلداناتىن، جونەلتىلەتىن زاتتاردىڭ ءىشىن تەكسەرۋ سياقتى جەتكىزۋ ارناسىنىڭ حاۋىپسىزدىگىن باقىلاۋ، باسقارۋداعى جەتەرسىزدىك سياقتى ماسەلەلەرگە قاراتا، «حاۋىپسىزدىكتى قامتاماسىز ەتۋ» ارناۋلى تاراۋى قوسىلدى.
«ەرەجە»دە پوچتا كاسىپورنى، جەدەل جەتكىزۋ كاسىپورنى جەتكىزۋ حاۋىپسىزدىگى مەن ءوندىرىس حاۋىپسىزدىگىنىڭ تۇلعالىق جاۋاپكەرشىلىگىن تياناقتاندىرىپ، حاۋىپسىزدىكتى باسقارۋ قىزمەتكەرلەرىن سەپتەپ، ءتۇرلى حاۋىپسىزدىكتى تەكسەرۋ ءتۇزىمىن ورناتىپ، اقاۋسىزداندىرىپ، بايقالعان ماسەلەلەردى دەر كەزىندە رەتتەۋ، تۇزەتۋ كەرەك دەپ بەلگىلەندى. «ەرەجە»دە مىنالار تالاپ ەتىلدى: كاسىپورىندار پوچتا جولدامالارىن، جەدەل جولدامالاردى قابىلداعاندا، جونەلتكەندە، ىشىندەگى زاتتاردى، ءسوزسىز، بەلگىلەمە بويىنشا تەكسەرۋ ءارى تەكسەرۋ بەلگىسىن قويۋ كەرەك. حاۋىپسىزدىگىن تۇراقتاندىرۋ قيىن بولعان كۇدىكتى زاتتار كەزىككەندە، تۇتىنۋشىدان كۇشكە يە حاۋىپسىزدىك سىپاتىن كورسەتۋدى تالاپ ەتۋ، زات جونەلتۋشى حاۋىپسىزدىك سىپاتىن كورسەتە الماسا، قابىلداۋدان، جونەلتۋدەن باس تارتۋ كەرەك.
«ەرەجە»دە مىنالار بەلگىلەندى: كاسىپورىن پوچتا جولدامالارىن، جەدەل جولدامالاردى قابىلداعاندا، جونەلتكەندە، حات پەن مەملەكەت باسقاداي بەلگىلەمە شىعارعاندارىنان باسقالارىنا تۇگەلدەي شىن اتى - جونىمەن قابىلداۋ، جونەلتۋ ءتۇزىمىن اتقارۋ، زات جونەلتۋشى زات جونەلتۋ جۇمىستارىن بىتىرگەندە پوچتا كاسىپورىنىنا، جەدەل جەتكىزۋ كاسىپورىنىنا كۇشكە يە سالاۋات كۋالىگىن كورسەتۋى، پوچتا كاسىپورنى، جەدەل جەتكىزۋ كاسىپورنى تەكسەرۋ، تىزىمگە الۋ كەرەك.
پوچتا جولدامالارىن، جەدەل جولدامالاردى قابىلداعاندا، جونەلتكەندە شىن اتى - جونىمەن تىزىمگە الۋ − جەتكىزۋ حاۋىپسىزدىگىن قامتاماسىز ەتۋدىڭ ءونىمدى ءتاسىلى. شىن اتى - جونىمەن قابىلداۋ، جونەلتۋ جۇمىسىندا ينفورماتسيالاندىرىپ ءبىر جايلى ەتۋ ءتاسىلى قولمەن تىزىمگە الۋدىڭ ورنىن جەدەل باستى. 2018 - جىلى رايونىمىزدا شىن اتى - جونىمەن قابىلداۋ، جونەلتۋدى ينفورماتسيالاندىرۋ مولشەرى %99تەن اسىپ، مەملەكەت بويىنشا ءبىرىنشى ورىندى يەلەدى. تۇتىنۋشى ينفورماتسياسىن تىزىمگە الدىرۋ ارقىلى سالاۋاتىن كورسەتەتىن بىردەن - ءبىر ديناميكالىق ەكىلىك كودقا يە بولادى، جەدەل جولدامالاردى تاپسىرعاندا، جونەلتكەندە، كاسىپورىننىڭ ەكىلىك كوددى سكانەرلەۋ ارقىلى تۇتىنۋشىنىڭ سالاۋات ينفورماتسياسىنا يە بولىپ، تۇتىنۋشىنىڭ سالاۋات كۋالىگىن قايتا - قايتا كورسەتۋ اۋرەشىلىگىنەن ءونىمدى ساقتانۋعا بولادى، ينفورماتسيانىڭ جايىلۋ قاتەرىن دە ازايتادى.
«ەرەجە»دە مىنالار بەلگىلەندى: پوچتا كاسىپورىنىنىڭ، جەدەل جەتكىزۋ كاسىپورىنىنىڭ تيجارات بارىسىندا يە بولعان مەملەكەت قۇپيالىعىن، ساۋدا قۇپيالىعىن جانە تۇتىنۋشىلاردىڭ جەكە ينفورماتسيالارىن جايۋىنا بولمايدى. پوچتا كاسىپورنى، جەدەل جەتكىزۋ كاسىپورنى جەدەل جەتكىزۋ تاسىمال حۇجاتىن جانە ەلەكتروندىق ساندى مالىمەت ارحيۆىن باسقارۋ ءتۇزىمىن ورناتىپ، ءونىمدى تەحنيكالىق شارالاردان پايدالانىپ، تۇتىنۋشىلار ينفورماتسياسىنىڭ حاۋىپسىزدىگىنە كەپىلدىك ەتۋ كەرەك. تۇتىنۋشىلاردىڭ جەكە ينفورماتسيالارىن بەلگىلەمەگە قيعاشتىق جاساپ جاريالاعان كاسىپورىندار جانە وسى كاسىپپپەن شۇعىلدانۋشىلار زاڭ بويىنشا قاتاڭ جازالانادى.
